رد : زوجي سافر ومصر يحبسني بالبيت
 

رهام بما انه زوجك يحب يسوي شخصية قدام أهلة على حسابك
ليش طلبتي من أمة تكلمة ؟!؟!؟!؟!؟

انتي جربتي طريقة انه لما يتطاول عليكي عند أهلة
ترجعين البيت وتسوين مشاكل
ايش استفدتي؟!،!؟
ليش ماتجربين طريقة ثانية
انا صراحة شفت زوجة خالي
خالي شخصيتة قريبة من شخصية زوجك
يعني يحب يسافر مع امي ويجلس عندنا كثير
وكان يتطاول على زوجتة قدامنا
انا صراحة ما احب الحركات هذي
وكلمت امي تكلمة
بس امي تقول بكيفة هو زوجتة يتفاهمون
ومرة انا كلمتة قال هي اصلا حمارة ماتفهم !!!
يا ملافظ السعد

المهم ادري تبغين الزبدة ههههههههه
هي تغيرت صار اذا هاوشها
تقولة كلام عسل
تقول لاتحرق دمك ياعيني
كلش ولا زعلك يالغالي
وتسب نفسها
تقول انا غبية اللي ضيقت صدرك
وبصراحة خالي تغير معاها
صار يحبها اكثر
وصراحة ما ادري السبب هو اسلوبها
ولا في شي استجد في حياتهم
بس انا كنت اشوف وجه خالي لما ينحرج منها

بس من ناحية السفر الاسبوعي كأنك تتكلمين عن خالي
كنت اسافر معاه كل اسبوع يحب الوناسة
بس لما تزوجت زوجي مره يغار من خالي
وعلاقتنا صارت شبه معدومة

وربي يوفقك ياقمر

رد : زوجي سافر ومصر يحبسني بالبيت
 

ماجربت هالحل ويمكن ماراح اجربه هههههه لاني ماعرف احد يسبني ويهينني وارجع امدحه حاولت اكثر من مره ماقدرت قدام اهله ماأرد عليه بس بيني وبينه لو سب اتكلم وارد وادافع عن نفسي....
وخالك يوم كنتي تسافرين معاه اسبوعيا كان متزوج؟؟!!

رد : زوجي سافر ومصر يحبسني بالبيت
 

صعبة يسبك و تقولي انا غبيه

رد : زوجي سافر ومصر يحبسني بالبيت
 

الظاهر لازم الوحدة تتعلم الكارتيه عشان تدافع عن نفسها
ههههههههههههههههههههههههه
المهم
صراحة بعض الأزواج متعبين ويبي لهم طولة بال

رد : زوجي سافر ومصر يحبسني بالبيت
 

ايه حبيبتي كان متزوج
والله انا مو قصدي اقلل من شأنك بس انا ما احب اكون على نفس النمط
من النوع اللي اتلون اجرب كل الحلول لحد ما اوصل للي ابيه
وانتي وكثير من العضوات الله يهديكم ماتبحثون عن الحلول
تكتبون الموضوع للفضفضه فقط
بس ياليت تكتبون جنب العنوان للفضفضه
عشان اعرف اشغل مخي ولا ارد بدعوة حلوة لصاحبة الموضوع
وبالتوفيق حبيبتي وربي يسخر زوجك لك ويصلح ذريتك ومن قال امين

رد : زوجي سافر ومصر يحبسني بالبيت
 

اختي هو قاعد يسوي شخصيه امام اهله

و هو انسان عصبي

و ايش المريح في سفره !!

ما في نتيجه

الاول لازم ما يقضي طلباتها هي و عيالها الا هو

و ثانيا لما يفتكر انه اثبات رجوليته بأنه قهر و زعل زوجته و راح و طنشها و مشى اخواته

خلاص هي و لا تزعل و لا شي خليه هو اللي ينقهر و ينهم من اخواته و هي لا تتضايق

بالعكس تبين انبساطها طالما يخدم اخواته

و بكره بيخدم و بيخدم و بيطفش

لانه ما اثبت شي

و لا رجوليه و لا هم يحزنون !!

هي تأيده في اللي يعمله و لا تتضايق

ما بيحس انها حاكرته !!

و لا مقيدته و بيحس بالملل من الطلبات

كل الرجال يحسون بالملل من طلبات الحريم

بس الظاهر المسأله عنده اثبات بطوليه و انه رجال و و و

و الله اعلم

رد : زوجي سافر ومصر يحبسني بالبيت
 

ربي يفرج همك ويسخرلك زوجك يارب ويصلح مابينك وبين اخواته

رد : زوجي سافر ومصر يحبسني بالبيت
 

الله يعينك ويسخره لك ويصبرررررك

إذا كان زوجك يخاف الله وراعي دين تعالي له من هالجانب

ولا تكثرين كلام معه وجدال ونقاشات قولي له الظلم ظلمات يوم القيامة ووالله إني خايفة عليك

من نتيجة ظلمك لي علشان عيالي أكثر شي

وخليك ع الصامت معه لعل وعسى يحس بتأنيب ضمير تجاهك وتجاه عياله اللي هم أمانة مسؤول عنهم

أمام الله

وماأوصيك بالدعاء بأن ربي يسخره لكم واستودعيه الله وتوكلي على ربك

مابعد الشدة إلا الفرج وكل ماضعفتي وانقهرتي وماألومك تذكري إنه نتيجة صبرك الجنة

الله يعوض صبرك ويسخره ويكون في عونك .

رد : زوجي سافر ومصر يحبسني بالبيت
 

حبيبتي مرام تسلمين على ردك واختي انا ماقصدت اكتب مشكلتي للفضفضه بالعكس قاعده اعمل بنصائح البعض ونصيحتك يمكن تفيد غيري بس انا لا لان اغلب اللي يجيني من زوجي ظلم او اتهام باطل ولازم ادافع عن نفسي ..اتمنى ماتشيلين بقلبك كفايه انك اهتميتي وكتبتي ...الله يوفقك يارب

رد : زوجي سافر ومصر يحبسني بالبيت
 

ريهام حبيت اقول الطلاق مافيه هزل قولي له ثلاث جدهن جد وهزلهن جد وذكر الطلاق
هذا حديث صحيح عن الرسول صلى الله عليه وسلم ..فاذا قال انتي طالق حتى لو مازح يقع..وممكن من كثر مايكثر الطلاق يقع فيه حتى لو مو ناوي .. خوفيه بهذا الحديث .
وبالنسبة للمشكلة الصبر والتطنيش اهم شي يصرف عليكم .. واحتسبي اجر الصبر ..يمكن ترافقين نبيك صلى الله عليه وسلم بالجنة باجر هذا الصبر ..راح تهون عليك المشكلة اذا احتقرتي دنياك