|
رد : عدم اهتمام زوجتي بي يضايقني كثيرا
اقتباس:
والله اني صرت ادعي بسجودي بالصلاة ان الله يشيل هالهم وهالافكار والضيق من صدري من يومين والله انا معاها من اول لحظة للخبر لكن بديت احس بالوحدة خاصة اني شخص عملي جدا ويادوب ابتدت اجازتنا وجانا خبر الوفاه وتغيرت كل الافكار والخطط الي سويناها خلال العام الماضي كل هذا انا مقدره ومقدر وضعها بس ابي منها تسال عني والله الحين 24 ساعه واشوفها كل شوي على الواتساب واقول مابكلمها خلني اشوف تسال هي او ترسل او تتصل بدل مااكون انا الي كل مرة اسأل واتصل ولكن لاحياة لمن تنادي .. ياام مريومي الزوج يريد من زوجته ان يشعر انها تبادله نفس المشاعروالافكار مايبي يكون هو كل شيء وهي بس تنتظر تسمع منه طيب وهو ماله حق عليها ؟ عارف الوقت مو مناسب لكن على الاقل اشعر ان هناك من يهتم لامري ويسال عني عندي اصدقاء واقرباء ولكن مستحيل ينسوني زوجتي وام عيالي .. انا انسان بيتوتي وعلاقاتي محدودة وغيور جدا وهنا المشكلة اني صرت اغار عليها من اهلها حتى واحساسي ان هذا مو طبيعي لكن والله مو بيدي .. هذا اعتبره دليل اني احبها بجنون مع اني مو من النوع الي يحب يجامل وينافق ويتغزل بزوجته لاني قليل الكلام لكن والله قلبي طيب وهي تحبني كذلك لكن هالعيب فيها يضايقني كثيرر ويفتح جرووح بصدري من زماان كل ماحاوولت انساها تدكرني فيها .. والله اني افكر اقطع اجازتي وارجع للدوام عشان هالموضوع يمكن انشغالي يشيل هالافكار من دماغي فعلا ومن الحب ماقتل .. نحن الرجال غريبون فعلا وانا اؤمن بذلك في علاقاتنا وصعب احد يفهمنا .. شكرا لردك ونصيحتك |
رد : عدم اهتمام زوجتي بي يضايقني كثيرا
سلام عليكم
كيف حالك وكيف امورك وش اخبارك ؟ ان شاء الله امورك تمام ؟ وش الجديد والاخبار عندك ؟ وكيف العيال ؟ انا الحمدلله طيب وبخير ومبسوط والامور تمام واليوم جمعة واجازة عارف انك تسألين عن اخباري كل شوي والدليل من امس ماكلمتيني وكالعادة عادت ريما لعادتها القديمة ماعليش على الازعاج المتكرر بس تعرفين اجازة ووقت فراغ وعلى العموم كلها ايام وارجع للعمل وترجع الامور على ماهي عليه ان شاء الله الامور احسن وافضل هذي رسالتي لها قبل شوي |
رد : عدم اهتمام زوجتي بي يضايقني كثيرا
عارف وش مشكلتك ؟؟
والله اني كنت حاسه وقلت لك والحين انت اعترفت انت مو مشكلتك بس مشتاق لها وتبيها واجازه وماسالت عنك مشكلتك انك انت تغااااار من اهلهااا ..يعني تبي تفرح بس معك انت وتحزن بس معك انت وهالشي ترى في كثير من الرجال طبعا كله من وسوسة الشيطان يعني جالس وتجلس تتخيل ..أي الحين هي مستانسه معاهم ولا معبرتني...أي هي الحين تاكل معاهم وانا هنا منطق بروحي ..أي اكيد سهرانين الحين يسولفون وانا لحالي اناظر الجدران ... أي اكيد تشوفني اونلاين ولا تسأل لاني ماهميتها اهم شي اهلها ... واتوقع هالشي مو توه الحين يوم توفى ابوها من اول اذا راحت زياره لهم صح ؟؟ واتوقع اللي مزيد عليك يمكن ماعندك اصحاب كثير ولا اهل تزورهم كثير وهي يمكن اجتماعيه اكثر فيضايقك هالشي انت من يجيك هالشعور اعرف انها مجرد وسوسه ...تذكر الاشياء الحلوه بينكم .. طيب ليه ماتفكر مثلا انك تهئ لها جو اذا رجعت يعني فرصه هي بترجع حززززينه ومكسووره ولاتقول المفروض لا انت سندها وانت زوجها بس هو ابوها قبل لا انت تصير زوجها يعني هي المفروض انها ترجع تشوف فيك الابو والزوج احتضنها عوضها وقل لها مشاعرك واللي حسيت فيك بدون عصبيه وصراخ....يعني لاتكسسسسسسرها مرتييييييييييييييين هي فاقده ابوووووووو افهم هالشي حتى لو الوحده تزوجت يبقى ابوها الابو خيمه وسند وظهر ...خصوصا انك تقول ان اهلها بمدينه ثانيه يعني ماتزورهم على طوول ..لا تصير اناني بعيده عنهم علشانك لما تزوجتك و علشان بيتها وعيالها وتبي تبعدها بهالايام وهي مكسوره ... ترى توه اسبوع ... انا يوم توفت خالتي ظليت 3 شهور احلم فيها ليليا واصيح ليليا لان علاقتنا فيها كانت قووووووووويه بس حزتها ماكنت متزوجه اجل كيف هي ابوهااا ... ارحمها |
رد : عدم اهتمام زوجتي بي يضايقني كثيرا
الله يهداك
ليه ترسل هالرساله مو ناقصه هي ترى عتاب بهالوقت طيب ليه ماترسل لها انك مشتاق وولهان وتبيها والبيت بدونها فاضي عليك ومحتاج لها |
رد : عدم اهتمام زوجتي بي يضايقني كثيرا
اقتباس:
لو ماكنت احبها ما كان سألت عنها ولا فكرت فيها ولاعنيت نفسي لها .. نعم هالشيء من زمان وياما تكلمنا فيه انا وهي ونبهتها عنه بس مافي فايدة .. انا ماابعدتها بالعكس تماما وديتها لاهلها وكل ماتبي عندها لكن الوم فيها تقصيرها المتكرر |
رد : عدم اهتمام زوجتي بي يضايقني كثيرا
لا انت ماتغار عليها والا كان ماقسيت عليها
انت تغار منها وفي فرق انت قلت انك بيتوتي وماتحب تطلع ولا لك اصدقاء كثير وهي شكلها عكسك فهالشي تجيب الغيره عند بعض الرجال فتبيها تعيش معك انت بس ولاتنشغل بغيرك الله يسخركم لبعض و جرب ترسل لها كلام حب وشوق ووله اكيد بيأثر فيها وهذا اللي هي محتاجته الحين مو توبيخ موفقين |
رد : عدم اهتمام زوجتي بي يضايقني كثيرا
والله انك تنرفز
ابوها مات..تقول ابوها مات و انا الحين حي صار اسبوع ..تقول لمتى انتظر شهر شهرين..سنة سنتين شدعوة..الله يرحم ابوها اي نعم غلطان لو تعاتبها في هالوقت اي نعم غلطان لما تقول ابوها مات و انا الحي كأن اللي مات قطة اي نعم انت قلت وسوسة شيطان فتعوذ منه اي نعم متفرغ انك تبي اهتمام في هالوقت العصيب سؤالك الى متى طيب تجلس عند اهلها لا تكتمه و اسألها بشكل مباشر او اخبرها سوف اتيك بعد اسبوع او حسب اتفاقكما |
رد : عدم اهتمام زوجتي بي يضايقني كثيرا
اقتباس:
ماعمرهاصارت والله .. انا اغار عليها نعم ومن اقرب الناس لها نعم .. طيب واذا كنت بيتوتي وابي زوجتي تعيش معي انا ولاتنشغل بغيري وين المشكلة ؟ التوبيخ على جزئية معينه هي عارفاها وتحاول تتجنبها .. لانها عارفه تقصيرها تجاهي |
رد : عدم اهتمام زوجتي بي يضايقني كثيرا
اقتباس:
يكفيني اشعر ان احد يبادلني نفس الشعور الي اعطيه سؤالي مالقيت له اجابة عشان كذا سألت هنا ومع اني سألتها قالت تبي تجلس مع اهلها كمان ولفترة غير محددة .. |
رد : عدم اهتمام زوجتي بي يضايقني كثيرا
هل انت من النوع اللي يتكلم معها كثير و يفضفض
و تستمع لها و هي ترتاح بالحديث مع نفسها معك؟؟ |
| الساعة الآن 12:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©