رد : خطيبي واختلافنا في تحضيرات الزواج
 

حبايبي انا ما مشيت كلامي ابدا عليه بس هذا شيء من حقي
هو فكرة الزواج انه اشهار للناس وتتجمع وتتعشى وبس طيب المفروض يكون حلو عشان بكرة نشوف شريط الزواج وتكون ذكريات حلوة بعدين مو من حقي انبسط بليلة عرسي واكون زي الملكة هو حرمني منها الفرحة يوم قال ما راح ادخل مشيتها اما لا كوشة ولا اي اهتمام في العرس اخواتي بالله مو عيب يخلي زوجته تتسلف عشان تزبط عرسها انا المهر يلا يا دوب كفاني وهذي 50 الف وفي حاجات برضه ما اشتريتها كلمت امي واخواتي على اساس نجيب الكوشة والناقص من فلوسنا كلهم زعلو قالو كلنا تزوجنا وازواجنا ما خلونا نحط ريال في عرسنا وشوفو اخواتي كلهم تزوجو واعراسهم كانت خيالية رغم ان ازواجهم اقل مادية من زوجي زوجي ابدا مو محترمني ولا مقدرني ولا يباني افرح بليلة عمري يعني لا زواج زي الناس ولا شهر عسل والله حرام عليه والله انا ماني مادية بس مقهورة اي وحدة تبي زواجها حلو ليش كذا

رد : خطيبي واختلافنا في تحضيرات الزواج
 

عندنا بالمدينة و مكة و جدة على اهل العروسة

الرجل يستأجر قاعة شاملة بمبلغ و قدره و تكون شاملة لكل شيء ومنها الكوشة
فلا تخربي على نفسك بسبب شيء ما يستاهل

الأغلبية هنا رأيهم متقارب فخذي برأيهم

رد : خطيبي واختلافنا في تحضيرات الزواج
 

الله يلهمني الصبر الله يجزاكم خير ما تقصرون مالي الا الصبر الايام تمشي وبشوف زواجي الخرافي الي مفكر فيه زوجي

رد : خطيبي واختلافنا في تحضيرات الزواج
 

أختي ايش الفايدة من هذا كله صدقينا اهم شي التوفيق شفنا ناس كثيرة زواجاتهم بالملايين وآخرتها مافيه توفيق.
ركزي في هذا الشهر الفضيل على الدعاء بالتوفيق وهي ليلة وتعدي والناس راحوا يتكلمون على الفاضي خليك واثقة من نفسك. وزوجك ماشاءالله عاقل ونظرته واقعية والله يوفقكم.

رد : خطيبي واختلافنا في تحضيرات الزواج
 

عزيزتي ، بامكانك تدبير تكلفة الكوشة بنفسك ثم بعد الزواج اخذها منه
على انها دين قد استدنتيه لاكمال بعض الامور الناقصة من جهازك ..

اما السفر فلا باس ان اجلتيه لما بعد الزواج حيث تستطعين اقناعه بالفكرة
من اساسها وتختارون سويا الدولة التي ستسافرون اليها ..

المهم ان لاتفرطي بعلاقتكما ..

رد : خطيبي واختلافنا في تحضيرات الزواج
 

ريمو حبيبتي
انت عايش حالة من عدم الرضا وعدم القناعة بسبب المقااااااارنات
وكل تفكيرك حقي وحقوقي،
طيب مو من حق زوجك يصرف قروشه في الشي اللي هو شايفه مناسب،،هذه القروش ماجات سهل ياريمو هذه جاية بعد تعب وشقاء،،
اللي انت شايفته ضروروي هو شايفه مو ضروري ولا يستحق،،
قدري تفكيره وقدري وجهة نظره،
ريمو تغيير قناعات اﻵخرين شي مو سهل،

بعدين إنت من جدك ماشاء الله 50 الف ماكفتك؟ واشياء ماشريتتيها؟
ليش ياريمو ؟
تعلمي من زوجك التخطيط والتدبير.

رد : خطيبي واختلافنا في تحضيرات الزواج
 

أول شي ألف مبروك حبيبتي والله يتمم لك على خير

أنا أبي أكون صريحة معك ويمكن أكون قاسية بس والله لأن أحس أنك أخت لي وصدق النصيحة واجب علي

شوفي حبيبتي زوجك يحبك ويبي يسعدك بس مقياس السعادة عنده يختلف عنك .. هو ينظر لبعيد .. مايفكر مثلك في ليلة من اربع ساعات وتنتهي .. يسعدك لما تطلبي شي منه لما تكوني في بيته ويقولك ابشري من عيوني لان عنده قدرة واستطاعة مو يقولك من فين لي راتبي يروح في ديون الزواج .. وانتي لازم تساعدينه في هالشي .. بالعكس انتي محظوظة بزوجك وطريقة تفكيره .. وبالنهاية ترى الزواج في وجه زوجك..لاتخسرين زوجك عشان مظاهر .. خلي عقلك كبير عشان تكبرين في نظره..والحياة ترى أكبر من ما تتخيلين .. والله أعرف ناس ضباط ودكاتره ومهندسين وزواجاتهم ماتكلف 20الف بالعشاء والقاعة وكل شي .. لا ومهورهم20الف بعد وماشاءالله عندهم خير واملاك وعماير لانهم مافكرو في كم ساعة لا فكرو في الحياة الجاية..ماعليك من كلام الناس الزم ما عليك زوجك .. أكبري في نظره الحين واوقفي بجنبه وادعميه عشان تكوني كل شي بحياته مستقبلا..ارسلي رسالة لزوجك وقولي له ابشر ياولد عمي باللي تامر فيه كل شي يرضيك راح يصير.. واذا لازم من الكوشة وش فيها لو صلحتيها انتي مساعدة لزوجك .. الله يسعدك ويوفقك .. نصيحتي لك لاتلتفتي لتوافه الامور .. زوجك عقله كبير ويبيك مثله تكبرين عقلك وتحترمينه .. بكرة تعيشون حياتكم سعداء وتنجبون اطفال راح تضحكين على هالكلام اللي قلتيه في هالمشكلة وراح تعرفين ان الحياة أكبر من كوشة أو سفر .. والله ان في بنات يتمنون مثل زوجك حتى بدون مهر ولاقاعة ولاشي .. واذا ماتعرفين في بنات مستعدين يتحملون كل التكاليف بس تلاقي انسان طيب اخلاق مثل زوجك .. فكري في كلامي وبالتوفيق..

رد : خطيبي واختلافنا في تحضيرات الزواج
 

رد : خطيبي واختلافنا في تحضيرات الزواج
 

انا الحين ما اشوف الخلاف المادي اشوف في خلاف فكري
كيفكم مع بعض متوافقين ام مختلفين في معظم الامور ؟؟؟؟؟؟؟؟؟

رد : خطيبي واختلافنا في تحضيرات الزواج
 

الله لا يحرمكم الاجر كلامكم نفعني كثيير بس تعرفو الوحدة تبى تفرح مثلها مثل اي عروسة بس شكلي بتنازل وبمشي الامور وبخليه يمشي الامور بكيفه عاد مالي الا كذا من جد وش فايدة عرس خيالي في الاخير زواج فاشل ع الاقل زوجي واثق فيه في امور كثيرة
لا يا كوكي بس الي في الموضوع الباقي حلوين فيه