|
رد : اخوي ضربني !
ياحبيبتي انتي،،
بكيت من كلامك، اخوك اررعن ومتسلط،، وفاهم القوامه غلط،، وهالامرر تفاقم معاه. لأنه من زمان،، لازم يتوقف عند حده،، لا تسمحين له ابدا يضربك لك شخصيتك وذاتك،، الله يكف أذااه عنكم ياارب.. لي عوووده، |
رد : اخوي ضربني !
اقتباس:
سبحان الله احداث عجيبه يضربني ويحبسني وبنفس الوقت ابوي يصير جواله مغلق وبنفس الوقت عمي انمسح رقمه من جوالي ! وكل الناس اللي ارسلت لهم ابغى رقم عمي محد رد علي من امس ! خلاص قررت اكلم اكثر من واحد من اعمامي مره زودها وما ب اتبع نصيحه ابوي اني اكلم شخص واحد فقط والحين الحمدلله ارسلت لعمي مسج بقول له يجي البيت هو وعماني ويتفاهمون معاه ! اختي تقول خل نخلي له البيت ونروح من وراه الحين عند خوالي عشان ينهبل اكثر قلت لا خلينا ف بيتنا مرتاحين و مكرمين و بيعتذر ان شاء الله |
رد : اخوي ضربني !
والله ماقريت كل موضوعك لانشغالي ..
لكن المني ماصابك ،، واضح انه تعوذ وتطبع ، ويشوف تصرفه عادي ان الاخ يضرب اخته ،،!! وقد يكون فوق هذا يغار من شخصيتك ،، ولا تطلعون من بيتكم مثل ماقلتي خلي عمك يتفاهم معاه ،، قلبي معك الله يحفظك انتي واختك من كل مكروه .. وحاولي من بعدها ماتقعدون معاه لوحدكم واهلكم مسافرين ،، |
رد : اخوي ضربني !
اقتباس:
و ابي اعرف ايش الافضل اتواصل مع حقوق الانسان او الشرطة لانه واضح ناوي لنا نيه ولازم اخذ كل احتياطاتي ، احس اني عايشه مع وحش ! طول الوقت مقفله على نفسي الباب واذا طلعت و تخيلت اي صوت اخاف يكون هو واجري اقفل على نفسي ما ابغى احتك فيه لانه جرررررررررررررررررحني طيب شوفي المستجدات نظفت البيت ومشيت على كلامك انتي و ابوي وجا يقول ما عجبني التنظيف وما بطلعكم مكان واحنا نبغى المستشفى ورفض يعطينا فلوس نطلب اغراض للبيت ناقصه من البقاله شوفي والله لما قلتي لاتطلعين مشاوير الا للضروره انا حياتي كلها تعودت فيها اطلع اكثر من مشوار باليوم الواحد مو لاني انسانه ماعندي سالفه او ابي اهرب من البيت او مثلا ما وراي اهل- بس من دخلت الجامعه وانا ادرس الصباح و احضر دورات المسا ومحاضرات وعندي حلقه لتحفيظ القرآن انا اديرها وهذا نمطي واهلي عارفينه و بالعكس مشجعيني وحاليا توظفت وصرت اشتغل الصباح و ادرس العصر و احضر محاضرات المغرب والعشاء ومرات اروح بيوت صديقاتي ( اعرفهم من سنين واهلي يعرفوهم ) او اروح آصل رحمي كل جمعه خوالي او اعمامي الحين اعمامي فقدوني يقولون وينك كنت اروح دايم مع ابوي اسلم عليهم نادر اطلع اتمشى او اتسوق جدا نادرررر انا فعلا طلعاتي كثيره بس كلها برضى ابوي وتشجيعه وكلها اشياء احاول انها تقربني من الله او تطورني او اخدم فيها ديني مدري ليش يبغى يدفنني كذا ! طيب الحين سكت على المشاوير طيب لما عماني اليوم فقدوني وكلموه ع الواتس ليش النحاسه والنذاله ليش ما يرد يقول انا منعتها ؟ ليه ما وداني عندهم ؟ وليش امس ما وداني عند ناس من جماعتنا و يصيرون جيراننا بعد وبيتهم جمب بيتنا اقول له ع الأقل خليني اروح حتى لو ماتوصلني ويقرا كلامي بالواتس ويطنش !! و الحرمه دقت على آمي وهي مسافره تقول لها بنتك لازم تجينا وامي قالت لي روحي وهو متحلف فيني لو طلعت طيب المستشفى ليش مو راضي يودي اختي اليوم ؟؟ - كيف بدون استفزاز ؟ احس مو قادره افهمه احس مستفز من نفسه خلقه يعني للحين ما عرفت السبب الحقيقي ليش ضربني مره يقول ما نظفتي بسرعه ومره يقول ما نظفتي زين ومره يقول انا حاقد عليك من زمان ومره يقول انتي مزعله امي ( وامي انا من سنه واكثر صار بيني وبينها موقف عادي وهي اشتكت له وانتهى الموقف عادي رجعت علاقتنا ) ومره يقول انتي قويه بكسرك و انتي قدرتي على ابوي لانه مسكين ! - محد سحب البساط من تحته لانه ماعندي اخوان كبار هو الوحيد اللي اكبر مني : ( و اصحابه ما اتوقع يحشون دماغه لانه اساسا ماعنده صداقات حقيقيه كل يوم يتمشى مع احد جديد ! من النوع اللي راعي علاقات واسعة بس بدون شخص محدد وكلهم اشخاص مناظرهم ما تريح انا احس فيه احساس بالنقص كبيررررررررر وفيه تعجرف وتجبر لانه امس كان يقول انا انسان مثالي وكل الناس يحبوني انتي بس ابوي يحبك وانتي لاعبه عليه مسكين !! كلامه وربي جرحني و بكاني |
رد : اخوي ضربني !
اقتباس:
لانه يقول ( الرجال قوامون على النساء ) وربي عطاني الحق اضربك مرات احسه يغار مني بس اللي متأكده منه انه يغار من اي ( رجل بمحيطه ) يحسونه الناس افضل منه لانه دايم يحكي لي مواقف عن ابناء اقاربنا انه مثلا فلان شرى سياره فخمه وحلوه بس عمرها ماراح تجي ربع سيارتي حتى لو سيارتي ارخص بس هو حمار ما يعرف يختار ويكفي انه فاشل ( قيسي على هالشي على كل الرجال اللي حولنا حتى اللي يتقدمون لي يغار منهم مثلا مره قلت له فلان يشتغل بهذيك الشركه العالمية قام يسبه ويقول اتحدا اساسا مو اي احد يدخلها والله انه كذاب ) بصراحه انا ناويه العكس اني بكل مره اكون حابه اقعد فيها في البيت ب اقعد لانه يظل بيت اهلي و مالي مكان غيره وهو اللي لازم يتعلم ما يمد يده - تراني اكتب وانا جدا منفعله ومتوتره !! : ( |
رد : اخوي ضربني !
اقتباس:
كنت مو معطيتها اهتمام ( ربما قد يسمع كلام جارح من الاقارب ) الا يسمع و كثيررررررر وبحضوري هالشي صار اكثر من مره من جدتي ، من خوالي يقولون له بالصريح ( انت ماتستحي اختك دخلت بعدك الجامعه وتخرجت وتوظفت قبلك وانت للحين ما ساعدت ابوك ولا توظفت ) لاني انا دخلت وتخرجت بدون رسوب وبمعدل عالي هو تخرج بعد 8 سنوات - وابوي كان هذيك الفتره مديون ! بس مدري اذا في احد عايره على شي ثاني وقارنه فيني غير موضوع الدراسه والوظيفه ، ممكن ! والله ما ادري يا اخوي : ( احس اني مو قادره افكر الحين زين منفعله و متوتره بس اللي متأكده منه انه شخصيتي تستفززززززه كثير ! رغم انه يغلط علي كثير و كل افعالي هي رد فعل لأخطائه يعني زي مره مدري بإيش هددني قلت له والله ماتقدر قال محسبه نفسك ملكه ولا أميره ليش شايفه نفسك اميره علي وخلاص مسكها علي ! - و زي ماقلت سابقا اي تصرف اتصرفه يبدا يحطه تحت المجهر و يكبر و يقيس عليه رغم ان اغلب افعالي هي ردود افعال فقط لإستفزازته - |
رد : اخوي ضربني !
اقتباس:
متأكده بتعب نفسيا لاني ما اتحمل الضغط النفسي والنكد والقلق لا صراحه ما اضمن ما يدخل علي احد ما اضمن اي شي لانه برمضان كان يقول لي بجيب شيشه و دخان وندخن انا وياك قلت له والله ان سويتها بعلم ابوي هههههه يا الله ع سالفة الزواج : ( كم تكلمنا فيها ، يمكن له سنه من صرنا نحتك ف بعض وهو دايم يجرحني بكلمة : محد بيرضى فيك وقبل اسبوع يقول لي مره ثانيه لو تقدم لك احد بسأل عنه اذا يمد يده بوافق لانه هذا اللي يبي لك ( بكاني كلامه ، انا ما اصدق كلامه بس يجرحني انه احد يقول عني هالشي حتى لو كذب ، حتى لو مو مقتنعه انا بس يظل يجرح ) امس انفجرت وقلت له اجل انا ايش اقول عنك تخيل اروح اخطب لك واقول لها ترا اخوي مد يده علي كثير و قذفني بشرفي ويضربني ع اسباب تافهه و ما يغار ولما نطلع مكان او نسافر يخليني انا اشيل الاغراض و الفلوس يقول النص بالنص قلت له والله مافي بنت عاقله بترضى فيك - رجع مره ثانيه يهدد ويزمجر اليوم : ( خليني اشوف ايش بيصير مع عماني بجيبهم اليوم للبيت و ربك يفرجها |
رد : اخوي ضربني !
اقتباس:
لا خلاص ماعاد افكر اروح معاه : ( |
رد : اخوي ضربني !
اقتباس:
اممم انا احسه ما يغار + نقص وعي بالدين + حب سيطره وفرض رأي صح كلامك بالنسبه لكلمة انا رجال جدا تستفزه اي كلمه متعلقه بمفهوم الرجوله وهذا ضعف شخصيه ترك الباب مفتوح يعتبر بعد عدم غيره انه ما يغار انه اخته يدخلون عليها رجال غرباء حسيت مو هامه الموضوع وما اعتقد ابوي له دخل لان هذي اشياء بالفطره وبديهيه ان اختك يدخلون عليها رجال تصير تخاف انت وتقفل الباب ع الاقل ع الاقل لو مو خوف علي ، خوفا على البيت هو ماقال اصرفي علي بس قال امالي عليك ب موضوع الابتعاث واحس مافيها شي كلمته احس اني صرت محلله نفسيه : ( هو اصدقاءه فعلا رفقاء سوء بس ما اتوقع ياخذ منهم الحل لانه ماعنده صداقات محدده ! انا مو حابه اجلس اكتب عن سيئاته لانها والله تجرحني انها ف اخوي اللي تمنيته افضل من كذا ولا تفكرني مو عارفه ( اعرف انه مو رجال ، واساسا حتى لو كنت احسه رجال سابقا ف الحين طاح من عيني بهالتصرفات بالذات انها ما تتناسب مع عمره ) لا وييين خالي ! خوالي لهم التزاماتهم و عوائلهم محد فاضي لي و الزواج ( ربك كريم ، انا حاطه كل آمالي في الله سبحانه وتعالى انه يفرجها علي من جميع النواحي ) |
رد : اخوي ضربني !
اقتباس:
اساسا من قبل مشاكلي معاه بهالإجازه وانا كان هالموضوع مأرقني ( خوفي على ديني معاه ) |
| الساعة الآن 09:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©