|
رد : هل وضعي المادي يساعدني للزواج
اقتباس:
تتوجه لأحد البنوك وتطلب تمويل وتقسطه على سنتين تقريبا على راتبك يعطوك من 45000 - 47000 وتجمع 2000 من الراتب لنفس المدة اللي ب تقسط فيها التمويل (سنتين ) تقريبا يصير معك مع القرض اللي اخذته 90000 ومع قرض الزواج 60000 يصير معك تقريبا 150 الف ( هذا بعد سنتين) او خلي سنه تعدي على قرض البنك وقتها اخطب وخذ قرض الزواج 60000 وخلي الزواج بعد السنه الثانية وبتستفيد انك تعرفت على خطيبتك بشكل جيد وانهيت قرض البنك ويبقى من راتبك 4000 بعد قسط قرض الزواج والايجار الشهري ب هاذي الطريقة انت ترتاح من التفكير تجيك مساعدات او لا |
رد : هل وضعي المادي يساعدني للزواج
اخي الكريم انصحك بالزواج فهذا الزمن زمن الفتن عف نفسك اخي والله ان من اراد ان يذهب في طريق الله سبحانه وتعالي لن ينساه رب العالمين بل سوف يسهل لك انشاء الله واذا كان الراتب ما يكفي اشتغل شغل تاني او انتظر حتي لا تبقي عليك قروض وتزوج الله يوفقك اخي في الله
|
رد : هل وضعي المادي يساعدني للزواج
-
توظف وظيفة ثانية وتزيد دخلك |
رد : هل وضعي المادي يساعدني للزواج
اقتباس:
اخوي بينه وبين اصحابه الي يتزوج يقدمون له هدية تصل الى مية الف اخوي كان يعطي الهدايا بزواجات اصحابه ويبالغ المفاجئه كانت بزواجه جاته من اصحابه 190 الف وهدايا عينيه غير هديته من ابوي واخواني واعمامي وخوالي والانساب يعني اخوي رفض كل الي حضر بزواجه من هدايا الا اصحابه والي ذكرتهم فوق وجاه مبلغ فوق المتوقع باضعاف اذا اخينا من الناس الي يحضر بالزواجات ويعطي الهدايا اكيد الناس بترد الجمييل واذا اخينا من النوع الي مايحضر وساحب مستحيل احد يقدم له لاتورط نفسسك اذا انت مو من النوع الي تحضر وتعطي على قولتهم مد يمينك ؟؟ |
رد : هل وضعي المادي يساعدني للزواج
اقتباس:
أختي مو كل اصابعك سوء العانية المتعارف عليها لدى عامة الناس اهداء خروف أو الف ريال والبعض ربما يعطي 5 الالف أو فرن أو ثلاجة اي بعض الامور البسيطة ... الاعتماد القائم على حسبة العانيات خطأ كبير لان الامر قائم على شيء ليس في اليد اي كالسراب بالنسبة لضمان أو العطشان |
رد : هل وضعي المادي يساعدني للزواج
ردي لبعض المعلقين
المجتمع تغير ..اعداد الموظفات بازدياد المرآه صارت تشتغل…لانها تبغى تشتغل تدور الآمان المادي لنفسها بمعنى مو معناته انها تشتغل ..انها تدفع ثمن خروجها من البيت للرجل كمساعده ماديه الوضع الحالي ..المرآه صارت (سوبر ومن ) ..زوجه وام وامراه عامله ومو مقصره من اي ناحيه ..عشان تغطي النقص هذا ماديا كمساعده للرجل ( بعض الرجال اخترع تبرير بان المرآه اساسا ربة منزل وكونها تخرج من البيت تنازل من جهته .. عشان ياخذ المال (آتاوة) من زوجته) .. مالها حق لها والنفقه واجبه على الزوج ان كانت تبغى تعطي من مالها …فجزاها الله خير…وان كانت ما تبغى ما عليها ملامه ردي لك انتظر لين تتخلص من القرض .. المبلغ ما يكفي .. الا اذا الوالد حيدعمك شهريا ..طبعا احتمال مو وارد ..البنت لما تتزوج ..بالذات في بدايه الزواج تبغى تتدلل ماديا .. هدايا ..مشاوير ..فما بالك اذا لقت ان الماده بالقوه تكفي الاساسيات حتكون محبطه .. وممكن الموضوع ينقلب عليك بالنهايه لا تدور وحده موظفه اذا كان هدفك انها تساعدك ماديا والله يوفقك للخير |
رد : هل وضعي المادي يساعدني للزواج
اقتباس:
لازم تتساعد مع الزوج، بالعكس هذا شي حلو,, انا ما اقول تعطيه راتبها. الافضل انه تقلل من المهر ولا تتطلب كثير.. لأنها موظفة.. وبرضو راتبها يجلس لها لكن في حال احتاجو او صار شي. يكون هي عندها فلوس.. هذا المقصد .. وبعدين نحن لما نبي موظفة نقصد اننا نفتك من مصاريفها الزايدة.. ونصرف على الملزومين فيه فقط |
رد : هل وضعي المادي يساعدني للزواج
اقتباس:
الله اكبر حتى المهر للموظفة يصير أقل! ياساتر مشكلة المهر اذا قل زهدتوا بالبنت وكانها برسم البيع.. لاتقول لا هذا واقع شفته كثير يصير سهل يتخلص منها لانه ماتكلف.. التكاليف مثل الحرق يلسع كل ما لمسته.. قهر إنها تشتغل عشان تدلل نفسها وتستقل وتلاقي الزوج شال يده من كل شي! هذي امتيازات للعطالة صارت! معناته حتى المصاريف الزايدة بتتكفلون فيها بالنسبة للعاطلة :) "ما احب اجملها واسميها ربة بيت" |
رد : هل وضعي المادي يساعدني للزواج
اقتباس:
الشيء الثاني انتي تسميها عاطلة براحتك. لكن تربية العيال وشغل البيت هو الوظيفة الي تتمناها كثييير من البنات.. واذا كان عندك الوظيفة اهم من العيال والزوج.. فانت على خطأ .... والمصاريف الزايدة نقصد فيها الي مالها حاجة لها.. حنا نصرف بالملزومين عليه مع شوية دلع .. لكن عشر فساتين سهرة خلال كم شهر .. واطقم عطور بشهر واحد معصي ! اشتري من راتبك عزيزتي. |
رد : هل وضعي المادي يساعدني للزواج
اقتباس:
لم اقل ان الوظيفة اهم من العيال والزوج.. المقارنة غلط بس برضو الوظيفة يستحيل الاستغناء عنها.. اللي اشوفه على رجال هاليومين.. حتى المصرف الاساسي شايلين اياديهم منه.. مانتكلم على فستان او فستانين واطقم عطور |
| الساعة الآن 09:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©