|
رد : لماذا لا تنسى المرأه
اقتباس:
عايزين مانركزش فى كفران العشير عشان دى قصه تانيه انما انا سؤالى لماذا لا تنسى المراه ولاكون دقيق لا تنسى الاسيه .. ممكن لو قلت افتكريلى حاجه حلوه وماافتكرتش يبقى كفران عشير .. ماعلينا .. ده القاتل لما بيقتل ويتسجن ويخرج مش بييجو يعاقبوه تانى على القتل لو ارتكب اى جريمه اخرى لا تزر وازرة وزر اخرى .. عشان نبعد عن حاله بعينها نحن نناقش لماذا لا تنسى المراه الاسيه وكيفية التغلب على هذا العيب .. اللى قال مايكررهاش طيب هو مغسل وضامن جنه .. ثم هى ياجماعه ماهى كتلة عيوب .. ليه تشوف القشه اللى فى عين غيرها وماتشوفش العصايه اللى فى عينها .. طبيعة المراه ماتنساش ماشى انما تفرمل نفسها شويه مش فى كل خلاف نفتحله ماسورة البكابورت |
رد : لماذا لا تنسى المرأه
اقتباس:
لا قولى مهره كلامك معايا درر لا امل منه حتى ولو لم نتفق .. حالتين عدم النسيان غير مبررتين .. لم تعد تحب.. فتشيله من دماغها خالص وتقعد بلقمتها لان العتب على قدر المحبه اما الاذى اكبر من ان تنساه فهذا هو مربط الفرس .. من له الحق فى تقييم الخطأ والحكم عليه بانه لا ينسى .. لماذا تنفرد هى بتقييم الخطأ حتى ولو كان تقييما جائرا .. وماذا عن الصفح والعفو لماذا صفحت وعفت.. والا كانت تجعل الصفح مشروطا .. ولماذا لا يخزن الرجل كما تخزن رغم انها ممكن تكون عامله مصايب وشوفى اللى مراته خانته ولا يزال يريدها ويتذلل لها عشان ترجع .. لماذا انتم مختلفون .. وبلاش نغمة العاطفيين لان فيه منهم كجلمود صخر .. اخيرا لم اتطرق لحقد ولا تربص فاعتقد لو وصلت لهذه الحاله فتسيبه احسن .. شكرا مهره وابقى قريبا لا تبعدى |
رد : لماذا لا تنسى المرأه
اقتباس:
اقتباس:
شكرا ابغى حل شكرا ميس ميس ماتخافيش حاييجى وقت وتفتكرى كل اللى فات الا لو كنتى من الملايكه مش البنى آدميين |
رد : لماذا لا تنسى المرأه
اقتباس:
شكرا على مرورك اختى |
رد : لماذا لا تنسى المرأه
اقتباس:
يااحلام مستغانمى انت .. انتى جبتى الكلام ده منين المراه لا تنسى اول رجل جرحها ولا لا تنسى اول جرح من الرجل ؟ اما الرجل .. طيب انتى ايش عرفك .. هو انا مش راجل .. يابنتى الرجل تمر بحياته نساء كثيرات ولاينساهم ابدا اما لم يحصل عليها محتاجه تفسير اكتر .. شكرا حينما .. |
رد : لماذا لا تنسى المرأه
اقتباس:
طيب يا سيدي .. بلاش نغمة العاطفيين ;) بس خلينا نحاول نفهم الدافع. شوف أنا مش هاطلب منك تسألها: ما دام شايله في نفسك ده كله ما بتسبينيش ليه؟ .. لأنك قلت مرة إنك مستمر من باب تحمل المسؤولية وشعورك بالالتزام .. وبالتالي هي كمان يمكن تكون مستمرة لنفس السبب. بس يعني انت فاكر إنها حتى لو كانت مستمرة من باب المصلحة العليا ومصلحة الأسرة فده أمر بسيط؟ إنك تعيش حياة مش شايف إنها حلوة ورغم ذلك مضطر أنك تستمر فيها؟ إنك تشوف سنين عمرك بتضيع مع شخص عارف أو على الأقل حاسس إنك مالكش في قلبه ولو شوية حب؟ هتقول لي: طيب ما انا مستحمل وساكت .. لا باجرح ولا باوجع ولا بارمي كلام زي الطوب. مش هقول لك: الست حاجة تانية .. ولا هقول لك إنها حساسة حبة ولا عاطفية حبتين .. لأني أعتقد أن الراجل والست عندهم إحساس ومشاعر زي بعض .... ولا هقول لك إن الراجل عنده منافذ ممكن يخفف بيها على نفسه بشكل أكبر .. رغم إن ده صحيح .... ولا حتى هقول لك إن وطأة الطلاق على الست أقوى بكتير من وطأته على الراجل .. رغم إن ده صحيح برضو .... لكن هقول إن كل الناس بتختلف يا خالو في ردود أفعالها والكيفية اللي بتتعامل بيها مع الضغوط والآلام والخذلان .. ويمكن الجعجعة دي هي اللي مصبراها ومخلياها قادرة تكمل. مش قصدي خالص إن تصرفها صح .. ولكن يمكن هي شايفة إن دي الوسيلة اللي ممكن تخفف عنها .. زي اللي لما تتنرفز تروح المطبخ تكسر الطقم الصيني اللي جايبهولها بالشيء الفلاني ... فبدل ما تكتم في نفسها وتفرقع من جواها .. تقوم تفرقع في الكل. |
رد : لماذا لا تنسى المرأه
اقتباس:
ياسبحان الله ..معقول فيه ناس كده .. مش قادر اعقب الا بشئ واحد فقط يجعله فى ميزان حسناتك ويارب يارب يحبب فيكى خلقه ويحنن قلب ابو سلطان عليكى مهره .. قولى آمين |
رد : لماذا لا تنسى المرأه
هوة فيه حد تجاهل ردي ولا انا بتوهم :(
|
رد : لماذا لا تنسى المرأه
اقتباس:
انا لا اكره النساء واغلب اصدقائى نساء وقد نتناقش فى تلك الامور .. فقط اكره التصرفات الغبيه منهم اقتباس:
بتتوهمى .. طيب هل فيه امل ان المراه تنسى قليلا وكيف وايه الضمان |
رد : لماذا لا تنسى المرأه
تتحمل مش لانو محدش متحملها غير جوزها ... بس لانو احيانا مافي مكان غير بيت جوزها الي متحملها ومتحملاه لانو خلص عيشة وانفرضت ...
موضوع واتسكر تفتحه لانو الرجال عادة بسكرو بمزاجة وممكن ماتكون عبرت او اخدت حقها اما انك معيشنا في سجن المغول وغيرو فانا مابحكي هيك ... انا بحكي عن الست المظلومة والي جوزها قارفها او مش منسجمة معاه ... والظلم واضح حالات الظلم يعني ... انا مابعمم طبعا وعن نفسي مش عايشة لا سجن مغول ولا غيرو ومافي شيء يجبرني اعيش في بيتي الا لاني مرتاحة فيه و بحب جوزي انا قلت مش كل النساء هيك طبعاااااااااا وبعدين كل المجتمعات العربية الطلاق فيها صعب ... وهادا شيء معروف اغلب الاهالي بكرهو بناتهم تتطلق كيف في مجتمعك لا؟ يمكن عندكم اهون الامر ... بجوز ولكن بشكل عام الطلاق كارثة عنا مش عارفة لشو ... وكل مجتمع نساؤه تختلف المراة عندكم ماشاءالله معروف قوية شخصية و مش قليلة ابدا :) ومجتمعات اخرى المراة مغلوب على امرها اكتر هدي اعصابك شكلك معصب من النساء ... بشكل عام الجنس البشري صعب الفهم و متعب مش بس النساء |
| الساعة الآن 04:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©