|
رد : افى هذا يفكر رجال العصر
اقتباس:
ومحدش حيحملنا غير الرجاله ، وعاوز تكون ديمقراطي طب ازاي بس حقول كلمتين لوجه الله بحب مصر fg وبحب ريهام سعيد ست بمية رااااجل وهو حضرتك ما نزلتش الميدان ليه ؟ |
رد : افى هذا يفكر رجال العصر
اقتباس:
في الحقيقة أخويا هو اللي عرّفني بيه. وفعلاً الراجل كشف حاجات كتير كانت مخفية عنا! |
رد : افى هذا يفكر رجال العصر
اقتباس:
bht ادعي لها بالرحمة يا أخي وأن تكون من أهل الفردوس الأعلى. |
رد : افى هذا يفكر رجال العصر
اقتباس:
|
رد : افى هذا يفكر رجال العصر
اقتباس:
ومصر بتحبك ويشرفها رجليكى تعطر ترابها .. انا ماقلتش الموضوع لابو شنب ده عند عاشق هناك .. بس ريهام اللى بتحبيها ورؤوف لا .. طب انصحك بقى تشوفى اسلام البحيرى على القاهره والناس وسيبك من عفاريت ريهام .. ثم مين قالك انى مانزلتش الميدان .. انا كنت فى الجامعه يوم الجمعه 28 يناير جمعة الغضب لان كان عندها امتحان ومارجعتش ولقيتها فى عربية اسعاف بيفوقوها من قنابل الغاز .. ...................... لا انا عاوز الستات المتنورين يشاركونا عشان الشباب يغير ويعرف ان فيه مشاكل فى الدنيا اهم من نزع الشعر .. سمعتى عن الفساد الادارى والفساد السياسى كوكى |
رد : افى هذا يفكر رجال العصر
اقتباس:
الله يرحمها مهره ويرحم كل امهاتنا .. اعظم مشاعر فى الدنيا هى مشاعر الام ولا يضاهيها اى مشاعر اخرى |
رد : افى هذا يفكر رجال العصر
اقتباس:
الف حمد لله على السلامه .. مواضيعى باحس انها تقيله ومش بيحبوا يشاركو .. الناس بتستسهل التسطيح فى كل حاجه .. انا معاكى ان التعمق مش حيوصلنا لحاجه لان غيرنا داسها وهرسها .. ومواضيع الفراش اكثر جذبا .. انتى فتحتى موضوع عن رحلتك ولا لا .. طيب بما انك عندك ولدين بالخارج ممكن تفتحى موضوع عن تجارب مبتعثه وكل من سافر وخاض تجربه يحكيلنا عنها وايه هى الصعوبات اللى قابلته وكيف تغلب عنها .. قابلتى ميركيل ؟ |
رد : افى هذا يفكر رجال العصر
اقتباس:
واحد من التوأم اللي سافروا ألمانيا يدرسوا وخلينا نقول اسمه احمد احمد شاب اجتماعي جدا وبيحب الناس ومتعود عندنا انه يمشي أموره بكلمة من هنا ووعد من هناك وياخي متكونش تقيل دم ومشيها يا عم :) لما راح هناك ومشي عالنظام بتاعهم اتضايق ومعجبوش الوضع ... بيقولي يا ماما بيخالفوا حتى البسكلته وبياخذوها ولازم تدفع مش عارف كام على حاجة هايفه . بعتناله حواله على الويسترن يونيون وقعد 3 أيام لحد ما قدر ياخذهم ..لازم تعبي طلب ويكون كل المعلومات مطابقة تماما وصحيحة .. وبرضه ما مشيتش المعامله ... وهو رايح جاي لحد ما بالاخر عرف انه كان لازم يكتب المعلومات كلها بحرف كبير ... طب حتخسر ايه الموظفة لو كانت قالت له من الأول أكتب كله حروف كبيره ... كل ما يديها تقول لا لا غلط ..وممنوع اوضح لك الغلط . هي أمور تضايق صح خاصة لما تكون انت اللي بتعاني ... بس لو تفكر فيها على مستوى مجتمع حتلاقي أنه النظام أحسن .. أحسن من اخدمني واخدمك .. حتى لو تعبت أنا مقابل يكون مجتمعي كله صح . بس احنا الفساد بدمنا ونحتاج اصلاح لأنفسنا بالأول .. بنحتاج نمشي الدين بروحه ومبادؤه مش مظاهره وطقوسه مع أهميتها ونترك الباقي بنتكلم ونرفض الفساد لكن مع اول محك على مستوانا الشخصي بنتغير وبنمشي بطريق الفساد على اعتبار انه شيء عادي وبسيط وبلاش تعقدوها يا ناس اما الفساد السياسي فبلاش نتناقش فيه أحسن نشد بشعر بعض ... يمكن البنات يحبوا يناقشوا سياسه. |
رد : افى هذا يفكر رجال العصر
اقتباس:
تجاربي كأم لمبتعثين أو بالأصح مغتربين لأنه محدش بعثهم من الدولة . تجاربي لسه بأولها والأولاد بقالهم هناك يا دوب شهرين ... يمكن كمان شوي أفتح موضوع بالصعوبات والتحديات اللي تواجههم . لا ما قابلتهاش ههههههه لعلمك أنا كنت بمدينة بيوقولوا عنها معقل النازية بأالمانيا .. |
رد : افى هذا يفكر رجال العصر
(إنما جزاءالذين يحاربون الله ورسوله ويسعون في الأرض فساداً إن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم عذاب عظيم) (سورة المائدة الآية33) . عارفه يابيتا ايه سبب الفساد ده .. الفساد بييجى من ايه .. من اساءة استعمال السلطه لتحقيق كسب خاص .. طيب ايه اسبابه غير الوازع الدينى ..؟ ضعف الانتماء للوطن .. تلاقى المرتشى بيحلل الفلوس دى نقمه على الحكومه لانه شايف اللى فوقه بيسرق .. ضعف الرقابه وهنا افتكر كانت هناك مفتشة تموين على طوابير العيش وهى مروحه واخده معاها شنطة عيش اد كده وغيرها بيمشى من غير ماياخد حصته من العيش .. استغلال نفوذ .. حتى الاعلام مش بيمارس دوره فى كشف الفساد . تدنى رواتب العاملين بالحكومه .. طيب انا فيه فنى جه يصلح الغساله وكان العطل بسيط مارضيش ياخد فلوس فقلتله طيب خد حق المواصلات اعتذر وقال اصلهم بيسالو فى الشركه .. وفعلا بعد يومين سالو عن الغساله وهل الفنى اصلح العطل او لا وهل طلب اموال خارج الفاتوره .. يعنى متابعه ورقابه .. ضعف العقوبه وعدم تصنيف انواع الفساد .. تغير نظرة المجتمع لاعمال الفساد .. يعنى بقى فيه حالة تبلد ونشوف الفساد وساكتين ونبرر ونقول ماالكل بيعمل كده .. فيه اسباب كتير انما اللى يهمنا ازاى نقضى على الفساد .. ايه ياشباب .. |
| الساعة الآن 09:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©