|
رد : حكاية عن قريبتي .. للعظة
ملاحظة سريعة :
زوجة اخوي التانية .. اقصد اخوي التاني :) . . فاكهة .. فعلا أقدس العلاقات الاسرية .. و احس و انا بأكتب غصب عني .. فيه شي بداخلي مثل الموية الباردة .. تنكب على قلبي و على الجروح الي صابتني و تعالجها بشكل سحري ! تدري قبل امي تموت الله يرحمها و وصلت للمراحل الاخيرة قالت لي : اختك هذه انا غضبانة عليها ليوم القيامة .. قلبي غضبان عليها .. لانها تعامل امي بقسوة .. مع اني جلست مع اختي مرة و كلمتها و قلت لها : ماما ما راح تعيش كثير ،، اقولها لك على بلاطة و بصريح العبارة .. تحملي و اصبري الي يجيك منها .. كلنا نصبر و نتحمّل قلت لها .. ترى عصبيتها و قسوتها بسبب الكيماوي .. نحن مع الزكمة و الصداع شوفي نفسيتنا كيف تصير ! سكتتتتتتت اختي و ردت بالاخير .. ( الناس قدرات و طاقات .. و انا هذه هي طاقتي ) . . المهم .. لما قاطعتني و رفضت انها تسلم علي و اخوي قالي مالي دخل فيها و لا ادخل غرفتها ولا أكلمها و لا اسلم عليها .. و لما سمعت امي قالت انها غضبانة عليها و انا عارفة انه امي ما راح تعيش كثير .. كلمت امي و قلت لها ادعي لها .. و انت تقسي عليها كثير .. و هي مالها احد ووووو الخ .. المهم جلست اهدي امي ( الكلام هذا .. ماحد يعرف عنه منهم ابدا و لا عمري قلت لهم .. لانه ماله داعي ) انا عارفة انه امي ما راح تعيش كثير خلاص و حالتها كانت تزيد سوء يوم عن يوم .. ( ملاحظة : الفترة هذه كنت حامل بولدي الوسطاني .. و قالت الدكتورة عشان كذا هو عصبي و عنيد حاليا و متعبني.. لاني انضغطت نفسيا و كتمممممممت بنفسي ) رحت كلمت اختي الكبيرة و قلت لها .. ترى ماما قالت كذا .. و انا خايفة يصير شي في امي و تروح و هي غضبانة عليها و تخسر دنيتها و آخرتها انصحي فلانة باي طريقة .. انها تكسب رضا امي و هي ما راح تعيش كثير .. و امي قالت نفس الكلام لأختي الكبيرة انها غضبانة على أختنا هذه الي اصغر مني .. يعني ما جبت كلام من راسي .. . . الحمدلله .. اخر أسبوعين او اخر شهر .. و قبل لا امي تتوفى الله يرحمها خدمتها اختي هذه ( من كل قلبها الصراحة و الكل يشهد بكذا ) .. وقتها امي قالت لأختي الكبيرة .. انا راضية عنها خلاص .. <--- قلب الام فعلا" . . ابغى أوضح الفرق بين تصرفي و تصرفهم .. امي كانت تقول لي اني مستودع اسرارها .. و قبل لا تتوفى بكم يوم .. سألتها ( ماما راضية علي ) ؟ و عيوني مليانة دموع و انا مغطية وجهي خارجة رايحة بيتي عشان كنت بفترة نفاس و ولدي يبكي ما يخليها تنام .. اشرت لي برأسها .. ايوة .. بعد ما امي توفت الله يرحمها جات هذيك شرشبيل .. و اختي هذه قالوا اصلا امي ماتت غضبانة عليك و كويس ربي كشفك قدامها قبل لا تموت .. و عرفتك على حقيقتك قبل لا تموت و انت عملتي كذا و عملتي كذا و عملتي كذا صارت تحاسبني على افعال صدرت بشكل عفوي .. مثلا لما كنت اجي اشوف امي و اروح اجلس في غرفة تانية طيب ولدي عمره لسى اقل من 40 يوم و يبكي و يرضع رضاعة طبيعية كنت اخده غرفة تانية اسكته لأنهم يقولوا ما يبغوا ازعاج زي كذا كانت تمسك علي اي شي و من راسها تقول امي غضبانة علي و تتشمت و مبسوطة على بالها امي ماتت غضبانة علي استغربت منها قلتلها : مو انتوا الي كنتوا تقولوا زمان ماما تحبك انت و بس !!!!!!؟ فجاة قلبتوا دحين ! ردت علي قدام الكل : ربي كشفك اخيرا على حقيقتك قدام امي و عرفت حقيقتنا كلنا و ماتت و هي غضبانة عليك .. الحمدلله انه ربي ألهمني اسال امي قبل لا تموت الله يرحمها ماما انت راضية عني ؟ و اشرت لي برأسها ( ايوة ) و بست يدها و خرجت . . طيب لو اختي تحبّني فعلا .. كانت نصحتني قبل لا امي تموت .. لو فعلا مثل ماهي جالسة تتبلى علي كانت نصحتني اكسب رضا امي لو صحيح تحبّني و تبغى لي الخير انا سعيت انه اختي تكسب رضا امي مع انه امي صرحت لي و للكبيرة انها غضبانة على اختي هذه الي قاطعتني فترة و ما رضيت تسلم علي . . الحمد لله الامور سليمة الان و العلاقات بيننا ممتازة لكن متاكدة لو اني طحت بيوم من الأيام لا سمح الله مافي اي وحدة منهم تنفعني غير اكبر وحدة فقط .. و اصغر وحدة . . هذه يمكن تصحى من غفلتها بعد فترة .. لما تجرب أهل الزوج و تعرف قيمة و معنى الاخت ! و تجيب اطفال و تشعر بأحاسيس الام و معاناتها |
رد : حكاية عن قريبتي .. للعظة
طيب فاكهة الشتاء قولي ايش بيدي اعمل ... انا بصراحة كرامتي ماتسمح لي ادخل البيت بوجود اخواته ... لكن مستعدة اعمل اي شي ... عشان اريح زوجي واسعدة ... فاكهه .. صديقيني الحكايه ماهي لبس او غيرو ... هما ماتقبلوني من الاساس ... عيد الفطر ... رحت بلبس ساتر .. مالقيو بلبسي عذر تكلمو عن اسلوبي مع ابو زوجي .. صدقيني يافاكهه ... انا دخلت بينهم بكل حب ... فعلا بالبدايه حبيتهم ... كنت دايم امدحهم قدام اخواني .. والى الان مااحب اتكلم فيهم قدام اهلي ... لان والله لهم مكانه بقلبي بمكانه زوجي ... الى الان وعلى قد الي سوه مافكرت ادعي عليهم من قلب ... في شي يردني لادعيت ... انا نفسي تنصلح الاحوال .. عشان بناتي لاكبرو .. مايكونو منبوذين زي .. لان معاملتهم مع بناتي برضوا غير عن اطفالهم ... وبالنسبه للمجامله ... جااااملت ولساني ينقط عسل معاهم ... والدليل اول سنوات زواجي ... كانو بنات اختو متعلقين فيا ... وخالات زوجي جدا طيبين ويمدحون فيا قدامهم ... لكن من كلام اخواتهم تغيرو علي ... انا من طبعي .. لو في احد متضايق مني ... لازم اعرف السبب واتناقش معاه ... مااحب احد ياخد بخاطرو مني ... كم مرا تناقشنا بدايه الزواج لكن للاسف ... وبالنسبه للانفتاح ... احنا عائله متحفظه اكثر منهم ... من ناحيه علاقتنا مع غير المحارم .. ومن ناحيه الدين ... وبالنسبه للبسهم ... لاتتوقعي لبسهم لبس تتطوع ... لبسهم مجرد عادة ... لان يعجبهم على غيري ... لكن فوق هدا كلو... مستعدة اعمل اي شي عشان زوجي ... لكن كيف ؟ |
رد : حكاية عن قريبتي .. للعظة
كوين
معليه سامحيني .. فضفضت كثير .. لكن حاسة الأحداث هذه اثرت علي بشكل كبير و الحمدلله نتائجها كانت إيجابية علي .. و علمتني دروس بالحياة و اني ارمي كل شي وراء ظهري الواحد ايش يخسر في حياته اكثر من امه و ابوه ؟ و بعدهم مافي شي يستاهل نزعل عليه غير الأبناء .. عشان كذا حتى لو شفت حركات من اهل زوجي .. ما يهمني و لا احرق في أعصابي . . انت اهم شي .. اعملي الواجب معاهم و خلاص .. لو ولعتي أصابعك العشرة لأخواته برضو ما راح تعجبيهم لانه الغيرة تاكل في القلوب . . عندي زوجة اخ دايما تهتم بنفسها ماشاء الله و انا شايفة انه هذا طبعها و هي كذا .. اخواتي يفسروه شي تاني .. انها تبغى تقهرهم عشان تصير هي أحلى وحدة بينهم كانت امي الله يرحمها تحبها لكن اخواتي ابدا ما راح تعجبهم ايش ما صار .. الحل ! ( تكسبي الرأس الكبيرة بينهم ) شوفي اي وحدة من أخواته تأثيرها كبير على امه و على البقية امطريها مدح و مجاملات كذا صارت تعمل مرة اخوي مع اختي و من يومها خلاص ارتاحت . . انا عن نفسي و الحمدلله :) عايشة في عالمي .. :) نفسي بيتي اولادي وظيفتي زوجي .. تبغى تمشي مضبوط معانا الله يحيك ما تبغى .. بألف سلامة ^_^ و ريحت راسي من كل شي ^_^ |
رد : حكاية عن قريبتي .. للعظة
اقتباس:
لو بديت احتك معاهم ... ممكن اعمل زي ماقلتي ... انا مايهموني ... وماني فاضيه لهم صراحة ومشغوله بنفسي ... لكن بحاول وبجاهد .. عشان اريح زوجي بس ... |
رد : حكاية عن قريبتي .. للعظة
روح بكيتيني ردودك عن امك تذبحني يارب لا يحرمنا من امهاتنا الله يرحمها ويجعل مثواها الجنة يارب لا تنسينها روح من العمل الصالح وذكري اخوانك . . . كوين حبيبة قلبي والله ما ابالغ بس من لحظة كتب زوجك عنك حسيت انك طيبة القلب وكاني اعرفك قبل ماشوفك وما عندي شك بهذا نهائي وانا متاكدة انهم ظالمينج بس انا ابغيج انت بعد تسدين الباب عليهن وما يلقون عليج ثغرة فهمتي علي . . انت قلت بالعيد لبستي ساتر ولما ما لقوا شي تكلموا عن اسلوبك حلو الكلام هنا تعرفي المثل اللي يقول امشي عدل يحتار عدوك فيك سدي عليهم كل المنافذ اللي تخليهم ينقدوا عليك شي شخصي مو معنى هذا تلغي شخصيتك ولكن صدقيني اهل الزوج هم كذا الا من رحم الله و وريتك امثلة من خالتي اللي هي من لحمي ودمي كيف تذلني ! ولاجل عين تكرم الف عين وانت مثل ما تقولين يا كوين تحبين زوجك وزوجك يحبك fg وعلشان مصلحة بناتج في المستقبل مايكونون بلا اعمام وعزوة ولو كانت ظاهرية او تلقين عتب من بناتج ولوم لما يكبرون لا سمح الله فهمتي علي لان تصرفاتنا كامهات تحدد مستقبلهم في عوائلهم ومن جذي لازم يكون القرار شمولي . . ويا كوين صدقيني انا فاهمة التشدد مع المناطق المتشددة اعرف ان لبسهم مو تدين واعرف انهم منفتحين في العلاقات مع اخوان الزوج وغيرهم بس بستار خفي مايخلوا احد يتكلم عنهم عارفة ان الوضع مش تدين . . علشان جذي ابغيج تفهمين انا ما قولج انت غلط ولكن الفكرة ان الوحدة تساير اهل زوجها علشان اسرتها وعيالها خليني اسالج سؤالين : - هل كل خواته بنفس الدرجة من العداء تجاهك ولا في وحدة اخف وفيها شوية حنان ? - هل تواجهتي مرة مع وحدة فيهن وقلتي لهم انهم يظلموك او شي من هذا ? . . . طولي بالج في حل ان شاء الله وابو ملك مايصلح له الا انت وانت ما يصلح لج الا هو لا تعتقدين راح يتقبل انسانة من بيئته او انت تتقبلين انسان من بيئتج الله لا يفرقكم حبيبتي fg ويحنن قلب اهل زوجج عليج |
رد : حكاية عن قريبتي .. للعظة
اقتباس:
الله يعوضك بالزوجة الصالحه يارب آمين اللي ما وراها رجال الله ينصرها من عنده مشكله اللي رجالها يسكر من زبيبة |
رد : حكاية عن قريبتي .. للعظة
ياقلبي يافاكهه مشكورة على كلامك ...sdd
بالنسبه لسؤالك .. ولا واحدة فيهم احس ان فيها طيبه ... اكثر شخص احبه وعلاقتي فيه قويه ... ابو زوجي .. يعني مايمر اسبوع ولازم نلكم بعض ... اما المواجهه ماعمري تواجهت مع واحدة فيهم ... |
رد : حكاية عن قريبتي .. للعظة
روح
تعوذي كثير من كلمة ( أنا ) |
رد : حكاية عن قريبتي .. للعظة
غيداء
ماني محتاجة احد يصفق لي .. عشان امدح حالي .. لكن انا أدافع عن الاتهامات الي جاتني .. و انتهت خلاص .. و أعالج الجروح بنفسي .. و صوت العقل الباطن يتحدث عني ( هنا ) لتنظيف الرواسب العالقة لو وحدة مكاني كانت رغبت بالانتقام لنفسها .. الحمدلله مجرد التحدث هنا .. بينمسح كل شي من ذاكرتي و ينتهي الالم .. |
رد : حكاية عن قريبتي .. للعظة
يالله ياروح وجعني قلبي عليكي حبيبتي
الله يرحم الوالد والوالدة صحيح كبار البيت لو راحوا تتشتت العيلة وكل واحد فيها يروح في حالو لانهم هما اللي يجمعوا اولادهم حوالينهم هم اللي يحننو وهم اللي يقربوا المسافات بينهم في اخوة وخوات محبتهم فطرية مايفرقهم الا الموت وياويل اللي يفكر يدوس لواحد فيهم على طرف وفي اخوة جمعتهم ظاهرية بس علشان خاطر اهلهم بس مايأذون بعض واللي بينهم من رحم موصول وفي اخوة الله يصلحهم مايصدقوا واحد فيهم يطيح مشان يتشفوا فيه وكان البطن ياللي شالتهم مووحدة وهدول بنقول فيهم ياخسارة التعب والترباية فيهم ان شاء الله ربي يهدي اخوتك وكل وحة فيهم تعرف انها بالاخير مالها غير خواتها هم سند لبعض في الدنيا من بعد الام والاب الله يرحمهم |
| الساعة الآن 04:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©