|
رد : غيرة زوجي قاتلة
مرحباً أختي
أنا أشوف أن غيرة زوجك طبيعية... وكثير ناس أعرفهم بهذه الطريقة... لأنه المقصد عنده الخوف عليك وليس الشكك فيك كما تعتقدين... ولكن للأسف بعض الأحيان الرجل يبالغ في طريقة خوفه على زوجته ولا ينتبه أنه يؤذيها نفسياً ولفظياً ... ولكن مع الأيام تقل هذه المبالغة بوجود العشرة الطيبة ورؤيته لمواقف من زوجته تجعله يثق فيها وبقوتها على حماية نفسها. لذلك... أرجو أختي أن تتحملي وتصبري... خصوصاً إذا كان زوجك طيب وإيجابياته كثيرة ولا يفوت مثله. أما بالنسبة للحل... فأفضّل أن يكون من تلقاء نفسك... ولاتعتمدي على حلول الآخرين... فما كان حلاً عند غيرك... قد يكون دماراً عليك.... فقط تأملي النقاط التي تثير زوجك... وعالجيها بحكمة... إضافة إلى الحديث معه دائماً عن الثقة بين الزوجين... وأنها ركن أساسي... وأنك واثقة فيه وفي تصرفاته... وعليه أن يثق فيك وفي تصرفاتك... خصوصاً وأن كثير منها عفوية وغير مقصودة... وهي من طبيعة الإنسان العادية.. وأنك تحمدين له غيرته.. ولكن على أن لايشل حركتك الطبيعية والأهم... أن تكثري من دعاء الله سبحانه وتعالى بصلاح الحال وأن يجعلكم زوجين متحابين. بارك الله فيك |
رد : غيرة زوجي قاتلة
رجعتيني لذكرياتي القديمه ههههه
مره كنا مسافرين ووحام وتعبانه ونقابي ضيعته مع الاغراض وسفر اخر اليل كنت نايمه في السياره وصحيت قلت ابغى الحمام ووقف ودورت الغطا مالقيته لفيت طرحتي مرتين لاني اعرف لو لفيتها مره شفاف ومرتين ثقيل ... اول مانزلت قدامنا شباب وقف امام باب الراكب عشان مايشوفوني وانا قاعده البس شوزي وهو بسرعه بسرعه ولا تبغيهم ينتبهو لنا .. وخلصت وامششي بسرعه قدامه وااشر لي ع جهة الحمامات وهو مشغول من الشباب التفت فيه الجهه هذي قال ايوه لا تلتفتي يا ويا ويا ومن السب ولاني ماشوف صح رحت قسم الرجال😫 وخلاص بدخل الحمام الا واحد يدخل ويخرج بسرعه لما شافني وانا جري أطلع لا ينتبه المحروس عساه لسى مشغول بالشله ... والمصيبه يوم خرجت وهو في وجهي انواع الكلمات الجارحه وغضبان مره وقالي روحي هناك انا قفلت معاي لاني فكرت مالي ذنب بكل الي سار ..، طنشته ومشيت ع السياره دخل السياره قال انزلي الحمام قلت ماابغئ وباقي عن البيت 700 كيلو ... قال طز فيك مو فيني ... طنشت وانا ميته من الضغط وعناد قاومت ... بعد عشر دقايق وقف قال انزلي انا وانتي نروح سوا ماتكلمت حاول مافي أمل ... مشينا نص ساعه وانا خف الضغط ع مثانتي وبديت ادخل في النوم ( وحام) شوي وقف عند محطه كبيره قال انا بنزل اريح ساعتين بتنزلين ولا بكيفك (( عارف اني خوافه )) تركته حتى دخل جوه ويتلفت بنزل ولالا لما غاب عني ... نزلت جاتني قووه ههههه وسالت فين الحمامات واشر لي هندي عليها وشافني زوجي وخرج ورحت طنشته ورجعت السياره واشترئ كل الي في المحل هههه من بساكيت واسكريم وشيبسات ... واعطاني وتاسف وطلعت كل الي في قلبي عليه مع دموووع وقلتله حركته الغبيه لما أقوله الحمام في الجهه هذي يقول ايوه وهو مومعاي... |
رد : غيرة زوجي قاتلة
اقتباس:
يبغالها موضوع لحاله وعلاج .. أيش فيهم كذا ؟ jye متفائلة الموضوع انا في البداية قلت طبيعي لكن بصراحة تشتت mhm انت ركزي |
رد : غيرة زوجي قاتلة
هادي مو غيره
كلنا نعرف ايش هي الغيره ونتلذذ فيها ونعرف الفرق بين الغيره الزايده والعاديه زوجك عنده قلة ثقه بالنفس ،، وتصرفاته وعدوانتيه معك بالنقطه. هادي اكبر دليل علي فقده للثقه هو لما يدخل محل وانتي تكلمي البايع يقول بنفسو الحين البايع يقول عني/ ( ايش الخروف هادا الي معاها او يقول عني /الحرمه تتكلم وهو زي الطرطور وراها او يقول / كيف مخلي حرمتو كدا حتي لو اشياء انتي تشوفيها سهله وعاديه هو يشوفها كبيره وعيب بحقه يعني خايف من نظرة الناس له ويجلس يوسوس ويتوتر ويعرق وينفعل عليكي ويعاقبك عشان كدا يطلبك ماتتكلمي ولا تتنفسي وتنكتمي لاانه يتوتر ويخاف عنظرة الناس له الي بيقولو ماله شخصيه زوجته ماخذه راحتها الحل / تنكتمي هههههههههههه بوجوده ولايطلع حسك وصيري كانك مش موجوده واذا تبي شي بس هزي راسك له بالتوفيق |
رد : غيرة زوجي قاتلة
انا استغرب صراحة من اللي يقول انه الغيره طبيعية !! ي جماعة انتوا تقرون ردودي واجاباتي على اسئلتكم
واللي يقول مع العشره بيتغير الوضع ويتحسن فهذي اكبر كذبة اكذب فيها على نفسي معليش ياجماعة سنتين ونص او اكثر ماقدر يحدد انا عفيفة وشريفة او العكس .. اما اللي تقول انكتمي ههههههههه ضحكتيني الله يسعدك ي جماعة مستوعبين انه يبيني انكتم على قولة الاخت خير شر ولا اسوي شي بنفسي كآني طفلة عمرها 4 سنوات تخللي غيرها يسوي لها كل شي ياريت لو اي احد عنده علاج فعال لمشكلتي يقولها علما اني كلمته بالهدوء واحيانا اعصب عليه وازعل منه واحيانا اهدده وحتى لما اهدده احس بتراجعه ولكن في نفس الوقت احس انه مصمم هو الصح |
رد : غيرة زوجي قاتلة
حبيبتي الحل والعلاج
هو قاله لك بنفسك انكتمي + حسك لايطلع هو عارف علته وعارف حلها ماتعرفي تسايرينه السالفه ماهي شك ولا غيره قلة ثقه بالنفس وعقد وكلاكيع يحسب انا الرجال لازم يمشي بالسوق او المطعم او اي مكان ويجر زوجته وراه زي الجاريه ف لما انتي تتدلعي وتطلبي يتنرفز يبغاكي جامدددددده سايررررررررررررررريه والله يعينك |
رد : غيرة زوجي قاتلة
اقتباس:
تمشي بين الناس وعيونك بالارض !! شنو اســـآيرهـ ؟ وانا عمري ماتدلعت وتميعت في اماكن عامه ياختي اكون عادية عقده وكلاكيعه خليها له يحتفظ فيها هو ليش اخواته عادي يتصرفون باآنفسهم مايجي احد يتصرف عنهم ويتكلم عنهم اف |
رد : غيرة زوجي قاتلة
هههههههههه لاتتنرفزي طيب
ولاتعتدي بنفسك بزياده لو متزوج اجنبيه ولا مغربيه كان شفتي كيف عرفت له وظبطته وماقالت مثلك ولو زوجي معقد كدا ايوه بسايريه بلي هو يبغاه تري الدنيا ماوقفت يعني الا انتي تطلبي من البايع او تطلبي من النادل واخواته شيليهم من حساباتك لاان الرجل الشرقي يتفرعن علي حرمته مو ع اخواته يعنني شوفوني حمششششش وكله براحتك ، وكله بيدك تجيبه وتربيه ولا تنفريه وتطفشيه |
رد : غيرة زوجي قاتلة
اقتباس:
لو طالعت للسماء قال انت طالعي لواحد !! ياريت راح للمغربية او الاجنبية ولا تزوجني على كل حال اللي يده في النار مو مثل اللي يده في المويه مشكوره حبيبتي على مشاركتك |
رد : غيرة زوجي قاتلة
خداع المرايا..
قلت لكِ منذ البداية إن تصرفات زوجكِ ليست عادية. أي سلوك أو كلام يجرّح أو يسيء لأخلاقكِ مرفوض تماماً .. وليس له أي عذر أو مبرر. وأتمنى من الجميع أن يضع نفسه مكان والد خداع ويتخيل موقفه وشعوره عندما يقوم الرجل الذي من المفترض أنه أمّنه على ابنته .. بتجريحها والتلميح بما يخدش شرفها!!! هما حلان فقط يا عزيزتي: إما أن تتخذي رد فعل عنيف جداً يساوي في مقداره حجم الإساءة والإهانة التي تشعرين بها .. وإما أن تخبري والدكِ بما يحدث ليضع له حداً بطريقته. |
| الساعة الآن 08:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©