رد : كيف نتعايش مع أهل الزوج؟ موضوع للنقاش
 

زوجي القريب من امه و الحبيب المحبوب لها

و هذا معناته انه ودها يقعد معاها من الصبح الى الليل و يكمل السهرة معاها و ما يرجع لي الا وقت الفجر
و هو بالفعل يفعل ذلك و انان كاني كنبه ف البيت و المفروض ما ازعل لانه مافي شي يزعل بنظرهم


مستحيل يعيش معاهم على طول
و مدري وش طبيعة السكن عندكم
يعني اهله بيقعدون معاكم للابد مستحيل حتى لو قال هالكلام


اذا تعدل المزاج و تكلمتو عن مخططاتكم المستقبلية
تكلمي انج خاطرج يكون لج ف بيتج غرفة للاطفال مثلا و غرفة للبنات و غرفة للاولاد و غرفة للطعام و غرفة تكون للهوايات
احلمي ما فيها شي

قولي خاطري اقعد باللبسة الفلانية و ادخل المطبخ و اسوي كذا و كذا
خاطري اسوي رياضة ف الحوش
اركب دراجة و العب بالزلاجات


تكلمي عن رغبتج ف بيت منفصل ليكون عندكِ مملكة تدللين فيها نفسكِ و زوجكِ و ابناءكِ
و ليس هربا من اهله او انهم مسببين لج ضيق

تكلمي عن احلامج ف بيت منفصل احلام و احلام و احلام
تكلمي بخيال واسع لانه حينها سيرى انكِ قادرة على اسعاده و ليست لديكِ مشكلة مع اهله او تواصله مع اهله


ارجو ان يكون ردي متوافق مع ظروفج اختي و طبيعة زوجج

رد : كيف نتعايش مع أهل الزوج؟ موضوع للنقاش
 

تعرفي ... الصعب لما تعيشين بفكر معين وبعدها تكتشفين انه اللي انتي ماشيةةعلبه ما ينفع
ولازم تغيرين طريقتج ... و لازم تضغطين على نفسج وتتصرفين بطريقة ما تحبينها وما تعودتي عليها

انا دخلت بينهم على اساس نعيش ويابعض مثل اهلي .. وجتى عمتي احياناكانت تقول تراها وحده من بناتي
لكن مع اول خلاف بيني و بين زوجي حسيت بالتحيز
و بعدها المواااااقف العديدة مع بناتهم .. و مقاطعتهم لي
صح بعدها بشهور ردت علاقتي بهم عدا اخته الكبيرة . لكن ما عدت اثق فيهم
لاني متعودة بوسط خواتي ما بينا زعل او قطيعه .. الحمدلله نختلف و نرد مثل ما كنا بنفس اليوم

بالمقابل انا زوجة .. ابا اعيش حياة خاصة مع زوجي طلعات تماشي وسوق .. احب يكون في شي خاص لنا
فالبداية ما كانوا متقبلين و يسكتون لكن وقت الزعل تسمعين وتعرفين انهم مضايقين
عرفت بعدها انهم مب اهلي
انهم يشوفوني دخيلة عليهم .. هم يبون باعيش بينهم مثل اختهم تماما بدون خصوصية
يمكن بحكم حياة عمتي قبل .. للعلم نحن ااصولنا من ارياف اليمن وزمان هي كانت عايشة هناك
لكن الزمن تغير وانا مواليد الاماات و تربية مدينة و حتى بناتها

فالبداية حتى البنات ما كانوا مستوعبين الحياة الزوجية وانه انا ابا اطلع مع زوجي او اسير عند صديقاتي او عرس مثلا بدون احد معاي
فكل ما صار شي قالوا و مرتك .. و ليش هي
حتى لو كان الكلام مع ابوهم .. كل شوي و هي . وأمشوا الكلام على الكل ..الخ



ما كنت ابين لزوجي ضيقي و اتم احكي المشاكل .. لكن الحين دايما افضفض له و الله يهديني لما اتكلم افقد اعصابي
اقول الصدق .. مرة طريت جلابيتي من قهري
ما اتحمل اكلمه واطلع كل اللي بنفسي .. هالفترة الاخيرة بس
اما بالعادة يا ما اتكلم يااقوله بعدين واساله كيف اتصرف ؟

الحين وصلت لقناعة.
1- انا مب بنتهم. .... وهم مب اهلي
2- اهم شي بنظرهم مصلحة ولدهم .. انا محد مهتم لامري .. معتبريني جسر لؤاحة ولدهم

اريد اعيش في البيت و اتصرف براحتي .. مااريد كل شوي اوامر تكلي بنتج .. نوميها .. بدليلها
بنتي و انا اادؤى فيها

بتقولون من حب جدتها لها و وووالخ ... ادري و الله ادري بحبها لهم لكن مب على حساااابي

يمكن بعض الخلل فيني ... نبهوني الله يخليكم و خذوا بايدي لحياة خاااصة فينس و بس
ابا اكون محور حياااتي ..... مسروقة من اخي في الله

و سلامتكم

رد : كيف نتعايش مع أهل الزوج؟ موضوع للنقاش
 

مهما عملتي ما راح يرضون
انتي استفيدي من حبهم لولدهم و حبهم لحفيدتهم في صالحج
و اذا كبرت البنت شوي اخبريه انه لديكِ رغبة بوجود غرفة اخرى للبنت و اذا ناوية على نونو ثاني
يكون اريح لج و و يكون الهدف هو التوسيع على نفسكم و ليس الضيق من وجودج ف بيت اهله
اذا اقتنع انه رغبتج ف سكن منفصل هو انج مو متضايقة من اهله و لا من وجودج بينهم
انما الضيق من صغر الغرفة و البنت تكبر تريد غرفة منفصلة لرغبتج في وجود خصوصية بينكم بعيدا عن الاطفال
ان شاء الله راح يقتنع بس يبيلها شوية وقت و مجاراة و الله يفرجها
انتي انظري للموضوع من جهة الايجابية :
حبهم لحفيدتهم
حرصهم على راحة ولدهم
اكيد فيه ايجابيات كثيرة و سلبيات اكثر
بس لنفسج عليج حق و لا تتعبيها حرام