|
رد : بدأت اخسر اشياء عظيمه في حياتي
اقتباس:
هذا الانسان ماخلاني في حالي انتي ماتدرين وش يسوي ابوهم معي وووو مالك في الطويله حبيبتي انجرحت كثير ماخلاني في حالي المشكله اني ماضريت احد اللهم اكفينبهم بما شئت يارب |
رد : بدأت اخسر اشياء عظيمه في حياتي
هذي نهاية الطلاق
●اسره مشتته ، ام تفقد عيالها ، جبروت الزوج ربي يصبرك ياقلبي والله وجعني قلبي عليك بس قولي حسبي الله ونعم الوكيل وادعي ربك كثير ان عيالك يرجعون لحضنك دعواتي لك |
رد : بدأت اخسر اشياء عظيمه في حياتي
خجل انا ماخفت الا على ولدي الكبير والصغير
الكبير مشاعره مشتته هو اللي سببه لهم والصغير صار نحيف مره مثل الريشه مدري وش يحس فيه هالآدمي خايفه يضيعهم ولدي الكبير محتاج للإحتواء خجل ولدي راقي بااخلاقه وحبوب وذيب محتاج للدعم الديني محتاج احد يزرع في داخله الوازع الديني ويحافظ على صلاته لأنه يمر بفترة البلوغ ياعمري عليه خايفه عليه من الذنوب حسبي الله ونعم الوكيل والله موب عا ر ف مصلحتهم ولا يهمه ابدا ماراح اسامحه ولا احلله الا اذا جاب عيالي عندي |
رد : بدأت اخسر اشياء عظيمه في حياتي
طيب دامه كبير رح يفهم اللي حوله وبيعرف كل شي وبيشوف ان حضنك امن اكثر من ابوه بس انتي بادري بهالشي كلميه يوميا اثري عليه بكلمات الحنيه وخوفك عليه علميه امور الدين انصحيه مايترك الصلاه كثري نصايحك له يمكن يقارن اهتمامك واهتمام ابوه ويرجع عندك
بس اهم شي صلاة الليل ادعي كثير وربك رحيم بعباده |
رد : بدأت اخسر اشياء عظيمه في حياتي
خجل ان شالله ادعي ربي الله يستجيب دعواتي يارب في الدنيا
المشكله مامعاه جوال ولدي ومااقدر اجي البيت نفسي اشوفه يوميا واوصله المدرسه يوميا والاحظ عليه حسبي الله ونعم الوكيل فيه خجل ظبطت كل شي لان ربي سخر لي عباده وافسد علي كل شي انا خايفه الولد الكبير يبي الحريه أكثر ابيه يكون قدام عيني والاحظه لين يكمل دراسته و يتوظف و يتزوج اخوي الكبير ماراح يقصر معهم من جميع النواحي لكن هو افسد علي كل شي ماكفاه اللي سواه فيني من قبل دمر حياتي ودمر مستقبلي والحين يركض ورى المشاكل ولاخلى اخوي في حاله مسالم ولاتعود على اسلوب الهمجيه الله يكفيني شره غثيث |
رد : بدأت اخسر اشياء عظيمه في حياتي
خلاص ابي اغلاق الموضوع تعبت
مابيدكم شي ربي يفرجها علي وعلى كل مسلم اللهم استودعتك اولادي الذي لا تضيع ودائعه |
رد : بدأت اخسر اشياء عظيمه في حياتي
ماقدرت انام من الخوف
هو يقول من ضمن رسائله ان له علاقه بالماسونيه اليهود ومايجلس الا بطلسم اااه خايفه وعنده جلب هل كلامه صحيح هالسواليف ماحبها واخاف منها مالي قلب افكار توديني وتجيبني ماقدرت امسي يارب فرجها واكفيني شره واحفظنا بحفظه يارب والله مو ناقصته اللي فيني مكفيني اطلع من مشكله اطيح في مشكله اكبر تكفووون طمنوني خلاص أطالب الاداره بعدم اغلاق الموضوع |
رد : بدأت اخسر اشياء عظيمه في حياتي
قرأت الرساله عدل
يقول حط له رجل له علاقه بالماسونيه جميع الأسحار وحط له طلسم مايجلس فيه بيت اخته الا بالغصب هل كلامه صحيح |
رد : بدأت اخسر اشياء عظيمه في حياتي
ربي يفرج همك اختي ويبعد عنك كل شر
عليك بالدعاء |
رد : بدأت اخسر اشياء عظيمه في حياتي
ان شالله ادعي ربي
جزاك الله خير حبوبه |
| الساعة الآن 11:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©