رد: طليقي بيسافر
 

عانيتي كثيراًُ مع طليقك
أنا لا أسجل دخول في المنتدى ولا مشاركات لكني زائرة له بشكل يومي
وتابعت تفاصيل قصتك من سنين
انسسسسسسسسسسسسسسسي
انسسسسسسسسسسسسسسسسي
هو يبي يشوفها أهلاً وسهلاً
هاد يستهبل عليكي فقط
يبغى يشغلك بيه وبمشاكله
ربي يحبك خلصك منه صدقيني
وطريقة طلاقه كانت شنيعة
أنا ما أعيد الماضي لا والله
لكن قصتك معه أثرت فيني بشكل كبير
سنين وأنا أقرأ مستجداتك معه
وهو مكانه
ومحاولاتك المستميتة علشان تنجحين العلاقة
وهو ما في تجاوب منه
،،،،،،،،،،،،،،،،،،،،،،،،،،،،
جا الوقت الحين تقولين لاااااااااااااااااااااااااااا
ولا تدورين على رضاه ولا تخجلين منه
ولا حتى تعطي البنت لعمتها ولا لجدتها!!!!!!!!
زوجته الحالية بناتها تركتهم وما حنت عليهم
الحين ودها تجمع بنتك مع بناتها
ما هي أصلاً خرج مسؤوليات
شلون حتتحمل مسؤولية طفلة عمرها سنتين
تضمنين وش تسوي فيها؟؟؟
تضمنين وين تحطها؟؟
ولمين تسلمها
أعرف إنه ما ودك تبعثيها لهم
لكن أنبهك
هاي بنتك
خرجتي بها من الدنيا بعد تجربة مريرة جداًَ
وهي أجمل ما فيها ومن تسلي أيامك
البنات بشكل خاص أي جرح يؤثر بهم سنين
ربي يحفظها لك ويخليها لك حبيبتي
ارفضي بشدة
واستهبلي عليه مثله
لا مع عمتها ولا مع جدتها
يحمد ربه إنك تخليه يشوفوها كل يوم والثاني
وما بهدلتيه بالمحاكم بعد اللي شفتيه منه
،،،،،،،،،،،،،،،،،،
تقبلي مروري،،، وردي الطويل
وحبي الصادق الأخوي لك اختي الحبيبية

رد: طليقي بيسافر
 

اشكر مرورك مجنون زوجته

ام يوسف

اقولج اياها بصريح العبارة كل واحد راح يلقى جزاءه في الدنيا والاخرة


هو استمات عشان يرجع بيته الاولى وبيده هدم بيته الثاني

عبالج ربج بيخليه؟؟

لا والله (( ولا تحسبن الله غافلا عما يعمل الظالمون))

ومرد اللي سواه بيشوفه سواء الحين والا بعد سنوات


الله ينتقم منه ومن امه ومرته

رد: طليقي بيسافر
 

طليقي سافر

وانا قلت له قبل ما يسافر ان بنتي ما راح عند خواتها

ما رد علي

امس بنتي كانت وايد مريضة وكل شوي تقول ابي بابا ووايد. تعبت نفسيتها.

رد على نفس الموضوع وبنتي لازم تكون مع خواتها عشان تشوف انها مو بروحها اللي تعبانة حتى خواتها

قلت له بنتك تبيك ما تبي خواتها

قالي بيقعدون بمكان يدتهم ومعاهم عمتهم

قلت له مستحيل اخلي بنتي هناك

مستحيل اهد بنتي عند وحدة ما تخاف الله وقطت بناتها

وليش اوديها هناك عشان يحترق قلبي اكثر!! مو كافي ان قلبي محترق ان بنتي بتعيش مشتتة

قالي ليش ما فكرتي بهالشي قبل ما تصرين على الطلاق!!!!!!!!!!

سبحان الله صرت انا اللي اصريت على الطلاق!!!

قلت له انا والا انت اللي من واهيا في بطني وانت تييب طاري الطلاق وكل دقيقة والثانية شرايج نتطلق؟؟


ما همني كلامه ولا همني شقال

واذا اتصلت عمتها راح اصرفها بطريقة ذربة

رد: طليقي بيسافر
 

غلطانه انش رديتي عليه ,, هذا قاعد يحرق في اعصابش حتى وانتي مو على ذمته !

اول كان زوجش وممكن تستحملين الحين شو الي حادش ,, لا تكثرين وياه سواليف

ما راح تتعدين مرحلة الطلاق وتعبها وانتي بعدش متواصله معاه وتاخذين وتعطين في الكلام

قصري الكلام معاه

رد: طليقي بيسافر
 

رد: طليقي بيسافر
 

كوكي ومريم

انا متعمدة اقوله عن بنته وتعبنا النفسي

خل يحترق قلبه شوي مو بس انا اللي معورني قلبي على بنتي

وانا غالبا اذا سأل فيسال شلون البنت اردالحمدلله


وبس يعني كلامي معاه مختصر جدا

رد: طليقي بيسافر
 

مايستاهل انك تاخذين وتعطين معاه

رد: طليقي بيسافر
 

الله يريح بالك عزيزتي موهبة ويحفظلك بنتك من كل سوء
رأيي من رأي الاخوات
وبالنهاية انتي ادرى بحالة بنتك وحالتك
واعملي اللي بتشوفيه صح وفيه مصلحة لك ولبنتك
احترامي

رد: طليقي بيسافر
 

لين قلتيله وشفتي عدم اهتمامه ولا مبالاته بتحترين زود وبتتعب نفسيتج زود ..
فليش تتسببين على نفسج؟؟؟؟

رد: طليقي بيسافر
 

موهبة

خلي تواصله مع طرف ثالث او مايتعدى مسجات او واتساب

بلاش التواصل المباشر عشان مايفتح ابواب محادثات مثل هذي!