رد: نفذ صبري من اهانة زوجي لي امام اهله ..
 

يا حبيبتي يا زهورة :(

هذا فاهم الرجولة غلط ،، والله لو هي اخته
مايقبل يصير فيها اللي صار فيك ،،

خلي أبوك يشد عليه ، ولا ترجعي له بسهوله ،،
ولا له تفاهم الا مع اهلك ،،

وان تكلمتي تكلمي معه بحضور احد من اهلك وأهله ،،
دعواتي لك fdgrg

رد: نفذ صبري من اهانة زوجي لي امام اهله ..
 

اختي إنتي تقولي معاكي البريود عشان كذا بكيتي؟؟
الصبايا كفو ووفو بس انا راح أقولك من تجربه مرت عليه
بعد هوشة قريبه من اللي صار لك
رحت لاهلي وبعدها جاء واعتذر
ولما رجعت معاه كنت أتكلم معاه بجفاف شديد
وكان يحاول يرضيني بلا مبالغة
جلس عند رجولي عشان ارضى
بس استمريت على الجفاف
بعدها رضيت تدريجي
زوجك ماينفع معاك الدموع والحنان
يستضعفك ويهينك
خليكي قوية وهو كمان عمرة صغير
لو استقويتي راح تسوي علية كنترول

رد: نفذ صبري من اهانة زوجي لي امام اهله ..
 

اوافيكم باخر المستجدات ...

صحيت من النوم وانا طبعاً ببالي لا اكلمه ولا شي ولو عندو شي تفاهمه مع ابويا مو معي انا ...
المهم صحيت ولقيت رساله مرررة طويلة في الواتس اب ..

كاتب فيها

اول شيء الله ييسر امرك ويرزقك باللي احسن مني يوديكي ويجيبك ويمشيكي ويهنيكي ويعلم الله اني اكتب الكلام دا والدمعة في عيني ما كنت في يوم اتمنى انو الامور تنقلب جد بس خلاص هذا كان اخر المشوار مع بعض الايام الحلوة تبقى في بالي ولا راح انسى منها ولا يوم من سفرة باريس الين اخر سفرية اندونيسيا وكل مدة حياتي معاكي صحيح صعبة اني اشم ريحتك وما اشوفك جنمبي بس خلاص هيا فترة وتعدي لا حياتي راح توقف بسببك ولا حياتك راح توقف بسببي اتمنى انو يبقى الحب والود والتقدير بيننا ويعلم الله اني احبك واموت فيكي وهذا من حبي لكي اني مصر على اننا ما نرجع لبعض عشان ما احرجك ولا شيء انا عارف انك ما تبغيني بس جالسة معاية ترضية خاطر خلاص ما عاد فيها اي احراج انا حكون متمسك وانتي كمان اتمسكي برأيك الا لو عندك كلام تاني وانا حاسس انو هذا رأيك كمان وما يحتاج يا روجا اوصيك هنا حفرنا وهنا دفنا كل اللي بيننا يبقا بيننا ويعلم الله اني مسامحك دنيا واخرة وادعيلك من كل قلبي ان الله يفرج همك وييسر امرك انا من بداية رمضان وانا ادعي ربي انو يخلينا لبعض اذا كان في عيشتنا خير لكن شكلو مالنا نصيب ولا حقننا اللي في بالنا لا لارين ولا محمد ويمكن خير لهم انهم ما جو لاني رجال يضربك ولا يوديكي مكان ولا يجيبك وواحد نذل وواحد وسخ فخلاص ما يحتاج انك تكملي معاية وانتي مجبورة وليش يا بنت الناس انتي من رجعتي من اخر مشكلة بيننا وجالسة تهددي وتدوري على اي مشكلة صغيرة وحصل اللي تبغيه هذا الكلام بتاريخ غير اليوم اللي حجي فيه لكم اقول لابوكي الشيء اللي تبغي تسمعيه انا ما حجي اشتكي انا حجي احل المشكلة والموضوع ما عاد يحتاج اني اشتكيك او تشتكيني انتي طلبتي مني ان اقول لابوكي اني ما عاد ابغاكي وهذا اللي حيصير اي شيء تبغيه حيصير خلاص اجي اشوفك اخر شوفة وامشي الله ييسرلك امرك وان شاء الله تعيشي حياة احسن من اللي عيشتك فيها وربي اكون لك مبسوووط ويرزقك برجال احسن مني اتمنى الكلام دا كمان يبقا بيننا وانا داري انو حيصير عكس كدا

رد: نفذ صبري من اهانة زوجي لي امام اهله ..
 

هاذي رسالتر يا جماعه ...
وانا بصراحة كتبت

انا موافقه خلاص
وقبل كل شي
مكتوب عند ربنا كل شي من قبل لا نجي ع الدنيا
ولو في خير حنرجع لبعض
ولو لنا نصيب رجعنا ولو مالنا نصيب الله يختارلك اللي في الخير يارب

رد: نفذ صبري من اهانة زوجي لي امام اهله ..
 

وكمان يقول

بس خلاص يا فلانة ما عاد ينفع ولاشيء دحين لا ابغا احرجك قدام اهلك ولا ابغا انحرج معاهم انا حاليا ضربتك وطردتك واهنتك وما عندي شيء اشتكي منو يعني انا البطال فخلاص ما يحتاج اي حل ثاني كيف اهلك يعيشوكي مع واحد بطال انا اريحهم واريحك انتي كمان ويعلم الله انك ما قصرتي معاية في شيء وانا كمان كل اللي قدرت اني اسويه لكي سويتي

رد: نفذ صبري من اهانة زوجي لي امام اهله ..
 

الله يفرج همك ويصلح زوجك

رد: نفذ صبري من اهانة زوجي لي امام اهله ..
 

لا حول و لا قوة الا بالله

زهرة هل انت موافقه على الكلام اللي كتبتيه

عل ابلغت والدك بالرياله ة بردك عليها

رد: نفذ صبري من اهانة زوجي لي امام اهله ..
 

لا ما اخبرت والدي لو اخبرته حيعصب عليا
لانه قاللي لا تردي عليه ...

رد: نفذ صبري من اهانة زوجي لي امام اهله ..
 

و انت ايش رايك في كلامه و في كلامك

رد: نفذ صبري من اهانة زوجي لي امام اهله ..
 

وليش رديتي؟؟