منتدى عالم الأسرة والمجتمع

اقتباس:

المشاركة الأصلية كتبت بواسطة ملكة الآحساآآس (المشاركة 3271001)

طيب اشراقه انتي صادقه

بس والله وبالله وتالله

بذلت ومازلت ابذل

اقولك لغيت كل شي عشانه

ماعنده احد حتى قبل اصحابه هذول كان بيتوتي
وانا اضطريت اكون زيه
لو طلعت راح للبنات

فقلت اختصري يابنت وتنازلي وانصهري معاه

وعلى فكره هو مقدر ذلك مني

وعلى فكره هو مايعطيني مصروف
بس كل ماابغى يحضره
انزل السوق واخذ الي بخاطري ونفسي فيه
ومايمنعني
نسوي فسحات وتغيير جو

اول شهر رمضان غير لي الاثاث

العام لما طلقني وترجعني وكان مدة طلاقي ساعه فقط
اعطاني مهر
هو فيه جوانب كويسه بس الاغلب سيء

وانا مااجيت وكتبت الا ابغى حل وابغى حياتي الزوجيه

انا ابغى زوجي وابغى اوقف معاه

غيري يستغله وانا انبهه واحرص عليه

صار لما يرجع من دوامه يعطيني تفصيل يومه

تعود يسمع مني لما ابغى انصحه وهو متقبل

ماابغى اتركه

وابوي قال لي هالكلام

زوجك طيييييب بس حاولي تفتحين عيونه
انه الناس مو كلهم طيبين

انتي توصفي حياتي كاملة مع زوجي با احساس

زوجي رغم كل الي مرينا فيه يحبني حب ... ما وجدت في المنتدى وصف لمحبة زوج تطابق محبته لي ... يحبني لدرجة ان بسمتي تخليه يرتاح ويفرح واذا تنكدت والله يبدأ يتضايق ويصير عصبي واموره كلها ملخبطه.. يحبني لدرجة ان كتب شعر فيني .. يحبني لدرجة والله صرت اني اشعر انه يخجلني من مدحه لي... يرفعني دايم السما فوق ...ويقول انا محظوظ بك انت ملاك من السما واستغفر الله

صرافته بيدي ولو اطلب اي شي يجيني عمره ما قصر ... زي ماتوصفي زوجك بالزبط ... تخيلي ادخل حسابه بجواله واحول راتبه كامل لحسابي وهو بجانبي يبتسم ...

لكن للاسف الحياة مو فلوس!!!!
انا استلمت زوجي مثل زوجك بالضبط خام والله حتى انه يسلم ع ابوه اذا زرناهم ما يعرف هالامور .. ! وانا انصحه واعلمه .. و الزيارات و الاتصالات و و و

تركت كل شيء وصرت معه بيتوتيه ولا اخرج بس معه ... اذا طلب اي شي عيوني واصبر ليه علشان لا يروح للانحرافات الي تشغله الافلام و النت وكل بلاء بسبب الخلل الي عنده وبالاخير ؟؟ تتوقعي وقف؟ اتحسن؟ انا شعرت براحة؟؟

والله ان الاحباط الي اشعر به كبيييير بعد كل فترة هدوء نطلع بموال جديد ومشكلة جديدة واحباط وصدمة نفسية واستنزاف اعصاب وبالاخير .. صرت مهزوزة من الداخل و الخوف الي اعانيه من المستقبل كبيرررر..

لكن ... صدقيني مع الوقت لمّى انتبهت لقيت انه في النهاية صرت ام مو زوجة ... ونفسيتي صارت في الحصيض ... انتي عارفه ان لي 17 سنة زواج والله كتير !! والحال نفسه ...

الاصعب يا احساس والي اعانيه الان ان صار في ابناء وبنات محتاجين جهد مني ومتابعه و دراسة و منهم الصغير ومنهم الكبير والرضيع ... ابغى ابنائي يعيشو في جو ءامن مو عصبيه ف عصبيه ... صراخ و اجلس اداري فيه واجمع اعصابي له وانصح له ... صار مشوش علي حياتي وتركيزي عاولادي ضعيف بسبب انه مستنزف طاقتي وحهدي واعصابي وصرت بمعركة دائمة وحدي ...

اذا ما عالجتي الخلل راح تظلي نفس وضعي ، الخلل ينتقل من عرض لآخر ..

لا تركزي على اعراض المرض ركزي على المرض نفسه ،،،

ولا تخدعك المسكنات كما خدعتني ... المال و المحبة و التغير المؤقت وانشغاله بكرة الطائرة مثل ما كنت افرح بانشغال زوجي مرات بالصلاة ومرات بالكتب ومرات بالخرجات والمولات و بالاخير نرجع لمشكلة جديد وصدمة نفسيه جديدة

والله ما بحت بكل ما كتبت الا اني شايفه شخص في معاناتي كاملة و مو قادرة اسكت واتركه يعيش معاناتي بحذافيرها...

استمري بالالحاح بطرق مختلفه وهادئة ... وتأكدي ان الطبيب النفسي ما راح يجبره يتكلم

انا لما تعبت الدكتور قال لي الي تبغيه قوليه والي ما تبغيه انت حرة ... ولمّى كان يسألني علشان يحدد علاقتي بالاخرين عن اهلي عن امي عن عن عن ..وصل عند زوجي اذكر اني شبكت يديني ببعض وصرت اعض ع شفايفي بقوة وانكتم نفسي لا ارادياً و ماقدرت اتكلم خنقني البكا والألم النفسي اعتصرررني ... الدكتور سألني كم سؤال بعدها انتبه اني هنا تعبانه نفسياً ومستنزفه و ع طول قال لي يا مدام نترك الموضوع هذا ع جنب و متى ما تحبي تتكلمي فيه قوليلي وبعد شهرين مراحعات انا طلبت منه يفتح الموضوع واتكلم فيه .. ليه ؟ لأن التحليل النفسي للصدمات وتأثيرها الخفي لردود الفعل الي تسببه في النفس يعطيك نور و بصيرة ع نفسك وتقدر تتجنب اخطاء كنت تطن انها في طبيعتك بينما هيا ضغوط نفسيه عليكً،،، فهميه هذي النقطة و قوليله الخوف الي فيك من خوض تجربه جديدة ومن الماضي هو الي بجعلك تهرب للعصبيه والاخطاء بحق نفسك قبلنا
اذا فككنا خيوط الطفوله والمراهقة الي اتعقدت بنفسك ومسببة لك ألم وضغوط راح تشعر براحة وتعرف تفكر وترتاح و تعيش سعيد بدون قيود ....
انا اضرب مثال لكل انسان حابس آلام نفسيه مثل حاقن البول ... أعزك الله... هل له رأي ؟ هل مرتاح ؟ هل يقدر يتخذ قرار؟ هل اذا طلبتي منه طلب حيبتسم؟ ام ع طول يعصب ويتنرفز؟؟

كالمثل القائل " لا رأي لحاقن"تماماً

هذا بالضبط كل الي عانو في طفولتهم !

عقد والام نفسيه يحملوها تشوه نفسهم وحياتهم وتتعبهم وتتعب المحيطين بهم ،،،

فكري بكلامي و ادعي ربنا يسخرلك الامر ويذلّله ويسهله وراح تتسهل وتعيشي حياتك باذن الله مرتاحة

اعتذر عن الاطاله