|
رد: زوجتي أتعبتني !
بخل !!
قلتها مرارا انا اعرف نفسي جيدا لست بخيل والله يسامح من وصفني بهذا الوصف القبيح ! شاري لها من مجمع العرب 500 ريال فستان ثم معطيها 700 ريال غير المبلغ وغير روحة مركز الجلدية 400 ريال تقريبا مصروف بيتين حدود 1000 ريال مع الذبيحتين 1800 ريال وشاري الشهر براد ما 400 ريال ومركب فلتر ماء 1800 ريال وأكل صحي خضروات فواكه وأكثر من 6 مرات عشا سمك وين البخل ! البخل هو بخل التقدير البخل هو الاستغلال انا بعد العيد موعود بزواج كيف أتصرف مجاملاتها وهي ما تخلص طلباتها ولا مرة قالت حبيبي ما ابي بقدر ظروفك اقول لها احسبي مرة بالآلة شوفي كم نصرف !! صرفت اخر شهرين من الرحلة ومستلزمات بيتين وظروف مراجعات مستشفى ما يتجاوز 16 الف ريال انا اعرف نفسي جيدا واعرف حجم ما اصرفه !! هي تغيرت اول سنتين كانت قنوعة وانا قبل ارتبط فيها قلت لها عن ظروفي وأني أعول أسرة وهي قريبة لي وظروفها قبل الرواج كانت عادية كل هذا ابيها تقدرني وتكون بمستواي لكن صراحة كل يوم تزيد قبل ثلاث شهور صلحت لي قضية في الموضوع السابق لي ثم اعتذرت وقالت عشان الانجاب علما باني قلت لها اول ما طلع خبر مرضي انها اذا تبي الطلاق الحين وليس لها اي فضل علي بالصبر اللي ما يقدر ظروفي يشوف حياته ومن حقها تبحث عن لا الأولاد اذا مستعجلة لكن شغلت تجلس وتستغلني لها لشي معليش !! هي اعتذرت وقالت لا مو عشان لأولاد اكذب عليك بس كذا انا نسيت ومن هالكلام لكن إحساسي انه فعلا هو السبب لانها تغيرت او تتأثر بغيرها انا صعب ارضخ لها لانها للاسف غير مدركة لما تفعله في تطلب تطلب تطلب ولا مرة قالت استحي منه اقدر ظروفه |
رد: زوجتي أتعبتني !
كأنك تشكي حالت اختي وزوجها ..
اللي مغرقها بالفلوس ولا ترا الا انه مقصر .. هذا من غير السفريات ...اروبا وشرق آسيا ...ولا ترا من ذلك شي .. وهو كذلك مقصرر من ناحية العاطفة ..جاف شوي .. ولكن الان حدد لها مصروف ...لا يشمل مصروف الابناء والبيت .. |
رد: زوجتي أتعبتني !
كم راتبك؟
لان حتى 50ريال تحسبها فأحسست انه امر غريب فيه إمكانية ان زوجتك تشتغل او تأخذ حافز يمكن تقتنع فيه لأجل كمالياتها و تكف عن اتعابك. اما عن عمل البيت و الطبخ. لابد من موقف حزم تناقش معها انك تعطيها و لا ترى منها تقدير و ترى منها تهاون و أعطها مثل الانذار المسبق انه انا ايضا سأتهاون و اعذريني عن تلبية طلباتك. اذا اهملتيني لك التقدير و المعزة و انت بنت رجال. لا يرضيكي ان لا تشرفيني عند اهلي او تقدري سعيي الحثيث للإنجاب و. و يعني احرجها و اجعلها تشعر بالعيب و انظر ماذا ستفعل لان عدم تقديرها لأهلك تصرف لا يندم عن ذوق و توجيب حتى لو مو واجب |
رد: زوجتي أتعبتني !
انا مؤمن كل شي ينمو
وأقول لها اصبري بكرة تكون افضل وازيدك لتحسن الوضع بحول الله هي تستجيب يومين ثم ترجع تطلب باختصار ما تدرك او تنسى بسرعة انا شخص لو احد طلبني أعيش تحت ضغط حتى لو رفضت وهاوشت ارجع أوافق لانه اهتم كثير لنظرة الناس او كلامهم او انطباعهم يعني هي تزعل وتطنش انا أزعل واخاصم كذلك احيان بعد ما أنفذ الطلب وهي باردة مو همها لو ثلاث ايام عادي ثم ارجع وترجع طلباتها انا احسب 50 واحسب الريال لان مؤمن جداً بالحساب اعرف ما صرفته وحدودي حتى لا أقع في فخ الدين والإسراف كل شي أحسبه في حياتي لان التنظيم مهم جداً العشوائية كل يوم نصرف دون حساب الراتب ما يكمل الشهر طبعا علي قرض 3400 ريال ومشارك في جمعية لان اريد توفير مبلغ بالشراء ارض يتوفر لي مبلغ 2300 ريال شهريا مصروف البيت لكن اخر شهرين سحبت نصف الجمعية كلها اللي وفرتها طوال السنة وهي ما تدرك حرقتي وظروفي نعم كانت تعمل كل عصر بمبلغ قليل وتبحث عن عمل وقلت لها لست ضد عملك لإنس انا لا اشعر بأهميتها في البيت الفطور من برى والغذا تتكاسل فيه احيانا والعشا انا ملغيه فواكه فقط حفاظا للصحة وأمي اذا جيتها تسألني تبي شاي تبي غذا تبي تبي داخلي اقول ليت كل النساء مثل أمي رغم ان أمي ما تخبر مني اي شي ان كنت بخيل فمع أمي الي سنوات تدخمني ولا تمن علي !! تشعر بحاجتي ترى ملابسي نظافتي دون طلب او هواش انا أتحاشى اطلب شاي منها لانها تطنقر نعم في فترة قبل ثلاث شهور صار هواش بيننا كبير وانا لعصبت أكسر كل شي في البيت وهي تصيح ثم وصلت لمرحلة اسمها كبت الهم لانه لا الكلام يفيد ولا الخصام بس ارمي كلام وهي باردة ما ترد ابدا وإحيان ترد نفس الكلام لا ادري هل لدي أفكار خاطئة عن الزوجات ! ام ان الزمن تغير ! ام انني طيب بزيادة ! رغم انني بحثت جيدا وتنازلت عن كثير لاعيش ظروف تناسب محيطي لكن هنالك من يتغير بعد الزواج |
رد: زوجتي أتعبتني !
اقتباس:
|
رد: زوجتي أتعبتني !
ليش ضاغط على نفسك وداخل في جمعية وعندك قرض !!
كان خليت التفكير في موضوع الأرض والجمعية والتجميع لهالموضوع بشكل عام بعد ما تخلص قرضك ! |
رد: زوجتي أتعبتني !
ياخوي فارس مايصير تنضغط عشان مادة وفلوس وينزل الوزن كل هذا القد حرام وان لنفسك حق ..
اختصرهاا من الاخر وضع لها مصروف حسب إمكانياتك ، واتفاقكم يعني 700الى 1000 مناسبة جدا بحيث نهائيا ماتطلب منك غيرها وتستلمها مع الراتب .. بترتاح وهي ايضا بتعرف حدود طلباتها بالمبلغ اللي معاها من تسوق وكوفير .. وحط في بالك المرأه اللي من دون أطفال غالبا تفكيرها فاضي وبيدور حول مستلزمات كماليه مافي شيء بيشغلها ، يعني هي او غيرها معاك بيكوووونون كذا .. مع انه امانةً شايفه مصروفها بسيط لكن ممكن لأنك ماسك عائلتين مضغوط .. الله يصلح مابينكم.. |
رد: زوجتي أتعبتني !
يا اخي استهدي بالله
انت متأكد حكاية ضغط بالأعصاب من زوجتك؟؟ أمكن من علاجك الهرموني ! بعدين شوف نصيحة خليك بياع كلام يعني جت طلبت منك شي مو ضروري قولها إنتي لو تبغين نجوم السماء أجيبها لكي بس اصبري علي الشهر هذا بالتعامل الطيب ان شاء الله بتكسب زوجتك رغم أني اشوف مصاريفها جداا بسيطة |
رد: زوجتي أتعبتني !
اقتباس:
يا عزيزتي هذا الشهر صارف راتبي كاملا غير منقوص لان شهر 9 دون جمعية ومع هذا ما كفى سحبت زيادة ما وفرت السؤال ليه تغيرت انني زوجة تبين صبغة وسفرة ثلاث مرات لأهلك و ملابس من أغلى شي وتروح جدة و صيدليات ووو ثم تروحين تعيد عن اهلك وتبين مصروف زيادة وكمان اكسسوارات وعندك تشهريه لامرأة تزوجت تبين لها هدية فخمة مو رخيصة وأمك لازم تشترين لها عيدية وبعد كل هذا انت في البيت ما تغسلين الملابس الا بالحاح وتطلبين زوجك يغسل الصحون عشان طلب منك اول مرة تصلحين شوربة بدلا عن أمه اللي طوال الشهر تطبخ زوجك ثوبه مو مكوي رايح جاي ما تلتقتين له عادي اخوك أبوك اول ما يجون هنا تقولين لهما نزل الثوب بغسله واكويه لهم !! فرق شاسع التقدير اين اين |
رد: زوجتي أتعبتني !
ياخي. استهدا بالله وما في شيء بدنيا يستاهل وحتى موضوع الخلفة لا تقلق فالله المكرم والمعطي وقادر يعطيك الذرية الصالحة
احزم أمرك معها بالمصاريف والمؤمن كيسا فطن المصاريف والطلبات تختلف من شخص لشخص بسبب قناعات فكرية لذلك ارح رأسك وكون زمام الامور المالية تحت تصرفك وهي أعطيها ما يكفي حاجتها بدون تبذير ولا تقتير فلا ضرر ولا ضرار شرح الله صدرك لكل خير |
| الساعة الآن 05:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©