منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - معلقة من 18 سنة (http://www.66n.com/forums/showthread.php?t=263144)

رد: معلقة من 18 سنة

اقتباس:

المشاركة الأصلية كتبت بواسطة زهرة الجاردينيا (المشاركة 3314219)

اذا انتي موظفه او ابوك مقتدرماديا اطلبي منه ان تعيشي بشقه او منزل مستقل قريب لاهلك خصوصا ان اولادك كبار 18 سنه رجال ماشالله ترتاحين من اهلك ومن غثا زوجك

نعم انا موظفه بس مثل ماقلت استحي اطلب من الوالد
الله يجزيك خير اختي

رد: معلقة من 18 سنة

اقتباس:

المشاركة الأصلية كتبت بواسطة ام 33 (المشاركة 3314309)

حبيبتي إذا زوجك مايركعها اصلا مو طلاق اللي يصير بينكم فسخ عقد اثبتي عليه انه مايصلي ويفسخ العقد ع طول من رأيي أن بيت اهلك ارحم من واحد مايخاف ربي الله يفرج همك.

اي وربي مايصلي ولاعمره صلى
الله يجزيك خير اختي

رد: معلقة من 18 سنة

اقتباس:

المشاركة الأصلية كتبت بواسطة ام 33 (المشاركة 3314313)

عندي احساس ان زوجك مريض مرض نفسي والله اعلم

هو مريض وكان يتعالج في مصحه نفسيه بس كان مدمن على الشرب من لما كان في المدرسه مراهق

رد: معلقة من 18 سنة

اقتباس:

المشاركة الأصلية كتبت بواسطة الـــوحيد (المشاركة 3314559)

اسأل الله العلي العظيم انه يفرج كربتك ويصلح لك اولادك

اختي اذا الصفات اللي قلتيها عنه صحيحه فـ المفروض انك تسجدي لله عزوجل سجود الشكر اللي خلصك منه ولكن اختي في نقطه بموضوعك استغربت منها وهي انك تقولين صابره انك تكونين على ذمته عشان ماياخذ عيالك مع العلم ان عيالك كبار واللي اعرفه من قاضي في المحكمه ان الولد يخير بعد 7سنوات واصلا اذا فيه شهود عند او دليل عليه انه بهالصفات اللي قلتيها القاضي راح يعطيك الحضانه

على العموم انتي دامك موظفه استأجري بيت بجنب بيت اهلك وماشاءالله ولد رجال وخوذي راحتك ببيتك انتي واولادك

اللهم امين والله يجزيك خير
الحمد لله والشكر اني ارتحت منه بس انت فهمتني غلط انا صابره مو عشان خوفي انه ياخذ عيالي لانه مو كفو عيال ومسؤليه وصرف انا متحملتهم ومتحملته ومتحمله كل مصاريف البيت من اكل وشرب وخدم ووو ولو رجعت قريت موضوعي مره ثانيه بتعرف اسباب عدم طلاقي ذكرتها انا
وعيالي مايبونه وانا خيرتهم بين انهم يجلسون ببيتهم او يجون معي بيت اهلي عشان ابري ذمتي فقط مع اني كنت متاكده من جوابهم وفعلا اختارو يجون معي بيت اهلي
ان شاء الله ناويه استاجر بس دعواتك ربي ييسر لي ولعيالي بيت جنب اهلي
مشكور وماقصرت اخوي على تكرمك بالرد

رد: معلقة من 18 سنة

اتمنى من الاداره تغيير اسمي الى منبع الأفراح
والف شكر للاشراف على تعديل عنوان موضوعي ومنكم السموحه تعبتكم معي
الله يجزيكم خير ومشكورين jyh

رد: معلقة من 18 سنة

اللهم ابدل احزانها افراحا لاتنتهي

رد: معلقة من 18 سنة

ماشاءالله عليك منبع الأفراح صبرتِ كثير والله يأجرك على صبرك

دخلت على موضوعك من 2006 تعجبت جداً شلون على ذنوبه تميتِ جالسة عنده !
مرت يعني 10 سنوات كيف راح تصير حياتك لو تخلصتي منه وقتها ؟

يالله الحمدلله إرادة ربي وعلّها حكمة منه سبحانه لا نستوعبها نحن البشر . .

لكن

هل يجوز لك أن تبقي على ذمته وهو الظاهر داخل حكم الكافر بما إنه لا يصلي ويسب الله والرسول صلى الله عليه وسلم؟
راجعي هذا الشيء قد يكون لك ذنب ويجب أن تتوبي منه.

فتاوى من الشيخ ابن باز رحمه الله
http://cdn.top4top.co/i_01d75f647b1.gif

.
.

http://cdn.top4top.co/i_a138d16ac41.gif

رد: معلقة من 18 سنة

الله يفرج كربك
ويبدل احزانك افراح
ويبارك لك في نفسك وعيالك وعمرك

هدف الحياة ان تعيشي براحة وتعبدين ربك على هدى
والحمد لله على كل حال

صبرك ماراح يضيع
زوجي عيالك واشغلي نفسك بشي ينفعك

سويلك مشروع تلاقين نفسك فيه وابدعي وتفائلي
كل السنين اللي راحت تصقلك لنجاحك وتطورك اليوم

فابدعي يا منبع الأفراح وارفعي راسك
وراس ابوك وعيالك

الله يسهل لك امورك ويجعل لك من كل ضيق مخرجا ويرزقك من حيث لا تحتسبين

رد: معلقة من 18 سنة

السلام عليكم ورحمة الله وبركاته
الله يجزيكم خير على تكرمكم بالرد وان شاء الله في ميزان حسناتكم
اسمحو لي مااقدر اشكر كل واحد باسمه لان نفسيتي تعبااااانه حيل ومنقهره واحس راسي بينفجر من القهر والحيره والتفكير
مستجداتي هي اني مقهوره من موقف حصل مع اختي الكبيره ومو اول مره يصير تكرر علي كذا مره لين مليت وتعبت لدرجة اني دعيت على نفسي وعلى اللي اسمه زوجي بالموت عشان ارتاح من هالهم اللي مو راضي يفارقني
الموقف هو اننا كنا في جمعه عائليه الا اختي الكبيره تقول سمعتو عن فلانه عاقله ماشاء الله عليها زوجها فيه بلاوي الدنيا بس صابره عليه ومافرطت في بيتها وبيت عيالها وتقول انها مو غبيه تترك بيتها وتدخل اي شخص في مشاكلها مع زوجها حتى لو كانو اهلها
طبعا انجرحت من كلامها وقلت مستحيل في انسانه تتحمل اللي انا تحملته ولولا انه غلط على ابوي كان ماتركت البيت لانه هانني وهان ابوي
وصار بيني وبينها كلام بعدين سحبت حالي لاني خفت تنزل دمعتي وتتضايق امي
الحين من القهر افكر ارجع بيتي بس كيف ارجع بعد ثلاث سنوات وهو حتى مافكر يتصل فيني ولا حتى كلم اي طرف من اهلي
ابي طريقه ارجع فيها بيتي بكرامتي بس كيف الطريقه تكفوووون تعبت
ابي تصويت منكم من يأيد اني ارجع بيتي ومين لا؟
واذا اي كيف الطريقه
رجيتكم ردو علي باسرع وقت لاني في حال مايعلم فيه الا رب العالمين
اسمحو لي على رداءة الاسلوب لاني منقهره وابكي ومحتاره

رد: معلقة من 18 سنة

عشان كلمه من اختك بترجعين
طيب انتي مقتنعه بالرجعه ولا لا
هو يسيء معاملتك او معاملة اولادك