منتدى عالم الأسرة والمجتمع - نفسيتي المتعبة وبعد زوجي..

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - نفسيتي المتعبة وبعد زوجي.. (http://www.66n.com/forums/showthread.php?t=263566)

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة ريم الاوطان (المشاركة 3327987)

الله يرزقج ب ذرية صالحة طيبةمبارك فيها تشغلكم انتو الاثنين لانه واضح وضوح الشمس الروتين ع مصر مشاغلكم بدا يتسرب ف حياتكم و مب قادرين على هالتوتر المبهم.،

جربي ل ثلاث ايام فقط و لو تمثيل انج تكونين مبسوووووطه و فرفوشه و الزعل ما تعرفينه حتى صحتج بتتغير للاحسن

الله يعينج حبيبتي .،

فعلا حبيبتي عندنا فراغ كبير والروتين مسيطر على حياتنا .. واحتاجه لاني انثى وهو يعاملني كرجل وبس .. اتمنى تكونو فهمتوني..

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة زين ابيها (المشاركة 3327822)

حبايبي الله يرفع قدركم ويسعدكم ويقضي حوائجكم ❤

.

احبه ، بتكلم عن تجربة ، لا من باب تنظير ، ولا نصائح مثالية ما اقدر اسويها....
كنت مثلج مثل اللي تسوينه بالضبط بالضبط ، أم دميعة ، تمر علي أيام طويلة مكتئبة ..
ليش ؟ بدون سبب!
بدأ زوجي يسألني .. واقول له بدون سبب
بعدين بدأ .. يتضايق ويعصب ويهاوش
بعدين بدأ يبتعد .. تخفت ضحكته معاي .. زوجي اللي اعرفه بدأ يبتعد .. يمل مني
طبعا بقيت أيام طويلة اتشكى ومتضايقة وآه ويا ويل!
بعدها قلت خلاص ، طفح الكيل !
قمت اتهاوش معاه .. شفتي قلة العقل ؟
بعدها وعيت.. وقفت مع نفسي وقفة محاسبة
الرجال كان جذي معاي قبل ؟ لا
كان متملل مني ؟ لا
بس على طول الخط آنه ما شاء الله علي ثابتة على قيمي .. يا جبل ما يخزك ريح
تمام... إذا لازم ابدأ بنفسي! إذا انتفى السبب بتتغير ردة فعله..
وفعلا.. صرت انسانه مفرفشه .. حتى اذا بتهاوش معاه اقصاها 5 دقايق واقلب الهوشة مزح ووناسة وضحك...
احيانا انقهر منه وودي اقطعه قطعة قطعة واخلي كل قطعة في بلد.. بس لما يراضيني حتى لو بداخلي مو راضية ابين له ان رضيت...
بعد ساعة فعلا اشعر بالرضا في داخلي...
صرت اقول له حبيبي صار وقت تطلع لشغلك.. يقول خليني دقيقة
صرت لما اروح معاه مشوار يحاول يطول المشوار كثر ما يقدر عشان نكون مع بعض
صار يحب يسمع سوالفي...
أحيانا لما ازعل يوديني مشوار مثل ما سوا زوجج.. مشوار مو عاجبني وايد وما تعدل مزاجي
مع ذلك لما يسألني .. ابين له ان انه مستانسة وفرحانة اقدر جهدة مهما كان بسيط
صارت ضحكته ترن في البيت.. صار لما يجي واروح اشرب ماي او اقضي اي حاجة على السريع.. يقول لي الحين اجلي كل شيء لا تقومين
اي للحين عندنا مشاكل.. ولازال وقت العصبية كلامه نفس السم
ولازلت محتفظة ببعض عيوبي اللي ما يحبها..
في النهاية احنا بشر مو مثاليين.. بس الحياة صارت حلوة
آنه ما لي فضل بهالتغيير .. الفضل لله وحدة
ما شاء الله لا قوة الا بالله
كل ما مريت بشدة قعدت عالارض.. وقلت لربي ان انه عبده وابن عبديه الضعفاء المساكين وهو ربي القوي العزيز ولا حول لي ولا قوة إلا به
بعدها كل باب مغلق ينفتح لي...
واي تغيير انذريه لله تعالى وقربة إليه

اقرئي كلام صديقتي انلمتيد عن الله
❤ بتحبينه اكثر.. كل ما عرفتيه بتحبينه اكثر.. بتشوفسن شكثر قربه سبحانه راحة وسلام

جزاك الله خير .. ربي أكرم من أكرم كريم .. اسأله بمنه وكرمه أنه يفرج همي ويزيل ضيقي ويعطيني اللي اتمناه واللي يرضيني..

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة تحملتك كفاية (المشاركة 3327838)

انتي اللي متغيرة مو زوجك
انتي اللي نفسيتك تعبانه
سألك وطلعك تلفون بالسيارة الجديدة
وسألك ثانية الى ماطقت تسبده

كل الحريم يمرون بمراحل تعب نفسي ويكتمون ويبكون الحالهم وقدام ازواجهم يبتسمون علشان ماله ذنب بضيقتها

احمدي ربك اقل شي يسأل ويحاول يغير جوك
غيره والله يقولك ماهمني متى مافكت حالتك تعالي حياك الله

وغيرك ازواجهم نفسيات وعلى طول نفسية مبسوطين او متضايقين نفسيات احمدي ربك ماعاشرتي هالزوج النكدي فلاتصيرين نكدية تعوذي من الشيطان وادعي ادعية الهم والحزن
وتحصني

جزاك الله خير .. بس الزوج المفترض يكون مع الزوجة في الحلوة والمرة وهذا واجب عليه مو تكرم منه..

رد: نفسيتي المتعبة وبعد زوجي..

افكر بكرة اقوله يوديني الحرم المكي اصلي فيه المغرب والعشاء والجأ لربي واسأله من كريم عطاياه بس خايفة يرفض.. وش رأيكم؟

رد: نفسيتي المتعبة وبعد زوجي..

احبه تدرين انا مؤمنه بأن حياتك من صنع افكارك..
تدرين تعلمت طريقه وقت ماتكون نفسيتي تعبانه مااستسلم لها ابدا..
ع طول اغير من وضعي مثلا اقوم اسوي لي قهوة وابخر البيت والبس واتكشخ فعلا تتغير نفسيتي ...
مثلا اقوم واتوضأ واصلي وادعي ربي وأتامل حالي والنعم اللي حولي انا بخير معافاه نايمه بسرير وغرفة بارده نايمه بأمن وامان يالله يارب لك الحمد هذي نعمه اتذكر اخوانا السوريين والدول العربيه والاسلاميه واقارن بين وضعي ووضعهم واقول يارب لك الحمد ..
اعرف اللي فيني من الشيطان هدف الشيطان يحزن بني ادم عشان يوصله لمرحلة اليأس من الله ومن الحياه فليش احقق له اهدافه ...
تدرين انا الوحيده بين صديقات العمل اللي عندي مشاكل وانا الوحيده الحمدلله اللي تشوفيني دايم مبتسمه مهما مريت بظروف والكل ع باله اني حياتي سعيده ومستقره وهذا من فضل ربي لاني تعلمت مااستسلم واقدر النعم اللي ربي منعم علي فيها...
تقولين نفسيتي تعبانه وربي راح تتعبين بزياده بالعكس قولي انا بخير انا مبسوطه انا سعيده يارب لك الحمد استشعري نعم الله عليك بأدق تفاصيل حياتك...
احبه تدرين لما كنت عند ابو عيالي عمري ماقلت له نفسيتي تعبانه مدري امي علمتني اني مااشكي تعبي النفسي لزوجي تقولي الرجال يملون فتعلمت منها هالشي..
بس ساعات يبان عليا ويحاول يرضيني ويطلعني مشوار يارب يجيب الضيق بزياده تدرين ما همني ضيقة المشوار كثر مايهمني انو حس فيني ابين له اني مبسوطه وسعيده واجلس امدحه واشكره ليل ونهار...
احبه ....
زوجك ماتغير للان يحبك ويهتم بيك مدري ليه انتي مو شايفه هالشي ...
ممكن ع بالك انو شي بسيط ولازم يسويه عشان كذا مو مقدره
كل الدلائل تقول يحبك ويغليك ماشالله لاقوة الا بالله وش تبي اكثر..
للحين ماجربتي ترا بعد الزوج عن زوجته كيف يكون ؟!وان شالله ماتجربيه
فأحمدي لله وقللي من نظرتك التشاؤميه
ترا بيدك لاتقولي مو بيدي تحتاجي بس الى عزيمه واصرار ونظره تفاؤليه للحياه...
دمتي بحب..❤

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة أحبه حبيبي (المشاركة 3327994)

جزاك الله خير .. بس الزوج المفترض يكون مع الزوجة في الحلوة والمرة وهذا واجب عليه مو تكرم منه..

لا مو من واجبات زوجك يكون معاك ع الحلوه والمره هذي من حسن العشره
واجبات الزوج حددها الشرع لاتحضرني جميعها بس هي معروفه
بس مو منها يكون معاك ع الحلوه والمره
هذي تشوفيها بالافلام الاجنبيه بس 😊

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة أحبه حبيبي (المشاركة 3328004)

فكرة حلوة بالبركة قولي له و اذا قال لك خليها لما افضي لا تتضايقي و تزعلي

خليها مع التساهيل المهم يوعدك يوديك

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة OMnonaa (المشاركة 3328009)

الله يجزاك خير .. فعلا كلماتك بلسم الله لايحرمك الاجر..

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة OMnonaa (المشاركة 3328010)

ما أعرف يمكن لاني مثالية حبتين احس انها من واجباته .. hhggr

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة هاجر9 (المشاركة 3328017)

فكرة حلوة بالبركة قولي له و اذا قال لك خليها لما افضي لا تتضايقي و تزعلي

خليها مع التساهيل المهم يوعدك يوديك

إن شاءالله بكرة راح اقوله وإن شاءالله مايرفض .. مع أننا كنا مخططين اذا طلعت سيارتنا الجديدة نسافر منطقة باردة نصوم فيها عاشوراء .. والحرم على طريقنا لهالمنطقة .. ماأعرف اذا باقي في باله نسافر أو غير رأيه ..