![]() |
رد: اريد الذهاب لطبيب نفسي
انصحك اختي وبقوة ان تراجعي طبيب نفسي جيد ومتمكن عشان تقدري تبني حياتك من جديد انت تمرين الان بمرحله اكتئاب مابعد الصدمه وهي صدمه الطلاق وكذلك تسلط الافكار عليك بدرجه لا تقدرين على التحكم فيها كلمة انسي الماضي سهله لكن مو اي احد يقدر عليها وتقبل الناس للصدمات تختلف ومايتحمله غيرك ويتاقلم معه قد لاتقدرين على تحمله وماتتحملينه قد لا يتحمله غيرك وهناك ادويه نفسيه كثيرة ومناسبة لحالتك ولا تستمر اكثر من 3 الى ست اشهر بالكثير تساعدك على التحكم في طريقه تفكيرك وتخفف تسلط الافكار عليك وبالتالي تستطيعين البدء من جديد بانطلاقه للحياة وبدون تاخير انصحك بالبحث في النت عن حالات الاكتئاب بعد الصدمة والوسواس القهري لتزدادي معرفه بهذه الامور والادويه النفسية اغلبها غير ادماني لانه حالتك تعتبر باذن الله من الحالات البسيطة ابحثي عن حلقات الدكتور طارق الحبيب وهو طبيب نفسي في اليوتيوب لتزداد معرفتك بان الطب النفسي يعالج باذن الله من اشياء كثيره المرض النفسي مثله مثل اي مرض عضوي يحتاج العلاج المناسب لتشفي منه باذن الله ولا تندمي بعد مرور سنوات طويله من العناء وتبحثي عن العلاج متاخر بعد ذلك وقد قال الرسول صلى الله عليه وسلم: ما أنزل الله عز وجل داء إلا أنزل له دواء، علمه من علمه وجهله من جهله. الاكتئاب والقلق والوسواس القهري ولوم الذات ونقص الثقه بالنفس والاحباط والخوف من الفشل كلها تعتبر من الداء الذي انزله الله وانزل له الدواء والواجب عليك السعي لتتعالجي منها باذن الله وبامكانك ايضا قراءه الاستشارات الطبية النفسية في موقع اسلام ويب لتزيد معرفتك بطبيعه الامراض النفسية
|
رد: اريد الذهاب لطبيب نفسي
وللمعلوميه ان الاكتئاب يسبب افراز مواد معينه في الجسم تسبب لوم الذات او الغير والحزن والاحباط وتسلط الافكار السلبيه والحساسية الزائدة والغضب وممكن العصبية والادوية النفسية باذن الله تعمل على اعادة هذه المواد الى الشكل الطبيعي وتساعد على توازنها فبالتالي تعودين الى طبيعتك وافضل باذن الله وتستطيعين القيام بماتريدين من امور بانطلاقة
|
رد: اريد الذهاب لطبيب نفسي
بخصوص موضوع التوفيق وربطة بالعبادة اختي هذا الشي ظلم لنفسك، اختي في ناس ملحده وتلقاهم سعداء وعايشين حياتهم وناس بس تسبح وتهلل وحالته حالة، السعادة والتوفيق مرتبطة بأمور كثيره منها الوعي، الوعي هو ادراكك لنفسك واكتشاف ماتريد بالفعل وكيف هالكون يؤثر فيك وكيف انت تتفاعل مع اللي حولك وكيف هم يؤثرون فيك (كله من عند الله سبحانه اكيد)، انصحك بأخذ كورسات بهالعلم، علم الطاقة وانشالله يساعدك، وانتبهي تربطي سعادتك بمن حولك او وظيفة او زوج مستقبلي، السعادة تأتي من الداخل، لما تكتشفي نفسك فعلا وتعرفي ماتريدين، لأنك ماشالله واضح انك تعرفي قيمة خياراتك لكن شكلك عجله وتحبي تستبقي الأمور، الطلاق لمثل حالتك ممكن يكون مفيد جدا للوصول لخيار شريك مناسب جدا.
نصيحتي مع اهلك حاولي توصلي لمرحلة انك تتحاوري مع اللي حولك وتشرحي رأيك بدون مايأثر رأيهم فيك او طريقتهم بالحوار، حاولي توصلي انك انتي تتحكمي بدفة الحوار بهدوء، هذي مرحلة كبار بالسن مايوصلوها بس انتي ممكن توصليها لو طورتي نفسك بطرق التواصل وكورساتها المتعدده. ممتازة فكرة الطبيب النفسي بس مااتوقع مهمة مره، عموما اختاري واحد بعناية ولا انصح ببعض الأسامي التي ذكرت بالردود. لاتنسين علم الطاقة وادعيلي، تحياتي |
رد: اريد الذهاب لطبيب نفسي
بالبداية ...
مافيه اي انسان ع وجه الارض له يد بخير اصابك او شر هم اسباب وعن طريقهم صار اقدار الله مكتوبه والايمان بها من اركان الايمان مو عيب تروحين لطبيب ولكن اذا ماعندك اراده وايمان مابينفعك أحد من تجربتي بالدنيا ما اشوف انه عيب اني اتطلق واتعثر واقوم ولو شفتي قصص هنا بتقولين الحمد لله تطلقت وهذي مصيبه ولكن عندي اب عندي ام عندي اخوان عندي بيت مصروف حياة اجتماعيه صديقات شهاده دراسه عمل اي شيء وقارني بين الي عندك وبين ما اخذ منك ثم قولي الحمد لله تطلقت 3 مرات والاخيره كانت قاسيه خرجت بولد والحمد لله خير خرج من شر فقلت الحمد لله ع النعمه قبل المصيبه اعرف اننا نتمنى لمن نشوف وحدة مكسوره او مكلومه نلمها ونطبطب عليها ونواسيها وناخذ بيدها بس والله ماحد بينفع احد قد نفسه في زمن سيطرت الـ أنا" ع الناس كل احد انا انا انا ومايفكر بالي حوله فخليك قويه وجددي حياتك وواجهي الواقع فقد وقع وماينفع التذمر والوم والتشكي ترا كل انسان عنده خير اسأل الله لك الراحه والتوفيق لما فيه خير لك |
رد: اريد الذهاب لطبيب نفسي
صح الطبيب مو عيب
بس انا انصحك تشغلين نفسك دراسه او وظيفه او شيء تحبينه وانسي وطنشي ولا كأنك تسميعين وش يقولون... ادري هالصفات يبي لك عمر تتقنينها وتكتسبينها بس لاتقولين ماقدر قولي اقدر واجتهدي ع نفسك لان مافيه حل لوحده بوضعنا الا كذا |
رد: اريد الذهاب لطبيب نفسي
اقتباس:
فيه توكيل لله والله كافي جزاك الله خيرGlk |
رد: اريد الذهاب لطبيب نفسي
اقتباس:
بانتظار عودتك شكرًا لك |
رد: اريد الذهاب لطبيب نفسي
اقتباس:
لكنني لا استطيع إطلاقا انتزاع سالفة زواجي وطلاقي من بالي عزيزتي مسألة الزواج عند اهلي عجيبة ربما طلاقي كان هو الصفعه ، لآلا ليس طلاقي هو الصفعه ربما لومي هو الصفعة ، انا لم أكن الابنة الاولى الآي تتزوج من اخوتي ، سبقتني اخت وبصراحة كل مأتم معاها قد تم معي لكن الاختلاف ، ان من تقدم لها كان معروف لها لانه قريب للعائلة جدا ،ولديه مواصفات تجعله مؤهلا اكثر لإقامة. أسرة ، رفضته بالبداية وطلب والدي من الوسطاء التدخل لمحادثاتها ، نجح زواجها ولله الحمد ، ومن محادثاتي مع والدي في هذا الموضوع انني أقول له لماذا هذه الفكرة لديك ، ليس معقولا انه لمجرد تقدم خاطب ، لابد وان يكون هو المناسب غير معقول ان نصيب بناتك دائما مع المتقدم الاول ، يقول غير صحيح ،لكنه في نظري الأقرب للصحة ،فعلا هذا غير معقول بصراحة بعد طلاقي لم أكن الوم احدا كنت اكتفي بعدم تأيد الزواج بمثل المقومات التي قام عليها زواجي الاول ، واحكم عليها مسبقا بالفشل ، وأقول ذلك علنا وبطريقة حاده اما لوم والدي في داخلي ضيق وافكار وكنت اسأل والدي لماذا لاتجعل اخي يتزوج أليس في سن مناسب بنظرك مالذي يمنعك عن تزويجه ، مو لازم يشتغل ويعتمد على نفسه انت قدم له المال الدنيا سهالات بعد مايتزوج يتوظف او انت ماتقصر عليه، احس في وجهه الصدمة من كلامي أحسه يدور اجابةربعدين يقولي انا قلت له بس هو مايبي، انا عارفة يا اخت مريم هو مايقوله وانا مو مقتنعة بتزويج صغار لكن حببت اطبق قناعاتهم على نفسهم ، بعدين انا احس اصرار اهلي على مبدأ الوم العصابة قبل القلقة ، تزوجها وهي صغيرة عشان لم تكبر يكون وضعها بالسليم ، بس يعني حرام والله تسببتم بأكشن بدري على اللي بعمري .. يختفي جد جد إنترفزت وانا اكتب ، المشاعر اللي بداخلي تزيد يوم بعد يوم. بعد طلاقي كنت اهداء لين وصلت آلو هذي المرحلة اليوم بدين الوم الوالد بصراحة بعد سنة ونص من طلاقي يمكن اللي خلاني أبدا باللوم ان اللي بداخلي بدأ يتعداني مرا كنت شاورت الوالد بحيرتي بدخول دورتين علمية وبعد اسبوع من المشاورات قلت له إِيش رأيك قال الدورة الاولى ماراح تفيدك الدراسة كثر اعتمادك ع نفسك ، وبذلك اخترت الثانية وخبره والدي أني اخترتها.و راح اروح ادفع لهم الرسوم وأبدا ،في اليوم اللي رحت فيه أسجل وبعد ماصرف والدي الرسوم وأعطاني هي وقبل نوصل المعهد بدقيقتين قالي ليش ماتدخلين الاولى اكثر فايدة لك ،انا هنا انفجرت بكاء وغضب وقلت شيئا اعترف أني ندمت عليه قلت له "ايش هذا الكلام اللي تقوله هذا هو تشجيعكم انا لي اسبوع أتكلم معاك بالموضوع ،واسال وابغى رأيك وأخذ الموضوع بجدية وانت بهذي البساطة ماخذه ، لكنها مو سالفة زواج لو كان زواج رحت تشاور و ناديت فلان وفلان يتكلّمو معاي، ليت اهتمامكم بالزواج يروح لاهتمامكم بأمور ثانية وحكي كثير" ، والدي هنا جلس يذكر الله وأخذ لفه بالحارة لحد ماهديت ونزلني المعهد وانا والله مالي خلق أسجل خلاص كرهت أسجل وكرهت ادرس لكني سجلت لان كفايه الأكشن اللي حصل. بليلها كان ضايق خلقي فكرت ارسله اعتذار حسّيت لو أرسلت له اعتذار راح اذكره بالموضوع وأضيق خلقه فسكت كانت هذي اول مرا اوجهه له اللوم مباشرة اريد ان لا الوم لكن لا استطيع ، يعني مادري مااحس احد حاس بالي حاصل بحياتي حتى أمي وأبوي ، يمكن اكثر شيء يحسون فيتي بس مو حاسين فعلا بالضبط زي ما انا احس فريت كلامكم قبل ايام وحاولت لازم الا ما اتذكر هالشيء اليوم الطهر افكر أقول الناس راح تجي تشاورني بزواج عيالها زي ما أبوي شاورهم طبعا مالمت أحد هاليومين بس بداخلي مشاعر مش كويسه أحب أوضح أشياء علاقتي بأهلي طيبه ، رغم هذا كله ، انا أحب ان اخدم والدي ، واسعد ايضا اذا طلبا مني إعانتهم في شيء ، واشعر ان ذلك من نعم الله علي ، لما أبوي وإلا أمي يحتاجو مساعدة بشغله ينادوني من بين اخواني واخواتي، لكن هذا الشيء اللي بخاطري معقدني الله يفرجها ع المسلمين |
رد: اريد الذهاب لطبيب نفسي
اقتباس:
هل هذا صحيح؟ |
رد: اريد الذهاب لطبيب نفسي
اقتباس:
اخذت افكر ماالواحب علي ان انجح فيه قبل دخولي الجامعة لم أجد الا دراستي ايضا اردت ان اذكر امرًا ربما هو ليس نجاح، بل واجب ، اتذكر قبل طلاقي وزواجي كنت جيده جدا لوالدتي حتى اني كنت افضل من الان فمثلا اذا وجدت والدتي تحمل شيئا ولو خفيفا ااخذه عنها ، احاول ان اعينها في المناسبات الان اختلفت بعض الشيء لا اقول ان هذا السلوك انعدم لدي لكنه لم يعد كالساببق |
الساعة الآن 02:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©