منتدى عالم الأسرة والمجتمع - احب شراء الذهب هل انتم مثلي؟

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - احب شراء الذهب هل انتم مثلي؟ (http://www.66n.com/forums/showthread.php?t=266478)

رد: هل تحبون شراء الذهب مثلي..؟

اقتباس:

المشاركة الأصلية كتبت بواسطة تمآضر (المشاركة 3400151)

سبحان الله ياطموحة تصدّقي انّي مااحب الذهب مدري ليه..

تعجبني أساور الذهب الابيض وبعض تصميمات التعليقات والسلاسل برضو ذهب أبيض ، والاغلب الاقي في الاكسسورات العادية جمال في التصميم مااشوفه في الذهب.

عاد مدري عنّي اذا بجلس زي كذا والا اتغيّر بعد الزواج ""gg

بالنسبه لي الذهب الابيض ما يغريني احسه اكسسوار
يظل للاصفر بريقه الساحر خاصة عيار 21 يلق لق بالعين:d

بتتغيرين بعد هذا الموضوعdfh

رد: هل تحبون شراء الذهب مثلي..؟

اقتباس:

المشاركة الأصلية كتبت بواسطة شوق اللقاء (المشاركة 3400178)

و عليكم السلام

موضوع رائع

حكايتي مع الذهب، ابتدت من صغري، الوالدة رحمة الله عليها كان عندها ذهب كثير و للحمد، مرة كان الوالد في حاجة للمال باعته كله و ما خلت الا جقم واحد (حلق و اساور و خات واحد)، و مرت الايام، و في يوم كان الوالد بعد العصر طلع معاها و راحوا اشترى لها ذهب ما هو بنفس القيمه الماليه للي باعته من قبل بس كان أغلى عندها لامور تعنيهم، و بنفس اليوم اشترى لنا انا و اخواتي اول ممتلكاتنا من الذهب

مر الايام و اشتغلت

و صراحة كان راتبي يروح في الكماليات، على البيت و على نفسي،

توفت الوالدة و ابوي رحمة الله عليه و اخواني الذكور تنازلوا لنا على ذهب الوالدة

المهم بعد وفاة الوالد بشهرين تقريبا أخذتني بنت خالتي لمحل الذهب و قالت لي بالحرف، لازم كل شهر تشتري قطعة ذهب و الا فكأنما تشتغتلين على الفاضي

و بدأ ادمان الذهب عندي و الحمد لله اصبحت عندي كوليكشن منه، و اي واحد من العايلة يحتاج منه يستعير مني

و اشتريت ذهب لي و لاختاي،
لم افكر يوما ببيع اي قطعة مما اشتريته، و حاليا افكر اروح اشتري ذهب

الذهب ما ألبسه الا في المناسبات، و لو كنت على سفر ما البس ذهب اخاف يضيع مني

اعتقد انه المرأة تجد في شراء الذهب فرصة للادخار فلهذا تحبه و تحب من يشتريه لها

طيب ما لكم في الساعات

الله يرحم والديك يا شوق ويجمعكم بهم بالفردوس الاعلى

اقتباس:

و بدأ ادمان الذهب عندي و الحمد لله اصبحت عندي كوليكشن منه، و اي واحد من العايلة يحتاج منه يستعير مني

لو تلاحظوا كل وحده منا لها حدث
انطلقت بعده لمسيرة عشق الذهب:d

ننتظر صور من الكولكشن بتاعك يا بتjyjydfh

الله يخليك لاخواتك تعطيهم ويعطوك

الساعات
مؤخرا سمحتلها تدخل مزاجي
واشتريت ساعتين بنيه وبيضا
وببالي اشتري فضيه وذهبيه ان شاء الله😍
لكن ما افهم في ماركاته كثير
الشكل اللي يعجبني اشتريه

ننتظر صورك😙

رد: هل تحبون شراء الذهب مثلي..؟

واو موضوع يفتخ النفس راجعه اقرأ الردود بعد ماانتهي من 4 دروس لازم أنهيها قبل الساعه9

المهم إني قبل الزواج كنت أعشق الاكسسوارات الغاليه مااهتم بالذهب وابويه كان كل نجاح لنا يالبنات يشتري لنا سلسله بتعليقتها واسوره وخاتم

متى حبيت الذهب لما رحت أشتري في زواجي أبويه حدد لي مبلغ من مهري وأخذني للسوق ونفسي في ذهب أبيض قال لا الابيض لما تبغيه يرخص مره

المهم رحنا ع طقوم اللازردي والسنغافوري تجنن حبيتها من ذاك الوقت

واشتريت أربع طقوم لززززيززززه
وقتها كان سعرها ربع سعرها الآن
قبل 11 سنه
واشترى لي أبويه بناجل أظن أسمها كذا😬 12 حبه لازردي
واشترى لي حزام بعته قبل سنتين
واخترت خواتم واساور وكذا

الزبده انه بعد مرور ثلاث سنوات ضاع نصف ذهبي😭😭😭😭😭😭

والحمدلله قدرت أجمع وأشتري لكن مايوصل بحلاوة القديم

ع فكره لي سنه محطيه مبلغ أشتري كم قطعه جديده وأنسى لاني ماابغى أشتري إلا من محل واحد وهو الرميزان ومو موجود عندنا

تشكيلات الذهب عنده عذااااب انصحك فيه طموحه

وشكراً ع الموضوع القيم😬

رد: هل تحبون شراء الذهب مثلي..؟

اقتباس:

المشاركة الأصلية كتبت بواسطة زين ابيها (المشاركة 3400188)

قبل سنة ونصف تقريبا
كنت اكره الذهب .. اكرهه
من كثر كرهي له كان فيه مشروع اسوي جمعية مناهضة لبس الذهب
😆

المهم ....
وبعدها ابتدت حكاية عشقي للذهب
احببببببه
احبببه احبببببببببه
لا .. مو بس احبه
الا مهووسة به ❤

فيه قائمة في بالي اشتريها مثل كرسي جابر
و طقم صباح الخير
والاشرفي
والبنجر والمضاعد
امووووت بالذهب التراثي

طبعا الدبلة دايما بايدي ما اشيلها
وسلسلة عليها اسمي و اسم زوجي

واذا بطلع من البيت احيانا البس دبلة ثانية مع الساعة واسوارة

وااااو يا زين شهيتني اشتري اللي قلتي عليهم<<<<حشا بتاكلهم:d

تصدقين كرسي جابر هذا اسمع عنه من زماااان
لكن عمري ما شفته ولا اعرف شكله
ممكن تحطيلنا صورته يا زينو
وصوره لباقي الاسماء اللي قلتي عليهم
صباح الخير
والاشرفي
هذولا اول مره اسمع اساميهم يمكن عندكم بالكويت معروفه
والبنجر والمضاعد<<<قصدك هنا البناجروالمعاضد؟؟

المهم نعنشينا بصوره لكل نوع يا زين:23::23::23::23::23:

اقتباس:

واذا بطلع من البيت احيانا البس دبلة ثانية

بتجلطوني بحكاية كذا عندكم دبلهkhhkhh
اول مره اسمع عن حكاية تغيير الدبل منكم😩
والله منجد على بالي الدبله هي هي ماااااتتغير ابداااا

ننتظر صوركjyjy

رد: هل تحبون شراء الذهب مثلي..؟

زين..

هذه الدبلة المرامية؟

http://www10.0zz0.com/2016/04/05/21/208436096.jpg

ما كنت أعرف اسمها .. ولا كنت أعرف أنها تعتبر دبلة.

ألبسها في صبعي الوسطاني.

خذتها وخذت معاها الشاهد.

وهذي سلسلة اسمي.

http://www10.0zz0.com/2016/04/05/21/190557476.jpg

وناوية أعمل وحدة ثانية بفصوص .. بس أحصّل حد يسوي لي .. لأن اللي شفتهم كلهم ما يسوون إلا ذهب.

وهذا آخر خاتم اشتريته.

http://www10.0zz0.com/2016/04/05/21/899120953.jpg

رد: هل تحبون شراء الذهب مثلي..؟

http://www14.0zz0.com/2016/04/05/21/158805656.jpg

اللي على اليمين صباح الخير
واللي عاليسار الدوائر هذا الطقم الاشرفي

*http://www5.0zz0.com/2016/04/05/21/509455685.jpg

هذا البنجر

*http://www5.0zz0.com/2016/04/05/21/786602380.jpg

اللي عاليمين الكبير كرسي جابر
واللي عاليسار المرتعشة

كلهم ذهب بحريني وصياغة بحرينية
😆 طموحة وآنه بعد بحرينية

رد: هل تحبون شراء الذهب مثلي..؟

ايييي مهورة هذي المرامية بالزبببط
😍 ما شاء الله عجيييييبة عليج بالعافية حبي..

.

طموحة الدبلة الاساسية ما اغيرها كلش
وهي اللي على طول بايدي
لانها دبلة زواجي
واخترتها تقليدية متعمدة ❤

رد: هل تحبون شراء الذهب مثلي..؟

مهورة اذا تجين البحرين فيه محلات يسوون باللولو عجيييب

رد: هل تحبون شراء الذهب مثلي..؟

http://a.top4top.net/p_95wx0u5.jpghttp://a.top4top.net/p_95cuj95.jpg
http://a.top4top.net/p_95wx0u5.jpg
بعض ممتلكاتي :d
الاساور عندنا وجاهة و الي ما عندها اساور ما عندها ذهب
و ما تطلع البنت من بيت اهلها دون اساور
مو حلوة في حق. اهلها

احس ذهبنا اوجه من ذهبكم ⏩⏩ بذون قصف لو سمحتم ddd

رد: هل تحبون شراء الذهب مثلي..؟

زين كل الصور الي حطيتيها عندنا منهم باختلاف الاسامي تتلبس مع الازياء التقليدية