المشاركة الأصلية كتبت بواسطة قاهر الليبرالين (المشاركة 3435733)

اريد اسئلك سوْال هل شافك نظره شرعيه قبل الزواج او كان مغصوب عليك لنه الواضح ينتقدك في شكلك ولبسكك اتوقع غير متقبلك شكليا هذا والله اعلم

المشاركة الأصلية كتبت بواسطة samar_369 (المشاركة 3429894)

السلام عليكم
مبارك عليكم الشهر الفضيل
جزاكم الله خير على هذا المنتدى الرائع جدا

انا متزوجة صارلنا متزوجين 4 سنوات ماعندي اطفال , انا عمري 25 وهو 30
المهم مشكلتي مع زوجي غيرته والمحاولة للتحكم فيني fgfg

للامانه خلوني اقلكم عن بيتنا شوي انا عندي 6 خوات غيري يعني حنا 7 بنات الله يحفظهم ويسعدهم وين ماكانوا fffsg , ابوي للامانه انسان مو متشدد ابد ولا متعصب ولكن كان يبي ولد وماكانت اسبابه اسباب الجاهلية لا ابد كان يبي ولد يحمينا ويكون سند لنا ويعتمد عليه , المهم الله مااراد وله حكمته سبحانه وابوي راضي ومقتنع باللي الله عطاه هو ..

المهم امي وابوي الله يخليهم لنا ويحفظهم ربونا على الاستقلالية والاعتماد على النفس ابوي يحب يعلمنا على اشياء كثير وينورنا في امور كثيرة
ويحب يعتمد علينا يعني مطلع بنات عن 100 رجال يعني كل بنت ولها حريتها وشخصيتها واستقلاليتها وكل شي بحدود والحمدلله fffsg

انا بحكم تربيتي فيني جرآءه واقدام واتحمل المسؤولية واعرف اتصرف هذي شخصيتي اذا فقدت الامل رحت ادور واطلب المساعده
المهم اكتشفت انه زوجي ابد مايعجبه هالشي فيني !! واحيانا يستغرب !! وانا مافهمت عليه ! حطوا بالاعتبار ي اخواتي واخواني اني مو ماخذه مكانه ولا دور الزوج

يعني ي جماعة والله انا احترت يعني مثلا لو نبي نسافر لمكان وتعسرت علينا شوي !! اقوله ولا يهمك انا اضبط الوضع والحمدلله تتيسر / او حجز الفنادق ... اشياء والله تافهه اي احد يقدر يسويها !!

او حتى لما اشاركه واسولف معه بمشروع او سواليف رجال او حتي سيارات هههههه يتضايق !! ويستغرب مني !!

فصرت اقلل من هالشي وصرت استشيره حتى لو اعرف عشان احسسه اني بحاجته مع اني ي جماعه ساعات اخذ رآيه وساعات اطلب مساعدته وكثير اشياء هو يسويها مثل اي رجال
وصرت حتى استغبي عشان مايتضايق !!

بس بصراحه مرره تضايقت من شخصية زوجي !! وقلت يمكن عنده مشاكل بالثقه !!

هذا شي والشي الثاني غيرته القاتله شي مو طبيعي ي جماعه
بالسوق بالمطعم بااي مكان صرت اخاف التفت يمين او يسار !!
ولما نسافر شي مو طبيعي احس ينجن او يصير شخص ثاني !! مع اني يجماعه ماناظرت في حد انا اتوقع ان زوجي متاااثر بقصص او يمكن واحد من اصحابه كذا مادري !!

احسه مضيق علي بشكل مو طبيعي !! لاتطلعي . لا تلبسي . لا تضحكي . ولا تروحي لهلك !! مادري شسوي للامانه احس خانقني

حتى القراءه يخاصمني عليها !! حتى لما اسوي رياضه مادري ايش فيه مو طبيعي !!

تم تعديل العنوان ليتناسب مع المضمون

المشاركة الأصلية كتبت بواسطة samar_369 (المشاركة 3448642)

السلام عليكم
اشكركم على تفاعلكم وانا عارفه ان المشكلة السخيفة معقده جدا !!
ربما اقدم على الطلاق !
على كل حال الله يوفقني واياكم للي فيه خير وصلاح لنا
كيف احذف موضوعي !!