رد: زوجي والهدية
 

شكرا اختي ريماس🌹

رد: زوجي والهدية
 

قلبت عالوجه الحلو امس واليوم
وقلت له قبل شوي ابغى شغلات للعيد
بابتسامه حلوه ودلع
قال: طيب مع انك ماتستاهلي!!
قلت نعم؟
قال ايه ماتستاهلي بعد اللي سويتيه
انا هنا انفجرت عليه
وقلت كل اللي بخاطري
عصب وغصب انا غلطانه غلط فادح
ورجع يذمني ويذم هديتي
وقال لي يابخيله هديتك ماتوصل 100ريال
قلت والله ب600 قال انا استاهل الفين
قلت مافي بحسابي الا 5000
قال اللي يسمعك يقول 5 ريال
قلت يعني اصفر الرصيد عشان ترضى؟
قال ما ابي منك شي يا الكذابه
اثبتي لي انك كذابه ومحتاله وانا صدتك


كلمه منه وكلمه مني وعلا الصوت
ونزلت دموعي
وجلس يتمنن علي بهديته اللي كرهتها

قلت ما ابي منك شي
وقال اني ما ابي سحورك
ودخل يطبخ الاكل لنفسه

رد: زوجي والهدية
 

انا لو تقبلت جملته لما قال: طيب مع انك ماتستاهلي
وقلت اوكي خلاص بكرا نشتريها
كان ما صارت الهوشه
بس انا ما تحملت انهان يومين على شي عملته بحسن نيه
ما اقدر اتقبل يجرحني واسكت
اهم شي اخذ اللي ابي
قاعده غبيه
الاحترام قبل الماديات

رد: زوجي والهدية
 

هوا كذا لكن اللي سار سار
سيببيه اليومين هذي وتفرغي للباقي من رمضان
الله يصلح الحال

رد: زوجي والهدية
 

هديته هو شاريها لي حتى اكشخ للعيد
ناويه اتركها بالدولاب بعلبتها
لاني فعلا كرهتها
ودام يتهمني بالبخل
ويقول لي حتى بالصيدليه تاخذي فيزتي!!
فانا ناويه ما اخذ منه ولا ريال هالفتره
وهالشي اعرف بيصغره عند نفسه
وبعد العيد بدور لي اي وظيفه
هذي قرارتي والله يكون بالعون

رد: زوجي والهدية
 

كنت رح اقترح عليك تدوري وظيفة
لقيتك سبقتيني.
دامه يتمنن عليك بالهدية و يقارنها بهديتك رغم انك مو موظفة عيب عليه
قول معروف خير من صدقة يتبعها اذى
حطي هديته لك بمكان يشوفه و خليها مثل ما هي.
قومي بواجباتك عالصامت و ان كلمك ردي عليه على قد السؤال.
تتذكري وش قالت لك شوك لما رجعتي بيتك دون ما تحطي النقط عالحروف ؟؟
ما تعلم ابدا من اللي صار و رجعت حليمة لعادتها القديمة باقل من شهر.
الله يرزقك بالوظيفة و يعينك عليه

رد: زوجي والهدية
 

مستمرة في تصعيد المواقف
للأسف

ستسلكين الطريق الخطأ

المشكلة أنك تعرفين الحل لكن عند التطبيق

ترجعين لنقطة الصفر

ومحلك سر...

رد: زوجي والهدية
 

وما هو الحل يا محب السنة؟

رد: زوجي والهدية
 

معليش يا اختي انتي عارفه نظام زوجك وغيرته الشديده عليك، وخطأك بمقابلة الرجل عند الباب وأخذ الهدية، وهذا هو صلب المشكله ولو ما صار هالشيء كان اموركم مستقرة، فلذلك تحملي تبعات فعلتك..
معليش حنا هنا ما راح نجاملك، هو صحيح انك اجتهدتي وحاولتي تقدمين شيء جميل لكن تعديتي خط أحمر من الخطوط اللي وضعها زوجك واللي تعلمين عنها مسبقا..
لا تصعدين الموضوع وهذا مو في صالحك أبد، ودامك غلطانه تحملي تبعات خطأك حتى لو كنتي ترين أن الموقف ما يستاهل ردة الفعل الكبيرة..
وكان المفترض لما قال مع انك ما تستاهلي، انك تغافلتي ومشيتي الموضوع لانه كذا راج تمشي الحياة، لان زوجك واضح عليه ان الموضوع بالنسبة له شي عظيم..
وفقك الله لما يحب ويرضى..

رد: زوجي والهدية
 

موقف اليوم أنت ذكرتي التصرف الصحيح اللي كان راح يعدي الموضوع على خير

أستخدمي هديته في العيد و كأنه شي ما صار

لا تعطي هديتك له لأحد خليها في مكان هو يشوفها و لا تلمسيها و لا تذكريها خير شر

و صفي قلبك

و أستفيدي من تعامل الأخت الفاضلة روح الطير مع زوجة و أنظري كيف تمشي الأمور بهدوء اللهم بارك و تعدي و لا تدقق في التفاصيل لتستمر الحياة

أعرف أنه صعب و لكن يحتاج لجهد وصبر

و ركزي على موضوع الصبر و الصلاة

و اجعلي خطتك أنك تجعليه يحافظ على صلاته في جماعة المسجد

وبإذن الله ستتحسن أموركم

وموضوع الوظيفة إذا بتفتحيه معه يكون بشكل و دي و بعيد عن أسترجاع مواقفكما و مواضيع الكرامه و غيرها من الأمور الآي تشعل و تؤجج الخلافات

ولكن تكون من باب رفع دخلكم كأسرة و تأمين مستقبلكم كأسرة و على قولهم دوري من وين تُؤكل الكتف

ومستقبلاً لو حاول أستفزازك لا تنجرفي خلف أستفزازه و لا تشدين طنشي و كوني أنت الحكيمة

وأسأل الله لك التوفيق