المشاركة الأصلية كتبت بواسطة نبض الدان (المشاركة 3436055)

فرح
لسى بنتك بأول حياتها
وش تسوين اذا دخلت المدرسة وجتك تشتكي من زميلاتها والا معلماتها..
وترا كللل الأطفال يتعرضون للي تعرضت له بنتك
ومجرد مايشوفون الناس ان الام حازمة ينتهون..
انا يسموني اللبؤة ماأرضى يداس لهم على طرف
وبنفس الوقت اذا شفتهم اعتدوا على أحد اقوم واشيلهم بصمت واجلسهم عندي
الطفل يكرررره احد يمسكه
تبغين بنتك تترك شد الشعر اذا شدت شعرك أمسكي يدها وبدون أي تعابير بتصيح وتصارخ خليك ماسكة يدها فترة بعدين اتركيها بتشوفين انها هي بتترك هالعادة بعد فترة..
واذا شدت شعر أحد قومي لها أنتي علشان ماأحد يقوم لها وجلسيها بحضنك وامسكيها برضو فترة
هالطريقة شفتها باليوتيوب ببرنامج اطفال شهير وطبقتها احسن طريقة مشت مع عيالي من غير صراخ ومن غير ضرب..
وحتى اذا ضربها أحد لاتتركينها قومي وفكيها بهدوء وخوذيها ولا تقولين شيء للطفل الثاني

ترا قولة مافيه موت ويتعودون خاطئة..
الطفل اما ينشأ مهزوز او عدوني وهذا كلام علماء النفس..


اللي تمرين فيه طبيعي كلنا يجينا وقت وننهار ونتعب
الصغار مو سهلين ابداا ربي يصلحها ويحفظها ويقر عينك بسعادتها..

المشاركة الأصلية كتبت بواسطة مصونات (المشاركة 3436069)

الله يصبرك اختي فرح ويسعدك ويسهل أمرك ويفرحك يارب.....طيب برجعك طليقك مافكر يرجعك

المشاركة الأصلية كتبت بواسطة موهبة الكويت (المشاركة 3436332)

حبيبتي ايقني يقين لا شك فيه ابدا ان اللي خلقها ارحم فيها منج ومن اي احد ثاني

وهو ما خلقها عشان تتعذب او تنضرب ولكن لكل شي حكمة يمكن هالموقف الله مخليها دروس لج للمستقبل

ومثل ما قالت نبض الدان شوفي فيديو عن اذا الطفل انضرب كيف الام تتصرف


الله يبلغج فيها وتشوفينها عروس يارب

المشاركة الأصلية كتبت بواسطة الـــوحيد (المشاركة 3436432)

اختي فرح
لاتضغطين على نفسك وتحملين نفسك سبب كل اللي يصير لبنتك فـ اللي يصير للبنت حاليا هذا ماله علاقه بطلاقك لان حتى اللي مع زوجها ممكن تروح اي مناسبه ويصير اللي صار لبنتك فـ لاتربطين الموضوع بموضوع طلاقك
ثانياً اعطي نفسك مساحه ولو بسيطه تعيشين لنفسك يعني حاولي تطلعين شوي من الجو اللي انتي فيه مثلا اشتركي بنادي او اشغلي نفسك بتجاره ولو عن طريق الانستقرام او اي شي يشغل فراغك ويطلعك من جو العائله والمسؤليه
لاني اعتقد ان سبب عصبيتك وسرعة انفعالك هو حاجتك لرجل بحياتك لاتزعلين مني اختي بس هذا احساسي وبرضو احساسي ان هالشي راح يصير قريب ان شاءالله وانك قريب راح تفتحين موضوع وتبشرينا انه جاك عريس

المشاركة الأصلية كتبت بواسطة ♡فرح♡ (المشاركة 3436585)

بضبط كلامك انا انسانه ابغى أخذ فترة راحة مسؤلية بنتي تعبتني نفسياً وجسديا لدرجة أفكر اسافر لاخوي واترك البنت عند ابوها لاكن اخوي رفض أني اتركها من حبه لها يبغاني اخذها


فكرت وامنيتي صراحة يكون لي مشروع فكرت في مشروع لاكن مكلف ولا اقدر عليه

الله يسهلها

ليه أزعل بلعكس انت فعلا محتاجة لزوج يعوضني هذي سنة الحياة

والي متعبني اكثر ذي الايام ومخليني متضايقة 24ساعة

ان طليقي كمل سنة مع زوجتة وهذا الشي خلاني احزن على نفسي

ماكنا معها سنة الا وهو مرتاح معها ومبسوط وعرفت له وهو تغير وصار قوي شخصية ويمكن اهله تغيرو وماصارو يتدخلون ويستقون

ندمانة اقول لو أني عرفت له ماكان تطلقت وتشتت بنتي


لاكن مو بيدي الله شاهد التعب النفسي الي مريت فيه في فترة حملي

وهو لا قدر ولاشي


وش اقول غير الله يعوضني خير ويجبر كسر قلبي

المشاركة الأصلية كتبت بواسطة المتواضع305 (المشاركة 3436712)

ياأخت فرح يقولون اذا فات الفوت ماينفع الصوت ...! المفروض المحافظه على زوجك من البداية مالم يكن شي كبير يستدعي الطلاق والحمدلله الذي لايحمد على مكروه سواء ...! والله يعوضك بالافضل والله المستعان ....!

المشاركة الأصلية كتبت بواسطة ♡فرح♡ (المشاركة 3436720)

عفواً
كيف احافظ على زوج مايقدر تعب زوجتة في حلمها النفسي والجسدي
وربي قال {حملته كرها ووضعته كرها}

كيف احافظ على زوج يفشي اسرار غرفة النوم


كيف احافظ على زوج يجلس بجواله في الحمام من ثاني يوم زواج


كيف احافظ على زوج أمه تتبلا علي هي وبناتها وهو يصدق

واحلف على المصحف ويكذبني

كيف احافظ على زوج يقارن بيني وبين اخواته حتى في المواضيع الخاصة


لو سمحت أعطني الطريقة ولاتقول اصبري


انا انسانة لي طاقة انفجرت وقت حملي ولا راع مشاعري

المشاركة الأصلية كتبت بواسطة المتواضع305 (المشاركة 3436722)

طالما تجدين بينك وبين نفسك ندم معناه عندك صبر ومقدره عليه

المشاركة الأصلية كتبت بواسطة ♡فرح♡ (المشاركة 3436768)

قبل ما احمل كان كل شي تمام وصابره ومتحمله

لاكن بعد ماحملت مريت باكتئاب شديد ووحام مايعلم فيه غير ربي ولا قدرت اصبر وهو ماقدر ظروفي خذلني بالمختصر