|
رد: مطلقه في صراع ما بين عقلها وقلبها
شوفي أنا بكون معك صريح أولاً طالما انك استخرتي من قبل الخطبة وما إرتحتي كان من البداية إنك ما وافقتي ولكن هذا قضاء الله وقدره .. لكن من ناحية أبوك تصرفه صحيح لأنه يحبك ويخاف عليكي ويتمنالك الخير حتى لو زعل عليكي لأن طليقك الله يهديه فيه صفات للأسف ما هي كويسه وأحمدي ربك إنك ما إستمريتي وخلفتي منه بعدين أبغى أقلك شيء بصراحه أنا مقهور من كلامك كيف تحبين شخص ما يسأل ولا يتوب عن الأشياء السيئة ولو فعلاً نيته صادق ما كان وصل إلي وصله والمفروض كان يعقل ويهتم بشغله وبيته وزجته ويهتم بأشياء مفيده وصحيحه في حياته والمفروض إنه يضحي بأي شيء فيه خير عشانك ولا يقعد طول الفتره يهملك .. رجاءً ياأختي أنا عن نفسي أنسيه تماماً ولا تجعل العاطفة تتحكم فيكي لأنك إنتي الكسبانه وألف من يتمناك وأنا أيضاً أتمنى بأن يرزقني زوجة مثلك ما شاء الله المهم إسمعي كلام أهلك ,إنسي هذا الشخص بتاتاً ولا تعورين قلبك على إنسان لا يقدر الزوجة ولا يكون عند كلمته وعيشي حياتك وخليكي واثقه من نفسك بعد الله وادعي واهتمي بالصوات الخمس مع قراءة سورة البقرة وأسأل الله أن يوفقك ويعوضك بالزوج الصالح أفضل من السابق إلي يسعدك ويحبك ويضحي كل شيء عشانك وسامحيني إذا كان كلامي قاسياً عليكي لكن والله أنا حزين ومتألم عشانك وأبغالك الخير وربنا يوفقك ... |
رد: مطلقه في صراع ما بين عقلها وقلبها
تكفون الي بيقلب علي لا يرد الله يخليكم اعتبروها فضفضه
، تعبت امثل اني بخير تعبت امثل اني اكرهه تعبت اني اواجه الناس واضحك ، تعبت ان قول لغيري واقويه لكن انا مكسوره انا احتاج من يقويني ، تعبت اني امثل ان م عاد يهمني ، تعبت من كل شي لين متى ! خاطري اصرخ للدنيا واقوللهم عن وجعي، ادري هذا قضاء الله وقدره وهذا نصيبي لكن ليش الاستعجال في الامور حرام :( بتقولون يبون الخير لك ! لكن بهذه السرعه ؟ في ناس اهاليهم يتريون سنين ، لو ملكه فقط عادي خل يطلقوني بسرعه ، لكن زواج تسكر علينا الباب ، انا بس شهر بس شهر واحد ما انتظروا فشهر انهو كل شي ، وربي يوم رحت اوقع الورقه انهرت من البكي ليش جي معنى كنت متماسكه ، ليش اطلقت بهذه السهوله كيف اهو م حاول يرجعني اهله اهو ؟ في رجال حريمهم غلطو لكن تمسكو فيهم ودفعو الغالي لهم ليش انا ؟ شو سويت له ؟ لهالدرجه انا رخيصه ؟ انا وقفت معاكم تعبت عشانك ؟ ليش م ابوي خلاني عنده فالبيت ومنعني منه لمده سنه سنتين وربي راضيه بس يتاكد منه ! والله االطلاق كسسسر كسسسسر للبنت ، منتظمه بدوامي الحمدلله انشغل بدروسي اطلع اسولف لكن تعبت من الحياه والضغط الي اضغطه على نفسي عشان محد يعاتبني وله يرمي كلام ، يعني من متى م بكيت واليوم انفجرت ، مب قادره انساه مب قادره انسى لحظات يوم عطاني حنان وكلممه حلوه خاطري بطفل الي تزوجو معاني تبارك الله والله يهنيهم صارو امهات يطلعون ويدخلون ليش انا بس :( السنه الماضيه في هذا الوقت كنت اتجهز لعرسي اتجهز لملكتي ، ما اتوقعت هذا الي يصير توقعت اني استوي ام ، اتوقعت اني حامل توقعت ان ابني بيت سعيد ، كل م اشوف التاريخ انكسر زياده ذكرى زواجي الاول جاي و انا وين ! في بيت اهلي وانا حامله لقب مطلقه غيري هذه احلى واسعد اللحظات لهم ، ليش كذا تعبت وربي اكتب وانا ابكي لين متى امثل بقوتي لين متى امثل ان م عاد يهمني لين متى امثل اني نسيته قسم بالله ضغط ضغط لا يعلم فيه الا الله ، ابغي ربي يكتب لي وله الهدايه ولا نظل او نشقى بعدها وتكون حياتي معه هي الخير ونرجع لبعض لكن اهلي مستحيل احس الي حولي محد ح يوافق احس اهو بعاني اهو تركني شعوري متلخبط بس تعبانه وربي تعبانه ، مرات اقول يمكن ربي يعاقيني على فعله سويتها ، او الطلاق هذا درس لي وله لكن لين متى انكسسسر انكسسسر ما حاول غير مره وحده بعد رميه لي بالطلاق :( وهو المذنب لو مانه لو والد طليقتي يقطعني بس انا المذنب اتحمل ، ليش اهله ما منعوه من الزواج دام عارفيينه اذا ع قولتهم تايب اتاكدو ان م يرد بعدين عطوه بنت الناس ، يمكن كلامي ملخبط بس سامحوني تعبت من المكابر وارجوكم الي بيقلب علي لا يرد |
رد: مطلقه في صراع ما بين عقلها وقلبها
]حبيبتي اللي صار صار وانتهى والرجعه بيده لو يبيك بيرجعك لو بعد مده طويله , اللي بقوله لك لا تتعشمي ف شيء منه
خلاص انسي انا مطلقه مو لحالي كمان معاي بنت منه ف احمدي الله لو كان عندك عيال منه راح تتعبين هم المسؤليه تشلينها وحدك وهو لا سائل فيك ولا ف عياله صدقيني الدنيا ما توقف عند شخص تستمر ف البدايه كلشيء صعب بعدين يبدا يخفف انا الحمدلله تشفيت وبديت اروح واجي وعادي ولاكن شيء م صار مجرد إيمانك انو نصيب ارضي ف القدر معليش هاذي الدنيا مسالة فلانه سعيده وانا لا لا تقارني كلها ارزاق من الله ناس ينكتب لها الزيجه طول العمر وناس ينكتب لها الطلاق م تكمل كلها أقدار هاذي الدنيا بتروح , ما راح يدوم فيه احد ف اصبري واحتسبي وهو ربي مارآح يخليه بيحاسبه |
رد: مطلقه في صراع ما بين عقلها وقلبها
اقتباس:
مؤلم تحكين عن شعوري والله الله يقوينا و يعوضنا المؤلم اكثر يجيبك واحد غبي و يقول مطلقة و يعتبر هالشي عيب يارب انت حسبي و نعم الوكيل يا من هو اعلم بحالنا ارحمنا برحمتك و اغدق على قلوبنا صبراً |
رد: مطلقه في صراع ما بين عقلها وقلبها
الله يربط على قلبك ويرزقك الصبر ويعوضك بخير منه وكل مطلقه
اكثري من حسبنا الله سيؤتينا الله من فضله انا إلى ربنا راغبون |
| الساعة الآن 06:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©