|
رد: تقصير زوجي بالمصروف
معليش أختي بس لو شاف حزم منك ومن اهلك ماقصر عليكم بشيء .. أجل يصرف على زوجته الاولى وعيالها وأنتي راميك وعيالك على اهلك وشايل يده من مصاريفكم .. تدرين لو أنا مكانك وش بسوي!! بعطيه عياله وبقوله خذهم معك اصرف عليهم دام ماتعطيني شيء لهم .. وقتها بيعرف إن الله حق وبيعطيك إللي تبين عشان مايبتلش فيهم .. ولاتخافين ماراح ياخذهم لانه اللي عنده يكفيه..
|
رد: تقصير زوجي بالمصروف
اقتباس:
عاد تصدقين كنت ناويه اخبره اني ناويه على مشروع صغير عشان يفتك من مصاريفي مسويه عزة نفسdg افكر بيني وبين نفسي من زعلي وحرقتي بس الحمدلله ماتسرعت وخبرته بلتزم الصمت الله ييسر الخير |
رد: تقصير زوجي بالمصروف
اقتباس:
ولعلمك كل ماصرت حازمه بطلبي وحقوقي الشرعيه كامله يغير السالفه ويقلبها علي ويرجع يهددني بالطلاق واليوم كلمته بحزم وزعل طلبت منه مصروفي وخبرته على الولد انه غلط بحاجه قام رفع صوته وقال لما اجي باخذ الولد عندي يدرس وانتي ماتعرفين تربين قلتله ماراح تاخذه الا بوجودي قال ماعاد منتظر وجودك باخذ الولد وبتشوفين شفتي كيف!!! يقلب السيره بالكامل ويغيرها لمجرى ثاني ويبدأ بتهديداته بالطلاق او بحرماني من ولدي طبعا مايقدر ياخذ ولدي مني صدقيني اختي لو صرتي مكاني وان شاء الله ماتذوقين اللي قاعده اذوقه مرررراره كالعلقم راح تتكتف يدينك وماراح تقدرين تسوين شي اذا مع كذا انسان صعب حتى اهلي لو شدو معاه قطعهم وقهرهم بتصرفات تحرق الاعصاب وللعلم زوجته الاولى مايصرف عليها ولا على عيالها قلتلك اموره الماديه تعسرت كثير بس هذي جزاة الظالم |
رد: تقصير زوجي بالمصروف
أسأل بالله كل من قرأ كلامي
بس يطمني انا غلطت بشيء انا مفروض اقدر ظروفه واسكت واصير أطلب من اهلي لو ابي شي قبل كذا صبرت ولاضغطت عليه لكنه طلع مايستاهل لما يصير معاه يخبي فلوسه مني ويصرفها ولايعطيني شي اخر شي يقول خلصت اصبري يعني مااستفدت شي قلت هالمره بسوي مو فاهمه وراح اطالب عشان ماياخذ وجه ويتعود أصبح متساااهل بهالموضوع جدااا معاي صح انا او خطأ ؟؟؟؟؟؟؟ بدأت اوسوس لااتحمل ذنب لما تكلمت وطالبت بالمصروف وزعلته |
رد: تقصير زوجي بالمصروف
انا الآن بين تأنيب الضمير
وبين حقي شرعآ في المصرف مااعرف احس اني بديت أتووه حتى الحين كلامنا مع بعض استفزاز طريقةاسلوبه صار معصب واي كلمه مني يعصب وينهي المكالمه او يلمح بكلمات مستفزه بإني ماأسوى الا صفر وانا لما أكلمه بدوون نفس قافله معي منه حاسه اني مو محترمته بداخلي لانه حسسني ماعنده كرامه ولا عاد بتصل فيه لايفكر اني خايفه من تهديده الفاضي شورو علي وش الصح والخطأ |
رد: تقصير زوجي بالمصروف
اختي انا رأيي من رأي الاعضاء
اللي شاروا عليك تعملين او تفتحين لك مشروع صغير بالنت بدون ماتخبرينه وعلى شوي شوي بيصير لك دخل وتنحل شوي من مشاكلك اتوقع نوعيه زوجك بينقهر من استغناءك عنه وبيعمل لك الف حساب اذا شافك رفعتي مستواك لانه مستخدم المصروف حجه للضغط عليك ويتلذذ بحاجتك له ويهينك بسببها فانتي طلعيه من هالموضوع وبيعرف انك تقدري تعيشي بدونه وقتها يقفل فمه عن التهديد بالطلاق |
رد: تقصير زوجي بالمصروف
شوفي باقول لج..
الرجال ذوي الدخل المتوسط او المرتفع قليلاً فضلاً عن المحدود.. اغلبهم تمر عليهم أوقات قد يمرون بأزمات مادية لظهور اشياء لا عالبال ولا عالخاطر... مثل حادث لا سمح الله أو أي شيء... تمام ؟ ف ممكن يقصرون على بيوتهم بحكم الظرف تمام ؟ شلون يعني يقصرون ؟ يعني يجيبون الاشياء الضرورية للبيت اللي احنا نسميها ماجلة الشهر... ويستغنون عن الكماليات.. لكن زوجج من قبل هالشيء مقصر ولازال مقصر.. لو عالأقل يجيب الضروريات و بخصوص الولد بس يهدد لان يعرف تخافين لو تقولين له هاك اخذه كبرياءه بيمنعه يقول لج ما اقدر بياخذه يومين و بيرده من يتصل قولي له عيالك يوعانين اهلي ما عندهم يعطونا عندهم التزامات جديدة يعني استخدمي التورية وليس الكذب قولي بدون الحاح كأنج تعطين خبر وتلفين الموضوع بعدها واذا واحد من عيالج يبجي اتصلي فيه قولي له الولد يوعان وما فيه شيء ياكله شسوي اذا قال لج ما عندي قولي له الله يرزقك يا رب .. شسوي بعطيه ماي وسكر مثلج باقول له هذا اكل يمكن يقتنع و يسكت وبعدها غيري الموضوع اشتغلي سوي بزنس بس من تحت لتحت بدون ما يدري |
رد: تقصير زوجي بالمصروف
اقتباس:
نفففس التصرف اللي قلتيه سويته لما خذاني لمنطقته كانو يبكون جيعانين بجد واتصل فيه اقوله يبكون يقول مو مشكله مشيهم لأي شي لين أجي مانت الساعه 9 قال بجيكم عالسحور الساعه 3 تخيلي قااااسي ماعنده احساس والله الذي لااله الا هو مستحيل يجلس جيعان الفتره هذي كلها سلون لو اطفال!!! وسالفة دفع مصاريف الاكل لما أصريت عليها قبل لايمشي صار حتى مصروفي العادي ماعاد يعطيني يعني ياخذها عناد المستجدات ... هو مشككني انه يبي يطلق ويلمح كثير بهالموضوع ويقول لما اجي يصير خير يصير خير على غير العاده معصب وشد عليا حيل بالكلام صار وده يذبحني مجرد اتصل فيه ماعلي منه ومن تهديداته اصلا لو طلق انا الكسبانه وبفتك من شره وأذاه وعن البزنس اكيد بدون علمه الله يصبرني ويعين |
رد: تقصير زوجي بالمصروف
ليه تحسين بالخجل بالعكس
مهنة شريفة انت ماجلستي تشحدين عند الاشارة راح تكسبين من مجهودك وتعبك وتوكلي على الله |
رد: تقصير زوجي بالمصروف
والله ي ابتسامه مادري ايش اقولك
بس من خبرتي ك اخصائي نفسي مانفكر به هو مايصنعنا حتى لو مابينتي له انو خايفه من الطلاق راح يظهر عليك هالشيء بكل تصرفاتك حتى لو حاولتي تقمعينه بيظهر ممكن انتي ماتحسين هو بيظهر على هيئة انو لا تتركني وتمسك فيه وراضيه فيك بزينك وشينك واذا جا تكونين ميته فرح ومالومك زوجك وكل وحده لها مشاعر راح تكون مبسوطه بوجود زوجها عندها بس هالامور كلها كونت فكره في عقل زوجك وهي ( راح تصبر علي ماتقدر تعيش من دوني راح تدبر نفسها خصوصا تدبر نفسها ذي ركزي عليها يعني متطمن انك زوجه ببلاش في احلى من كذا بالله ؟؟؟؟؟ ي ليت اللي مو قد الزواج يخلي بنات خلق الله للي يكرمهم حتى الاكل مايوفره بمجاعه احنا لا حول ولا قوة الا بالله قلبي انقطع عليك واهلك الله يخليهم لك مو دايمين لك ترى بكرا ولا بعدو من بيصرف عليك وعلى اطفالك !!! الحلول انو تبينين له انو مالي اي مصدر دخل غيرك مع انو صعب تجلسين جوعانه مع ولدك ولا محتاجه امور بس اضغطي على نفسك لازم بعرف انو هو المسئوول عنك يختي حتى لو طروفه تعبانه يخصص لك 500 بالشهر معقول رجال مابجيبته 500 شهر كامل وهو حالته معقوله يعني مو محتاج او فقير !!! الامر الاخر اهلك لازم يدخلون ويكلمونه ومو واحد او اثنين حبذا اعمامك وخوالك يعلمونه. الرجاجيل شلون يصير رجال قد الزواج والعيال ، الامر الاخر مع انو كنت ضده بالبدايه بس حاولي تكسبينه حتى يصعب عليه التفريط فيه صحيح انو معاك حق في النفقه حقك ذا من الله لكن خليه يجد الراحه الدائمه عندك عشان يصعب عليه التفريط فيك مع انو شيء يقهر ويغث ويفقع القلب تجلس الوحده بلا نفقه بس صيري كويسه اذا انفق قولي به ي دهينه لا تنكتين والله يعينك عليك بالاستغفار عجيب ❤❤ |
| الساعة الآن 06:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©