|
رد: تطاول زوجي وشتمه لي بسبب غيرته
اقتباس:
سلوك زوجك جدا سيء في ها الناحية لازم تحطين له حد و يوقف كلام جارح اهلك ماربوك ليه دخلتي المحل هذا بالذات مواعدة أحد هذا كلام غير مقبول تخيلي كان ردك انا ماخترت هذا المحل اختك اختارته يمكن اختك مواعدة أحد مو انا والله ينجن كيف تقولين كذا على اختي ؟ فعلشان كذا عيب يقول هالكلام إذا هو مايقبل هالكلام على أهله نصيحتي حلي المشكله هالمرة والمرات الجاية مالك دخل وش يقول أو وش يسوي مع الناس لو يكسر المحل خليه بيشتكون عليه ويعوض راعي المحل ويتأدب أو ينسجن لكن معاك راح يستمر بالغلط لأنه مافيه رادع ارجعي له وقولي له هالمرة ماراح انسى الموضوع كلمة جديدة تشك فيني والله مااعديها ومااسمح لأحد يشكك باخلاقياتي وتربيتي[/QUOTE] كلامك صحيح ... غلطتي السكوت من البدايه ..بس هو السبب لان مايترك لي مجال اتناقش معاه .. يطلع اللي بقلبه وبعدها مايخليني اتكلم ويهمش الموضوع ... وانا اكلها بقلبي .. في اي مشكله عادي يتركني اتكلم أحيانا مو دايما...بس اذا هي غيره او شك مايخليني انطق او ادافع عن نفسي ... الظهر يقول لي برساله... كل هالزعل عشان ماجبت لك الفستان !!؟ .. خلاص نطلع اليوم واختاري اللي تبغيه ... مايبغي يعترف بغلطه ابدا ابدا... رديت عليه قلت له انت تدري زعلي مو عشان الفستان .. انت شكاك درجه اولى وفوق هذا الشتم والسب وتهم مو بمحلها وهذا مو اول مره ... قال لي ... انسي الموضوع واذا بتفتحيه اجلسي عند اهلك ... شفتي كيف حتى مافكر يعتذر ...ولا بعد يقول مافي شي يسوى عشان تزعلي وتروحي عند امك !!... وانا قلت بصير احسن منه وسويت له رساله اعتذر فيها بس عن دفاعي عن الرجال وان ماكان قصدي اللي بباله ...قال لي خلاص انسي الموضوع قلنا نقفله ومانبغى نتكلم فيه والليله بمرك ... قلت له ماني راجعه البيت ... وحلفت اني ماطلع من بيت اهلي الين يتغير ... |
رد: تطاول زوجي وشتمه لي بسبب غيرته
اقتباس:
|
رد: تطاول زوجي وشتمه لي بسبب غيرته
جا بعد صلاة العشا ويبغاني ارجع ... ويقول اصلا انتي مكبره الموضوع!! بالله عليكم انا مكبره الموضوع؟ يعني المفروض ارجع وعادي ولا كأن صار شي ؟
رفضت ارجع لاني مالمست منه اسف او اعتذار وكل اللي اشوفه استهتار بالمشكلة وان ماغلط بشي .. سألته انت شايف اللي تسويه صح؟؟ وذكرت له مواقف قديمه وكيف كان اسلوبه معي وعدم احترامه ... يقول طيب خلاص أرجعي ويصير خير ... اصريت على موقفي اني ماحرجع لو ايش ماصار ... وكل مره يقول انتي مكبره الموضوع ومافي شي يستاهل كل ذا الزعل ...شكيت بنفسي هل صحيح اني مكبره الموضوع والمفروض اني ارجع وانسى كل شي !؟ |
رد: تطاول زوجي وشتمه لي بسبب غيرته مستجد رد43
تكلمي معه عن النقاط والأشياء الي زاعجتك منه
لان المسأله صارت أكبر من الشك خصوصا" يوم قال أنتي مواعده احد او ليه اخترتي المحل هذا؟؟!! واضح أنك ماقد حطيتي حدود ل هالأمر فتمادى كثير |
رد: تطاول زوجي وشتمه لي بسبب غيرته مستجد رد43
المفترض اخذتي موقف منه من الموقف السابق اللي حصل لك برمضان
هذاك اللي فيه تشكيك وعدم ثقه وهذاك اللي فيه قعدة عند اهلك لين يعتذر لكن بما انك عديتيه خلاص معناته انك سامحتيه .. علميه وفهميه باسلوب الحزم والجد انو ماسمح لك باي طريقه وباي اسلوب انك تتهمني باني اواعد وتقذفني باخلاقي بس سؤال تشكيكه واتهامته لك هل هي قبل الموقف اللي حصل لك يوم كنتي تعلقين انت وصديقاتك على صورة الرجل اللي بالجوال ام بعد ؟ يعني هل هو بطبيعته شكاك ؟ ام ان شكه حصل بعد ذلك الموقف؟ |
رد: تطاول زوجي وشتمه لي بسبب غيرته مستجد رد43
المفروض رجعتي وتكلمتوا ببيتكم..
اخطأ صح بس كل الاخطاء برأيي تعالج بالبيت الا الخيانة الجسدية والاعتداء✋ |
رد: تطاول زوجي وشتمه لي بسبب غيرته مستجد رد43
اقتباس:
مايبي يتناقش ابداا .. كل ما اجي اقوله شي يقول انسي ماصار شي ... حتى يراسلني في الليل ولا كأنه سوى شي وانا ما ارد عليه .. اقتباس:
كانت مجرد غيره عاديه ... بس بعد فتره سنه او سنتين صارت تتخللها الشك والمرض ... يعني قبل الموقف مع صحباتي .. اقتباس:
اذا رجعت البيت انسي انه يخليني اتكلم او افتح الموضوع واتناقش فيه ... فعشان كذا رفضت ارجع الين نخلص الموضوع... |
رد: تطاول زوجي وشتمه لي بسبب غيرته
اقتباس:
هذا الرد يمثلني… فعلا وش الله حادك تدافعين عن العامل بغض النظر من المخطأ فيهم… بعض المواقف تحتاج منا الي تعقل كان بأمكانك استغلال الموقف لصالحك لكن كثير من النساء تجهل حسن التصرف ولا اعمم فمنهم العاقله الرزينه كان المفروض انك اايدتي كلامه واخذتيه علي تفكيره وقلتي فعلا هالعامل مايستحي ويستاهل ماجاه واعجبني تصرفك والموقف ليس مهما وجوهري حتي يكون فيه تغيير راييك مصيبه… لو كان ردك بهذه الطريقه سطفأين غضبه في لحظه وسيتغير مزاجه في ثواني واحتمال يوديك لمطعم وياخذلك بوكيه ورد وينتهي اليوم بأجمل من ماتتخيلين لكن اسألي نفسك هل الموقف يستحق ان ادافع عن العامل واتلقي السب والاهانه لاجله ( حتي لا افهم بشكل خاطئ انا ضد سب زوجك لك واهاناته ) |
رد: تطاول زوجي وشتمه لي بسبب غيرته
اقتباس:
شكرا لك اخي ... انا اعتذرت له عن غلطي ... بس هو مافكر حتى يعتذر ... كلمت ماما امس بالموضوع وقلت لها كل شي بخاطري لاني تعبت ... وقلت لها عالكلام اللي يقوله لي وانه مو اول مره ... قالت اني غلطت بس لازم اعطيه درس على كلامه مو على المشكله... وراحت خبرت اخواني ... واخواني رغم زعلهم مني الا انهم وقفوا معي وقالوا لي مارجع .... وهم حيتفاهموا معاه ... خايفه اني اكون كبرت المشكله ... بس حبيت اوقف هالمهزله اللي تصير كل يوم لاني سكت كثير .. |
رد: تطاول زوجي وشتمه لي بسبب غيرته
اقتباس:
طبعاً هو مايبي يتأسف لأنه يشعر أنه أسفه بينزل قدره أو مو معبرك، لكن كويس أنك بمرحلة شوي يراجع فيها نفسه ويراجع أسلوبه، بعض الناس يحتاجون رد فعل غير اعتيادي علشان يتعدلون. |
| الساعة الآن 03:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©