منتدى عالم الأسرة والمجتمع - طليقتي والشقه للمره الثانيه مستجدات رد 93

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - طليقتي والشقه للمره الثانيه مستجدات رد 93 (http://www.66n.com/forums/showthread.php?t=269269)

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة متفائله200 (المشاركة 3458920)

اختي بعد طلقها ابو بناتها جننها بالرسايل مره سب وشتم ومره دعاوي بالرغم انه هو الي طلق بدون طلب منها فقط لإنها خبرت اهلي بفعايله المهم إنها غيرت الرقم ومااعرف كيف وصله الرقم الجديد ورجع يضغطها نفسياً وقالت لأبويه أنا أبغى أرتاح تعبت من رسايله كم مره أمسحها قبل ماأقرأها لكن ياأبابا أنا تعبت نفسياً قال تخليني أتصرف بالي أشوفه مناسب قالت إيوه
وحرمه من شوفة بناته وقال لأخواني اذا جاء صرفوه بأنه البنات نايمات او برى البيت وجلس ع دا الحال الا أن رفع قضية على أختي وابويه كان ينتظر هذا اليوم وقابل ابويه الشيخ وشرح له كل شي قبل مايجي طليق أختي وطبعاً حكم له 3 ساعات يوم الجمعه والسبت فقط تفاجئ ماتوقع إنه بيكون القرار كذا ولقي تهزيئه من الشيخ
لما جو بيخرجو من المحكمه قاله أبويه يافلان ترى موضعك ومكانتك عندنا أب لحفيداتي فلا تجعلني ألغي حتى هذي المكانه وتراني قادر فإحترم مكانتك وحافظ عليها ولا ترسل لبنتي شيئ والي سويته كان بقصد عشان تتأدب والورقه هذي الي وقع عليها الشيخ رح أعتبرها ماهي موجوده إذا تركت بنتي في حالها خذ بناتك متى تشاء بدون مشاكل ووجع راس
ومن يومك ماله حس حتى بناته ياخذهم قد ماكتب له الشيخ مايزيد ولا ساعه

الشاهد خلك قوي في الحق ياالوحيد ولا تعالج مشاكلك بالتطنيش فقط

المشكله اختي ان الموضوع حساس

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة توووووووتي (المشاركة 3458970)

تبي رايي اخبر اخوها الكبير
بعدين هو ماقال لاحد غريب قال لاخوها
سترها وغطاها والخوف مومنها ممكن من اللي كانت معاهم مايتركونها بحالها
واذا صار وجات
من رايي خذ اولادك عندك لانه راح ينفتح لك باب
فسكر كل الابواب واعتبرها موموجوده بالمنطقه اللي انت فيها وعيالها تقابلهم
بمنطقتها وعند اخوانها
قلت كذا عشان تسكر جميع ابواب التواصل
معها

وفقك الله وعوضك من حيث لاتحتسب

فعلا عيالي لازم اخذهم وارتاح
وساعتها على قولت الاخوات هي حره تصير

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة موت النخيل (المشاركة 3458971)

الوحيد
جيتها للمدينة انت خايف من انها تتعلل بالاولاد علشان تتقرب منك وهالشي انت رافضه وبيفتح عليك ابواب
والا علشان احتمالية رجوعها للي كانت عليه مع انه مستبعد خصوصا واحد من اخوانها يدري بامرها
فما راح تخاطر لان العين عليها مهما شافت الثقه في عيونهم او تحسنت العلاقة بينهم.

انت حاول تهدأ شوي ، اخوها مو قليل غيره ارسل معها رجال، وغير كذا يمكن شاف صلاح في حال اخته
لا تقول والرسايل اللي ترسلها لك معناته لسه مستمرة، لا بعض من المطلقات يرسلون في لحظة ضعف
صب تفكيرك في مصلحة عيالك واحسن النية، عيالك بيكونون اقرب لك تشوفهم بشكل يومي وتلبي
طلباتهم وتعاينها بنفسك

وواضح جدا من البداية صدودك منها فمحاولاتها ان كررتها يكون لك تصرف مع اخوها الكبير ، بس حاليا
ما انصحك تحكي له شي عنها. ان شفت بوادر وقتها تكلم لا تسكت وعالج الموضوع.

اخوي انا ادري ان الكثير بلومني لانه مايدري ولايعرف وش ممكن تسوي والا وش ممكن يطلع منها
هي لو انسانه سويه صح مالي دخل وقتها واكون فعلا ملقوف لو تدخلت
ولكن انا اعرف وش ممكن يطلع منها واعرف تفكيرها زين واعرف انها تملك من الجراءه اللي يخلي الواحد يوقف مندهش

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة سـلـطـان (المشاركة 3458972)

معليش اخ الوحيد ابيك تفهمني ..
لما طليقتك اخذت العيال يقيمون معها كان الاتفاق بينكم انهم يسكنون معها على طول ولا بس في الاجازه وبعدين في الدراسه يرجعون لك ؟

اخوي العيال رمتهم علي من اول والحمدلله قمت فيهم وربيتهم وكنت لهم الاب والام
حتى الترويش انا اللي اروشهم واذاكر لهم وكل شي اسويه لهم

وقبل كم شهر اتصل اخوها وقال العيال لو يجون عند امهم ومن هالكلام وقلت طيب
وارسلتهم لهم على اساس يجلسون عندهم

رد: طليقتي والشقه للمره الثانيه !!!!!!!!!!!!!

وش الي مخوفك؟ ممكن توضح؟

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة سديم الذكريات14 (المشاركة 3458987)

الله يفرج همك ويعوضك بالزوجه الصالحه
اما طليقتك تقدر تنقل بكل سهوله المطلقه تنقل بسرعه بسبب ضروف خاصه وتنقل بجنب بيتها بس هي ماتبغى

ايه صحيح
هذا اللي اعرفه
الظروف الخاصه غير مرتبطه بحركة النقل
واعرف نيتها زين
هي ماتبي تنقل راح تماطل وتجلس

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة روح الطير (المشاركة 3458989)

بالضبط ، المطلقة طلاق بائن ..
بسرعة تنقل و بدون انتظار ..

قريبتي مطلقة عن زوجها و أخوانها اجبروه يطلقها بالثلاثة عشان تنقل لمددينة أهلها ..
و جاها النقل مباشرة ..

هي واضح ما تبغى تنقل .. و لها الحرية في قرارها ..
و لو هي تبغى ترجع للطريق السابق لا سمح الله ، بترمي الأولاد عندك و بتخلي عدم نقلها ( حجة لها عند أخوانها ) ..
يعني الأولاد مو هما السبب اللي خلى أخوانها يسمحوا لها بالمكوث بمدينة أخرى ..

.
.

انت حالياً .. تجاهل ماضيها .. و تعامل مع الحاضر ..

و انظر لإيجابيات ( عدم نقلها ) بالشكل التالي :

1. أولادك قريبين منك .. و قريبين من أمهم ..
كل خميس و جمعة .. خذهم عندك ( يومين ) و خرجهم و وديهم عند أهلك يتقربوا من أولاد أعمامهم و عماتهم ..

2. وسط الأسبوع ، أولادك بتهتم فيهم أمهم و ترعاهم و تذاكر لهم ..
و إنت ما تحتاج وقتها لأحد عشان يهتم في أولادك و يذاكر لهم و يرعاهم ..
و مرة وحدة هما قدام عيونك ، و إنت تقدر تراجع المدرسة و تتطمن على وضعهم ,,
على عكس لو كانوا في مدرسة بمدينة بعيدة عنك ..

3. تقدر تتزوج و تعيش مع زوجتك ، و أولادك عند أمهم ..
و لو أمهم رمتهم مثلا عناد فيك ( فـ عز الطلب ) ..
و اشترط على زوجتك المستقبلية إنك احتمال كبير تجيب أولادك عندك ..

4. لا تكلم أخوها الكبير و لا تقابله ..
لو انها أرسلت لك رسائل غرامية من جديد .. وقتها نفذ تهديدك ..
لكن الآن ( لا ) ..

5. ريلااااااااااااااااااكس أخوي الوحيد ..

اختي والله ماارتحت الا لما فارقتني وراحت عند اهلها
لكن اذا جلست بنفس المدينه اللي انا فيها يدي على قلبي للاسباب كثيره راح اشرحها

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة ولد الشايب1 (المشاركة 3458996)

وعليكم السلام ورحمة الله وبركاته .
هالمرة أنت المخطي يا وحيد :) .
وربما فيه شيء خفي هو سبب انفعالك الله أعلم فيه .. فأنت من البداية بمجرد أن أخبرك الولد أنهم سيأتون اتصلت على اخوها تتأكد ونفى لك الموضوع وارتحت ، ثم أكده فتضايقت ..( شيء في نفس يعقوب )
يا وحيد روحتها وجيتها مالك شغل فيها ، تنقل ما تنقل ..تستأجر ما تستأجر ترجع لسرابيتها ما ترجع خلاص ، أنت طهرت ساحتك منها ولا يلحقك منها أي شيء وخوفك من السمعة على أولادك خوف وهمي فكما قال أحد الإخوة .. أولادك ما يلحقهم شيء .. فريح ملايكتك يا شيخ .

اخوها الكبير تبي تعلمه علمه والأفضل تعلمه وعلمهم كلهم حتى أمها بس بظروف غير ظرف هذه الحادثة لأن هذي ضدك ماهي من صالحك أبدا ، وش موقفك لو قال لك اخوها وأنت وش دخلك فيها الآن ؟ وش ردك . شرعا وعرفا مالك فيها علاقة .
من البداية كان أخبرتهم بكل شيء ، حتى تحمي نفسك من حماقات الناس . عموما هذه الحادثة ليس لك فيها أي شأن من كل الطرق إلا من طريق واحد وهو المهم الوحيد في موضوعك ويخصك فعلا وهو المصروف وهذا خاضع لظروفك المادية والحاجة الفعلية وليس لأهواء أمها واخوانها .
الذي أعرفه أن المصروف تقديري تحكم به المحكمة تبعا لدخل الأب ، فالشيخ الحاكم ينظر لدخلك ثم يخصم منه الديون إن وجدت ثم حاجاتك وحاجة أسرتك ، ويحكم للأولاد بشيء يقدر أنه كافي والذي أسمع به من الناس أن 500 ريال وأقل منها شوي هي ما يحكم به الشيخ في حالات غالب الناس . لكن 1000 للواحد ما قد سمعت . إلا في حالات خاصة لا تنطبق هنا .
تخيلوا لو مطلق عنده 6 أولاد هل من المنطق إعطاؤهم 6000 ريال وراتب أبوهم 7 أو 8 .
مايصير .

كثير من الاخوان والاخوات يشوفون ان تدخلي مجرد لقافه واني اتدخل بشي مايخصني مثل مايقولون وكلامهم صحيح في حال ماعندي عيال منها
انا مااعصب ولا اتصاسق عشانها هي هي بحريقه مالي علاقه فيها
انا اعصب على واحامي عن عرض عيالي وامهم عرضهم

ثانيا وضعي الاجتماعي حساس جدا وللاسف ان هالمخلوقه تحمل نفس اسم العائله والف واحد يدور علينا زله انت تعرف لما تكون العيون مركزه عليك وانت عندهم قمه ويطلع عليك سمعه مثل كذا وش راح يكون
اما عند اهلها المساحه ضيقه ماتقدر تسوي شي من حماقاتها

ثالثا صحيح مالي دخل لو كانت امراءه سويه صح وقتها يكون تدخلي لقافه
او حتى امراه عقلها ناضج وتفكر ساعتها ممكن نقول انها امراءه عاقله وتعرفىالصح من الخطأ لكن للاسف هي مضطربه نفسيا وغير سويه يعني ممكن يطلع منها اي شي
والدليل الى هذه الايام وهي ترسلي كلام غراميات وانا رجال غريب
غريب عنها يعني مثلي مثل صاحب البقاله او الخياط او اي رجال غريب عنها
وها يعطي مؤشرات انها الى الحين وضعها مو زين

رابعا بخصوص المصروف اخوي انا اتواصل مع العيال يوميا ويمكن اللي اصرفه عليهم كل شهر اكثر من الـ 2000 اللي يطلبون ولكن انا ارسل لعمهم وعمهم مافيه يومين الا يمرهم وياخهم ويشتري لهم اللي يبون وانا اجيهم واخذهم واشتري لهم كل شي يبونه
واللي عصبني بعد يعني قلة الحيا انا انسان سامحت بـ مئات الالوف ولاطالبتكم وجاي انت بوقت غير مناسب تقولي المصروف زيده انا ماني ضد الزياده نفسها ولكن ضد الاستغلال لاني ادري ان الزياده ماهي للعيال وضد التوقيت

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة ( نسيمـ الجنوبـ ) (المشاركة 3459005)

عليكم السلام ورحمة الله وبركاته

أذكر الله يا وحيد وأتعوذ من الشيطان..
ولا يهمك يا عزيزي تصرفاتها...
نرجوا من الله تعالى أنها تابت ولن تعود لهذا الطريق..

أنا علمتك في موضوعك السابق أن أخوانها
موقفهم سلبي من البداية...
كان المفروض يجلسون معاك ويفهمون الموضوع بالضبط..
مو يسمع كلام من بعيد وخلاص...

عموماً...
المهم أولادك...
أذا تقدر خذهم معاك وريح رأسك وأنا أخوك..
وبكذا تقطع تواصلك معها ومع أهلها...
نهاية الأسبوع يروحون لها...
أنا أعرف هذي الحركات..
لو تعطيهم كل اللي عندك بيقولوا ما يكفي ولا يصرف عليهم...
أدري وضعك صعب ومرتبط بعمل، لكن ما فيه حل إلا كذا..

أما هي مرة لا عاد تفكر فيها ولا في تصرفاتها...
لا تتعب حالك بالتفكير، أيش سوت ووين راحت..
خلاص أنت رجعتها لاهلها وهما مسؤولين عنها..
وعيالك بحول الكريم يكبرون ويصيرون من خيرة الرجال..

نقطة أخيرة..
خلاص قفل على الموضوع نهائي ولا تعلم أحد تكفى وأنا أخوك، كرمال عيون أولادك..
مهما صار من تصرف منها أو من أهلها..
أذكر عيالك، أكثر ناس راح يتضررون..

أنت رجل شهم ووقفت معاها وقفّات رجال..
وسترت عليها، لا تهدم هذي المواقف..
بتصرف متسرع بوقت زعل، عشان ضمريك يبقى مرتاح...

الله يعوضك ويعوضنا بكل جميل يا رب..
تقبل كلماتي..

لااله الاالله محمد رسول الله
اعوذبالله من الشيطان الرجيم

اخوي صدقت لو اعطيهم كل راتبي راح يقولون نبي زياده
هم يسمعون كلامها وهي نيتها انها تشطب علي اول باول عشان مااتزوج
انا اول كنت اخذ الامور بحسن نيه ولكن رب ضارة نافعه

رد: طليقتي والشقه للمره الثانيه !!!!!!!!!!!!!

اقتباس:

المشاركة الأصلية كتبت بواسطة ريماس 3 (المشاركة 3459011)

اذا يهمك سمعة عيالك لا تخبر اخوها الكبير
وش يدريك يوم من الايام ينفلت لسانه
لزوجته او عياله لاقدر الله

او تحصل خلاف بينه وبين اخته فيعاير عيالك بامهم ..

مهما كان لا تعلم اخوها ...

والشي الثاني
ابدا ماله علاقة بطليقتك وبمكان عملها
وعصبيتك مالها داعي
جت هي مع محرم ابو 20 سنه ماجت الحالها

الشي الثالث
اسرع بالزواج ولم عيالك حولك بلا زيادة مصروف بلا هم

ان شاءالله راح اخذهم