رد: ظلمت زوجي فطلقني و انا نادمة
 

والله يا اخي لو اتكلمت معاه هتشعر باد ايه هو قوي الشخصيه لكنه هادئ جدا
وهو شخص محترم لكل من يعرفه
حتي اني لم قربت منه كنت اساله انت ليه مش بترد اللي بيهنك كان رده بسيط جدا
انه دا شخص بينزل من قدره وعدم ردي يرفع قدري عند ربنا وانا انتقامي منه اني مشغول برد عليه فبتترد عليه سيئه علشان يكون خصيم ربنا هو بيعيب في شكلي واللي خلق الشكل دا ربنا

رد: ظلمت زوجي فطلقني و انا نادمة
 

اخر شئ هو كان بيشتغل في عملين وكان بيخوش الفلوس
يقولي انا بحوش الفلوس دي علشان ميبقاش ليا حاجه عند حد عند ربنا يوم القيامه اصل انا هقوله يارب انا عاوز حقي كامل
مكنتش فاهمه كلامه ومفهمتش غير قبل طلاقي بشهرين هو كان تعب وعاوز يرتاح من كلامي ومن معاملتي القاسيه ليه
وبرضه كان واجباته كزوج بيقوم بيها علي اكمل وجه وانا كنت مقصره في حقه وهو اصلا مكنش بيطلب مني طلب لانه عارف الرد
وكان وقت الصلاه يقولي الصلاه
وفعلا علشان يبري نفسه من كل حاجه كلمة والدي قاله دا شيك ب350 الف وهستلف 50 واسدد باقي المبلغ اللي عليا وتعالي علشان تاخد عفش بنتكم
انا بوضح بس للناس وفيه حاجات كتير انا مش قولتها

رد: ظلمت زوجي فطلقني و انا نادمة
 

علي فكره انا مطلقه من 8 شهور
وانا بتابع اخباره هو اصلا رافض الزواج خالص
والد طليقي اتدخل هو كمان ومفيش فايده
ياريت تقولولي اتصرف ازاي

رد: ظلمت زوجي فطلقني و انا نادمة
 

مرحباً أختي

الكلام في الماضي لن يفيدك بشئ .. وبغض النظر فين كان الغلط منك أو منه وليه صار كل ده

خلينا نتكلم في الحاضر

أنتِ أولاً قبل كل شئ لا بد أن تتسامحي منه على كل خطأ وإساءة عملتيها بحقه وخصوصاً الإستهزاء بشكله .. ولا تجعليه خصيم لكِ يوم القيامة .. وإن شاء الله أنه يسامحك

ثانياً .. خليك صادقة مع نفسك أنت عاوزة ترجعي له بجد وبحب له أو مجرد حاسة بتأنيب الضمير .. لو كنتَ مجرد حاسة بتأنيب الضمير فملوش داعي ترجعي له وأنت حقيقية نفسك مش عاوزاه .. وأما المشاكل والطلاق إللي حصلت بينكما فديه ممكن بتحصل بين أي إثنين متزوجين وأنفصلو

أما لو أكتشفتي أنه فعلاً عاوزاه وبتحبيه .. فلابد أن تعملي المستحيل عشان ترجعي له حتى ولو أخذ منك مجهود ووقت وحتى لو طنشك أو أهملك أو قالك كلمة مش حلوة .. فالرجل ما قصر ووقف معك في مرضك فترة طويلة حتى في النهاية تم الزواج وتحمل كلامك وسبك وتهزيئك .. والآن دورك أنك تجري وراه لحد ما يرجعك .. بس المهم أنك ترجعي له وأنتِ وحدة ثانية مختلفة تماماً وتحملي له كل الحب والإحترام والعشرة الحسنة .


أعانك الله

رد: ظلمت زوجي فطلقني و انا نادمة
 

ما شاء الله لا قوة الا بالله... رجل من ذهب !
للأسف الشديد سيدتي ، نعمة ثمينة ضاعت منك !

اللهم اني اسألك حسن الخلق ....

رد: ظلمت زوجي فطلقني و انا نادمة
 

اعملي بهذا الرد المبارك