رد: قررت تقديم استقالتي من عمل
 

فيلكا تعوذي من ابليس وانفثي عن يسارك ثلاث والرسمي تحسب ان المشرفة سندباد هذا الزمان .... حاله وراتبه مثل المعلمة فقط تؤدي الظور المنوط بها جست سد.

رد: قررت تقديم استقالتي من عمل
 

مافيه وقت للمشاريع وقت الدوام ..
ابدا مافيه وقت ..

رد: قررت تقديم استقالتي من عمل
 

اعوذ بالله من الشيطان الرجيم ..
لكن نفسيتى تعبت والله جد ..

رد: قررت تقديم استقالتي من عمل
 

نعم حق للجميع وهذا ما اومن فيه ..
مثلا تجى طالبه اجنبيه قمة في الخلق و الاحترام و الشطاره
تعرف قيمة العلم هذى لو علي والله اصرف لها مكافاه ماليه لانها في المستقبل
راح تفيد الانسانية حتى لو مافادت البلد اللى تعلمت فيه ..
وفي المقابل ناس ماتبغى علم نغصبهم غصب ليييه ؟!
هو حق للجميع بشرط وجود الرغبه و العزيمه للعلم ..
اما غير كذا اعتبره انا هدر تعليمي بلا جدوى ..

رد: قررت تقديم استقالتي من عمل
 

تعلمنا في الجامعه نظريات تربويه و مثالياات
لكن يوم نزلونا الميدان التدريبي ... شوفنا مواقف تتطلب ردعها بالمثل
الميدان التدريبي يختلف جذريا عن النظريات ..

على فكره كل شكوى للمديره تُحسب عليك كمعلمه ..
الافضل تعالجين الموقف انتى بنفسك و ايضا تقلل من هيبتك امام الطالبه .
واولياء الامور مو كلهم يستجيبوا ..
بعدين انا مارضاها لنفسي ^_^ كل يوم والثانى رايحه المديره اشتكى
انا اتصرف ..

رد: قررت تقديم استقالتي من عمل
 

من قالك ارتبطت فيهم عاطفيا ^_^ فاهمه الموضوع غلط ..
ومافيه شي اسمع سريع سريع وربع ساعه .
خبرك عتيق الان استراتيجيات التعليم النشط تاخذ الوقت و الجهد
عندك 45 دقيقه تقسم على استراتيجيات و تقويم و قياس و متابعه و فروق فرديه
ومتابعه مشاريع بحكم ان النظام الان فصلي وليس كالسابق ..
مع انى ما اطبق كل هذا لكن فعلا ينتهى الوقت ..

انا مكبره الموضوع مو عشان الطالبات لااا
عشان مستقبلي الوظيفي فقط ^_^

رد: قررت تقديم استقالتي من عمل
 

لو نفذنا هالكلام تطبيقياً لـ خربت الأرض يافليكا وما عمرت !

إنت تتكلمين عن بنات مراهقات أعمارهم من 13 الى 18
تحكمهم تغيرات فسيولوجية وعمر مراهقة متذبذب وسلوكيات هوجاء طائشة مندفعه غير مدروسة و و و
علماً ان اكثر من 90 بالميه منهم من بيوت محترمة وابناء محترمين ويملكون خامة اخلاقية وسلوكية طيبة لكن تفاهات هالمرحلة تحتم بعض الأمور
أكيد ان 80 بالمية منهن ماعندها رغبة ودافع قوي للتعلم لأنها اصلا مانضجت شخصيتها للمستوى اللي تدرك فيه فائدة التعلم .. لكن اذا صار عمرها 25 او 30 او 40 واستقرت ونضجت بتستفيد من شهادتها وتدركها عدل ولذا كان حق عليها وعلينا نحتويها في هذه المرحلة وايه نعم تدرس غصباً عنها والمعدلات بتنصف المتفوقة عن العاديه المهم الجميع يدرس ويتعلم ويتنور ..
وخلينا نكون واقعيات وش اقصى شي تقدر تسويه البنت !!
المعلمة اللي تفرض احترامها وتترفع عن السفاسف والمهاترات لايمكن يتجاوزونها ولو حصل فهم وحده او ثنتين شواذ لا أكثر ..
بالعكس المعلمة اللي تعاملهم كبشر محترمين ولهم حقوق وعليهم واجبات اشوفهم يبجلونها لدرجة الغلو !
انا اشوف بعيني معلمات تطلّع صراعاتها النفسية كلها في الطالبات ياشيخه بعضهن حتى سلام بأدب ووقار واحترام اذا دخلت الصف ماتسلم ! وبعضهن من تجي الصباح بس وجهها يسد نفس الطالبات من الدراسة وبعضهن ماخذه الدعوه انا بربي الناس وانا اقوى وانا وانا وانا !!
انا في غرفة المعلمات احيان اسمعهم يتكلمون عن طالبات كلام بينما هالطالبات اشوفهم عاديات جدا وطبيعيات ،،
ومن قالك ان مخرجات التعليم ماتبقى وتأثر ومن قال ان المعلم مايتحكم والمؤثر فقط هم الوالدين ! (انت عصدتي حتى علم الاجتماع كامل وعلم النفس بهالجملة ههههه ) خلاص اجل معناه التعليم والقراءه والصفات المكتسبة والبيئة الاجتماعية و و و و ماتأثر في الانسان ،، يجلس بس في البيت قدام امه وابوه يأثرون فيه ؟!
انا لازلت اتذكر مواقف سيئة من معلمات درسوني !! ولازلت اذكر خصال طيبة من معلمات .. وتعلمت آداب كثييييره من معلمة المصلى اللي درستني المتوسط الله يجزاها عنا كل خير يارب دنيا وآخره ولازلت اذكر اكثر مواقف منحوتة في ذاكرتي وأثرت فيني هي مواقف الدراسه اكثر من مواقف البيت !!؟


انا ماحب النقاش فيما يجب ومالايجب
لكن مهنة التعليم من أسمى المهن في الوجود
حتى الدين كرم العلم وطلب العلم والقائمين على العلم
"ليه ؟! "لأنها تحتاج صبر وضبط وحنكة ولأنك أجيال كاملة تمر من عندك وانت واجبك تغرسين فيهم بذرات الخير عشان ييقدرون يزرعونها في المستقبل وتُثمر ؛!

رد: قررت تقديم استقالتي من عمل
 

4 سنوات في وظيفة لاتجدي نفسك فيها
كثير والله
اتركيها و ابحثي عن شغفك

رد: قررت تقديم استقالتي من عمل
 

لكن يا اختي انا اقول ان ترى الجميع او الاغلب يكره وظيفنة وما فية احد مرتاح ابدا ،، الحل حولي اداري واقنعي زوجك بذلك ,, والاداري جيد مو بطال واريح كثير .

رد: قررت تقديم استقالتي من عمل
 

اه بس اتعب واشق مهنه هي التدريس

متعب بشكل فضيييع وانظمة التدريس اشدا تعقيدا من السابق ..

المعلمه خلاص طاقتها تروح في التدريس مافي مجال تستثمر افكارها وطاقتها بشي ثاني غير التدريس
هي الوظيفه الوحيده اللي تشتغل حتى بالبيت
الوظايف الثانيه خلاص الشغل بس بوقت الدوام واذا رجع للبيت تفضى لاهل البيت وحاجتهم وحاجة نفسه


التدريس الان اصعب من السابق
وصراحه ماتنلامين على كرهك التدريس