|
رد: الخطاب يرفضوني لاني مطلقة
اقتباس:
يالله يالله يقوم بعياله !!؟ ليه يعني اذا ربى ولدها بينقص منه شي او يزيد منه شي 😕 بيربيه مع عياله ويكبره مع عياله مثله مثلهم مابيزيد شي ولاينقص شي دامه مربي مربي بل بالعكس بيكسب فيه اجر ويرزقه الله من ورى احسانه ع هالطفل المسكين الي ربي بلاه ف ابو سيء ويمكن بعد هالولد يطلع ولد صالح وطيب وفيه خير ويحن عليه اكثر من عياله الواحد بس اذا احسن نيته واحتسب الاجر الله بيرزقه ع نيته الطيبه واحسانه ع هالمسكين والشي الثاني ايه له حل لما يتربون مع بعض وياكلون مع بعض وعايشين مع بعض من وهم صغار يحلون لبعض ويصيرون مثل الاخوان وهالشي حللته المشايخ ومعروفاً اصلا 😕 |
رد: الخطاب يرفضوني لاني مطلقة
اقتباس:
في ناس تفكيرها معقد ورجعي واناني وناس تفكيرها منطقي واعي وناس فاهمه بس الرجعيين غالبين عليهم للاسف |
رد: الخطاب يرفضوني لاني مطلقة
اقتباس:
اللي ما يبي قطعة منج مِو كفو يصير زوجج وتكونين حلاله ،،، ومن قال اني ذاله نفسي انا الحمدالله معززه مكرمه ف بيت اهلي ومرتاحه وترا مو متحسره عليهم او ندمانه بس لما اربعه يخطبونك وكلهم يرفضونك عشان شرطت ولدي معي هذا شي محبط واذا ما تزوجتي هل راح تنتهي الدنيا؟؟؟ ،،،، لا ماتنتهي بس الوحده لازم تتزوج وتستر نفسها وابغى اخوان لولدي مو نعيش وحيدين فهالدنيا |
رد: الخطاب يرفضوني لاني مطلقة
معقوله كل وحده يكتب الله لها الطلاق ومعاها ولد او بنت تبي تتزوج وتجعل زوجها يقوم مقام ابو البنت او الولد ...! شي غريب ومحير ، مافيه بالكون كله من يسد مكان الاب ولاحتى مكان الام ...
يعني كل رجل يطلق زوجته وجايب منها ولد بيترك الولد يتربى عند رجال اجنبي ، والي فاقع مرارتي الي تقول امكن يربيه ويطلع احسن من ابوه ...؟ يااخوات الكلام لايصح ابداً الاب اب محد بيسد عنه وكذلك الام ام ماحد بيسد عنها ،... الله المستعان ماأقصد صاحبة الموضوع واي احد شارك بالموضوع لكن لاحظت هذا الشي كثيراً بالمنتدى بمواضيع كثيره ... |
رد: الخطاب يرفضوني لاني مطلقة
اقتباس:
ليه الولد يتيتم وامه وابوه عايشين وترا مشاعر الام مو مثل الاب صعب عليها. |
رد: الخطاب يرفضوني لاني مطلقة
اقتباس:
|
رد: الخطاب يرفضوني لاني مطلقة
اقتباس:
يعني ماعمرك سمعت ف رجال يطلق زوجته ويتركها هي وعيالها ويتزوج وينساهم اذا ماتدري فيه واعرفها شخصياً والمسكينه قاعده تشتغل فراشه عشان تصرف عليهم وابوهم مايدري عنهم ولايعرفهم والمشكله انه ولد عمها وفي رجال طيبين يحسن ع بنت زوجته او ولدها ويعامله احسن من ابوه |
رد: الخطاب يرفضوني لاني مطلقة
اقتباس:
|
رد: الخطاب يرفضوني لاني مطلقة
اقتباس:
بتعرفين وش معنى كلامي واسألي اللي سبقك بتربية الذكور عن تربيتهم الذكور تربيتهم صعبه ويبيلهم صبر كبير جدا وبال طويل وسعة صدر وزوج الأم ما يقدر يشد عليهم مثل ابوهم لحساسية الوضع كونه مهوب ابوهم وأكيد أمهم تتحسس لو شد عليه, وارجع اقول لك عسى بهذا الزمن يقدر الواحد يربي عياله عشان يضيف لنفسه عبء جديد . ,,,,, ماهو عبء الولد يتربى من صغره ع الصلاه والدين والاحترام يتأسس من وهو صغير ف هذا العمر (14) الولد بس يحتاج اخوان يتعايش معهم ويتعاون معهم يحتاج ابو يلجأ له ف شده ف حاجه لكن تربيته من الصغر يتأسس عليها اذا اهملته من وهو صغير بيهملك لكبر . مستحيل يكون كلامك صحيح وين الفتوى المدعومه بالدليل ؟ ,,,, انا مااحب ادخل ف امور الفتاوى لكن سمعت من المشايخ ومتاكده من كلامي واذا انت حاب تتاكد روح انت ابحث وشوف وتأكد بنفسك . واقرب مثال عمي زوجته الثانيه تزوجها ومعها بنت مااذكر كم كان عمرها وقتها بس يمكن 5 سنوات او اصغر رباها وعاشت مع بناته وعياله ف بيت واحد وعاملها مثل معاملته لهم والحين عمرها 23وعايشين مثل الاخوان وهذا هو زوجها بعد الله يوفقها ويسعدها |
رد: الخطاب يرفضوني لاني مطلقة
اعتقد الحريم اللي يتحسسون قليل ، اغلبهم عادي بل والبعض يفرح اذا شد الرجل لأنه هذا يدل على انه مسئول ويعاملهم مثل أولاده وله كلمة في البيت.
وبخصوص ان الواحد صعب يتحمل عيال غيره، فهذا يعتمد على صبر الرجل في رجال بالهم طويل ويحبون تربية الأطفال من اجل الزوجة او الأجر او الاثنين معا.. والله محد بياخذ غير نصيبه يا اختي ، ترى في رجال كثيير ما تزجوا لأسباب قهرية مثلا انه ماعنده تكاليف الزواج ، او ما حصل بنت مناسبة لحالته. واحد قريبي عمره 32 وما تزوج ووده يتزوج اليوم قبل بكره. وواحد مطلق له عشر سنين و للحين ما تزوج وكثير مو بيدهم يتزوجون للأسف. بتقولين هو يقدر يدور عنده فرصة مو مثلنا حنا الحريم. لكن اشعر ان البحث احيانا أصعب لأنه هذا قرار صعب والرجال يجلس حيران ومايدري مين الأنسب له ويضيع العمر واهو يدور وفيها ينرفض وفيها ينقبل. عموما سواء مرأة أم رجل الكل يواجه صعوبات وكل طرف يشوف أن صعوبات الثاني أهون. ومحد يدري حكمة رب العالمين في كل شيء. |
| الساعة الآن 07:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©