منتدى عالم الأسرة والمجتمع - زواج ابنه وعدم حضوري ..

اقتباس:

المشاركة الأصلية كتبت بواسطة غـادة.. (المشاركة 3513343)

عزيزتي للامل حكاية ❤
انتي جالسة ترهقين نفسك وتحملينها فوق طاقتها .. ارحمي نفسك
طيب وتزوج زوجك ؟! منتي أول ولا آخر وحدة يتزوج عليها ، صح هالشيء متعب نفسياً والله يلوم اللي يلومك لكن ماهي آخر الدنيا !

الحمدلله عندك بيت وعيال التهي فيهم واستمتعي بتربيتهم ،
وزوجك تعاملي معاه باعتدال بدون انفصال عاطفي وبدون عشق ووله .. خليك وسط
حاولي تسعدين نفسك وتسعدين اطفالك.. دوري الأشياء اللي تحسن من معيشتك مثلاً اطلبي منه خادمة تساعدك ببيتك و على الأطفال .
أعيدي صبغ بيتك مثلاً أو جددي الصالة ..
روحي للسوق واشتري لك ملابس جديدة وقصي شعرك قصة جديدة
أسعدي نفسك بنفسك يا أختي ، واعتبري زوجك موظف وعنده شفتات يوم يروح لبيته الثاني تخيلي انه رايح للعمل
ارفضي كلامه عن بيته الثاني رفض نهائي .. لا تسمعين منه وانهريه اذا تكلم قولي رجاء لا تجيب لي طاريها ..

باليوم اللي هو مو موجود روحي لأهلك او اطلعي للحديقة .. ابدًا لا تجلسين بالبيت ولا تطاوعينه لو رفض انك تطلعين ، هو يطلع وباله مرتاح ليه تجلسين انتي بالهم ؟ قولي له اطلع اريح لي من الهواجيس والافكار.

اهله ابدًا لا تقطعينهم نهائي وغلط عليك كذا .. هم أهل زوجك واعمام عيالك ليه تتركينهم ؟
بالعكس كلمي ام زوجك واعزميها ببيتك ع العشاء او اتصلي فيهم وقوليلهم اذا ماعندكم شيء اتعشى معاكم مشتاقة لكم ..

ابحثي عن صديقاتك وتواصلي معاهم .. ع الاقل خلي تواصلكم ببيت اهلك لو هو رافض

ابدًا لا تخضعين له يدفنك بالهم سامعة ؟ انتي قلتيها هو تزوج والتهى ليه انتي تظلين بالشقا ؟

بس بالهداوة لا تتصادمين معاه ولا تشدين معه .. خلي سياستك لينة حتى تكسبين وتاخذين ..

اطردي الوساوس من راسك ماتجيب لك الا الهم وترا كلها من الشيطان حتى يوقعك بالحزن .. انتي جالسة تتخيلين وتبنين خيالات وكأن حياتهم جدا رومانسية وسعيدة .. زوجك هو هو سواء معك والا معها والن القرية مستحيل يتغير زي مايعاملك بيعاملها وصدقيني بيفرض عليها اشياء اشد منك عشان يثبت للناس انه مو خروف ع قولتهم وانه للحين كلمته تمشي ..
لا تصدقين اي احد ينقل لك عن حياته حتى لو هو صدقيني مسسستحيل يوصل لك الصدق فسكري الباب من اساسه .

الان ابدي بالتجهيز للبيبي وجددي في بيتك وحاولي تتعلمين ع هوايات جديدة تشغلين نفسك فيها ..

وزوجك بالاساس ماعيشك بدلال من قبل عشان تفقدين هالدلال بصراحة ، كنتي شاقية بعياله وغثاهم .. فـ ارتاحي الحين ..

الله يطمن بالك يارب

عزيزتي غادة مادري قرأتي كلامي السابق هو لما يشوفنا سعيدين بدونه ينقهر يقعد يرمي كلام ويناكشني الين تصير مشكلة ويشوفني ابكي يرتاح خلاص ويحاول ينهي المشكلة

انا حتى لو غرت او انقهرت احاول اكتم بس لما احد يجلس يناكشني وانا كافيه خيري وشري ماعاد اقدر

بالنسبة للطلعات يعني هو يسوي زعل وسالفة عشان رافض ويعتبرني ماشية على كيفي لما احاول اقنعه خلاص مافي قدامك رجال انتي ماتحسبي حساب احد ومن هالكلام لين تنتهي بنقاش ومشكلة

الا الامانه عند بيت اهلي مايمانع وعارف هذا متنفس عيالنا الوحيد
اما طلعات ثانية لو مكان عام حديقة او استراحه كذا ممكنةيوافق ويمكن لأ اما بيوت مايبغى ..مايحب يكون عندي صديقات لو بيده يقطعني عن الناس بس الحين هو يقول انا مضحي واشياء مااحبها واسكت ولا انا غيور مرة

هو حاسس انه مظلوم واني متعبته وانه متنازل عن اشياء على شاننا غصبا عليه يقول الثانية داخل بيتها لا تطلع ولاتدخل واهلها بالشهر تشوفهم والنت اشحن لها بكيفي وأي شيء ابغى اعدله اعدله فيها وينسمع كلامي
وتحمل ورى بعض ماتمانع

حتى تنظيم النسل عنده يعتبر تمرد

عشان كذا انا مو هاين علي ارجع معاه عادي والله من داخلي ماابغى ولا قد جربت بعد زواجه فترة كم شهر اتعامل معاه عادي واضحك بس اذا طلع من عندي خلاص ...قلت بحاول ابرأ ذمتي أمام الله واجرب أتأقلم على شرع الله لقيت هو عايش مرتاح ومو حاس باللي سواه وانا عايشة بالنار وامثل وداخلي يحترق

أسأل الله ان يختار الخيرة الطيبة من عنده ...

بالنسبة لعياله ماكانوا عندي كانوا عند امه وماانكر طبعه صعب بس كنا نطلع نغير جو نروح مطاعم نحتفل بمناسباتنا الحلوة ونطلع احيانا لو مرة بالسنة انا وياه لفندق او شقة نجدد حياتنا بدون العيال ..كان مشغووول جدا بس لما يرجع ويشوفنا
طفشانين يحسسنا انه حاس فينا بس ظغط عمل ....

ولما تفرغ شوي لقى نفسه فاضي للزواج ....

بالنسبة لاهله هم مايختلطون باحد