|
رد: محتارة اعمل ايه ممكن تساعد
ابنتى الطيبة اكثرى فى هذه الفترة من حسبنا الله ونعم الوكيل وآفوض آمرى الى الله ان الله بصير بالعباد مع كثرة الاستغفار والصلاة على الرسول الكريم صلوات الله عليه يعنى الف مرة فى اليوم لكل 2000 اكثر ان شاء الله اى وقت فاضى استغليه فى الذكر والصلاة على الرسول ابعدى عن الفيس والتواصل والتليفزيون يسر الله آمرى وسجدى فرج يليق به سبحانة وتعالى وفضل الاستغفار موجود فى توقيعى وده فضل الصلاة على الرسول الكريم صلوات الله عليه طبعا وده آمر من الله تبارك وتعالى {إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً}الأحزاب56 جاء رجل إلى النبي عليه الصلاة والسلام وقال: يا رسول الله! إني أكثر الصلاة عليك، فكم أجعل لك من صلاتي؟ قال: ما شئت، قال: الربع؟ قال: ما شئت، وإن زدت فهو خير لك قال: النصف؟ قال: ما شئت وإن زدت فهو خير لك قال: الثلثين؟ قال: ما شئت وإن زدت فهو خير لك قال: يا رسول الله! فأجعل صلاتي كلها لك؟ قال: إذًا تكفى همك، ويغفر ذنبك اللهم صلى وسلم وبارك عليك يا حبيبى يا رسول الله اللهم صلى عليك كلما ذكرك الذاكرون ، اللهم صلى عليك كلما غفل على ذكره الذاكرون |
رد: محتارة اعمل ايه ممكن تساعد
السلام عليكم ورحمة الله وبركاته
الحمد لله ع كل حال واتمنى من الله دوام الصحة والعافية والخير كله لحضرتك بعد الل حصل حاول كتير يبعتلي ما كنت برد وكل رسايله ان انا الل اخترت وانه مش هيسامحني ابداا اني مش موافقة نقعد لوحدنا ونتفاهم للاسف اني حسيت بتأنيب الضمير رفضت نتقابل برة او ارجع وقلت لو عايز نتكلم لوحدنا في بيت اهلي فقط اول ما وصل اسلوبه هو نفسه بعصبية انا لم اسكت له وقلتله اتكلم باسلوب كويس وهدوء ما تعلي صوتك كفاية الل عملته المرة الماضية لم تحترم حتى وجود والدي وانه رجل سنه كبير رغم انه سكتلك بس عشان انا ما ازعل ولا اتوتر مش زيك يرد يقولي سكت عشان عارف اني صح قلتله لا واعرف ربنا واحترم الكبير خلاصة الكلام ان يا ارجع معاه ونحاول نتغير يا انا كده بطلب الطلاق وماليش حقوق عنده قلتله مش راجعة قبل التغيير انت ما راعيت الل انا وتعبي هتعمل ايه بعد كده كل الل همك مؤخر وعفش لو العيشة معاك بالشكل ده مش عايزة منك حاجة وسيبته يتكلم مع والدتي ومصمم ان ماليش حاجة واهلي عايزين حقي عناد معاه قلتلهم اعملوا ال عايزينه المهم ان ما حد يكلمني عنه ابداا وانا هرجع اشتغل وافوق لحياتي وخلاص كده اتفقنا ع الطلاق والله يعمل الخير ليا وليه انا فعلا مش زعلانة لاني حسيت وادركت قيمتي عنده كويس جدا والحمد لله ملتزمة بالدعاء والاستخارة وكل املي ان الجاي خير واهلي مبسوطين وبيحاولوا يخلوني فرحانة الحمد لله الله يكتب لحضرتك كل الخير ياااارب والله دايما داعية لحضرتك بالخير فعلا ونعم الاب والسند |
رد: محتارة اعمل ايه ممكن تساعد
الحمد لله رب العالمين الله يسعدك ابنتى الغالية وان شاء الله اللى جاى كله خير اصبرى واثبتى وفرج الله قريب بس كان لازم تتحركى الله يهديك اما المدعوا زوجك اوعى تقعدى معاه انتهى الكلام بعد كل السنين ده لسه هيتكلم ههههههههههه الان وقت افعال وفقط ان شاء الله ربى هيرزقك بحاجات لم تتوقعى منها واحد على الف ان شاء الله توكلى على الله وابدأ حياتك من جديد وربى يعوضك بكل ما تتمنى بإذن الله تعالى ولا يهزك اى كلام ولا تقولى ضميرى واين ضميره هو واين خوفه من الله واين العشرة وووووووو عفانا الله وسترك ويسر آمرك |
رد: محتارة اعمل ايه ممكن تساعد
الابنة الغالية ان شاء الله تكون بخير وافضل حال اتمنى اطمئن عليك واعرف جديدك حفظك الله ويسر آمرك |
رد: محتارة اعمل ايه ممكن تساعد
اقتباس:
السلام عليكم ورحمة وبركاته والله يا والدي الحمد لله كله بخير واهي ايام وبتعدي اتفقوا ان الطلاق رسميا يوم السبت بإذن الله طبعا بعد خناقات ومشاكل وتهديد من اهله اتنازلت عن كل حقوقي مقابل الطلاق وهو قبلها بعتلي رسالة مفادها ان عشان خاطر ربنا والعشرة الطيبة ننسى الل حصل وارجع بردو وتبقى المشكلة دي فتحت عيننا ع كل حاجة ونحاول نصلح ولكن بشرط رجوعي وان دي اخر فرصة يدهالي بحق للابد حتى دون التفكير ان يراضيني انا ما رديت عليه وهو تاني يوم قالي ردك وصل وكلموا اهلي هاتو القايمة وشوفوا مأذون وكلمونا وان بنتكم الل طالبة الطلاق وقالوا لاهلي للاسف بنتكم مش كانت بتحب تقعد عندكم وتقول لابننا تعالى خدني وخايفة يقولوا حاجات كتير الله يسترها يارب المفروض ان الاتفاق يوم السبت القادم الطلاق والله المستعان |
رد: محتارة اعمل ايه ممكن تساعد
وعليكم السلام ورحمة الله وبركاته ابنة وفية وهذا عهدى بك كنت واثق انى ساجد رسالة لكى اطمئن عليك باذن الله طبعا احزنى جدا موضوع الطلاق فهو ابغض الحلال ولكن واضح انه الكبر والعناد ولعلها خيرة لك ابنتى الغالية وتذكرى قول الله تبارك وتعالى وان يتششفرقا ، يغنى الله كل من سعته وفى النهاية الطلاق ليس نهاية الكون واذا انصلح الحال فيمكن الرجوع اذا اراد الله ولكن فى الحقيقة قلة اصل ان يقبل تنازلك عن كل حقوقك ولكن ربما له العذر لانك يظن انك انت من طلب الانفصال وهو جاهل ولم يعلم انك طلبتى ان ينصلح حالكم وتكونوا مثل اى اسرة سوية ولكن الله ختم على قلبه اما خوفك ان يذكروا اشياء بخلاف عدم حبك فى الجلوس فى بيت اهلك فهذه من وساوس الشيطان وربما هو من قلة الاصل لدرجة انه اراد هذا فعلا ان يخيفك وتكون ورقة ضغط عليك للرجوع خوفا من ذكر ما هو اكبر ولكن ليس عليك الا التحصن بالله اكثرى من حسبنا الله ونعم الوكيل ومن قول وآفوض آمرى إلى الله ان الله بصير بالعباد وكما يقال ما يضير الشاه سلخها بعد موتها حياتك معه كانت كلها خطا والاستمرار كان معناة الموت البطىء خلى عندك ثقة فى الله ثم فى نفسك ولا تعيرى لكلامه وكلام اهله اى اهتمام واذا ذكر اى شىء قولى مع الأسف انسان لم يثمر فيه اى معروف ومنتظر منه هذا الكلام واكثر ابنتى الغالية انظرى الى الامام ولا تلتفتى الى الخلف حتى لا تسقطى مرة آخرى بإذن الله تعالي المستقبل كله امامك وببركة الطاعة والقرب من الله سيعوضك الله باشياء تفوق خيالك لان المعطى هو الكربم الحنان المنان ذو الجلال والاكرام استمرى على استخارة الله واكثرى من الدعاء والتضرع اللى الله واعلمى انه هناك بنات فى سنك لم يتزوجوا بعد ومازلوا فى اول الطريق والطلاق ليس نهاية العالم ولكنه شرع من الله فى الحالات التى يستحيل معاه الحياة حتى لا تكفرى فى العشير وتنحرفى و تخسرى دينك وآخرتك ، حفظك الله ويسر آمرك وهمسة فى اذنك هذا ما كان منتظر منه والف حمد وشكر لله انك تحركتى الان حتى يظهر معدنه الذى كان امامك من اول سنة زواج ولكن مع الاسف كنت لا ترى نتيجة شئم المعصية غفر الله لنا ولك وتقبل توبتك ورفع درجاتك ورزقك الجنة ورؤية وجهه الكريم وصحبة الرسول الكريم صلوات الله عليه |
رد: محتارة اعمل ايه ممكن تساعد
الابنة الغاليه طمنينى عليك اسال الله العظيم ان يعوضك كل خير وان يربط على قلبك اكثرى من قول اللهم آجرنى فى مصيبتى وابدلنى خير منها واشغلى لسانك بذكر الله والصلاة والسلام على رسول الله صلى الله عليه وسلم ربى يسعدك ويوفقك وينصرك ويصرف عنك كيد الكائدين وحقد الحاقدين وينصرك نصرا مؤزرا |
رد: محتارة اعمل ايه ممكن تساعد
اقتباس:
السلام عليكم ورحمة الله وبركاته والله انا ما اقدر انسى وقفة حضرتك معايا ابدااا في كل مشكلة حضرتك دايما فعلا بتكون نعم السند والاب الله يكتب اجرك انا الحمد لله بخير بس الطلاق ما تم كان هيتم اليوم بس والدتي ضعفت مع كلامهم امس رغم انهم اهانوني جدا وانا كنت منهارة جداا للاسف والدتي قالت احنا مش عايزين طلاق وانا كنت عايزاه المهم بعدها تامر اتكلم معاها وقال يجي يقعد معانا من كام ساعة زارنا في البيت وقلتله مش هرجع غير بشروطي الغريب ان بعد كل المشاكل دي انه وافق على كل حاجة واعتذر لوالدي اكيد دي حاجة كويسة جدااا وده المكتوب والل حصل امس قدر عشان النصيب وان ما يحصل الطلاق بس انا بقول للاسف لاني حاسة انه امر مريب ازاي وافق بسهولة كده وراضي بكل حاجة في يوم وليلة من غير تفكير مش عارفة ليه خايفة او مش مستوعبة رغم انه زعلان اني مش هرجع ومش عاجبه بس وافق وقلتله مش هرجع غير اما تشتغل ونعيش حياة طبيعية والكلام ده معناه شهور ده مش طبعه واهله راضيين طيب هيعيش ازاي لوحده وازاي ما اتكلمش في التفاصيل والشروط عشان ارجع سايب كل حاجة كده من غير تحديد بعد ما مشي من عندنا سالته انت راضي قالي المهم تكوني كويسة متشغليش بالك بيا والله جوايا قلق وخوف عجيب رغم ان ده الل كنت عايزاه بس قلت اسيبها لله والايام هتبين ايه المستخبي وايه سر التحول ده الله اعلم الخير فين وانا مش عارفة اعمل ايه ولا ايه الل بيحصل الله يعمل الل فيه الخير |
رد: محتارة اعمل ايه ممكن تساعد
ما شاء الله ما شاء الله ما شاء الله لا قوة الا بالله الله اكبر ولله الحمد طبعا بفضل الله لازم يرجع ويعتذر وينفذ كل طلباتك هى بنتى سارة الغالية حاجة قليلة واللى لو لف الدنيا يلاقى زيها ربى يحفظك ويحميك وخلى بالك انت حب عمره الله اكبر بس كان بيكابر وفاكر انك زى كل مرة هتضعفى وترجعى وربنا يخلى ماما وامه انهم اشتغلوا على لم الشمل والاصلاح والف حمد لله ان الموضوع رجع تانى وفى محاولة بإذن الله تعالى لانى بصراحة حزنت جدا لما بلغتينى بموضوع الطلاق لانى بفضل الله عمرى ما دخلت فى مشكلة وانتهت بالطلاق دائما بفضل الله ربى يوفقنى ويتم لم الشمل وتنحل المشكلة بفضل الله تبارك وتعالى ولكن اهم حاجة لا تتنازلى عن اى طلب ومفيش رجوع الا بعد ان ينصلح حالة بإذن الله تعالى وطبعا لازم الفحص والبحث عن سبب تآخر الانجاب والعمل على حل هذه المشكلة بإذن الله تعالى طمنى عنك وربى يسر آمرك آستمرى على الاستخارة والذكر لله والصلاة على الرسول الكريم صلوات الله عليه |
رد: محتارة اعمل ايه ممكن تساعد
اقتباس:
الحمد لله على كل حال ربنا شاهد عليا بعد فضل الله الفضل لحضرتك في كل مرة بتفتح عيوني على نقاط مش باخد بالي منها وكأننا بالفعل أبناء حضرتك وخوفك علينا عشان كده دايما بلجأ لحضرتك لأني واثقة إني هلاقي الحل الصح ودايما بتساعدني في الوصول للحلول المنطقية وحتى ان كان وقع الطلاق فكنت هبقى متاكدة انه الخير لكن الحمد لله انه فكر يغير حياته واتنازل عن عناده الله يصلح حاله واحوالنا جميعا ويرزق حضرتك بكل خير وانا مستمرة ع الاذكار والاستخارة وهفضل مستمرة بإذن الله واحاول اغير من نفسي انا كمان ومش هتنازل عن شروطي والله المستعان ويكتب الخير للجميع ياااااااارب |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©