انتي قلتي الشكوى لله
مو الشكوى لغيرة
انصحك ............ وانتِ ادرى بحالك اذا بتتحملي وجود وحدة ثانية في حياة زوجك ...
يمكن تكون الزوجة الثانية فرج لك ..
لأني اعرف زوجات كثير تغير حالهم للاحسن بعد مااتزوجوا رجالهم وانا ما اقولك هالكلام
إلا بعد تجربة مرت فيها وحدة من زميلاتي في العمل
كان مايخليها تروح للدوام مع احد غير محارمها ويقول مافيه سواق ولاخرابيط (احد يوديك من اخوانك والا ما فيه روحة للدوام ) وتخيلي كل يوم والثاني جايبها واحد من اخوانها والثاني موديها وحالتها حاله مع ها المشاوير ... ( ومع العلم ان زميلتي لها متزوجة اكثر من 15 سنة )لكن الحين تعالي شوفي دلعه لها كنها توها متزوجة (عروس )حتى جاب لها سواق مع العلم انه رافض فكرة السواق بدون نقاش حتى يطفشها واصبرت واحتسبت الاجر مع انها قدمت تنازلات كثيرة له
وهي على مثال العد لا الحصر (( كونت منزل العائلة من راتبها طبعاً بمساعدته _ اهتمت بأمة وقت مرضها مع العلم انه ما اهتم في والدته الا ماندر حتى توفها الله _ الان تهتم بأبيه(وظافته) وما تطلع من بيتها عشان هالشيبه تقول اخاف يحتاج شيء وانا ماني عنده )
والحمد لله تقول الحين انه مدلعها وحاطها فوق راسه
وهو مع العلم الان انه يجيبها ويوديها ( واتمنى لك الفرج والله يعينك على ما اصابك )

اختي امل ميت

لا يحمل الله نفسن الا وسعها ولايعلم بمعاناتك الاالله وعندي وقفة على موضوع الصبر لان

اغلب الاعضاء يلجئون الى هذه الكلمة كاحل قاطع والحمدلله انااؤمن بأهمية الصبر والجزاء

العظيم الذي سيحصل عليه المسلم اذا صبر لكن الله امرنا باخذ حقنا اذا استطعنا مثلا في

القران يحلل للرجل الزواج باربعة لكن هناك شرط هو العدل بينهم لكن الذي نشاهده اليوم

هو تمسك الرجل بحقه بالتعدد دون التفكير بالشرط واغلب النساء لايرضون (( بضرة )) ليس

غيرة فقط بل بسبب تقصير الزوج في بيته واغلب النساء يساهمون بمصروف البيت

ويحاولون تقليل الاعباء على الزوج ناهيك على عدم احترامه لزوجته ويجده واجب عليها

وهذا صبر كبير من الزوجة لكن عندما يريد الرجل الزواج بأخر ليس حرام ان تواجه الزوجه بعد

موافقتها لانها الادرى كيف سيكون حالها وحال اولادها بعد زواجه سوفى تتحمل جميع

المصاريف وهموم اولادها لوحدها لها الحق ان تبقى معه او ان تتركه اذا شعرت ان وجوده

مثل عدمه صحيح ان الزواج من حقه لكن ليس على حسابك واظن اختي ليس هناك رجل يخاف

الله يتزوج باخرى وهو في الآساس مقصر في الاولى

اخواني اكررها انا لم اكتب هنا الا حينما استيأست من كل الحلول وانت اخي الكريم من تقول الا يوجد احد كبير يكلمه اقول لك يوجد ولكن زوجي ليس له كبير يعني مستعد يغلط على الكل ولا يبالي ولا اريد ان اضع احدا مواضع محرجه مع انسان انا اعلم حق اليقين انه لا رجاء منه والدي تعب واخوي نفس الشي وامي الله يهديها اهم شي عندها ما اجي مطلقه وكلمتهم وحده اهلي مثا ما قلتلكم سابقكم يقثولون لي اذا تبين الطلاق ارمي عيالك وتعالي لوحدك مثل ما دحلتي عليه لوحدك وانا لا استطيع ان ارمي عيالي في مهب الريح ضحيه غروري وكبريائي انا مستعده ادوس على كل شي في مقابل اربي عيالي تربيه بعيده عن الانحرافات

اخواني الكرام فكرت في الطلاق واستخرت الله وبالفعل طلبته وجاءتني الطامه الكبرى مافيه طلاق واذا تبين روحي المحكمه واخلعي وانا اعرف كيف احرمك من عيالك بكيت وترجيته ولكن بكبرياء يقولها دوما انا رجل

اطفالي يترجوني ما اتركهم وولدي في اخر مره ضربني فيها زوجي ويعلم الله بدون سبب راح ولدي جاب سكينه ويقول لابوه واله لو تضربها لا اذبحك روح موت احنا ما نبغاك نبغى ماما وهو ابن 10 سنوات ولكن من كثر الي يشوفونه من والدهم


اخي الطلاق اريده ولكن الا يوجد شرع يحكم لي باولادي والله يشهد علي مابي اتزوج ثاني ولا شي بس ابي غرفه مقفوله علي وعلى اولادي واربيهم الا ان تقوى اجسادهم على قوه هذه الحياه ويتولاني الله برحمته حينهاا

اقسم بالله العظيم اني اذا مررت بمقبره احسد من فيها واقول ياليتني مكانهم هناك رب رحيم يحاسبني على اشياء انا سويتها بس انا مع ها الزوج بتحاسب على اشياء ما سويتهاا

اريد الطلاق وولكن زوجي يساوموني مقابل الطلاق الخلع واهلي لا يريدون ابناءي ليس كرها فيهم وانما تعجيزا لهم وانا الان بين نارين واخترت حياه الظلم والذل والحرمان مقابل ان اترك ابني وابنتي

احاول الان ان اكون قويه ولكن تعبت نفسيا ولا اعلم ماهو مصيري معه ولا مصير ابناءي وكيف احقق لهم مستقبل امن في ظل هذه الظروف التي تزاد يوما تلو الاخر

لا املك الا حسبي الله ونعم الوكل والقرءان والصلاه هما سلاحي ونعم بالله

اختي خياله:

ادخل الله السعاده الي قلبك مثلما اثلجتي قلبي بكلامك ولكن لا حياه لمن تناددي بكلامك لقد جربت كل شي معه هو يعتبر الهدايا اضاعه للمال والورد شي تافه لاني مره زمان اهديته ورده بحكم اني ابي اسوي كاي زوجه نفسها تعدي زوجها فنظر للورده باحتقار وقال الحين مضيعه فلوسك في شي تافه كان خليتي الفلوس تنفعنا ورماها ومشي وربي كسر نفسي يومها ورثيت لحاله واحتقرت نفسي وتخيلي والله حتى لو راح محل ورد مثلا يبي ياخذ هديه لاي احد من اهله اصدقاءع ويكون ولدي معاه فولدي ياخذلي ورده ويحط فيها بطاقه احبك ياماما ويقوله بابا خذ لماما يقوله انته وامك تافهين؟؟؟؟؟؟؟؟؟؟؟؟؟؟؟

واقسم بالله هذا كلامه ولو ظلمته يشهد علي ربي ايش تقولي في واحد مثل هذاا كل شي حلو عنده تافه والله يا خياله ابي كلمه حلوه نفسي اسمعها وخاصه اني تزوجت في سن صغيره وانا الان في سن احتاج لكلمه حلوه وربي نفسي اسمعها بس حرمني من كل شي الله يحرمه الشهاده ولولا خوفي من الله ثم على سمعتي وسمعه اهلي واولادي كان دورت منو يسمعني هيا بس وربي ما ابي اكون خاينه بس وش اسوي انا انسانه وامراه وضعيفه واحتاج للامان الذي حرمت منه عشر سنوات

اختي الكريمه خياله الاجواء التي تتكلمين عنها والتي قد تغير شيئا في حاله قد جربتها ولكن العطور يقولي انا ما احب ريحه العطور ابداااا ولو حطيت لو فراوله او روائح جدا حلوه وحاولت اخلي الوضع جدا رومنسي يقولي خلي عنك حركات الاطفال وال....................؟؟ كلمه اخجل اقولهاا والله ويقولي لا تطفين الانوار والشموع يقولي تبين تحرقينا والورد تافه والرومنسيه حركه قليلين الادب .......................!!!!

باله ماذا تسمينه بعد كل هذااا؟؟

صدقيني يا خياليه وربي جربت كل شي والله كل شي شي قلتله وشي ماتتوقعينه دون فايده لحد وربي ما كسر مجدافي وامنت بانه جالسه اصبر على من لا امل فيه

نعم لا امل فيه وربي ما اقولها من فراغ انما من حزن والم زرعه وسقاه في نفسي حتى تشعبت جذور هذا الحزن وسيطرت علي

خياله كوني ارتب شخصيتي فهذا يبغاله طب نفسي لاني فعلا ماني حاسه بالي حولي حاسه بكبت وقهر يضطرني احيانا للتفكير في اشياء جنونيه

ووشلون اعيد ارتب اوراق وانا في نفس الحال ولو تجاهلته هو ماراح يتجاهلني ولو هاودته هو ماراح يهاودني هو دايم يبني اقل منه لا وظيفه ولا مصروف ولا اي شي

وربي لو اقولك على مصروفه تموتين ضحك وتبكين من الاستغراب اقسم بالذي رفع السماء بلا عمد اني لا ارى منه قرشا ابيضا او سود نهايه كل شهرر وحينما اتطاول لاطلبه يقولي ما عندي اصلا وش تبي بالفلوس مو تاكلين وتشربين الله اكبر وشو الاكل والشرب الله العالم احيانا انا وعيالي نوصي بريال جبن وعيش نفطر ونتغدى ونتعشى ويوم اقوله قضي للبيت عشان عيالك يقول ما عندي وان تكرم وهو طالع الصباح حط 10 ريال على التلفزيون وقال هذي 10 وانا مستلم اليوم في عملي ولا تصرفونها الا اذا احتجتم وربي ابكي في قلبي واقول حسبي الله ونعم الوكيل

واذا بغيت شي اخذ من اخوي وابوي بس وربي صرت استحي وما عاد اطلبهم ونفسي في مهنه في يدي البي فيها احتياجات عيالي على الاقل ولا انا خلاص صار لي قفله نفس من كل شي حلو في الدنيا وانتظر القيامه بس عشان اوقف خصمه قدام الله واخذ حقي منه وحق عيالي

ابي اقولك مثل بسيط اليوم الصباح اطلبه ريالين مصروف ولده قال ما عندي خلاص عبيله مويه صحه يشربها ومو لازم مصروف انا ما عندي ومافيني اروح اصرف من الصراف قلت لا اله الا الله وربي رددت على مسامعه هذا البيت وهو يطالع فيني:

لا تظلمني اذا ما كنت مقتدرا .....فالظلم اخره ياتي عليك بالندم

تنام قرير العين وعين المظلوم منتبه..... يدعو عليك في دجى الليل وعين الله لم تنم

واضطررت من ورائه اتصلت على اخوي وقلتله اذا جيت رايح الجامعه مر على ولدي في المدرسه واعطيه ريالين

؟؟؟؟؟؟؟؟؟؟؟؟؟؟؟؟؟؟؟ هل هذاا العدل الذي من اجله يريد ان يتزوج هذا الظالم

وربي لو عندي وظيفه ولا شي في يدي كان استغنيت بيها عنه بس وش اقول غير الله المستعان


يشهد الله اني لم اظلمه ابدااااااااااااا في كل حرف كتبته وتشهد عليه يدي يوم القيامه

وموضوع انه يغار مني طيب انا وش ذنبي وربي فعلا انه يغار وتخيلوا يا ناااااااااااس سا بشر انه ما ياخذ ولده ولا مناسبه معه مع انه كبير الولد ويقول يوم اروح الزواجات يسالوني اصحابي ولدك ما يشبهك اكيد طالع لامه حلو فما ياخذه وربي وحتى لو كنا في سوق ماشيين وسمع تعليق من اي احد مقلا هو اسود البشره وانا عكسه ويوم يسمع اي تعليق من الناس يخلي يومي جحيم طيب انا وش ذنبي انا ماشيه معاك والله العالم اني ما طالع لغيره واشوف حلالي كل شي بس هو لا يحقد علي في كل شي ويبي يحطمني ويذاني دايمااا

المهم هذاا رد كلماتكم لي ترى بعد كل هذااا هل انا مخطئه ؟؟


اخي النور والحنان انا لا اعرف في المنتديات شيئاا ولم افهم والله م تقصده بترك رساله في هالم الرسائل الخاصه ممكن احد يفهمني كيف اترك رساله هناك

في انتظاركم ولا تنسوني من صالح دعائكم

كيف اترك رساله في عالم الرسائل الخاصه افيدوني بالله عليكم

أختي الفاضلة ( أمل ميت ) رعاكِ الله

اذهبي إلى عالم الرسائل الخاصة .. واضغطي على ( موضوع جديد )

واكتبي في عنوان الموضوع ( رسالة إلى الأخ النور والحنان )

ثم سجلي ( أسفل منها ) في خانة الرد المعروفة حضورك في قسم الرسالة الخاصة .... يعني إنك موجودة ..

ولو كتبت العنوان .. فهذا يكفي إن شاء الله

تحياتي ؛؛؛

قصتك أذكرني بقصة أمي المسكينه يوم أطلقت من أبي باست رجله عشان ما يطلقها لكن كان ظالم وطلقها وأنا كان لي شهرين ؟؟ خذت الثاني شافت الويل منه صبرت عشان ماتعذب أولادها مثل ما تعذبنا نحن ؟؟ وحتى الأن وهي تتعذب معاه رغم كبر سنه مر ألحين \35سنه ما تغير ؟؟ هذا نصيبها صبرت وعيالها كبرو وأصبحو كل حياتها ..أنا ما أيأسش من حياتش لكن الطلاق مو حل في نقطه غابت عن بالش وهي:

(أن هو إحبك لا تضحكين على كلامي لآن هو أساومك على الأولاد معناة هو متمسك فيك بس على طريقته الخاصه هو من النوع الي ما يظهر مشاعره كلما يكرهش يعني أحبك طبعاً ما ينزال مستواها لك على حسب مفهومه الخاص هو عقليه قديمه مثل ما كان أول يعاملون حريمهم :29: هو عارف تعلقش بأولادك وحبك لهم عشان كذا هو أساومك فيهم هو ما يبغي أفرط فيك بس على حسب مفهومه ؟؟ أنا زوجي ما عنده رومنسيه ولاعيد زواج ولاعيد ميلاد ولا هدايه ولا كلام حلو الا نادر ما يقول أنا أتعوت على طبعه مو لازم أرجاجيل إكونون واحد ؟ ألحين أنتي تبغين الحل أولاً مثل ما قلت كوني قويه بدون طبيب هذا بيدك حاولي من كل قلبي أقولش ما راح ينفعك حد في هذه الدنيا غير نفسك كوني قويه شليه من بالك هذا أول خطوه عامليه على أساس أنه عقليه قديمه مثل ما قلت أدرسيه مو معقوله ما في شي إيجابي أنا أصدق كل كلمه قلتيه لكن راجعي نفسك ودوري نقطه تقدرين تدخلين منها أي سؤال أنا حاضره لين نوصل بر الأمان معاه


أختك المحبه خياله أحبك في الله :17:

اختي خياله احبك الله الذي احببتني فيه وجمعنا اخوان على سرر متقابلين في الفردوس الاعلى وتعلقا على ما ذكرتي لا استطيع الا القول اني لا اريد اي شكليات منه لا هدايا ولا غيره بس ابي حق الله فيني هل هذاا خطأ؟؟

اعلمي اختي انني امرأه قدمت الكصير الا استحق كلمه شكر او كلمه عطف او ضمه حنان من هذا الرجل ؟؟

لن اكرر ما قلته ولن اكذب عليك واقول انني يئست فانه لا ييئس من روح اله الا القوم الظالمون مازال املي في الله كبير ووها انا بحثت عن الحلال وعن طريقه لحل حياتي مع هذا الزوج والا لكان هناك الف طريق وطريق بس الحمد لله الله عاصمني من الحرام

انتي قراتي كل المشكله مع زوجي استخرجي لك نقطه ضعف واحده والله ما راح تلقي يا خياله والسبب انني 10 سنوات وانا احاول التماس الف عذر له واشتري طاعته ورضاه على حساب نفسي وهو تمادى وطغى واتكبر

لعلمك اني احتقره جداا ولا اكن له داخلي والله يشهد علي الا مشاعر الكره والتمني بالموت وليس اي موت انما ابشع الميتات لاعلم ان الله قد انتقم لي منه

ايضاا لا اثق فيه ابداااااااااااااااا لو حلف على القرءان فهو من علمني الا اثق فيما لا خير فيه وهو طعني واستغفلني الف مره ومره وانا سامحته لحد ما نفذ صبري وسماحي

اختي حينما تفقد المرأه احترامها للرجل الذي ضحت من اجله فليس للحياه معنى بعدها وانا كذلك امقته واكرهه واحقد عليه واتمنى موته عاجلا غير اجل اضيفي الى ذلم مشاعر فقدان الثقه والاحترام مني له نعم انا لا احترمه ابدااااااااااااااااااااااااا ولا اثق فيه لانه ليس جديرا بكل هذه المعاني

لا اخفيك اختي انني مازلت احاول ان اضغط على نفسي من اجل ابني وابنتي واسال الله ان يفتح لي ابواب الخير لاعينهم على طريقهم

وكلمتك انه يحبني وربي ابكتني كثيرا واضحكتني قليلا اين الحب يا اختي في الله اين هو في افشاء اسراري لاهله واخوانه في طلبه للزواج دون سبب شرعي او قصور مني ظلمه لي تعسفه معي حرماني من حقوقي تقصيره في مصروفي اين الحب بالله عليك والله هو ما يحب الا نفسه وهو يقول كذاااا بلسانه انا ما احب الا نفسي حتى امي وابوي ما احبهم قد نفسي ومستعد يدوس على الكل عشان هو بس يكون سعيد الله اكبر اختي كم في القلب من ونات مازالت محبوسه وكم من صرخات وويلات ينطق بها حالي ويعجز لساني عن الحكي بهاا الله اكبر كم من ليله نام هو قرير العين وبت انا اقول يالله المخرج الله اكبر كم من اعوام قضيتها في جحيم لا يطاق

اختي:

والله همي اكبر من كلامك وتخيلاتك خليها على الله عسى ان يفرجه قريباااا

الله يصبرك
انا في رايي انك ماتقعدين عنده
الله شرع الطلاق للمصلحة وانا اقول ليش صابره عليه مافيه في ذالدنيا الا هو
اذا كانت هذي طبايعه من اول وش ترجين
اللي هذا اوله ينعاف تاليه
صبرتي مافيه الكفاية وانتي الحين عايشة في عذاب ليش نصبرين عذاب وعذاب ثم هلاك
مادام الصبر ما هو في مصلحتك
هو اناني وما همه الا نفسه وماراح ينعدل حاله والله اعلم بس باين
الطلاق باب للخلص وماهو عيب ولا جريمه (العادات والتقاليد هي اللي حاكمتنا )
دايما يقولون اصبري علشان عيالك ...والمسكينه كان مالها شعور وما تتالم
العيال ما راح يضيعون ان شاء الله ...والله ماشرع الطلاق الا للفايدة والمصلحة .ز
بس مجتمعاتنا ما عندهم الا اصبري ومخلين الرجال يغلطون وما احد يحاسبهم ..
انا اقول اذا انتي شايفه ان الحياة معاه متعبة جدا فالحل في نظري ...الطلاق ,ويعوضك الله احسن منه
يعني اذا الوحدة تطلقت ضاعت وضاعوا عيالها...عجيب الطلاق في شرعيته حكمة ..

انا اشوف انك ما تتركين نفسك للهلاك وعلى ايش؟
استخيري ربك وفكري في اقتراحي
والله يوفقك .....آمين

كلامي هذا ماهو لانه يفكر يتزوج لا ..حتى لو ماكان ناوي الخلاق ما تنطاق
وارسول صلى الله عليه وسلم قال اذا اتاكم من ترضون دينه وخلقه
فاين الخلق ؟؟؟

هذا ردي الثاني لك

صراحه مشكلتك صعب حلها بعد متابعه جميع ردودك

ما اقدر اقلك الى اكثري من قول حسبي الله ونعم الوكيل

أختي الكريمة فرج الله همها :

سمعت كثيرا عن أناس ظلمة وجبابرة لا رحمة لهم ,ولكني- والذي لا إله غيره-ما مر على أسماعي مثل هذا الرجل .

وعكسه تماما ما قرأته من مواقفك النبيلة وجهادك العظيم الذي لم نسمع عنه إلا في بطون الكتب.

حقيقة إن من يريد أن يجمع بينك وبينه -وهو على هذه الحال-,فكأنما يريد أن يجمع بين النقيضين .

رأيي-ولا أرى غيره صوابا والله أعلم-أن تلحقي بأهلك مع أولادك,فالله عز وجل شرع الزواج لمعاشرة بني آدم لا الحيوانات .

أختاه: حاولي أن تقنعي أهلك بذلك أمك,أخوك,أبوك,قريبك,أن يتفهموا الوضع ويقبلونك مع أولادك,ثم إني لا أظن امتناعهم من

ذلك إلا تخويفا لك .

وعسى الله سبحانه أن يبدلك خيرا منه,سيما وأنت في سن يرغب فيه .

ولك مني هذه الدعوات في هذه الساعات المباركات, أسأل الله سبحانه أن تكون مستجابة .

فاللهم إنك قلت في كتابك -و قولك الحق-:"إنما يوفى الصابرون أجرهم بغير حساب",فاللهم هبها من هذا النصيب أوفاه,واجمع لها

يوم لقائك أحسن نزل وأزكاه .

اللهم هيء لها من أمرها رشدا,واجمعها بمن يحفظ كرامتها ويرعى حقها .

اللهم إنها قد صبرت على المكروه من أجل أولادها,فاللهم أقر عينها بهم,وبارك فيهم,وأجعلهم من عبادك الصالحين .

اللهم نفس كرب كل مكروب وفرج هم كل مهموم .