|
اختي العزيزة
انا متزوجة اللان واتزوجت عن طريق النت .. احب ان اقول لكي مش كل الناس مثل بعض وصوابع اليد مو مثل بعضها وزواجنا كان صعب بعض الشي وكافح 4 سنين لحد ما اهلي وافقو لان زوجي من بلد وانا من بلد ..انا عن نفسي كنت واثقة فيه كتير واهلي كان يعرفون اني اكلمه لاني ماكنت بخبي شي عنهم وحبني كتير ولما خلصت دراستي سافر مع اهله وتقدملي في البداية اهلي رفضو وهذا الشي من حقهم لانهم ماكانو بيعرفوه كويس وغريب عننا وعانينا كتير بس ربنا شاء اننا نكون لبعض وهو كتير اتعذب علشاني واتمسك بية وكان مستعد انه ينتظر طول العمر وطبعا بالنسبة للشك وهالاشياء بيختلف من شخص الى شخص لان فيه اشخاص اصلا من كتر ما بيحكو مع البنات بقى عندهم عدم ثقة فيهم وبقى جواهم شكوك دائما فيهم وخاصة لو شافو بنات كتير مش كويسين .. وحياتي حاليا الحمدلله سعيدة جدا وحبه لم يتغير ابدا وعمره ماشك فية علشان كدة ممكن زواج النت ينجح ولكن بيتوقف على مدى مصداقية الطرفين وتوافقهم واكيد نسبة قليلة بينجح وفي الاخير كل شي قسمة ونصيب ولا تحزني وخذيعا تجربة مريتي بيها واستفدتي منها وربنا بيكتب للانسان ماهو الخير له دائما اتمنالك كل التوفيق وحبيت اذكر لكي قصتي باختصار عشان فقط ابين وجهة نظري من خلاله ان مش كل الناس مثل بعض بالتوفيق عزيزتي اختك في لله نور حياتي |
الموضع اكتر من حلو وفيه ناس بالفعل غير صادقه وفيه ناس تكون صادقه انت وحظك ولازمي تكوني حريصه اما بالنسبه للزواج عن طريق انت احنا ناس كبيره مثقفين متعلمين
نعرف نميز الصح من الخطاء المفروض انها طريقه رايقه تعرف الطريفني على بعض بطريقه محترمه والي يكون نايو الخير يبنا وغير يبان بس لازم الحرص شويه ما يعرف عنك شيء الا بعد ما يدخل بيتك ويتاكدو اهلك منه وتحياتي للجميع وفي انتظار تكملت موضوعك |
والله الموضوع مهم ومشوق مشكورا ليدي كلنا في انتضار تكملة القصة
|
حبيباتي ..
الأنثى درة مصونه .. لؤلؤة مكنونة .. قد تفقد بريقها .. في يد من أصبح مالكا لها ..إن شعر .. ولووووووووووووووووووووووووووو بذرة بسيطه .. قد نالها في البدايه بغير المعتاد .. من طرق للباب.. واستئذان لأهل الدار.. كونوا في القمة .. وإلا فلا داعي من نزول ..حتما سيعقبه الندم نحن في انتظارك يا غاليه .. لاتتأخرين يا ليدي |
يا ادارة المنتدى الكرام المحترمين يا احباببي الاعزاء
كيف اكتب موضوع جديد؟ طريقة المنتدى صعبه هل توجد صفحه ترشدني لذلك؟ |
اكره الاختلاط رووح على اي قسم مثلا قسم المتزوجين راح تشوف في اعلى او في نهاية الصفحة مكتوب اضف موضوع اضغط عليه و اكتب الموضوع
|
مشكلة ليدي
وقعنا فيها كلناااااا أنا نفس الشي تعرفت على من هو محترم وطيب بالعكس اثر فيني اكثر لفت نظري للامور الدينية التي كنت اضيعها كنت اتناقش معاه في الكتب وما أقرءه كان طيب ومحترم جدا وحنون اعرف عنه كل تفاصيل حياته لكن قلت مواعيده واختفى وكان عذره خوفه من الله كان يوعدني بالزواج ويلمح له والان ...................... فينه ؟؟؟ سرت مااعرف منه غير اميلات من اسبوع لاسبوع , نعم احيانا قد تحمل بين سطورها الحب والشوق لكن ماالفائدة , ومانهاية الانتظار ونفس الوقت اخجل من سؤاله اشعر اني ابيع نفسي واهينها او اعرض نفسي للزوج ومالي غير رب العباد أسأله بأن يجمعني بمن احب على الحلال اللهم اغننا بحلالك عن حرامك |
وتراني من اول اللي يدورون على بنت وصادق معها ,,,,, لكن ترا فيه شباب لعابين كثير مثل اللي يغازل ولا يتزوج ومثل اللي يتزوج ويطلق ومثل اللي يتزوج ويخون والدنيا مليانه حاجات غريبة لكن الانسان في الاخير يحكمه دينه واخلاقة ومخافته لربه ومحبته انه يشوف الناس مبسوطين ويارب تجيبلي اللي ابيع الدنيا من اجلها واشتريها واكون لها كل شي واهي تكون لي كل شي يارررررررررررب
|
اكمل معاكم (بالرغم والله اني تعبانه ) لكن اكتب ما حدث معي ليكون عبرة ( بالذات لبنات الخليج ) قلت قبل لا اعطيه اسمي وعنوان البيت ورقمه طلبت منه انه يثبت لي صدق المعلومات وانه فعلا بنفس الاصل والعمر اللي قاله علشان اتأكد لان كل المعلومات اللي قالها عن نفسه كانت عن طريق الماسنجر حتى صورته شلون أتأكد انها صورته فعلا؟؟؟ فكرت؟لقيت احسن طريقة هي ان يرسل لي صورة عن بطاقة الهوية ( البطاقة المدنية) منها تظهر صورته واسمه واصله وعمره الحقيقي ومن خلال رقم الهوية اقدر اطلع باقي المعلومات عن طريق احدى زميلاتي اقدر اعرف اذا متزوج ام لا وهل عليه أي قضايا توقعوا شنو ردة فعله؟؟؟؟؟؟ رفض وزعل وعصب وقال هذي اكبر اهانه له وعدم ثقة فيه قال انتي شنو خايفة منه للحين ما عرفتيني عدل صار لي معاك اكثر من سنة على الماسنجر؟ هل طلبت منك شي غير اخلاقي وهل تعديت معاك حدود الاخلاق والادب في الكلام هل ألحيت على سماع صوتك بالمايك هل عطيتك رقمي او طلبت رقمك؟ بعد هالفترة والمدة الطويلة تطلبين مني اثبت صدقي؟؟؟؟ وحسسني بغلطي وحلف انه جااد وقال انا ما عندي لا لف ولا دوران عطيني العنوان واجي على طول اخطبك لكن ما قدرت ما زلت خايفة ومترددة - طلبت منه مهلة وصليت استخارة مره ثانية؟؟ لكن ما ارتحت ورديت وطلبت منه ارسال صورةالبطاقة( الهوية) واصريت على هالشي وقلت هذي الطريقة الوحيدة اذا كان فعلا يبي الزواج مني واذا رفض يصرف نظر عن الموضوع زعل وعصب وقال انتي ما عندك ثقة قعد يتحجج ويقول هذي اوراق رسمية وما يبي يرسلها عن طريق الايميل يمكن احد يسيء استخدامها قلت خلاص مو لازم ترسل البطاقة كلها عطني فقط رقم البطاقة والهوية وانا اقدر اطلع باقي المعلومات بس علشان ارتاااح رفض وقال انا ما احب هالاسلوب معاي –كأنك محققة وانا رجال وعند كلمتي وما ابي اطول الموضوع عطيني العنوان واجي اخطبك وتنتهي السالفة بلا بطاقة بلا خرابيط قلت انت تطلب مني اعطيك رقم تلفون البيت واسمي الكامل علشان تخطب وانت ترفض تعطيني رقم بطاقتك المدنية؟؟؟؟ بالرغم من سهولة هالشي وما يحتاج تكبر الموضوع والسالفة بايدك انت ؟ يعني بمجرد تعطيني رقمك المدني ثاني يوم اعطيك اسمي الكامل والتلفون ، وتاخذ الخطبة مجراها الطبيعي عن طريق الاهل وقعدنا كم يوم على الماسنجر انا وياه ما عندنا موضوع الا سالفة رقم البطاقة اهو يرفض وأنا اصر اهو يقول عدم ثقة واهانه له وانا اقول تمثل ضمان وأمان لي وما تكلفك شي وقلت له بالعكس طلبي لهالشي دليل اخلاقي وحرصي بعدها اخذ الحديث معاه على الماسنجر شكل ثاني مدري حسيت بدأ يتمادى بكلام الحب والغرام والوله قلت له ترى ما احب اسمع هالكلام والله العظيم بعدها انصدمت تدرون شنو صار بعدها انكشف على حقيقته لما شاف ماكو فايدة ولا زلت مصرة على الموضوع تحول من شخص طيب وخلوق الى واحد خسيس ومنحط اخلاقيا وقال كلام فاااضح ووسخ عمري ما سمعته من كثر الصدمة قعدت ابكي وقلت انت فلان؟؟ انت اكيد فلان؟؟؟ قال ايه انا فلان واحبك واموت فيك واذا ما كلمتيني ألحين على التلفون ( وحط رقم تلفونه) راح اسوي شي ما شفتيه انت شنو ؟؟ حسبالك لما كلمتك على الماسنجر اني من هالبنات؟؟؟رد وقال اجل انتي ضايفتني بحسن نية؟؟ قلت له : انت اللي طلبت اضافتي علشان الموقع اللي سويته وكل كلامي معاك على الماسنجر ما تعدى حدود الاخلاق قال : مافيه وحدة عندها اخلاق وتكلم على الماسنجر واكيد ان فيه غيري معاك على الماسنجر وقال ان الكلام على الماسنجر ما يفرق عن الكلام على التلفون قلت خاف ربك ترى مثل ما تدين تدان ترضى احد يقول لاختك هالكلام قال اختي ما تكلم ماسنجر واذا كلمت ادوس في بطنها ويكون اخر يوم في حياتها واصر اني اكلمه على التلفون وتمادى و طلب يشوفني والا راح يسوي شي اندم عليه رفضت وسويت له حذف من الماسنجر وقعدت اسبوع منصدمة شلون فيه احد يقدر يخدع لمدة سنة كاملة؟؟ وفي النهاية يطلع اكبر وسخ كلامه منحط وقمة القذارة وين الاخلاق والاسلوب الراقي في التعامل وين راح كل هذا??? انا اعتقدت ان بحذفي له من الماسنجر الموضوع انتهى وما عندي شي اخاف عليه لأن ما يعرف عني الا الاصل والعمر واني غير متزوجة فقط لكن تدرون شنو سوى ارسل لي ايميل يبلغني بأنه وقف عضويتي بالمنتدى مال موقعه فقال اسبقها قبل لا تسبقني قلت اصلن الموقع ما يهمني لانك انت فيه ولا راح اشارك فيه نهائيا لكن اللي اثر فيني ان الاعضاء وخاصة البنات بالموقع كانوا اعز من الخوات وحزينة اني تركته بالرغم اني قلت لهم الحقيقة عبر رسايل خاصة عن حقيقة هالشخص ( قبل لا يوقف عضويتي وحذرتهم منه) لكن لا يمكن يصدقوني لان هالشخص يملك من الاسلوب والتلاعب بالالفاظ ما تجبر الاخرين على احترامه وياليته وقف عند هالحد ؟ قعد يرسل فيروسات على ايميلي وملفات تجسس ( من ايميلات مختلفة) ودايما اضطر اسوي له فورمات و حط ايميلي في موقع مو زين وتجيني رسايل تطلب التعارف؟؟ الى ان اضطريت الغاء الايميل وسويت ايميل ثاني حسبي الله عليه بس مع هذا احمد ربي الف حمد وشكر تخيلوا لو كنت عطيته اسمي الكامل ورقم تلفون البيت؟؟ شنو راح يكون موقفي؟؟ وشنو راح يسوي فيني؟؟ حسبي الله عليه وعسى الله ينتقم منه ومن شرفه وعرضه |
وش اقولك يا اختي
القصة اثرت بيا و تعرفين انتي لازم تحمدين ربك ليل و نهار لان خلصك منه و مثل ما قلتي شنو كان راح يسوي فيك لو اعطيتله الرقم؟؟ يعني من جد انتي لازم تحمدي ربك و هاذي ارجو ان تكون عبرة لكل فتاة |
| الساعة الآن 11:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©