|
بحرينية ولكن بصراحة .. زوجي مو من النوع اللي قلتي عنه يعني عادي اذا كنا مكان وعجبني شي بسعر مو مبالغ فيه ياخذ لي وان شاء الله ريلي يستوي كريم من بعد العيال.. الأستاذ وقت شو؟!! BaTRaN وانت الصح مو لازم مثل ما قلت الغني للغني والفقير للفقير مثلا انا وريلي من نفس المستوى الاجتماعي والمادي بس طريقة صرفهم غير عنا.. وبعدين انا أفضل آخذ واحد على قد حاله ويجاهد انه يوفر اللي بخاطري حتى لو ما جاب لي ربع اللي بخاطري على واحد غني ويتزطط ويستخسر يصرف علي.. بس شو نقول هذا نصيبنا عشان جيه مالي غير اني ادور على حل.. |
الأخت الفاضلة حيرانة بوظبي الرجاء ترك رسالة بإسم ريم المدينه في قسم عالم الرسائل الخاصة للأهمية |
Dihn Al 3ooD وعليكم السلام ورحمة الله وبركاته اولا العنوان هو نفسه من الموضوع القديم وانا بهذيك الفتره كنت فبدايه حملي واظن ان هالشيء كان مأثر علي وفعلا كان عادي عندي اتطلق على اي شي تافهه بس الحين مستحيل لو لا سمح الله وصار هالشيء يمكن أموووووووووووووت لاني احب زوجي وما اتخيل نفسي أعيش بدونه اقتباس:
صح اول ما جيت دبي استصعبت وحاولت ابين ان عادي عندي ابتعد فتره على اهلي بس أكتشفت اني قاعده اضغط على نفسي .. والدليل الضيق اللي فاجأني وخلاني اصيح بدون سابق انذار ومن هالاسبوع تأكدت زود ان صعب وايد اني اتعود .. خصوصا اني فاضيه وقاعده فالبيت يعني ما في شي يشغلني وجاءوا اهلي وملوا علي البيت بشكل ما تتصورين صحيح هي يومين بس دقيقة او ثانيه وحده ما فارقوني وكنت مشغوله بهم حتى ان ما كان عندي الوقت احك راسي وفجأة يروحون .. لازم تجيني كآبه.. ---------- وبالنسبه لاهل زوجي انا فعلا ما احبهم وما اقدر اغصب نفسي على حبهم بس والله .. وما حلفت كذب اني احترمهم لما يزوروني بشكل ما تتصورين مع انهم يدرون ان صغاريتهم وحوش هم نفسهم ما يتحملونهم بس انا اسكت وامشي لاني ادري كلها كم ساعه وبيروحون فحق شو اشوه صورتي بهالكم ساعه.. وانا اعتقد او متأكده ان زوجي راضي عن تصرفي معاهم لما يزوروني لاني لاحظت انه ولاول مره تقريبا يستانس بوجود اهلي ويدور على راحتهم قد ما يقدر.. هو صح سابقا ما كان يقول شي بس كنت الاحظ انه يمد بوز لما يزوروني.. بس الحين ما يقدر يجابل الخير بالاساءه صح؟ وانا والله ابيض وجهه جدام اهله سواء بالمعامله الزينه ولا العزيمة السنعه ولا ترتيب البيت عشان ما يعلقون على حرمته.. مو عشان سواد عيونهم .. طبعا عشان نفسي والحمدلله التعب جاب نتيجه .. واحس زوجي صار ينحرج لما اهله يجون بيتنا لانه يشوفني اتعب من الخاطر اقتباس:
مع انهم يدرون اني من النوع اللي استحي ارز ويهي بدون عزيمه ولا تقولين ما يبالج عزيمه.. لان اهله من النوع اللي ما يقعدون فالبيت .. فما اقدر اروح لهم بأي وقت خاصه انهم ما يحبون اعرف وين يروحون ووين يردون وهم ممكن بأي وقت يطلعون لو عز الظهر ولا آخر الليل.. وبعدين انا ما احب قعدتهم لانهم وايد ياخذون راحتهم لدرجه انهم ينسون اني قاعده.. وانا ما احب حد يطيح الميانه بزياده وياي .. وما احب حد يطنشني.. وبالنسبه لكلام بنوته_زغنوته انا اشوفه مقنع جدا لي .. خصوصا ان الطرق اللي عطيتيني ما اقدر اسويها.. وطرق التحايل هذي افضل لي.. عالاقل أحسن من الرفض المباشر.. صح؟ واشكرج عالمتابعه ولا تقطعين الأمل وياي ترى والله اقتنع بس صبركم علي وهالله هالله بالنصايح اللي تناسب شخصيتي واسفه طولت عليج بالرد.. |
اللي ايده بالنار مو مثل اللي ايده بالماي..
عالعموم المواضيع اللي بالقسم بتشوفون ألوان واشكال من المشاكل اسفة عالتلميح بس بذكر كمثال.. يعني شوفي وحده كاتبه ان زوجها يعشيها ويغديها ضرب واهانات .. وفوق هذا يطلع مدمن ولا ما يصلي .. ومو داري عن بيته.. والحرمه لسه تحترمه او مجبره تنصاع له وتجي وتقول عطوني حل.. ووحده ثانيه تقول انا ما احب زوجي بس جذي بدون سبب كارهته ما اعرف ليش..!! مع انه زين وياها ومو مقصر معاها وأيضا تجي وتقول عطوني حل انا ما اقصد بهالكلام ان أقولك في حريم عقولهم كبيره وفي حريم عقولهم صغيره اللي اباج تستنتجينه أن شخصيات الحريم مختلفه.. وقوة تحمل كل حرمه تختلف عن الثانيه.. لو انتي تشوفين أن كل حرمه تنضرب هذي بس اللي تعاني فأنتي غلطانه.. اذا انا مشكلتي بنظرج تافهه .. اسمحي لي اقولج شكلج مو عايشه بهالدنيا.. عالاقل انا سعيت لحل مشكلتي التافهه قبل لا تكبر.. مو مثل اللي سكتت عن أول كف ووصل بها الامر أن صارت مع احترامي كحيوانه عنده ماله هم غير ضربها والشيء الثاني اللي كل الريايل يبونه.. الحمدلله على كل حال .. والحمدلله أن هذي حد مشكلتي .. وادعوا الله أن ما يزيدها.. وفالنهايه احب اشكر كل الاعضاء اللي عطوني من وقتهم .. وما قصروا معاي.. وجزا الله خير كل واحد سعى إلى ايجاد حل لي.. والله يسامح كل من جرحني وما حاسب نفسه قبل ما تطلع الكلمه منه فليس الشديد بالصرعه انما الشديد من يملك نفسه عند الغضب.. وأخير اتمنى من كل واحد يدش هالموضوع ولا يتذكرني .. يدعي لي بأن الله يسخر لي زوجي ويهديني .. ويفتح باب السعاده لنا .. وطبعا يرزقني بالذريه الصالحه.. دمتم بحفظ الرحمن..[/center] |
يغلق للإكتفاء بالردود |
| الساعة الآن 08:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©