|
الله يصلح الاحوال
|
آميــن يآرب الله يكتب اللي فيـه خير |
اقتباس:
كل البنات اللي صارت لهم مشاكل زوجية ويمكن كرهو ازواجهم بالبداية كانو عسل وماكانت تتوقع انه يتغير يوم من الايام وكانت تشعر انها ملكه ... والامر هذا باذن الله فيه خيره يمكن لو استمريتي معاه يجيب لك الجنون من سوء معاملته او تاصلين لمرحله تتمنين انك ماتزوجتيه ... او يجونكم اولاد معاقين ... المشكلة انك للان ماشفتي منه شر فصعب تقنعين نفسك بعدم حبه او بنسيانه ... والله انه قاهرني وعذرا اني قاعد اسبه ... قبل فتره اقول للاعضاء لو يحبني ضب بادلته الحب ولو مجاملة .. اما انه يكسرك بهالطريقه الا ان ان كان عنده سبب مااقول الا الله ينتقم منه الله ينتقم منه ولا يوفقه في زواجاته القادمه بنات الناس مش لعبه يتسلى بها ...... وان رجعك فالله ييسر اموركم ... انا سالتك قبل وش وظيفته ممكن تخبرينا ؟؟ |
^^^^ محد يقـدر يمنعني من حبـه طول العمـر حتى لو أفترقنـا ماراح أنسسآه ! أنا ماعشت كثير بالحياة الزوجيه وماشفت مشاكل يمكن هذي فقط اول مشكله بيننا يمكن فيه خيره لنا الواحد مايدري على اللي كاتبه ربي لــه مـاأسمح لأي شخص بالدنيا انه يسبه فلوسمحت يااخوي لا تدعي عليه صحيح كسرني بس ربي بيحاسبه وصحيح بنات الناس مو لعبــه بس ربي بيسامحه وظيفتـه بـ التعليـم |
اسأل الله ان يرده اليك ردا جميلا
|
آميـــن يآرب عسى ربي يجمعنا على حبه هو بعد قليل بيكلمنـي ... أتمنى أحصل فرصه إننـي أقنعه بـ الرجوع بطلبـه يراجع نفسه و مايجيب ورقة الطلاق حاليا |
طمنينا عليك حبيبتي..
|
الحمـدللـه أنـا في لحظآت تفكير ودعـاء ... |
السلام عليكم
تصدقون عاد سجلت قبل كم يووم وطحت بها الموضوع والى الحين وانا اقراااه...يعني تحمست صراحه ونقهرت وصحت وكل شي سويته.....
الله يسهل لك اموووورك |
بعد كل هذه الرسائل والمكالمات منك لو رجع لك راح تشوفين معاه الذل والهوان واضح انك صغيرة ولا عندك تجربة وعلى نياتك او ربما تعانين من مشكلة معينة او هناك شي لم توضحيه في الموضوع عموما ان كان فهمي للموضوع صحيح فهو قد بيت النية لطلاقك لانك رفضتيه من البداية وربما حسن تعامله معاك كان من اجل ان يوصل لك رسالة مفادها انك خسرتي انسان رائع صدقيني زوجك شخص مريض ولايستحق منك كل هذا العناء والهوان |
ومن منا لا يخطيء يا اختي ؟ كما ان خطاك لم يكن بذلك السبب الكافي لكي يطلقك ، كما انك وضحتيله موقفك ومع هذا هو اتخذ القرار ، المشكلة لديه هو ، تصرفه يدل على عدم نضوج .
|
أختي الفاضله .. تصور ان الحياة حُلم قد يستمر للحظات .. ولكن الفظاعة في الاصطدام بين الحلم والواقع..! أخيتي الفاضله : حبي ماشئتِ واعشقي ايضا .. لكن يجب أن تفوقي مما أنتِ بهِ. الحياة عشرة عُـــــمر وحياة طويلة قد تمتد إلى أن يفرق الموت بينكما ، لا تعتقدي أن الحياة مجرد أغنية فيديو كليب تلك المرأة التي تتلوى بين أيدي حبيبها ثم تقبله ، ثم تنطلق وينطلق خلفها فتقع على الأرض فيهوي خلفها ثم تنظر له بابتسامه ، ثم تعود اللقطة وهما يتراشقان بالماء ثم وهما يتناولان اللحم المشوي ..!! هذا هراء .. وتمثيل .. لا أظنكِ إلا تعلقتي بمثل هذه المشاهد . هوني عليكِ واستيقظي أختي من أحلامكِ .. أنتِ بحاجة لرجل يحتويكِ جيداً ويشبعكِ حناناً ، لا إلى رجل يبخل عليكِ بكلمه ، فكيف ستعيشين معه حياة قد تطول أو تنتهي بعد ساعات من عودتكِ له ثم يستمر الفلم من جديد . لا أدعوكِ لليأس لكن كلماتي السابقة خرجت من قلبي علّها تدخل لقلب من أعتبرها كأختي التي هي أنتِ . أسال الله أن يرزقكِ الزوج الصالح الناصح . |
اقتباس:
بصراحه ماشفته لكني اكرهه واحس انه لئيم ومليان لؤم وبزر ومثلك حرام عليه ... المشكله معلم هذا يؤكد لي انه مريض انا توقعت انه عسكري واللا موظف قطاع خاص ....... |
أشكركم على أهتمـامـكـم آخـر التطوارات للتو خلصنـا من المكالمـه أستمرت أكثر مـن ساعتيـن الرجوع آمـره مستحيييل من طرفه الا أذا ربي كتب لنا لأن قلبه مكسسسسور ومـايقدر يوعدني وهو داخليآ لايريد الرجعه يقول : حبي لك موجود وبعيوني ينشاف لكـن صعبه نرجع وأشياء أنكسرت أهمها مصارحتك لي بأني لا أريدك ولا أحبك قبل الزواج لو كانت هذه الكلمات وهذا الشعور بعد الزواج عادي جدآ |
اقتباس:
فهمك ياأختي صحيح جدآ وهذا أنا أحس فيـه ربي يهديه ويرجع لي عاجلآ غير آجل |
اقتباس:
أنا ماأرضى لأحد يدعي عليه أفهم هذا الشي أحترمك وأحترم أخوتك .. لكن أرجوك بدون دعوات الله يهديه ويسعده ويكتب لي الخير سواء معه او مع غيره |
اقتباس:
كلامك جميل ودرر من قلبك إلى قلبــي شكرآ بحجم السسماء أخي الغالي امين ويوفقك ويسسعدك |
أدعولي أرجوكم قسسسم بالله أبكي بقوووووه مع إني أعتذرت له ووضحت له كل شي بس مو راضي نرجع وربي أحس إني بمووووووت صحيح هو معه حق ببعض الأشياء بس أنا أعتذرت له والله أعتذرت له وذليت نفسي عشانه ليـه ؟ ليـه ياربي ليــه ؟ ليــه ينظر للماضي ليــه ؟ ليــه يشوف لما قبل الزواج تبيني أكذب اقول ايه احبك وابيك قبل الزواج شوفني لما دخلت عليك بالحلال احكم علي وانا عندك بالحلال ليـه يازوجي كذا ليـــه ؟ قسم بالله حبيتك بعد الزواج لما صرنا حلال ليـه تأخذ على زلاتي .. ليـه تنبش بالماضي ؟ وش ذنبي أنـا الله يسامحك الله يسامحك الله يسامحك وربي أحبك وراح أنتظرك مع إني أعرف أنك ماتبيني أنتظرك بس بنتظررررك وبدعي ربي انـه يجمعنـا عاجلا غير آجــل وأدري انك ماتبيني ادعي ربي بالرجوع بس بوكل امري لربي وأذا فيك خير لي بترجع لي حتى لو أنت ماتبي ترجع لي معليش وربي ومخنوقــه حييييييل رفضت يجيب لي ورقـه الطلاق يمكن تستغربون بس لأني أحبه وعندي أمل يقولي / قراري ماتربطه ورقه يعني عادي أقطعه سواء رجعنا أو أفترقنا |
اقتباس:
هذا قضاء وقدر ولابد ان ترضي بما كتب الله لك احسني الظن بالله (وعسى ان تكرهوا شيئا وهو خير لكم)لاتعلقين فيه اكثر خلاص سلمي امرك لله ان كان فيه خير سيعود وان شر يعوضك ربي بغيره وخيره من رب العالمين.. الله يشرح صدرك ويربط على قلبك ويكتب لك الخيره في امرك.. |
آميـن جزاك الله خير أختي بس وربي غصب علي أنخنقت مو مصدقه للحيـن إني تطلقت على سبب غريب حتى فرصـه أخيره مـاعطاني الله يسامحك يالغالي تأكد أن حبك بقلبـي ماراح أنساك اذا رجوعه لي خير عسى ربي يرجعه واذا رجوعه لي شر عسى ربي يبعده |
اقتباس:
يعملون بنفس أخلاق هاذا الموظف السيئ فلا تعممي نظرتك على الناس بهاذي الطريقة لأنها ليست مقياس لكي نقيس ونقيم بها الشخص والوظيفة مالها علاقة في تصرفاته وأخلاقه وتربيته أبد . الأخت الفاضلة صاحبة الموضوع أعتذر منك على دخولي في موضوعك بالعرض ويشهد الله إني قرأت موضوعك ومتابعته من أول صفحة حتى عند وصولي لهاذي الصفحة وجالسة أدعي لك من قلبي من أمس حتى اليوم إن ربي يفر ج همك ويجمعك بزوجك عاجل غير آجل ويرجعك لعصمته وتكوني أسعد زوجة في حياتك معاه وأنا أقول لك صبرا جميلا وبالله المستعان عسى الله أن يكتب لك من أمرك خيرا وتوكلي على الله فمن توكل على الله فهو حسبه تقربي من الله وزوجك يتقرب لك بإذن الله تعالى وأسأل الله أن يفر ج همك وضيقتك ويرسل لك من عنده فرجا قريبا بإذنه تعالى . |
ياحبيلك بعد شكرآ على متابعتك وآهتمآمك الله يجزاك خير على دعواتك لأني محتاجه دعواتكم الله يسعدك ويوفقك ولايحرمك من احبابك يارب والجميع إن شاءالله |
/
قرأتَكُ كثيراً هُنَا وَ سَأعودُ لِ أردْ بعدْ أن أفرغِ من مذآكرتِي بحول اللهْ نصيحتِي لكْ . . أشغلي نفسكَ الآن بقرآءةَ القرآن بتدبر ويقين وخشوعٍ تآمْ وابتهلي لربكِ بيقين فالفرج من عندهِ سَ اعود واضعةً النقاطْ على الحروفْ امنيات ان أعود وقدْ عانقةِ البهجةُ روحكِ لكِ دعوآتٍ بالغيبْ أختكْ ,, |
اختي اسمحيلي اريد ان اسألك سؤال
هل زوجك هنا في المنتدى ؟؟؟؟؟؟ يبدو لي كلامك الاخير وكانك توجهين الكلام لشخص ما هنا !!!! اسال الله رب العرش العظيم ان يفرج همك ويبدلك بزوج افضل منه او يرده لك ردا جميلا |
عريرتى
لو جنا فى مجتمع ثانى غير مجتمعنا الذكورى الشرقى جنت كلت هذه رجل مايندم عليه اتركيه ولاتفكرين فيه ثانيه لكن الان الله يكون فى عونك سبقو الاخوان والاخوات بالكثير من المصائح انشاء الله تنفع معاك |
اقتباس:
المسالة مجرد توقع لانها ذكرت انها تجلس معه اسبوع واسبوع عند اهلها ... العسكر عادة نقصد بهم الافراد العاديين وعادة تعليمهم متدني اضافة لان طبيعة عملهم تؤثر على حياتهم سلبا .. القطاع الخاص كثرة ضغوط العمل تجعل الكثير منهم يحتاج لحضن دافئ عند اهله فاذا لم يجده تتحطم نفسيته ويبدا يفكر في الطلاق اضافة لانه يتعب اكثر من غيره فاذا لم يجد التقدير من زوجته تحطمت نفسيته ... والمعلمين او غيرهم ماازكيهم لكنهم اقل مشاكل من غيرهم علما انني لست معلما .. مااقول الا الله يعينها ويربط على قلبها ويغفر لي دعائي على زوجها والله ياجماعه غصبن علي ... |
بَوحٌ سَمآوي ! - اشكرك اختي وانتظر عودتك حلم الواقع - شكرا على دعواتك بالنسبه لزوجي / ليس بهذا المنتدى مطرية - اشكرك اختي ليش كذا - شكرا أخوي على دعواتك ووقفاتك معاي جميعا كل من نورني بنصائحه وكل من دعاء لي أشكركم كثير وعسى ربي يسعدكم كما اسعدتوني وطمنتوا قلبي .. ولاتنسونـي مـن دعـواتكم بأن الله يرجع لي زوجي عآجلآ غير آجـل لازلت أريده وعندي أمـل بالله وماراح أيأس ... بالتوفيق لي و للجميع |
الله يرده لك قريب عاجلا غير اجل وربي يعطيك على نيتك الطيبه ويكتب اللي فيه خير
والله حتى انا مقهوره على تصرفه غيرناضج ولاتزعلين مني حبيبتي بس دام هذا بدايته وش بيسوي بعدين الله يعينك ويفرج همك |
كم عمر زوجك
الله يفرج همك ويريح بالك ويعوضك خير |
آميـن الله يرجعه لي عآجلآ غير آجـل ويكتب اللي فيـه خير عمره 29 |
مانصحك تذلين نفسك اكثر ... نصييييحه
مارح تشوفين نتيجه الا بعد شهرين واكثر .. وعن تجربه .. دامك بردتي قلبك وكلمتيه وذليتي نفسك له اكثر من مره وعطيتيه فرص خلاص .. ارسلي له رسالة ودااااااع اكتبي له برساله .. انا خلاص اقتنعت بقرارك وقررت اتركك وبراحتك ترسل الورقه او ماترسلها واشكرك على كل لحظات الحب اللي عيشتني اياها .. وانت راح تضل ذكرى حلوه بحياتي بس اللي بيننا انكسر وماتوقع بيتصلح عشان كذا الله يوفقك مع غيري تحبها وتعشقها وماتطلقها لادنى سبب وانا بشوف حياتي مع غيرك يحبني ويعزني ولايسترخصني لو ادوسه برجولي .. وبالاخير اسمح لي ماقدر اكلمك لاني مطلقه منك وانا حرام عليك .. الوداااااع ياحبي الاول والاخير .. طليقتك : فلانه وبعدين قفلي جواااااالك قفليه ..لاتفتحينه الا بعد كم يوم شيكي رسايله وسكري الجوال والافضل تخلينه مقفول .. صدقيني ماينفع معه غير التطنيش .. اتركيه لانه بهالفتره بيدور سبب عشان يكلمك .. ويذلك .. اتركيه ارجووووك .. وصدقيني بتشكريني بعدين ولو حتى مارجع لك عالاقل تكونين انتي اللي انهيتي مابينكم مش هو .. خلاص كفايه تذلين نفسك اكثر |
اقتباس:
وادعي لي معك تحياتي |
اقتباس:
|
اقتباس:
صدقيني هو الان يتلذذ لما يشوفك تترجينه انا لما طلقت زوجتي كنت اكبر شي يسعدني اني اسمع صوتها او ترسل لي رساله حتى لو تسبني فكيف اذا كانت تترجاني ... |
نصيحة أختي :
إعملي الشئ إللي إنتِ شايفته صح حسب قناعتك وحسب مرئياتك الحالية من خلال الكلام الذي تكلمتيه أنت وزوجك في الليلتين الماضية . ولا تضعي نفسك تحت تأثيرات أنتِ غير مقتنعة بها وهذه حياتك .. أنتِ من سوف ترى نتيجتها إما بالسعادة أو بالتعب النفسي والإرهاق وطالما أنك متمسكه بزوجك وتحبيه فلن تُلامي على أي طريقة تفعليها لِلم شملكم مرة أخرى بإذن الله تعالى |
الملاك يونا - اشكرك يالغاليه وأقتراحك بالرسـاله على عيني وراسي وبفكر فيهــا .. ليش كذا - أكيد بيسعدك ترجيهآ لأنك أنت اللي تحبهآ أمـا أنـا زوجي آخذ موقف كبير منـي ويمكن محبتي بقلبه قلت مع أنه يقول المحبه لازلت بس بعض تصرفاتي يكرههـا ! × الرسمي × - نصيحتك على عيني وراسي وأنـا فعلن متمسكه بـ زوجي للآخـر وماراح أيأس للأبـد ... أنتظر منكم حلول ومساعدات مع شخصية زوجي الصعبه وأنتظر منكم دعوات برمضان المبارك شآكره ومقدره للجميع حرصهم على مساعدتي ماتنحرموا من دعواتي يآرب |
يارب يارب اسعدها وحقق لها ماتتمنى
لم اقرأ موضوعك بعد سامحيني لي عوده بعد ما اروق لاني تعبانه نفسيا من زوجي |
آميـن يآرب ويسعدك ان شاءاللـه وعسى الله يسخر لك زوجك أختي ويبعد التعب والهم عن حياتكم ويرجع لي زوجي ويكتب لي الخير إن شاءالله |
اقتباس:
العزم في الدعاء عَنْ أَنَسِ بْنِ مَالِكٍ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِذَا دَعَا أَحَدُكُمْ فَلْيَعْزِمْ فِي الدُّعَاءِ وَلَا يَقُلْ اللَّهُمَّ إِنْ شِئْتَ فَأَعْطِنِي فَإِنَّ اللَّهَ لَا مُسْتَكْرِهَ لَهُ" قال الإمام النَّوَوِيّ في "شرح صحيح مسلم": (وَلْيَعْزِمِ الرَّغْبَة فَإِنَّ اللهَ لَا يَتَعَاظَمهُ شَيْء أَعْطَاهُ) قَالَ الْعُلَمَاء: عَزْم الْمَسْأَلَة: الشِّدَّة فِي طَلَبهَا, وَالْجَزْم مِنْ غَيْر ضَعْف فِي الطَّلَب, وَلَا تَعْلِيق عَلَى مَشِيئَة وَنَحْوهَا, وَقِيلَ: هُوَ حُسْن الظَّنّ بِاَللَّهِ تَعَالَى فِي الْإِجَابَة. وَمَعْنَى الْحَدِيث: اِسْتِحْبَاب الْجَزْم فِي الطَّلَب, وَكَرَاهَة التَّعْلِيق عَلَى الْمَشِيئَة. الله يفرج همنا وهمك وهموم المسلمين |
الله يجزاك خير أختي المتفائله آميـن الله يفرج همي وهمك وهم المسلمين آجمعين |
| الساعة الآن 05:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©