|
رد : الاخت عصاميه
ثاني اهم مشكله
واللي ادري لو وثقت بالله من داخلي 100% كل شيء بداخلي راح يتغير للاحسن ثقتي بنفسي حاليا .. ثقتي بنفسي 0% عندي ثقة بنفسي .. لكن بأمور دراستي ايام المدرسة والجامعه كنت واثقه من نفسي كثير لاني كنت متفوقه والحمدلله كنت دائما احط ببالي هدف بروجكت مثلا او امتحان .. وانجح فيه بتفوق اكبر مثال بحث تخرجي .. مع ان كنت في اسوأ الظروف ظروف دراستي + المواد الثانيه + ظروف عائلية + كنت في أزمتي السابقه الا اني ابدا ما فقدت الثقه بقدرتي على انجازه وتسليمه والحصول على درجة ممتازة فيه وفعلا اشتغلت ليل ونهار بهمّة وثقة انجزته بالوقت المحدد وحصلت فيه على تقدير ممتاز مع مرتبة الشرف رغم كل الظروف وضيق الوقت وتعسّر كل الامور لكن ربك فرجها الحمدلله - اقدر اعتبر هذا من الثقة بالله ؟ او بالنفس ؟ او بجهدي ؟ مدري حتى بالامتحانات والاسايمنتات التعجيزيه ما كنت اخاف ولا اتردد لحظه وحده .. لاني اعرف اني بنجزه بيوم مناقشة البحث .. استغربت على نفسي .. وين شخصيتي الخجوله واللي تخاف تتكلم قدام احد وتشرح هذا كان اول يوم بحياتي كلها اوقف قدام اشخاص لهم مركزهم واتكلم كل الفتره ذي صحيح اول دقيقه توترت .. لكن لثقتي بجهدي وشغلي تكلمت بكل ثقه وابدا ما توترت وحتى لما بدا وقت الاسئله .. كانو يتعمدون يحرجوني ويحاولون يطلعون اشياء مو موجوده لكن دافعت عن شغلي وجاوبت حتى مشرفتي بعدها قالت لي انها ماتوقعت مني هالقوة في الرد وهالشيء اسعدهم مني مع اني بالمواد العاديه لما يصير فيه عرض كنت اتعمد اخذ اخر شيء واتهرب عشان ما يجي دوري ويادوووووب اتكلم كلمتين وابتدي اتأتأ واخاف واسكت وتضيع الكلمات وبعدها تضيع درجاتي وياها 4 سنوات في الجامعه وانا على هالحال .. مع ان الناس اللي كنت اعرض قدامهم عاديين طلبة مثلي عكس يوم بحث التخرج .. كلهم دكاترة هذي تسمى ثقه .. لكن كنت اتمنى ان هالثقه تكون في كل امور حياتي !! ليس كل ما يتمنى المرء يدركه نجي للحياة الطبيعيه وبلخصها على هيئة نقاط |
رد : الاخت عصاميه
خذي راختك بالكلام..
اي شي بنفسك :) |
رد : الاخت عصاميه
عادي حبيبتي
وفت اللي تحسين نفسك فاضيه وبالك صافي علقي باللي تشوفينه مناسب بس الأولوية لموضوعك اكيد وبعد ماتخلصين تعالي هنا - لو سمحتي يعني =) - فهمت عليك بمعنى قسوتك على نفسك وصدقيني انا احمل نفس الصفه وماعرفتها الا يوم تكلمت بمشكلتي السابقه هنا فادتني .. بس تعبني كثير زوجك الله يصلحه ويهديه يارب بس يمكن يساعدنا لو عرفنا كيف انتي استمديتي الثقه من داخلك ؟ هل من موقف او من يوم كنتي صغيره كيف هو الاحساس ؟ بترك لك الاجابه لوقت ثاني |
رد : الاخت عصاميه
مضطره اخرج حاليا ..
اكمل بكره بإذن الله بس اتمنى جد ما تضغطين على نفسك وردي وقت اللي انتي فاضيه .. حتى لو بعد اسبوع انا بكتب كلما تذكرت شيء تصبحين على الف خير |
رد : الاخت عصاميه
ضائعة ، متابعة معاك و طول اليوم أفكر فيك ..
بس توي رجعت و بأنام شوي و أقوم .. بانتظارك .. |
رد : الاخت عصاميه
شكرا لمتابعتك يا غاليه
ومقدره جدا لاهتمامك .. ويعطيك الف عافيه اعذريني تأخرت لكني اروح المركز العصر وارجع العشاء وجلست مع الاهل شوي مثل ما عرفتي موضوعي هو الثقه بالنفس .. النقاط اللي ممكن افكر فيها - شخصيه مهزوزه - سريعة التأثر بالآخرين - اضع الناس دااااااااااااااائما قبل نفسي - شخصيه مسالمه تفضل داااائما الابتعاد والكتم داخل النفس - اواجه مشكله في التكلم مع شخص اكبر مني سناً او مركزاً .. دائما عندي فكرة انو ما اقدر اجاريهم بالكلام مع ان اللي يعرفني يقول اني متحدثه جيده .. لكني ما اعترف بالشي هذا - "كنت" ذات طموح عالي جدا .. ولكن كل شيء ذهب مع الريح .. ما عاد عندي هدف - اكثر ما يعيقني ويحبطني ويسبب لي ازمه .. هو انتقاد شخص لي يعني لو انتقدني حتى لو بشيء فيني .. ما افكر كيف احسن نفسي .. افكر وش يفكر عني وكيف اغير نظرته لي لاني اكون متأكده ان ما اقدر اغير من نفسي - احاول اجذب اهتمام الناس دائما (وهالشي بسبب عدم ثقتي بنفسي) احاسب داااااائما على ردات فعلهم .. حتى لو اكون متأكده من كلامي ووجهة نظري .. مجرد الشخص اللي قدامي يبدي ردة فعل او يقول وجهة نظره المعاكسه تماما لي اغير كلامي وابدا اقول "ايه صح .. معك حق .. ايوه كنت افكر كذا .. وغيرها" طيب ليش ما اثبت على كلامي !!!! - اجامل جدا جدا جدا .. لاني ما احب اكسر بخاطر احد او ازعله وابتعد عن الصراحه لو حسيت اني بضايق الطرف الاخر او ازعله (هذا بالمواقف اللي تكون وجه لوجه) - كنت اجتماعيه جدا جدا ولكني حاليا اصبحت انطوائيه الا في محيط الاهل والمركز لرغبتي في الهدوء وحتى ابتعد عن القيل والقال هذي النقطه بالنسبه لي مهمه - كل من يعرفني يصفني بالقسوة وعدم المشاعر والقوة لاني ما افصح عن مشاعري قدام احد ما ابكي .. ما ابين لو كنت متضايقه من شيء جد يصير موقف مثلا .. الكل يبكي عليه .. الا انا تلقيني ما ابكي (لكني من دااااخلي براكين من الدموع اللي احاول اخفيها وامسكها بأكبر قوة عندي .. قوة من شدتها والله يجيني صداع) المهم ما ابكي قدام احد .. ولا احد يشوف دموعي يتعاطفون مع موقف .. اتعاطف لكن من داخلي كل الناس تحضن .. أحب احد يحضني لكني ما اسوي الشي هذا مع اهلي ممكن اسويه مع شخص ليس من نطاق الاهل او الاصدقاء المقربين لكن معاهم مااااااااااااااااقدر ونفس الشي القبل .. صعبه علي (لكني تطورت قليلا من ناحية القبل) لكني مازلت استصعبها تجيني لحظات ودي اقبل واحضن امي مثلا .. لكني امتنع .. افكر ان هذا يعتبر ضعف مني ويخليهم ياخذون فكره غلط عني ؟؟!! يمكن لاني ماتعودت الشيء هذا من يوم انا صغيره .. كل اهلي يقولون كذا .. كلنا نبكي ونقبل ونحضن ونتكلم عن مشاعرنا الا انتي فلما اجي واحضن او اقبل .. يشوفوني بنظرة تعجب بنفس الوقت فرحه ويكون معاها هالكلام ( الله .. وش صاير بالدنيا .. يا حظنا اليوم حضنتي .. اكيد صاير شي) !!! مدري استحي او اخاف من ردة الفعل .. وما اسوي هالشي مرة ثانية الا بعد فتره انا شخصيه عاااااااااااااااااطفيه لأبعد حد أحب أقبل واحضن والديني .. أحب أحد يحضني او يقبلني احس دائما بحنان فائض عندي (واسمحيلي على صراحتي وكلامي لكنه واقعي اللي اعيشه) لكن افضل اكتمه بداخلي .. واتصنع عكسسسسسسسسسسسسسه تماما دموعي تسقط على أقل شيء .. حتى لو طفل يبكي قدامي ابكي معه (بس لو كنت لحالي طبعا) دائما تخنقني العبره لأي موقف بسيط .. واشغل نفسي بأي شيء وامثل عدم الاهتمام والتأثر اتضايق لأبسط موقف وافكر فيه بالساااااعات والايام .. لكني ابدا ما اقول اني متضايقه ولا احسسهم ما اقدر افصح عن مشاعري لأي احد .. ماقدر احد يقول عني عاطفيه أو تبكي أو متضايقه أحسب ارسم لنفسي صورة شخصيه متزنه وقويه مع اني العكس لدرجة ان اهلي يوصفوني بالقاسيه دائما افكر .. اذا تزوجت بإذن الله بعوض كل الحنان والمشاعر مع زوجي .. اهلي "النساء منهم" يقولون لي اوقات في احد المواقف اللي امثل فيها القوة (مسكين اللي بياخذها) .. ما راح يحصل منها اهتمام او احضان اوقات افكر .. اذا انا مع اهلي كذا .. اكيد بصير مع غيرهم نفس الشي بعد امثل القوة ووو يتبع واعذريني .. بقول الاشياء كلما يجي ببالي شيء لان افكاري متلخبطه بس نهاية الاسبوع هذا زحمه شوي عشان زواج قريبتي وتجمع الاهل كلما تصير لي فرصة هاليومين بكتب شيء بس اللي كتبته الحين جزء من الموضوع |
رد : الاخت عصاميه
متابعة لك عزيزتي ..
ليت كمان تكتبي بنقاط ، إيش الأمور أو المشاكل الحالية ( اللي مسببة لك ضيق شديد و شاغل بالك ) ..؟؟؟؟؟ و إيش الأمور الأخرى اللي تشغل بالك .. و قولي اللي نفسك فيه ،، تعرفي ،،؟؟؟ المجاملة حلوة .. و نحتاجها بالحياة .. ( لكن بشرط ) .. ما نجامل على حساب ( ديننا ، و لا قيمنا ) .. و هذه مشكلة كبيرة لو ما أتعالجت ، لإنه زوجي كان يعاني منها زمان .. و ( أحس ) إنه بدأ يتخلص منها بشكل بسيط ، لكن أفضل من قبل .. و هي اللي خلتك ( زمان ) تجاملي صحبتك و ما تقولي لها ( لأ ) .. عالموضوع القديم .. لكن دام إنك ( قدرتي على نفسك ) .. فإنت ( قوية ) ، لا تستهيني بنفسك .. . . بأقرأ ، و إنت ببالي طول الوقت .. و ما بأحاول أقاطعك ^^ |
رد : الاخت عصاميه
ضايعة ..
أول شي ، يارب أكون مثل ما تشوفيني .. و أتمنى إنه بالفعل تكون ( ثقتي بالله عالية ) مثل ما شعرتي من خلال كلماتي و اللي كنت أكتبها و أنا أعبر عمّا بداخلي .. و مرات إذا عديت بمشكلة ، و خلاص بديت أشعر بضعف أو اهتزاز .. و أكون بذلت كل الأسباب و طرقت كل الأبواب ،، أقوم أفتكر إنه فيه ( ربّ ) ليا .. فتزداد قوتي و تماسكي .. و الشئ هذا ما جا من يوم و ليلة .. أكيد مواقف و صدمات مريت بها ، و فترات كنت فيها لوحدي بالمركب .. و ما كان فيه أحد معاي ، غير ( ربنا ) .. فالتغيير ما يجي من يوم و ليلة .. لكن بإذن الله ، دام فيه عندك إرادة .. فراح توصلي .. . . أما الثقة بالنفس تجي من ( قوة إيمانك بالله ) .. عشان كذا بالفترة أنا كنت شوي متعبة .. لإني بأحاول أرجع مثل قبل و أتقرب من ربي .. و ما أعرف إذا الشي هذا عيب فيا و لا ميزة ..؟؟؟ لإني ما أعمل الشي إلا و أكون مقتنعة فيه .. لإني أكره إني أكون ( إمّعة ) .. فأحاول دائما إيجاد سبب منطقي لأي أمر .. . . و تدري إنه موضوع الثقة بالنفس .. الفضل فيه يعود لمين ؟؟؟ وحدة من أخواتي ، اللي أثارت الفتن بيني و بين أخواتي و أخواني .. من يوم و أنا صغيرة و هي تحب تأذيني و تدور عن عيوب ليا و تتريق علي قدام الكل .. كنت بأولى ثانوي أو ثالث متوسطة ، و أشوف أختي هذه ( و هي أكبر مني بسنواااااات ) .. كاتبة في ورقة كل عيووووووبي و تتصيد لي و من ضمن النقاط ( إنه -عصامية- ما عندها أبدا ثقة بالنفس ، و عصامية كذا و كذا و كذا ) .. (( بجد .. كانت متعبة حالها عالفاضي ؟ )) ما زعلت من كلامها و كان جارح جدا ، لكن فكرت تفكير ايجابي وقتها و رجعت الورقة مكانها .. و صرت أتعلم منها ( عن عيوبي ) و أقوم بتطوير شخصيتي ( للأفضل ) .. و هي إلى الآن تحاول تتصيد عيوبي ( و تهديني الصراحة العيوب ، بطبق جاهز ) .. ^^ أختي هذه ،، تنقهر مني لإنه على قد ما تعمل .. لكن ما اهتز بكلامها و لا أفعالها ،، و هي ما تدري إنه ( سلاح الثقة هذه ) .. صنعته منها هي .. و هي للأسف ، جداً ثقتها مهزوزة بنفسها ، عشان كذا ما تحب أحد يكون أفضل منها بأي شي .. حاولت أساعدها ، لكنها طعنتني مرات عديدة .. . . فمو شرط أبدا ، إنه الشخص اللي يعارضك بالرأي ( يكون هو الصح ، و إنت الغلط ) .. لإنه الطرف الآخر مرات ، يكون أصلا غير واثق من رأيه و لا من نفسه .. و لا تهتمي برأيي الآخرين بك ، و لا تخلي نفسيتك تعلى و تهبط بسبب اعجابهم بك أو العكس .. لإنك مستحيل ( ترضي جميع الأطراف ) .. لكن إنت بإستطاعتك إنك ( ترضي ربنا ) ،، ثم ( نفسك راح تكتسب الرضا ، بإرضائك لربنا ) .. و وقتها ، لو الكل عارضك .. ( خلاص ما يهمك أحد ) .. . . و فيه شي لاحظته ، إنه - مجتمعنا - قليل الإختلاط بالآخرين .. و الثقة بالنفس تأتي غالباً من كثرة الإختلاط و التعلم من الأخطاء .. فتلاقيني دايما أحاول أطور شخصية ولدي و أخليه هو يتعامل مع الآخرين ، مو ينتظر مني حمايته أو التحدث بالنيابة عنه .. أغلب الناس هنا ، من كثر الفراغ ،، أو من كثر محبتهم و خوفهم على أطفالهم .. تلاقيهم ( يخلوهم تحت جناحهم دايما ) .. يا خوفا عليهم من المجتمع ، أو الوحدة فاضية و تبغى ولدها جنبها و تنشغل به .. فالولد يكبر و هو مقيّد بأوامر و تعليمات و نظرة أمه و أبوه للحياة .. و مو شرط نظرتهم تكون صحيحة .. . . و هنا عندنا ناس .. لو الولد ( قال وجهة نظره بأي شي ، أو عارض أمه أو أبوه ) .. لازم يتعاقب و ينضرب ، لإنه ( قليل أدب و غير محترم ) .. هذه طريقة تربية بعض الأهالي .. فالطفل يكبر و هو ( ثقته بنفسه مهزوزة ) و اللي يقولوه أصحابه ( هو الصح خلاص ) أنا ولدي اضربه مرات نادرة جدا بسبب أمور مختلفة ،، لكن ما أضربه لما يقول وجهة نظره أو يعارض رأيي بفكرة أو موضوع .. جات فترة ، كان زوجي بس يضرب ولده بدون ما يسمع له .. ولدي صار عصبي ، و كذاب ، و خواف .. كلمت زوجي و وضحت له ، إنك كذا بتكسر شخصية الولد و تعقده و تخليه من وي على نفسه .. فصار زوجي ياخد و يعطي معاه و يناقشه بوجهة نظره .. حتى دحين ولدي ، لما أبوه بيضربه في أي شي و يعصب منه .. ولدي يقول لأبوه ( يا بابا أستنى شوي ،، اسمع كلامي أول شي ،، أبغى أقول لك شي ) .. فزوجي ( يخجل إنه يتسرع بضرب الولد ) .. و يسمع له و يهدأ و يتكلم معاه .. . . اللي بأوصله ، إنه ممكن الشخص اللي يكون أمامي ( ضحية تربية بالشكل هذا ) .. فليه أخلي الشخص هذا يقودني و هو أصلا مو واثق من نفسه و لا من ارائه ؟؟؟ يمكن أنا تعلمت من حياتي الزوجية ؟؟؟ كنت بالبداية كل شي أقول لزوجي إيوة ، فتلاقيه مرة يمين و مرة شمال .. و أنا اتلخبط معاه .. فاكتشفت إنه هو بنفسه ( مو داري إيش يبغى أصلا ؟ ) فصرت خلاص أعمل الشي اللي أنا واثقة منه إنه صح ، و بدأت أرتاح .. لإني وقتها راح أتحمل ( نتائج قراراتي ) .. مو نتائج قرارات غيري .. |
رد : الاخت عصاميه
بتعرفي يا عصاميه
انت بآخر رد جيتي على نقط مهمه جدا تفاجئت منها لاني كنت حاطتها ببالي بذكر لك قصصي وياها لكن هانت الليله (الجمعه) ان شاء الله عرس قريبتي بكمل من دووووشة العرس والاهل .. وبرتاح واجي اكتب لك الحين يادووووووووب بس احط راسي وارتاح .. لكن قلت لازم ادخل شوي انا حطيت كم نقطه في بالي ومواقف هي اللي سببت لي هالشيء بذكرهم ان شاء الله السبت .. اذا ربي اطال بعمرنا |
رد : الاخت عصاميه
كيف العرس ؟
إن شاء الله كان حلو ..؟؟؟ : ) . . عزيزتي .. . . شوفي .. تعرفي قصة الثلاثة اللي انغلق عليهم باب الكهف ..؟؟؟ و كل واحد دعا ربنا ( بيقين ) بالشي اللي عمله ما بينه و بين ربنا .. و كل مرة ينفتح جزء من باب الغار ..؟؟؟ هي هذه الثقة بإنه الله معاي ، بإنه الله شايف و داري بيا .. . . حاولي مرات ، إذا مريتي بموقف و كان أمامك خيارين .. إنك تختاري الشي اللي ( ربي يحبه ) ، مو اللي نفسك تحبه .. و قولي بداخلك ( يارب .. عشانك أنا راح أعمل كذا ) .. و تخيلي إنه ربنا ( بينظر لك ) .. و سبحان الله ،، راح تمري بموقف بأي لحظة و تحتاجي فيه لربنا .. وقتها ، ربي راح يعوضك ( بسبب الفعل اللي عملتيه من أجله ) و إن تأخر الفرج عليك ، خليك متيقنة بداخلك .. إنه ( ربي يعرف فين الخير ) إنه ربنا بيختبر مدى ( صبرك ) .. . . و ما أعرف إذا فيه إمكانية إنك ( تجلسي مرات لوحدك ، و تختلي بنفسك ) ؟؟؟ لإنه تخليك تعيشي بروحانية عجيبة .. أنا محرومة حالياً من الإحساس هذا ( الجلوس منفردة لوحدي ) بسبب المسئوليات الحالية اللي علي .. لكن اللي أثر علي أكثر شي ، جلوسي لوحدي مرات كثيرة قبل زواجي و أيام دراستي للبكالوريوس و غربتي كذلك .. |
رد : الاخت عصاميه
بجد حبيبتي مو عارفه كيف اشكرك على وقفتك هذي
انتي جيتي وقلتي اشياء فاجأتيني تعرفي بقول لك شيء لاحظته .. في أشياء كثيرة مشتركة بيني وبين زوجك سواء بالشخصية أو التربية كنت قبل لما اقرا مواضيعك والمواقف اللي تصير لك معاه ما كان يجي ببالي شيء بس احسه يكسر خاطري .. لانه نتيجة تربية مو شيء ثاني (يعني مو هو خبيث أو من داخله شخص سيء) لما الحين جيت أفكر بنفسي ودخلت داخل الماضي .. لقيت فيه أشياء كثيرة متشابهة بس انا ما برمي الحمل على اهلي لانهم ما قصروا معي أبد هي قصور في شخصيتي انا وانا اتحمل نتيجة اختياراتي بذكر لك بعد شوي لكن من جد انا احتاج نقطة اني اختلي بنفسي احس بداخلي اشياء كثيييييييييييييييييييره احتاج أصفيها مع نفسي حاولت أختلي بنفسي هنا .. بس ماقدرت .. حتى لو اجلس لحالي ماقدر افضفض لنفسي ولا افكر بأي شيء .. مخي متوقف .. قلبي على وشك التوقف من اللي احس فيه مدري كيف افسر لك هالشعور حاولت اختلي بنفسي في البيت .. عند البحر .. في السيارة .. ولكن بدون فايدة (يمكن تستنجين شيء من كلامي هنا) ماقدر اختلي بنفسي وارتاح الا بمكان واحد (مكة) والله العظيم ما ارتاح الا هناك .. اخر كم مرة رحت فيها مكة كنت من جد وقتها احتاج اروح هناك .. وما كنت ادعي اني اروح وقتها .. لكن سبحان الله ربي يسرها لنا ورحت من غير ما أحس ولا حتى دعيت اني اروح أروح واغسسسسسل قلبي وابكييييييييي واطلع كل اللي بخاطري وقلبي والله ارجع بقلب طفل مرتااااااااااااااااحه ومبسوووووطة واحس كأني توي انولدت اجلس قدام الكعبة وبس اتأمل فيها .. او اطوووف حولها وبس اجلس ادعي او حتى بالمصلى داخل الحرم .. حتى لو بس اجلس لحالي من غير اهلي او الاشخاص اللي رحت معاهم لو بس نص ساعه يكفيني في مكة كنت اتعمد اختلي بنفسي وابتعد عن اهلي اجلس في مكان بعيد عشان اخذ راحتي ويتركوني لانهم يدرون اني بداخل بيت الله وماشبع منه .. بس اجلسسس والله ارتاح وافضفض كل اللي بقلبي من غير لا يتحرك لساني الحين من قبل رمضان .. وانا محتااااااجه هالعمرة .. محتاجة بيت الله ما ارتاح الا هناك .. وظليت شهر كامل كل يوم ادعي ربي بكل صلاة تقريبا انه يرزقني عمرة عشان ارتاح بس سبحان الله ربي مو كاتبها لي .. وكلما تصير لنا فرصة نفكر نروح يصير لنا ظرف وما نروح هنا بديت اتأكد واصدق بقلبي من داخلي ان كل شيء كما يكتبه ربي وللحين ادعي .. سبحان الله لما ما كنت ادعي ربي كان كل شيء يصير لي مثل اللي ابيه ولما صرت ادعي .. ما صار لي الشيء الوحيد اللي دعيت له من كل قلبي وأدري ما برتاح الا به قلبتي مواجعي .. متلـــــــــــــــــهفه كلما اشوف قناة القرآن الكريم واشوف الناس ماشاء الله ادعي ربي يرزقني واكون في نفس موقفهم .. الحمدلله على كل حال ساعات احس اني انا اجيب التفكير السلبي لنفسي حتى لو عندي كل شيء .. لازم فيه شيء يكدر خاطري الحين عندي كل شيء .. اهل الحمدلله اموت فيهم حتى لو لهم عيوبهم .. كنت طايحه بهاوية وربي نجاني منها جربت لذة الطاعة في رمضان .. وربي عطاني النعمة وتبت من اللي كنت فيه ربي عوضني برفقة صالحة بمركز تحفيظ القرآن .. واشغل نفسي دائما يا مع أهلي أو مع القرآن في المركز لكن بعد أحس فيه شيء ناقصني !!!!! عندي احساس بعدم رضا عن نفسي بصورة كبيرة سامحيني افكاري ابد مو مرتبة بحاول اطلع اللي بداخلي |
رد : الاخت عصاميه
تدرين بقول لك شيء ..
انا الحين لما اقول لك عيوبي شيء كبير بالنسبة لي حتى يوم جيت افضفض بأول مشكلة لي ومصيبة وهي أصلا مشكلة حياتي كنت استحي من نفسي وانا اكتبها .. وانا اعترف فيها انا نادرا اعترف بأخطائي لنفسي .. مو مكابرة مني .. ولا ظنا مني اني الافضل وماعندي اغلاط لاني انحرج من نفسي .. مابي اطيح من عيني (قوية صح .. لكنه الواقع) امممم ماعرف اشرح لك .. لكن صعبة اواجه نفسي دائما اتهرب من نفسي ومواجهة نفسي .. لاني اخاف اواجهها وانا جدا قاسية على نفسي .. يعني لو غلطت غلطة بسيطة ممكن احاسب نفسي عليها طول العمر حتى لو صلحتها .. بظل اتذكرها واعاتب واحاسب نفسي .. وتجيني ضيقة بصدري مو طبيعيه ويتعكر مزاجي واظل حبيسة هالغلطه .. فكيف بالغلطات الكبيرة أو حتى العيوب غير الواضحه منها اظل اعاتب واعاتب واعاتب في نفسي وألومها لين احس ان قلبي بينفجر من كثر ماشديت على نفسي يعني انا ادري ان عندي عيوب الدنيا كلها .. وادري بأغلاطي وعيوبي (ليس تجاهلا مني ولا لاعتقادي ان مافيني) عارفه انها موجوده .. بس ماقدر اعترف فيها بصوت عالي اخاف من تبعاتها اكثر منه يمكن مافهمتيني .. بس مو عارفه كيف اوصل لك احساسي المهم من هذا كله .. اني اتضااااااااااايق من نفسي كثير لما اتذكر احد عيوبي او أحد غلطاتي عادي توصل اسبوع وانا بس ما افكر الا في هالموضوع مو شرط يكون غلط .. ممكن يكون موقف انا تصرفت فيه بطريقه وبعد ما فكرت قلت لو تصرفت بطريقة ثانية مثلا او لو سويت كذا او كذا او احد لفت نظري على شيء قلته او شيء سويته وانا المفروض ما اسويه .. اجلس افكر لييييييييش انا سويت كذا .. طيب لو ما سويته !!! .. وش اللي خلاني اسويه . ياليت يرجع لي الوقت وما اسويه .. وغيره كثييييييييير قاسية كثير على نفسي .. ماعطيها مجال ترتاح احلل كل خطوة اسويها مع (الناس) ألف مررررررررررررة ولازم في كل حركة وكل خطوة ألقى شيء مو راضية عنه أو اتمنى ما سويته مع انه يكون شيء عادي بالمره واجلس ادوووووووووور بحلقاااااااااات نفس الشيء المضحك بالموضوع .. ياليت بس احلل الموقف هذا وخلاص احلل كل موقف مشابه مر علي .. أو أحلل كل المواقف اللي مرت لي مع نفس الاشخاص طبعا تقدرين تتخيلين تأثير هالشيء على عقلي وقلبي .. دمااااااار شامل اصطنع قدام الناس ان كل شيء عادي وطبيعي لكن من داخلي عواصف من الافكار دائما احاول ابرر لنفسي أي شيء أو اي خطأ حتى اعفي نفسي من التفكير ويمكن من تحمل نتيجة الخطأ في موضوعي السابق .. اخونا المتفائل بالله نبهني لهذي النقطة .. اني دائما ابرر لنفسي وانا فعلا اكرر هالشي عشان يرسخ بعقلي ويمكن اصدقه .. عشان ما احاسب نفسي حتى لو ما كنت مصدقة التبرير اللي ابرره لنفسي لكنه يصير لا شعوريا كنت اتمنى لو اني ابرر لنفسي بس في اخطائي .. انا ابرر لنفسي لما احد ينتقدني او احد يذكر شيء مو فيني او حتى شيء انا ذكرته وانا مقتنعه فيه اغلب الاحيان ابرر لنفسي وانا اكون ابدا ما احتاج تبرير مثلا كنت مرة جالسة مع خالي بالعيد .. وخالي هذا ماشاء الله قوي الشخصية وله هيبته وشخصيته واعية ومثقفة يحب الشخص الواثق من نفسه وهو يعرف اني عكس كذا .. وانا دائما اذا صرت في مجلس مع خوالي ما اتكلم حتى لو كان موضوع نقاش او تكلمو معي .. اجاوب باجابة مختصرة واختمها بابتسامه واسكت ... ما احاول افتح موضوع معهم بالمره ولا حتى اشاركهم بمواضيعهم فكان يتكلم مع بنته والتفت عني وكان يبي رايي .. انا انربط لساني ماعرفت اجاوب مع ان من داخلي كنت اقول لو كنت انا اللي يكلمني كنت جاوبته كذا وكذا لكنه يوم سألني ماقدرت اجاوب .. فطالعني بنظرة انه ينتظر مني جواب وان لازم اجاوب فجاوبت بس ماقلت اللي فكرت فيه لاني ما كنت واثقه من رايي .. وجاوبت بترررررررررررردد كبير طالعني بابتسامه غريبه .. سألني ليش قلتي كذا .. قلت له مدري !!!! قال لي تدرين لو انا مكانك بجاوب كذا وكذا (قال نفس الجواب اللي كنت افكر فيه) استصغرت نفسي وجليت افكر جد وش كان بيصير لي لو تكلمت هذا رايي حتى لو غلط وما يعجبه بديت ابرر ليش انا قلت ذاك الجواب .. وماقدرت اقول له اني كنت افكر بنفس جوابك لكني ترددت قال لي ليش تبررين رايك .. هذا جوابك وانتي حرة فيه .. حطي ببالك محد يحاسبك على رايك دام ما غلطتي بالعقيدة والدين (نفس كلامك عصاميه) وجلس يكلمني عن هذا الموضوع الثقة بالنفس وكذا .. (كأنه حاس ان بداخلي شيء وقلت شيء ثاني .. هو يعرف شخصيتي .. ودائما يحاول يقوي شخصيتي .. لكن انا ابدا ما اساعد نفسي واحاول اتهرب منه) حتى بعدها ماقدرت للحين ابرر (: |
رد : الاخت عصاميه
كنتي تسألين كيف العرس ؟
كان الحمدلله حلوووو لكن فيه شيء كالعادة في كل عرس يخرب فرحتي بالعرس لازم فيه شيء يذكرني بماضيي اللي حاولت وبذلت كل قوتي في تجاوزه ونسيانه قدرت بفضل الله تجاوزه .. ولكني الظاهر ماقدرت انساه معليه حبيبتي لكن اعتبريها فضفضه شوي مع المستجدات و لانه (هو + الماضي المرتبط به) له دور كبير بوضعي الحالي لو يجون اخواني واللي لهم اكبر فضل علي بعد الله (ابو مريم والمتفائل بالله ومارد الجنوب وحتى خالد الله يذكره بالخير) بيزعلون علي .. لاني وعدتهم اطوي هالصفحه من حياتي انا طويتها وتجاوزتها .. لكني ماقدر اعتبره ماصار (اخواني .. اذا مريتو من هنا اعذروني .. لازم اطلعه من قلبي عشان ارتاح) سامحيني حبيبتي .. صار لي نص ساعه ابي اكتب عنه ماقدرت خليني لبكره اكون هدأت واقدر اتكلم واقول وش كانت علاقته بالموضوع لكن لا تخافين .. ما بتهور ولا اسوي شيء بس بنام وارتاح وبكره اقولك ان شاء الله وبقول لك وجه التشابه اللي بيني وبين زوجك |
رد : الاخت عصاميه
بتعرفي
صرت اكره حفلات الزواج تذكرني بشيء ما اعرف اوصفه .. صحيح كل بنت تتمنى تكون بهالمكان وانا اتمنى بعد .. لكنه يعيد لي ذكرى شيء كنت احلم فيه .. أو يحسسني أني ما بعيش هالمستقبل بسبب الماضي قلت لك ان الماضي له أثر على شخصيتي بتسأليني شلون ..؟؟ انا مثل ما قلت لك مع اهلي شخصية جافة (اصطنع الجفاف وعدم الاهتمام) لكن من داخلي احتاج الاهتمام والحنان و (الحب) أو على الاقل احساس اني أنحب مدري ليش كنت اصطنع هالشيء مع اهلي .. بس اهلي ما كانوا بارعين في الاهتمام .. لهم طرق اخرى بالاهتمام كان صعب ابوح لهم باللي داخلي وكنت فترة مراهقة في بداخلي ملايين الأفكار ومع اني كنت مشغولة بدراستي لانها كانت اهم شي بالنسبه لي بحياتي انسى حياتي واكلي وشربي لما ادرس (هذا من المتوسطه) لكن كنت احس ناقصني شي .. مع اني كنت احتقر الناس اللي يسلكون هالطريق وما كنت اعتبر الحب او العلاقات شيء .. كنت اقول انها تفاهه ووش يعني حب !!! لين اللي كان اسمها (صديقتي) دخلتني هالعالم .. ملل وماعندنا شيء ندخل ونتسلى .. ولما نطلع ننسى كل شيء .. وعادي نكذب عليهم ونضحك (نطقطق يعني) شفته من اول يوم .. ولفت نظري بانعزاله وغموضه مع ان الكل كان يتكلم ويسولف كأنهم اصدقاء من زمان وهذا اللي استغربته كنت اسكت ماكان عندي ثقة بكلامي .. كانت صديقتي تجييني بالخاص وتعلمني وش اقول لين تعلمت اتكلم وياهم بعدها بفترة اسبوع يمكن حاول يكلمني وانا تجاوبت كلها هناك وبعدها بسنة تكلمنا بالجوال وانتي قريتي القصه طبعا (لكن ماعطيته رقمي مباشرة صار بعد تهديد بالترك ووو) ماعلينا من كل القصة قبلها .. كانت ثقتي بنفسي صفر وقتها (في أول 3 سنوات) .. ثقتي بنفسي زادت 100% مدري كيف وشلون أو حتى ليش !! .. كلامي معه ، اهتمامه فيني ، مساعدتي ، وقفاتي معه ، وقفاته معي كلامه لي عزز ثقتي بنفسي بصورة كبيرة جدا ، حتى التردد اللي كنت اعاني منه .. اختفى ثقتي بنفسي ما زادت في كل الجوانب .. لا فقط في بعض الجوانب ويمكن كنت اتخيل ان كانت فيني ثقة بالنفس لاني ما كنت احس وقتها بالمشاكل اللي اعاني منها الحين وقبل (وأدري ان هذا كله من ابليس يحاول يزين لي الماضي ويخليني افكر فيه / وان هذا الشي غلط ومايصير .. لكنه ما راح يرجعني للغلط ولا بفكر فيه) لكن بعد معه كنت احس بالخوف من الانكشاف وكنت دائما اخاف اموت وانا وياه .. ماكنت احب اجاريه في كلامه اذا تعمق لاني دائما اخاف واتضايق واقول له انتظر بالحلال .. وطبعا ما كان يتكلم ابدا بالزواج لكني كنت واثقة منه ومن حبه كان عندي خوف من الله طووول الوقت .. لكن احساسه وكلامه لي ماقدرت اتراجع .. لين قدرت الحمدلله وطويت هالصفحه من حياتي بخصوص المشاعر .. في البداية كنت جافة جدا .. بس اسمع ونتكلم في امور عادية واذا تكلم بالحب اقفل على طول مع اني كنت احس بمشاعر اتجاهه لكني فضلت البرود عشان ما اتعلق ولاني ما كنت حاطه ببالي استمر بعدها بسنوات بديت اتعلق بقوة وانجرفت بمشاعري وصرت اعبر عن اللي بداخلي بصورة متوسطة يوم ايه وعشرة لا .. كان يوصفني اني جماد وماعندي احساس بس ما كنت اقدر اطلع اللي بقلبي أبدا حتى لو حاولت لين آخر شي صرت جافه بالحيل يوم بديت احس بغلطتي وكنت اتهرب واكتشفت ان اللي كنت اعيشه وهم والحمدلله تركته كان يقول لي انتي اناااااااااااااانيه تحبين تاخذين كل شيء (مشاعر وكل شيء) بس ماتعطين (كان يقصد صور ومشاعر لاني ما اتكلم ولا اقول شيء حتى لو من داخلي كنت ابادله نفس الشيء) // معقولة انا فيني هالصفه مع كل الناس !!! ولا يمكن لأني كنت أحس ان اللي اسويه غلط وحرام عشان كذا كنت ما اعطي .. لكن انا من داخلي شخصية محبة وحنونة جدا لكني ما اعرف اطلع اللي بقلبي (مع العلم انه -ولله الحمد- ماعنده اي شيء لي ولا مرة شافني ولا حتى عنده صور ولا يعرف مواصفات او معلومات خاصه) الحمدلله مليووووووووووون مرة وبعدها ظليت شهور بدون شيء وقدرت اتخلص من مشاعري والماضي بصورة شبه تامة لكن ثقتي بنفسي رجعت كما كانت (فترة التحسن كانت شهور فقط) يمكن اني احتاج شخص بجانبي يشجعني ؟؟ يمكن انا من النوع اللي احتاج كلام او حتى علامات اعجاب !؟؟ انا طويت هذي الصفحة من الماضي خلاص وبديت حياتي الجديدة ومرتاحة منها لكن اوقات يمر علي شبح الماضي ماعرف كيف أبعده عني .. في موقف أو حركة أو شيء ما اقصد اني أحن له وأبي ارجع .. لكن تمر علي مواقف أجلس اتذكر والشيطان شاطر .. اظل ساعه وانا افكر وبعدها اتعوذ من الشيطان وينتهي كل شيء .. 7 سنوات من حياتي موووو هينة أبدا .. كانت في فترة تكويني وتكوين شخصيتي الله يسامحه ويغفر له ويبعده عن الحرام ويهديه كما هداني هل من المستحيل اخفي آثارها ؟؟ كيف أمحيها ؟؟ انا كتبت هذا الرد كامل عشان اطلعه من قلبي واذكر علاقته بشخصيتي وانتهي منه نهااااااااااااائيا عشان ما ارجع اذكر اي شيء منه للأبد هو ماضي وانتهى .. ولازم اعيش الحاضر واخطط للمستقبل صح .. سلااااامة الأولاد ماعليهم شررر الله يحفظهم .. انتبهي لصحتك كمان لانه منتشر هذي الايام الله يشفيهم يارب وماعليك مني بظل اكتب .. |
رد : الاخت عصاميه
اقتباس:
بعد ما كتبت هالرد ورجعت اقراه لفتت نظري هالجمله لشيء انا فعلا احب الشخصية الغامضة الهادئة الساكته انجذب لها بقوة وتستهويني .. احسه تحدي لي اني ادخل داخل اعماقهم احب اتعامل مع هذه الفئة اكثر من الفئة اللي تقول كل اللي بقلبها (غريب صح؟!) مع اني كثيرة الكلام وأحب اسولف واضحك .. وما احب اتكلم مع شخص ما يكون معي على نفس الخط ويتفاعل معي .. الا اني انجذب لهالنوع من الشخصيات .. وكلما كان غموضهم اكثر كلما انجذب لهم اكثر .. صح اخاف منهم لكن انجذب لهم في فترة من الفترات ولحد الآن .. في كثير ناس يوصفوني اني غامضه في مشاعري وتفكيري مع اني ما احس بنفسي كذا .. حاسه نفسي اتكلم كثير واقول كل شيء بس صديقاتي وحتى بعض من اهلي اوقات يقولون مانفهمك يمكن احساسهم بالغموض هو احساسي بعدم ثقتي بنفسي عشان كذا افضل السكوت وبعد كنت لحد فترة بسيطة ما احب اتكلم في خصوصياتي ابدا لأي شخص كان اتكلم واسولف في امور عامه .. لكن ما اقول شيء يخصني (ما احب احد ياخذ علي مأخذ أو يمسك علي موقف أو حتى طريقة تفكير .. ولا أحب اعطي احد شيء أو فكرة يتكلم فيها عني حتى لنفسه .. وماحب اكون كتاب مفتوح لأي شخص .. أو اعطيه شيء يستخدمه ضدي ... بكل بساطة احس محد له دخل يعرف عني أي شيء) حتى لما يذكرون مواقف تخصهم .. انا اكون مستمعه ومعلقه فقط ما اقول موقف صار لي او شيء زي كذا لكن بديت احس بنفسي ان صرت اقول اللي بداخلي عادي حتى خصوصياتي بعضها .. وافكاري .. حتى هنا .. ما توقعت ابدا افصح بموضوعي السابق او هذا وبهالتفصيل .. لكن لحاجتي للتغيير .. ويمكن لاني تغيرت صرت عادي اقول كلام من غير مافكر فيه مع أي شخص (وبعدها ابدأ دوامة الندم على كلامي) وانا قبل كنت احسب لكلامي ألف حساب قبل لا انطقه طبعا وضح لك من كلامي اني شخصية مترددة كثير ومهزوزة بدرجة كبييييييييييييرة لدرجة أن مو مستقرة على وضع واحد .. ولا حتى عارفة انا وش وضعي بالضبط تعبت وانا افسر واحلل بديت احس أن مافي أمل مني !! |
رد : الاخت عصاميه
عشان ما ينفهم كلامي عن ماضيي غلط
مثلا احد يظن أني حنيت لهالماضي أو اشجع احد يسلك طريق الحرام أبددددا لا .. استغفر الله اذا كان ينفهم من كلامي كذا ايام غبائي صديقتي استدرجتني لهالموضوع بكلامها كذا عن احساسها الحين بس فهمت ان هذا الشيء غلط .. وحسبي الله ونعم الوكيل كل اللي ابي اوصله .. ان الشيطان وحتى النفس الامارة بالسوء تجعلنا نصدق اشياء مو موجوده وتزينها في داخلنا وتصغر اخطائنا في سبيل لذاتنا وحتى نتخيل ان شخصياتنا وحياتنا تحسنت بسبب هذا الشيء وهذا انا تعلمته بالطريقة الصعبه .. كل اللي كنت احسه بذيك الفترة كان وهم واشياء زينها هو والشيطان في مخي والحمدلله انا تخلصت منها .. ولا يسوى افكر فيها واتمنى محد يكون بمكاني أبدا .. وان اللي في وضع مشابه لوضعي يحاول يخلص نفسه بأي طريقة ويتجه للحلال ترى والله ابد الموضوع مافيه اي لذة أو سعادة كل اللي كنت احسه ضيق وهم وانقباض بالصدر السعادة ماحسيتها الا لما تركت كل شيء ورجعت لربنا |
رد : الاخت عصاميه
سامحيني مرة تعبانة هذه الايام واولادي مع تغيير الجو
|
رد : الاخت عصاميه
تعرفي
يمكن انت اللي راح تقدري تجاوبيني في الاخير على اسالتي عن زوجي لانه كثير اشياء تقوليها في زوجي و انا الي راح اتعلم منك اشياء كثيرة |
رد : الاخت عصاميه
سلامتك حبيبتي انتي والاولاد
لازم ترتاحين .. والمشاكل اللي هنا لاحقه عليها بعدين .. وسامحيني حطيت فوق راسك حمل اضافي .. اخذي راااااحتك وانا مو مستعجله .. بعد ما تفضين وترتاحين ويصحون عيالك بإذن الله تعالي فعلا .. انا حسيت بتشابه كبيييير بين شخصية زوجك وشخصيتي (في بعض المواقف وفي التربية) وقلت لك انا من البداية وانتي تقولين .. حسيت باللي يعاني منه لاني بنفسي مريت ببعض الأشياء ولما اقول لك بعدين بتنصدمين من بعض نقاط التشابه لدرجة التطابق !! جاية لك بالقصة بعدين |
رد : الاخت عصاميه
الغاليه عصاميه
انا تعمدت ما اكتب هالايام مراعاة لظروفك وانشغالك مع اولادك بالاضافه لهذي الايام الفضيله للحين عندي كلام ماقلته بالنسبه لموضوعي معك لكني للحين بداخلي كلام ابي افضفض فيه بخصوص موضوعي العام ودخلت بحالة من الاكتئاب الله اعلم فيها لا اله الا الله .. انقلبت مرة وحدة تعرفين .. اوقات والله احس اني انا اجيب الهم لنفسي استغفر الله العظيم بس |
رد : الاخت عصاميه
اختي .. انا طلبت من الادارة يدمجون موضوعي هذا مع الموضوع القديم
لان قانون المنتدى يمنع فتح موضوعين بنفس القسم واحتاج افضفض بموضوعي السابق بكمل نقاطي لما يصير لك وقت وتقدرين تردين الحين مدري مشوشه حيل احتاج بس اتكلم .. بذكر كل شيء ووضعي الحالي وانتي لما تفضين علقي على كل شيء .. واستمري في الأشياء اللي قلتي بتقولينها لي وحتى اسئلتك انا مستعده اجاوبها كلها .. واتمنى اقدر اساعدك مثل ما تساعديني |
رد : الاخت عصاميه
اليوم كنت افكر فيك ضائعة
مع تغيير الجو كلنا تعبنا راجعة لك .. |
رد : الاخت عصاميه
ضايعة
كيف انقلبتي ¡؟ |
رد : الاخت عصاميه
ضائعة
هناك ممنوع نرد.. انا سمعت لحل تساقط الشعر تستجدمي الله يعزك بول الجمل بس اسالي |
رد : الاخت عصاميه
اقتباس:
الله يعينك ويشفيكم جميعا عشان هالسبب انا تعمدت ما اكتب هاليومين عشان ما اشغل بالك معاي انقلبت .. اقصد فيها نفسيتي وهدوئي واستقراري تجيني افكار اعوذ بالله منها كنت من أيام بكامل هدوئي واستقراري النفسي الداخلي من أمس الليل .. وانا اقلب صفحاتي .. تجيك فكرة ضئيلة تتحول لدوامة من التفكير يوم كامل !! مو ناقص علي مشاكلي .. جبت لنفسي أزمه جديدة .. لكن هالمرة لا تخافين بطلتها أنا بامتياز وتتحور حولي وتنقلب علي بنفس الوقت احتاج وقت شوي ارتب افكاري مشوووووووووووووشة حيل والله برجع ما بتأخر لكن بحدد وش ابي بالضبط لاني تهت بصراحة واسمحيلي طلبت دمج المواضيع عشان افضفض بمجال اوسع أحتاااجك بقوة .. لكن لارتباط الوضع وعشان لو احتجت تعليق الاخوان يقدرون يعلقون هناك الموضوع اتقفل |
رد : الاخت عصاميه
اقتباس:
لدرجة اكره اغسل شعري لاني بضطر امشطه بعدين واشوف الكمية بسأل ويارب القى نتيجة قبل لا ينتهي بجد شكرا حبيبتي |
رد : الاخت عصاميه
صار لي يومين انتظر دمج موضوعي السابق والحالي عشان اقدر اتكلم بحرية
لكن اكيد ان الادارة والمشرفين مشغولين الله يشغلهم بطاعته يارب أحس أني ملياااااااااااااااااااااااااااانه حكي ودي اتكلم وافضفض بكتب كلما يدور ببالي .. وعصامية علقي لما تفضين محتاجه اسمع كلامك بقوة ورايك وان شاء الله لما يتم الدمج اسمع رأي الأخوان بعد طول اليوم وانا افكر بشيء انذكر لي اليوم ولكني اسمعه من زماااااان الجملة هي "دائما تحسسينا أن انتي فاقده الأمل وان في شيء ناقص في حياتك وانتي فاقدته أو انك تعودتي على شيء والحين راح منك ومكانه صار خالي" هالكلام يضايقني بجد ماحب احد يذكرني باللي كان معي وانتهى من حياتي مثال : وحدة من صديقاتي كانت تشتكي لي موقف عادي صار لها مع صديقتها بالجامعه وطلبت مني اساعدها تحل الموضوع وحاولت انصحها ومن ضمن اللي قلت لها "لاتتخلين عن أحد ما ضرك أو ماشفتي منه شيء مو زين عشان ترضين شخص ثاني بدون سبب .. وحافظي على كل علاقة لحالها من غير لا تخسرين نفسك وشخصيتك" المثال الثاني: كانت صديقتي نفسها تتكلم وتقول اني ساعدتها وسويت لها اشياء كثيرة وانها مرتاحه بصداقتي وكانت -من باب المزح- تقول ان خلاص دام انا عندها خلاص ماتحتاج احد ولا راح تدور على احد يفهمها وان خلاص لقت نصها الثاني -طبعا من بااااااااااااااااب المزح وماتقصد شيء- وانها كذا مرتاحه وماتحتاج شيء او احد (لانها الحين رافضه ترتبط بأي شخص وتبي تركز على مستقبلها) قمت انا رديت عليها بعفوية قلت لها اذا شفتك مع الشخص اللي يقدرك ويعرف قيمتك ويفهمك انا بكون مرتاحه وانتي بترتاحين اكيد :) قالت لي ليش احس من هذي الجمله ان في شخص خذلك بحياتك وتخلى عنك ؟؟ قلت لها أبداً .. ليش جاك هالاحساس .. عادي اكيد صديقتي واتمنى لك الخير مثال ثالث: اتكلم مع صديقاتي ونسولف بأمور تجهيزات وحدة من صديقاتنا اللي خطوبتها قريب ان شاء الله هم كانو يسولفون وانا اتجاوب معهم عادي .. ونمزح ونضحك قالت لي وحدة منهم .. "عيونك تقول انك حبيتي شخص وبعدها تخلى عنك وصدمك ولولا ان احنا ندري عن شخصيتك وانك مستحيييييل تحبين كان قلنا من زمان ان فيه شخص بحياتك" هالكلام منهم صدمني خصوصا انه انقال لي بعد ما ودعت الماضي بشهووووووووووووور وليس من اول ما تركت دائما يقولون لي شخصيتي تغيرت .. واني تغيرت كانو يقولون لي دائما نشوفك تسولفين وتضحكين ومفرفشه الحين الكل يقول لي شخصيتي تغيرت .. صرت اكثر هدوء من قبل واكثر صمت .. (لاني هذي الفترة امر بمرحلة صمت .. دائما اكون في وضع احاسب نفسي او استرجع مواقفي او او او فأفضل الصمت في أغلب الاحيان .. ودائما اطلع بمنظر شارد الذهن) صار الكل يعطيني صفة الغموض (وهذي انا من زماااااااااان تنقال لي بس الحين يزيادة) مع أني احس العكس .. اني صرت كتاب مفتوح .. احكي كل شيء وكل موقف يصير معي أسولف واضحك واتكلم مع فلان وعلان دائما يقولون لي الله يستر من تفكيرك .. ما ندري وش تفكرين فيه مع اني ما افكر في شيء .. مجرد صرت ألتزم الهدوء في بعض المواقف ماعرف افسر الوضع .. صار يضايقني لما يتكلمون ويقولون انتي الحين نحسك حاطة حول نفسك طوق دفاع تحمين نفسك بس من ايش .. ماندري في تصرفاتك .. وكلامك .. وحتى نظراتك (صعب نفهم المقصود منها) ماتفتحين مشاعرك لأحد .. ولا تعبرين وش اللي ناقصك وش اللي تحسين فيه أكثر من قبل فعلا انا احتاج احمي نفسي من كل شيء من الصدمات ومن الحياة ومن كل شيء انا فعلا فاقدة شيء .. ما افكر فيه أبدا لكن أحس أوقات لما أقرا مسج أو اسمع شيء أو يصير قدامي موقف دائما أحس ناقصني شيء .. مدري بالضبط شنو .. احتواء أو حنان أو عاطفة ماعندي وقت فراغ اني أفكر بكذا .. ولا أسمح لنفسي أفكر كذا ذاك الشيء شلته من بالي .. لكن هذا الشعور مازال عندي أنا ادعي ربي انه يعوضني ويشيل من بالي كل هذي الافكار والاحساس بالنقص احمد ربي وأشكره مليون مرة أن احساسي هذا ما قاعد -حاليا ع الاقل- يجرفني لتفكير في أمور أخرى هي مجرد أحاسيس داخلية موجهة نحو سراب وليست نحو شخص أو شيء معين مدري وش الشيء اللي يخلي الناس يتوجهون للنقطه هذي او يلمحون بشيء أنا ما اسوي أي شيء ولا أحسس أحد بأي شيء أصلا ما اكون افكر بهالشيء وانا وياهم .. حتى لما يتطرقون لأمور زي كذا ما أفكر .. اشغل نفسي بأي موضوع ثاني بس ما افكر ابدا لكن هالكلام يضايقني .. مو لأنهم يقولونه .. لأنه يحسسني أن فعلا هالشيء فيني !! |
رد : الاخت عصاميه
ضايعة ..
الكلام الي ينقال لك .. ممكن انا برضو اسمعه مرات او ممكن ينقال لأي شخص .. لكن انت الجمل هذه .. ضغطت عندك على وتر حساس .. و شغل بالك و خلاك تعطيه مساحة اكبر من مساحته .. بالاضافة الى انك تثقي برأيي الاخرين اكثر من ثقتك بحالك .. فتشعري بانه خلاص الكلام اللي يقولوه صحيح .. . . شوفي .. مافي شخص على وجه الارض .. ماتعرض للخذلان من اي شخص .. و متاكدة لو قلت لاي احد قدامي .. انت اكيد مجروح او فيه احد خذلك بالدنيا .. راح يقول .. ايوة صح صادقة ايش يدريك ؟ راح ارد .. من عيونك باين الحزن .. اقصد انه لاتعطي للعبارات هذه .. احجام اكبر من حجمها .. . . انت بالفعل تعاني من نقص بداخلك و تبحثي عنه .. بس كل وحدة تنتظر شريك حياتها اللي يشاركها همومها و احلامها النقص هذا لو ملئتيه بالحرام لاسمح الله .. ربي بيحرمك الحلال .. وتعيشي بقلق طول عمرك .. . . عشان كذا .. حاولي تملئي النقص او الحرمان اللي تشعري به في داخلك بامور تقوي ثقتك بحالك .. وتقوي ايمانك بالله .. وقتها ماراح تحسي انك بحاجة لشخص يعبي الفراغ هذا .. راح تكوني مكتفية بحالك.. . . و انتبهي من بعض الناس .. اللي يحبوا ينبشوا باسرار الاخرين .. عشان يخلوها علكة بداخل فمهم .. فهذه وحدة من طرقهم لسحب الكلام منك .. و عشان تحكي لهم اللي ربي ستره عنهم |
رد : الاخت عصاميه
كلامك وتحليلك كله صح
وما انكر تجاوزت شوط كبير من ناحية مشاعري الداخلية والاحساس هذا لكن هي عوالق مو عارفه اتخلص منها تعرفي كأنها أماكن بداخلك مثل الحفرة مليااااانه ذكريات ومشاعر الحين كل اللي داخل الحفرة من مواقف وذكريات ومشاعر راحت باقي بس مكان الحفرة خااااالي مو عارفه امليه ولا قادره ادفن الحفرة واعتبرها كأنها مو موجوده !! اقتباس:
هنا كل الحكاية !!! لو قدرت أسوي هالشيء .. بكون أكثر شخص مرتاح لكن كيف !! اكتفي بحالي ؟!! جداً صعبه مع شخصيتي الحاليه واعتمااااااااااااااادي واهتماااااااااااامي كله بغيري وبالناس !! كأن موضوع الثقة بالنفس مثل القمر في السما ماقدر المسه بيدي اشوفه من بعيييييييد بس ماعرف اوصل له (معليه هالأيام كله تشبيهات =) ) |
رد : الافاضل abo marym و khaled boss و مارد الجنوب و المتفائل بالله-عصامية
اخواني الافاضل أبو مريم وخالد بوس ومارد الجنوب والمتفائل بالله
اولاً كل عام وانتوا بألف خير وتقبل الله منكم صالح الأعمال يارب انا لما فتحت الموضوع الثاني مع اختي عصاميه أبي اتكلم معها بموضوع الثقة بالنفس ما كنت ادري أن الموضوع هذا راح ينقفل .. وعشان كذا انا طلبت من الإدارة الكريمة الله يعطيها العافيه تدمج الموضوعين .. لأني ما أستغني عن توجيهاتكم ومابي يكون فيه حاجز لو حبيت استشيركم أختي عصاميه الله يعطيها العافيه والله ماتقصر معي وفعلاً ساعدتني من يوم بديت الموضوع وللحين ماكملنا طبعاً ما يحتاج أقول ان المكان مكانكم .. بأي وقت تقدرون تعلقون وتنصحوني بأي نقطة كانت حتى من غير ما أطلب منكم للتوضيح فقط وبانتظار تعليقاتكم ونصحكم بأي وقت الله يجزيكم عني كل خير وعساكم من عواده يارب |
رد : الافاضل abo marym و khaled boss و مارد الجنوب و المتفائل بالله-عصامية
ياهلا وسهلا أبنتنا العزيزة " لقيت نفسي وربي"
وانتي بخير يارب وصحة وسلامة وعقبال مانشوفك العيد الجاي مخطوبة إن شاء الله وإن شاء الله بنتابع معاج الموضوع ، والأخت عصامية خير من أستشرتي وعساج من العايدين والفايزين يارب. |
رد : الافاضل abo marym و khaled boss و مارد الجنوب و المتفائل بالله-عصامية
اقتباس:
وجودك الدائم ووقفاتك تعني لك الكثير فعلاً أختنا عصامية والله شهادتي فيها مجروحه وماتقصر رغم انشغالها وظروفها .. الا انها تقتطع لي من وقتها وتجاوبني حسب ظروفها الله يعطيها ألف عاااافيه ويفرج همها ويصلح حالها يارب انا اتفقت معها من بداية فتحي للموضوع اني أستمر بالكتابة وهي تجاوبني وقت استطاعتها حتى لو بعد فترة .. وانا ابداً ما بضغط عليها يكفيني أني أعرف أنها جنبي ومعي بس لي طلب أخوي .. لا تتردد في إبداء أي نصيحة أو تعليق على أي شيء سواء على اللي كتبته او بكتبه انت والاخوان أبو مريم ومارد وخالد أتمنى تكونون دائماً بالقرب وماتكونون متفرجين فقط أحتاج إرشادكم لي عشان أكون شخصية جديدة ماقدر اعتمد على نفسي بس (حالياً) |
رد : الافاضل abo marym و khaled boss و مارد الجنوب و المتفائل بالله-عصامية
أكبر عيب فيني و بـ شخصيتي
أن عندي مبادئ وخطوط محددة عارفتها لكن .. ماعرف كيف أمشي عليها .. بمعنى أن ماقدر أثبت عليها عارفتها من داخلي والله وراسمتها لنفسي ودائما اقرر اني ما بتخلى عنها لكن لو صار لي موقف .. ممكن أغير موقفي كامل عشان شخص أو موقف سريعة التلون .. همي ارضاء الآخرين أحس حياتي كلها غلط فيها أشياااااااااااااااء كثيرة لازم تتعدل قسماً بالله العظيم متضااااااايقه والله مو مرتاحة ابد ابد أوقات ما يكون همي ارضاء غيري .. بس ابي اتخلص منهم ومن كلامهم عني أو حتى نظرتهم عني وأصير واااااااااو ومثلهم الحين ماعاد يهمني وش نظرتهم .. كثر ما يهمني اندمج معهم ويصير عندي شيء اتكلم فيه وياهم أو عشان ما أكون "المعقّدة" وسطهم كل اللي ابيه حالياً أني أكون شخصية ثانية وأبتعد عن أمور كثيرة صرت أشوفها تافهة من وجهة نظري مدري العيب مني أو من المحيط اللي انا عايشته أو من المجتمع بصورة عامة أو حتى من الزمن اللي احنا فيه ما بقول اني كنت انسانه لي حركات قلبلة أدب أو اسوي اشياء غلط صحيح كنت اسوي اشياء غلط وحياتي كلها غلط لكن هالشي كله كان بالخفاااااااااااااااااء محد يدري عنه الا شخصيتين بس ومو كل شيء يدرون عنه بعد لاني كنت احب احتفظ بأسراري أما فيما يختص بالناس .. كنت عادي مثل وضعي السابق ومثل ما كنت قبل الانحراف محد كان يلاحظ علي أن عندي بلاااااااااااوي أو حتى يسمعون عني كلمة مو زينة مثل ما قلت كل اموري بالخفاء بيني وبين نفسي (مكالماتي - كلامي وياهم - اهمالي للصلاة - هجري للقرآن - السهر) ما تأثر على نظرة الناس لي انا ذكرت من قبل أني قبل لا أدخل ذاك العالم كنت انسانه ملتزمة متحجبة احفظ القرآن ومحافظة على صلاتي ذات شخصية محبوبة جدا وقمة في البراااااءة وماعندي حركات المراهقين ولا اهتماماتهم تحجبت في سن صغيرة بكامل ارادتي وقبل كل بنات العيله اللي في نفس محيط عمري ما كنت اروح حفلات اعراس كنت اقول فيها غناء واشياء حرام كنت ما اطلع بمكياااج مستحييييل حتى بالعيد ما احط لان يمكن احد يشوفني مثلا واصلا بصراحة ما كنت اعرف له ولا اعرف شنو هذا ولشنو يستخدمونه لاني كنت اشوف المكياج شيء ماله داعي ما احب طلعات المجمعات والأماكن اللي فيها سوق وحركات كنت طمووووووووووووووحه لآخر حد وكل تفكيري بدراستي ومستقبلي لدرجة ان كنت ناوية ادخل طب ومعدلي كان يأهلني ما اهتم لغير دراستي وكانو صديقاتي يقولون لي سوي لك ايميل عشان نسولف ماسنجر بس انا كنت ارفض واقولهم ما احب هالسوالف ومالي مزاجها اللي ابي اوصله لكم .. اني كنت ملتزمه قبل وكنت مقتنعه مليون بالمئه وكان هالشي معروف عند الكل ومحد ضايقني أو كلمني بخصوص هالوضع (لان الناس دايما الحين يقولون لي انتي مو مثل قبل وانتي تغيرتي وصرتي مطوعه قبل كنتي عادي وهالشي جديد مدري الى متى بتصمدين) ولما دخلت ذاك الطريق اصلا مدري كيف وافقت .. بس ذيك اللي "كانت" صديقتي جذبتني بكل سهولة عندها ثقة بنفسها عالية جدا وطريقة اقناع مو طبيعيه كانت تجذبني بشخصيتها وحاولت اتقرب منها .. واول شي سويته عشان اتقرب منها وافقتها وصار اللي صار خلال هالفتره انا تغيرت .. تشكلت حسب شخصيتها اول شيء وبعدين حسب شخصيته وبالوسط بين الشخصيتين تغيرت .. وخف التزامي وتساهلت في بعض الامور (لكني بصرااااحه للحين فرحاااااااااانه من نفسي اني قدرت اثبت على مبدأ واحد - مبدأ عدم ارسال الصور وعدم الذهاب الى لقاءات .. هذا الشيء الحمدلله ربي ثبتني عليه) كل شيء تقوله لي او يقوله لي .. اي صح واكيد وايوه حتى لو انا مقتنعه من مبدأي .. اغيره صرت اسمع اغاني لانها كل يوم ترسل لي مقاطع اسمعها وهو كل فترة يهديني اغنيه صرت اكذب على اهلي واقول بروح مكان وتاخذني مكان ثاني لانها طلبت مني صرت اقول اشياء ماحب اقولها لانها قالت لي صرت ابتكر مواقف واسويها عشان لين قالت لي شيء اقدر اجاريها صرت ممكن أكون أي شيء .. عشان أي أحد اشياء كثييييييره (بس حجابي ما تغير ولا حتى سويت اشياء تختلف عن اللي كنت اسويها قبل الانحراف .. من الخارج كنت مثل ما انا ما تغيرت) الحين بعد ما تغيرت وتركت الماضي تغيرت قناعاتي .. صارت عندي امور انا تساهلت فيها من قبل.. لكني تغيرت فيها صار عندي هدف أني اثبت على اشياء معينه واصير انسانه ثانية صرت ابي اكون انسانه ملتزمه .. محافظه على صلاتها .. محافظه على دينها .. مبتعده عن الكلام والقيل والقال تكون عندي امور مهمه واولويات تطور من نفسي واساعد فيها غيري ما اطلع الا لحاجة واكون جالسة في بيتي ابتعد عن أي مكان ممكن يكون فيه اختلاط او احتكاك برجال غير محارمي يكون حجابي حجاب شرعي واطبق الشريعه والسنة النبوية في كل امور حياتي أعيش لــــ هدف بدون ما افكر في الناس والمجتمع بالله عليكم .. هل هذي امور صعبه ؟؟؟ مستحيله ؟؟؟؟ ما اشوفها صعبه لكن المجمتع والمحيط اللي عايشه فيه يحسسني انه من سابع المستحيلات لاني لحد اليوم مو قادرة احقق ولا شيء .. لهالدرجة وصلنا "القابض على دينه كالقابض على الجمر" ما بقول اني ملتزمة ومطبقة كل شيء حسب الشريعه .. ابداً فيني من النقص اكثر مما اقدر اتخيل حتى لكني أحاول اسعى اكون كذا .. محافظة على ديني ودي اوصل لمرحلة اكون فيها راضية عن نفسي وعن حياتي وعن ديني صعب صعب صعب امثلة انا دائما اتوخى اذا شيء فيه اختلاف رأي حرام وحلال .. ابتعد عنه قريبتي تحن علي من شهور تبي تشقر حواجبي .. طيب انا مابي المسهم .. فيه اختلاف وانا اخاف الحرام ومابي انلعن .. والله ما يحتاج ليش اسوي بنفسي شيء اندم عليه وممكن يدخلني النار النتيجة = انتي معقده (طبعا هو كلام كثير ينقال بس اختصرته واقتبست منه هالكلمه) التزمت وتغطيت من نفسي = جاتني انواع التعليقات ووووو وي صارت مطوعه ومسويه نفسها شيخه ووو طلعات مع صديقاتي او روحات مجمعات للحين ما احبها = بعد انتي معقده طيب هالاشياء هذي لنفسي ما تأثر على احد ليش كل هالتحطيم لحد يقول لي انتي بعد ما تركتي الماضي كلمن يقول يبي يصير ملتزم وبعدين يفتر .. لاني كنت ملتزمه من قبل وانحرفت وبعدين رجعت .. هذا مو شيء جديد هذي هي انا انا صار لي فترة احاول ابتعد عن الناس والصديقات والقيل والقال والله الناس صار اغلب كلامهم غيبة وانا احاول ابتعد قدر المستطاع مابي اتكلم عن فلان وعلان ابتعدت صرت ما اتصل والوتس اب صرت ما انتبه له ولا ادخل الماسن ولا احضر اجتماعات صديقاتي لو اجتمعو لان هم اغلب اجتماعاتهم يبونها برا بالكافيه او المجمع او او وانا مابي كذا .. مااااااااااااااااااااااااااااحب لما اقولهم مثلا نجتمع في بيت احسن ناخذ راحتنا كلنا بنات بعيد عن ذاك الجو يزعلون ويتركووووني وانا اقولهم مابي روحو لحالكم فقمت من نفسي لما يقولون لي بنجتمع اقولهم عليكم بالعافيه وما اروح والله ارررررررررررتحت .. اصلا انشغلت مع نفسي وكنت طول الوقت مع اهلي والمركز غير الامور اللي تحدث فجأة مثلا او زيارة اهل او او ما كان عندي وقت يجيني انواع الهجوم .. انتي ليش معقده لهالدرجة وانتي فاهمه الحياة غلط وانتي بتدفنين نفسك بالغصب طيب انا وش سويت .. كل اللي سويته ابتعدت عن السوالف اللي مالها داعي مع اني كنت اهنيهم في المناسبات ولما اهنيهم اتحسسسسسسسسسسسسف لان ينقلب علي الموضوع ولما رجعت اتفاعل معهم والله ما اكون مرتاحه .. غيبه وسوء ظن ونشر فضائح واسرار وووو وسوالف مالها داعي وضحت لهم اني احتاج فترة بروحي بدون احد .. لكن ابد مافيه فايدة (وانا فعلا محتاااااااااااااااااااجه اكون لحالي هالفترة .. احتاج اصفي ذهني .. فيه واااااااايد اشياء .. واحس أني بسباق نفسي أبي ارتاح .. ابي اكون بروحي بدون أحد .. بس محد يفهم) كل اللي ابيه اني ابتعد عن هالبيئه وعن هالوضع وابتدي حياتي الجديدة بدون لا يكون فيها شوائب ودي اكون مرتاحه وبالي صافي ودي اعيشها بطريقتي الخاصه .. مو مثل ما الناس عايشه ودي التزم بحياتي ومبادئي وامشي عليها بس كيف اثبت على مبادئي واغير طريقتي اذا الناس ماتعطيني مجال محاصرة من جميع الجهات كلما اعدل شيء يخترب شيء مو قاااااادره ارتاح دايما لين احاول اثبت على مبادئي وقيمي اللي حطيتها بنفسي لااااااااااااااااااازم يكون في احد (أي أحد) يحاول يصرفني عنه كيف ؟؟ بذكرها في الرد التالي لاني احس خربطت بما فيه الكفاية وسامحوني والله كلامي عبارة عن تراكمات منكدة علي حياتي اللي ما تفهمونه اقتبسوه وانا بوضحه احس للحين عندي كلاااااااااااااااااااام كثير هامش .. أكثر شيء يقهرني بنفسي .. أن كلماتي تضيع مني لما اتكلم وخصوصاً لما ابي اجي افضفض هنا وأوضح شعوري وكيف أحس يرتفع ضغطي =) |
رد : الافاضل abo marym و khaled boss و مارد الجنوب و المتفائل بالله-عصامية
عشان اقول كل هالكلام احتجت ساعتين الا ربع عشان ارتب افكاري واطلع جزء من اللي احس فيه
والنتيجة ان انا لما قريت كلامي حسيت انكم ما راح تستوعبون لان كله حسب اللي كنت افكر فيه حتى ما طلعت ربع اللي احس فيه وكأني بسباق عشان ما يضيع مني الكلام واحتفظ بالفكرة اللي ابي اوصلها .. لكن يبدو اني ما نجحت الله يعينكم بصراحه جد ساعات احس أن ماقدر أسوي شيء حتى صياغة كلمات ماقدر .. ماقدر افكر او اشغل مخي اكيد بتحسون ان مشاكلي تافهه وحتى فضفضتي .. لكنها هي اللي تسيطر على حياتي ومنغصتني أحتاجكم جميعاً وأكون شاكررة لكم |
رد : الافاضل abo marym و khaled boss و مارد الجنوب و المتفائل بالله-عصامية
السلام عليكم ورحمة الله تعالى وبركاته
أختي "لقيت نفسي وربي" انا متابع معك ، ومنتظرك تنتهين ، وعندي لك إن شاء الله اللي يريح قلبك!! والأخوان كذلك كلهم جمبك مع أختنا عصامية ، ف قولي كل اللي بخاطرك وفضفضي وطلعي كل اللي بخاطرك وحنا بنسمعك برحابة صدر. وعلى فكرة طريقة فضفضتك جداً جميلة ومفهومة والله ، ولما اقرالك احس اني فاهمك. كملي أختي. |
رد : الافاضل abo marym و khaled boss و مارد الجنوب و المتفائل بالله-عصامية
اقتباس:
وترى انا ما احب اكتب اي شي الا لما اكون مرتب افكارة بورقة وقلم لأني أنسى كثير حنا بجانبك كلنا يا اختي ، ومشاكلك والله ننظر لها بعين الإعتبار. المهم اننا نوصلك لمرحلة الرضا عن النفس والراحة. |
رد : الافاضل abo marym و khaled boss و مارد الجنوب و المتفائل بالله-عصامية
اختي الفاضلة بداية كل عام وانت بخير والتهنئة موصولة للاخوان الافاضل ابومريم والتفائل بالله وخالد بوس والاخت الفاضلة عصامية:::اختي الفاضلة لماذا كل هذا الخوف والحيرة بسبب شياطين الانس الاتعلمين انهم مفلسون واستمرارك على نفس نهجك سينفعك يوم الحساب ففيه زيادة لحسناتك من حسناتهم وتخفيف من سيئاتك الى سيئاتهم دعيهم يتكلمون او بالاحرى ابتعدي عنهم فهم رفقة سوء ومعاشرة الجليس السوء كنافخ الكير اما ان يحرق ثيابك واما ان تجد منه ريحا خبيثة فليكن صحبتك من حفظة كتاب الله فهم رفقة صالحة كحامل المسك ولاتكترثي بكلام جنود ابليس فهم تطوعوا لخدمته ولن يضروا من استمسك بحبل الله بل سيجدون انفسهم قد ضاعوا وهلكوا من حيث لايعلمون :::اختي الفاضلة كل ماينقصك هو الارادة التي لايمكن الحصول عليها الا بالايمان الكامل بقدراتك الذاتية على تحدي المصاعب انت متعلمة وملتزمة وتعين مالك وماعليك فلماذا تفكرين في امور تعلمين بمضرتها ولماذا تحزنين وانت على حق وصواب الاتعلمين ان استمرارك في طريق الهداية والثبات عليها يقتل جنود ابليس غيظا وقهرا فاقهريهم بحسن طاعتك للخالق ونكدي عليهم بقوة ارادتك والجميهم بصمتك القاتل وانصرافك عن لغطهم بفعل الطاعات واجعلي امامك هذه الحكمة ((من وجد الله ماذا فقد ومن فقد الله ماذا وجد))فانت وجدتي الله فلاتسمحي لشياطين الانس ان تضيع عليك طريق الهداية حتى وان كلفك ذلك خسران صداقتهم فهم لايستحقون منك سوى شيء واحد مقابلة اساءتهم باحسان لتكسبي الاجر وتضاعفي عليهم الوزر فاعتبري حياتك من الان فصاعدا امتحان تجمعين فيه اقصى ماتستطيعين من الدرجات :::وفقك الله
|
رد : الافاضل abo marym و khaled boss و مارد الجنوب و المتفائل بالله-عصامية
أعتذر صار لي كم يوم ادخل المنتدى بس لما ادخل ابي أرد أو افضفض
ماااااااااااااقدر مدري احس مخي فاضي .. ما اقدر اكتب ولا اعلق ولا حتى افكر والله ادخل بس واقرا مشاكل الاعضاء .. احس بتفااااااااااااااااااااااااهتي وش هي المشاكل اللي احس فيها بالنسبة لهم !!!! عندي رغبة شديدة للتغيير .. لكني ماقدر ابتدي بأول خطواته عندي ملااااايين الكلمات والافكار .. لكن احس كلها طارت أحس في نقاط بحياتي ودي اقولها .. لكن لما اجي ابي ابتدي فيها يضيع كل شيء من مخي .. وانسى كلللللللللل شيء .. عشان ما اوصل للنقاط هذي عندي هدف بس ضايع !! اخوي المتفائل هذي الجمله كنت بكتبها لك من قبل ذي الحجه لكن كان الموضوع مقفل عشان كذا ماقدرت اقولها كنت أبي اقول "شكررررا لانك انقذتني وخليتني احلف ببداية استشارتي لك على اني ما ارجع لذاك الطريق وما افتح شيء" هذا كان شعوري وقتها .. لاني كنت بأحد الفترات رجعت افكر بذاك الموضوع ومجرد ما ذكرته تذكرت اني حلفت -ويمكن لو ما حلفت كنت سويت شيء !!- الحلف اللي حلفته هو أكبر رادع لي تدري شنو الشيء المضحك لدرجة البكاء والقهر اني اليوم انا ما اتذكر على شنو حلفت !! اذكر وقتها اني كنت بحالة عصيبة جدا من البكاء والندم كنت اببببببببببببببببكي في صلاتي وبسجودي كنت ادعي واحلف وتبت عن كل شيء كل شيء كنت ابكي بصووووت واتكلم قلت اشياء كثيره لكن بعدها انام مرتاااااااااااحه واصحى كأني ما قلت شيء من الراحه اذكر اني حلفت اني اسوي خمس اشياء لكن شيء ثاني غيرهم ما اتذكر .. على طول خطر ببالي ان الشيطان يبي يبتدي لعبته معي يقول لي انتي ماحلفتي ان ما تسوين كذا مثلاً .. أو أو أو قررت اطرد وساوس الشيطان وافكاره .. لأني نسيت ولأني مابي ارجع ولأني تغيرت ولأني تبت لكن ... |
رد : الافاضل abo marym و khaled boss و مارد الجنوب و المتفائل بالله-عصامية
اقتباس:
الجملة اللي حددتها بالاحمر قالت كل شيء اما شياطين الانس كما وصفت أخوي فأعتقد أن بعد فترة راح افقد عقلي بسببهم |
رد : الافاضل abo marym و khaled boss و مارد الجنوب و المتفائل بالله-عصامية
اخوي المتفائل
انت قلت ان عندك لي حل يريحني اتمنى انك تذكره لي .. لاني تعبت ادري يمكن تنتظرني اكمل اللي عندي .. بس انا ماعندي استعداد الحين اتكلم ضاع الكلام يمكن بعد فترة شوي ارجع اكمل نقاطي عصامية .. بانتظارك لما تكملين موضوعك وتوصلين لنتيجة تريحك وترمين كل شي وراك والدي الكريم أبو مريم صار له فترة ما يدخل ان شاء الله خير يارب ويدخل ويطمنا عليه ويعطيني رايه سامحوني بتعبكم معي |
| الساعة الآن 11:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©