رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

يعني استمر اطبطب عليه لحد ما تعدي السنوات ..
و بعد ما يوقف على رجوله .. يشوتني ؟

بذرة الخير هذه ..
هي اللي كنت حاطة املي فيها من يوم تزوجته ..

بعد شهر بيكون عاطل عن العمل .. و صاحب البيت طالب الايجار
و عليه مستحقات السيارة اللي مستأجرها .. و مخالفات ساهر

يعني 6000 اقل شي للسيارة و 9000 لو بيدفع نص السنة
و 21 الف ساهر ..

انا ماراح ادفع قرش واحد منهم ..
حتى لو وصل انهم يسجنوه .. لاني نبهته من زمان ..
لو بيوم تورط .. لايحسب اني بادفع عنه ديونه ..

.
.

و لو جلس عاطل بعد شهر .. ايش الحل ؟؟؟؟
اطلب من عمي يتدخل و لا ايش الحل ؟؟؟

.
.

اصبر كمان و لانه يوعدني انه تغير ؟؟؟

.
.

هو مشروع حياتي ..

و يارب ادخل الجنة بالاخير ..

.
.

امس يقولي روحي ياشيخة .. ربي يدخلك الجنة من اوسع ابوابه ..
راضي عنك ليوم الدين ..

صار يدعي لي دايما انه ربي يدخلني الجنة و يجعل يومه قبل يومي ..

.
.

هو حل مشكلة السهر ..
كيف احل مشكلة الفلوس له ؟؟؟

اجلس اتفرج عليه ؟؟؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

متفائلة ..

ايش باستفيد لو كتبت عن حياتنا بالغربة ؟؟؟
و خلاص مابغى افتكر شي ..

هو يشوف انه ماكان مقصر بشي ..
لانه احساسه ميت .. و لانه كان مرتاح ..

بس المرة هذه غييييير و قلبي قسي بجد ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

ابلة بيتا

قلتي مرة انه استنى لحد ما اخسر محبته ؟؟؟
و حسيتك متعاطفة معه .. ؟؟؟

ايش اللي بيدي ممكن اعمله و ما عملته ؟؟؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اذا زوجي .. مجتمعه هم ..
اهله .. و اصحابه الفاشلين ..

زوجي كان يتعلم القران زمان عند شيخ معروف .. من القراء المعروفين جدا
و حتى زوجي صوته بالقران مثل صوت هذا الشيخ و احلى منه ..
احس زوجي مررررررة يحترم هذا الشيخ و يعتبره قدوة له ..

مرات يقولي رحت الحرم و قابلت الشيخ الفلاني و اخوانه ..
زوجي يحب الخير .. بس انه شخص ينضحك عليه بسهولة و يثق باي احد ..

.
.

كنت اقول اذا اهل زوجي كذا ..
و هما هذولي مجتمعه و هو مرة بعيد عن اهله لانه مو راضي عن تصرفاتهم
و اصحابه هما مجتمعه الاخر و اللي يقابلهم بالصالة و اغلبهم فاشلييين

و زوجي ما يقرا اي شي ..

يعني مصدر معلوماته الوحيد .. انا و اصحابه ..




هو دحين ابتعد عن اصحابه .. و قلل من سهره ..
و بدأ يهتم بعمله و وظيفته ..

.
.

عشان كذا .. لو ماعرفت استغل الفترة هذه ..
راح يرجع لاصحابه
وو يعلموه البطالة ..

.
.

انا ما بأبعده عنهم .. و لا امنعه من هوايته ..

بس قصدت انه هو من فين راح يتعلم ؟

انا المؤثر الوحيد له ..

.
.

هو و انا راح نستمر طول العمر بإذن الله ..

بس هل نستمر بنكد و لا بسعادة ؟
برضو كلها تعتمد علي .. خاصة و هو طالب فرصة اخيرة ..

.
.

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

انا السنتين اللي فاتوا و بعد ما رجعنا من برة .. لانه اليوم بالضبط .. كملنا سنتين ..
شلت يدي منه تمامااااااااا .. عملت مثل ما نصحني الكل ..
رميت كل الحمل عليه .. قسيت عليه عشان اعاقبه على الايام اللي كنت فيها طيبة معاه
عشان يعرف قيمة اللي خسره ..

بس مع موت امي .. قسيت عليه بزيادة
لانه بدأ يتغير للأسوأ .. و بدأ يهمل فينا .. و بدأ يقسى هو كمان ..

.
.

اكتشفت انه زوجي مثل الطفل ..
يقلدني بكل شي ..

اقسي عليه .. يقسى و يقلد لاشعوريا ..

.
.

عشان كذا ما جفيت عليه بعد الي صار اخر مرة ..
لانه هو مثل المرايا لي .. يقلدني بكل شي ..

هذا اللي اكتشفته بجد ..

.
.

مثلا اليوم قلت له .. باقي كم يوم عالسنة الجديدة ..
ان شاءالله نويت ارجع مثل زمان .. اهتم بالسنن و الاذكار .. و كذا ..
قالي ايوة و الله من جد .. ان شاءالله ..

.
.

بس الحكاية كلها بالاسلوب ..

لازم وقت اجي اكلمه .. اتخيل امامي ولدي و اكلمه كأنه طفل ..
لاني ادلع ولدي وقت اكلمه و اتكلم مع ولدي باسلوب الحبة حبة

عشان كذا زوجي يغار من ولدي

.
.

شكلها هذه هي الطريقة الوحيدة اللي راح امشي فيها معاه

.
.
.

بس احتاج علاج عشان انسى اللي صار اخر مرة ..
عشان لا اقسى عليه او أذله بيوم ..

.
.

باتاثر بكلامكم ..

لاني اليوم كنت بافتح السيرة و بديت ..
و احس كل ماكنت مبسوطة و زوجي كمان .. يجي الشيطان و يفكرني ..

بعدين افتكرت كلام البليغ .. استغفري و تعوذي من الشيطان ..
و النقاط اللي كتبها .. لقيت نفسي لسى بداخلي غضب ..

افتكرت كلام ابو حكيم .. و قلت بداخلي ..
انت ياعصامية مو من اخلاقك انك تذلي الشخص ..
فتوقفت ..
تعوذت من الشيطان و استغفرت و كبرت مخي ..
بس زوجي قالي فيه شي بتقوليه ..
قمت قلتله و قفلت عالموضوع

.
.

ابغى السيرة هذه اقفلها نهائي ..
ماني قادرة احكم الغضب اللي بداخلي ..

لانها هي اللي بتخرب علي يومي كله ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

لقد استاذنت من الاخت عصاميه

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

قريت ردك عزيزتي متفائلة و رد لكل شي حد : )
الله يجزاكم كل خييييييير ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

لكل شي حد ..

اخو زوجي مو مثل زوجي ..
اخو زوجي قايم بكل مسئولياته تجاه بيته و يشتغل و يصرف على بيته و بار بامه و ابوه و يحب اهله و كريم عليهم و يخدمهم ..
بس انه يضرب زوجته .. سليط اللسان .. اخلاقه صفر مع زوجته .. عنده افكار عن الزوجة انها ولاشييييييي او خدامة ..
حاط عينه على راتبي الرخيص عديم الرجولةو الكرامة . يرضي امه باي طريقة و يذل زوجته عشان اهله .. و عشان كذا اهل
زوجي يبغوني مثل سلفتي و يبغوا زوجي مثل اخوه .. و فوق كذا يبغوني اصرف عالبيت و عليهم كلهم ..

زوجي ما يسمح لاي واحد فيهم انه يحط عينه على راتبي .. و يوقف معاي و يطنشششششهم و يعاندهم ..
يعني مثلا يقولوله ماتستحي ماتصرف علينا و هما عارفين مامعاه ريال بس يبغوا يحرجوني عشان عارفين اني وحدة عندي .احساس مو مثلهم .. زوجي يرد عليهم .. لما يكون معاي راتب و عندي وظيفة ... لو معاكم فلوس هاتوه ادفع فيه ايجار بيتي

يعني يبين لهم نفس الوقت انه هو اللي يصرف عليهم و مالهم دخل براتبي ..

زوجي لما يكون معاه ما بيقصر معانا ..
بس زمان اول ماتزوجته و اول سنة بالغربة ما كان كذا .. و يعترف بالشي هذا و يقولي انت عارفة لو معاي ما اقصر ..
و يعترف انه اول ماتزوجنا ماكان يعرف و اهله كانوا مربينه على شي تاني و خلاص تعلم و تغييير ..

.


بس مازال يحتاج يتعلم التدبير ..

.
.

المهم ..

زوجي و اخوه ما يتشابهوا .. بس سلفاتي يتمنوا زوجهم يعاملهم مثل مايعاملني زوجي
لانه زوجي يشوفوه حنون و يدلعني قدامهم و يحترمني

.


هذا ردي لاختي لكل شي حد

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

الحمد لله .. علاقتي مع اخواتي و اخواني رجعت لمجاريها ..
و اخواني امس كانوا عندي .. عزمتهم و جالسين مع زوجي كانوا ..

علاقتهم حاليا فيها احترام و تقدير .
و راح احرص على انها تستمر مثل كذا ..

باستثناء اخوي اللي كان معاي برة .. هو اصلا مايحب كل ازةاج اخواتي
بس بزيادة مايحب زوجي.. بعضهم يقولوا عشان اخوك يحبك و مايبين لك محبته
فيغار عليك من زوجك .. و الله اعلم ¿

.
.

المهم .. الحمد لله كبرت عقلي و استهديت بالله و عزمتهم كلهم عندي
و انبسطنا .. بس عشان صلة الرحم و دخولنا للسنة الجديدة ..

احس اني مرتاحة نفسيا دحين و الحمد لله
بس باكون شوي رسمية معاهم ..

المهم ..
زوجي خليه يعرف انه اهلي مستحيل يتخلوا عني لو ايش ماصار

اصلا تشجعت و ناديتهم عندي .. لما بدأوا يسالوا عني و يفتقدوني
و دحين العلاقات افضل و الحمد لله

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

السلام عليكم ورحمة الله تعالى وبركاته

بوجود الأخوان والأخوات /أبو حكيم. البليغ. خالدبوس. نورة. فاكهة الشتاء. بيتا
فأنا مثل المثل اللي يقول (إذا حضر الماء بطل التيمم)

ماقصروا الأخوان

ف لطفاً إذا كان بالإمكان أخت عصامية (لأني ماكنت متابع الموضوع من بدايتة بسبب ظروفي اللي تعلمين فيها)
إنك تكتبين بشكل مختصر كل التطورات اللي حصلت معاكِ في شكل نقاط مختصرة عشان اواكب معاكم الموضوع ، وانا كنت على اطلاع كامل على موضوعك اللي كان في قسم المتزوجين وعارف القصة اللي مريتي فيها.

فهل هذا ممكن؟؟ وإذا كان الموضوع يزعجك خلاص!!

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اخوي المتفائل بالله ..
كتبت كل شي عشان يكون الحكم منصف ..

ابغى تفسير للي حصل اخر مرة ..
لاني ما سامحته بداخلي .. بس اطنش لاني انسانة ماني غبية اضيع وقتي بالهم ..

.
.

لو عدت الايام و ماقدرت اسامحه او الاقي تبرير او حكم منكم ..

فما اخبي عليكم ..

اني حاليا ..

بأحاول اقوي علاقته بربنا .. مثل ما قدرت اقوي ثقته بنفسه ..
و الحمد لله .. وجدت بصيص امل

ماراح اقول التفاصيل ..
بس من 3 ايام صار زوجي يقاوم نفسه من غير ما أبذل اي مجهود ..
و يصلي الفجر و لوحده يروح للمسجد

زمان لما يكون مصحصح .. يصلي و يروح المسجد
بس كان لما يكون نايم او نعسان .. يتكاسل و يأجل و كل شوي دحين دحين

و اول مرة يصحيني اصلي الفجر و مايتركني ارجع انام ..
سنواااااان و انا اقول له ( صلاة الفجر )

.
.

المهم ..

الناحية الدينية عشان عالاقل اكون عملت شي لاخرته و لاخرتي و لاولادي
و عشان ربنا و عشان ضميري يرتاح ..

.
.

و كمان حاليا بأحاربه بأنوثتي و بأقتله بالكلام الحلو و التعامل الحلو ..
بانتقم بطريقة تقتله لو تركته بيوم و ماقدرت اسامحه ..

.
.

نفس الوقت .. ما باكلف نفسي فوق طاقتها ..
يعني ادلع نفسي بزياااااااادة ..

.
.

فين المشكلة ؟؟؟؟

انه كل هذه الامور انا حاطة لها وقت محدد ..
مجرد ما اضمن بيت ملك بإذن الله .. و لو ما شفت هناك تغيير مستمرررررررر بزوجي ..
و لو مالقيت تبرير للي حصل منه .. و كلام يقنعني و يريحني منكم ..
أعتقد ..


فاعتقد .. اني راح استخدم سلاح الانتقام ..
و انتقامي ماله حدود .. لاني لو قسيت .. بأقسي بشكل انا اخاف فيه من نفسي

.
.

الى الان مالقيت رد للي صار اخر مرة ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اقصد تبرير او سبب يخليني اسامحه ..

.
.

راح اضمن ورقة تتوثق بالمحكمة منه عن قريب بإذن الله ..
عشان اضمن اولادي يكونوا معايا طول العمر ..

.
.

و ماعرف ايش كمان ممكن اعمل ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

و انا وحدة عندي القدرة على اني اقسي على قلبي و انسى و اقوم على رجولي مجددا
و ماني بحاجة لرجل لو لا سمح الله بيوم تركنا بعض ..

عشان لا احد يقول .. تضمني زوج ووو الخ ؟
لاني ضامنة من دحين .. بس ما ابغى غير اولادي ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

فيه شي يخليني اتعاطف مع زوجي ..

انا شفت امي الله يرحنها كيف كانت تدلع اخواني الاولاد و تعززهم مرررررة ..
و دحين لما رجعت علاقتي مع اهل زوجي .. اكتشفت انه بجد زوجي ما شاف دلع او اهتمام عند اهله ..
و لا عند امه ..

.
.

يمكن عشان كذا كان يغار و يستغرب معاملتي لاولادي ..و يعتبره دلع و انا اشوف اني ابني ثقة اولادي بنفسهم

.
.

كانزوجي يجيني ايام الملكة و ثوبه مبقع .. عشان امه ماتغسل له الثوب
هو كان يغسل ثيابه بالغسالة بنفسه و يكوي غترته بنفسه
حتى لما يجوع كان ياكل عيش و لبن ..

امي كانت مرررررة تهتم باخواني و اكلهم و شربهم و كل شي فيهم ..

زواجنا اهله مادفعوا قرش واحد .. امي حزنت عليه و ساعدته ..
كانت تحسب انه اهله مايقدروا ..

بس اهله كانوا شايلين يدهم و مايبغوا يساعدوه
بس اخوه الكبير ساعده الصراحة بالاكل ..

.
.

المهم

انا تعاطفت معه من بداية زواجنا .. و تناسيت نفسي ..
و شفت النتيجة .. خداع و خيانة..

.
.

ايش السبب اللي يخليني اغفر له ؟

.
.

لانه زوجي بدأت تظهر عليه امراض مثل السكر و الضغط ووو الخ
فلا سمح الله لو ماسامحته من قلبي .. ممكن اتخلى عنه لو جلس عاجز عن القيام بواجباته

انا متذبذبة مابين القسوة الشديدة و اهل ابوي معروفيييين بالغرور و الكبر و القسوة ..
و مابين الرحمة وامي كانت متسامحة و علمتنا التسامح و اهلها طيبيييييين مرة

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

عشان باختم الموضوع بنصايحكم ..

اعطاء فرصة لزوجي بعد ما الاقي تبرير
او سبب لمسامحته

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بديت الدوام اليوم ..
الحمد لله و الشكر .. نفسيتي مختلفة عن قبل اجازة الحج ..

احس رجعت مثل زمااااااااااان ..

قبل الاجازة .. كنت اروح الدوام و محبطة و مكتئبة و ما اعمل اي شي ..
ماكنت الانسانة اللي اعرفها

مو علشان زوجي ..
بسبب موت امي و الصدمة و المواقف اللي حصلت من اهلي و اللي كسرني اخر شي
عدم وقوف زوجي بجانبي .. و انه خيب املي فيه

.
.

المهم ..

دحين الحمد لله .. رجعت و حسيت بحالي اني رجعت
يوم وقفت امام البنات و القيت المحاضرة بحماس و ثقة ..

قبل الاجازة كنت ادخل .. و اكون مسرحة و اصرفهم باي طريقة
و ما اقدر احضر اي شي .. كان عقلي مو راضي يستوعب اي شي ..

.
.

دحين حتى ما عاد زوجي يعني لي اي شي ..
خاصة بعد ماكتبت هنا كل شي ..

احس انه مات خلاص ..
و مرتاحة كذا احس ..

.
.

بس الى الان ما سامحته ..
معناها .. انه باول فرصة تتاح لي .. راح انتقم فيه لنفسي

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

السلام عليكم ورحمة الله تعالى وبركاته

أختي في الله عصامية
كيف الحال

والله ياعصامية اني اتحاشى مواضيع الخيانة لان دمي يفور معها حيل!! ماحب الخيانة واكرهها وهي اكثر شي تخليني افقد عقلي ومشاعري واحاسيسي واصير زيك بالضبط ودي انتقم واكسر واطحن واطلع كل اللي بداخلي بغضب شديد!! وهالشي مالي اييد فيه!! انا كذا بطبعي غيور حيل حتى على اعراض المسلمين.

شعورك بالإنتقام منة إذا فيه احد يلومك فيه ف هو غير منصف وظالم!! بس بالجهة المقابلة تبغين تبرير للخيانة!! وهذا الشي اللي مايدخل بالعقل!! أيش تبغينة يبررلك!! وجهة اسود اصلاً ومالة وجة يقولك اعذار !! وعارف هو من ذات نفسة ان ماعندة تبرير أو أي أسباب للخيانة!! وأنا قلت قبل كذا لايوجد مايبرر الخيانة!! الخائن يخون لأنه خائن فقط!! وهذا الشيء اللي لازم تفهمينة ياعصامية.

ثم إنه إذا قالك اي تبريرات محد بيفور دمة إلا أنتي لأن إذا حب يبررلك بيقولك اسباب بتوحيلك بالتقصير!! حتى لو انتي مو مقصرة (مع ان مافيه اسباب للخيانة حتى لو كانت الزوجة مقصرة)!! بس بيطلع من الموضوع بأي طريقة حتى لو على حساب الإفتراء والكذب!! وهذا هو حال اي خائن!! ضعيف بكل حالاتة وبكل مواقفة!!

إذا بتسامحينة سامحية من غير ما تطالبينة بالمبررات لأن ماعندة اصلاً مايبرر فيه خيانتة!! وبالطريقة هاذي بيحس أنك تطلبين منة لبن العصفور!!

وإذا تبين نصيحتي وبما أنك الطرف الأقوى في الموضوع!! سامحية وأفتحيلة صفحة جديدة بس حطيلة شروط وقيود وقوانين يمشي عليهم بحذافيرهم وفي حال لاسمح الله كرر هالموضوع روحي سوي اللي تبغينة ياعصامية محد بيلومك مثقال ذرة!! وراقبية من بعيد لبعيد من غير لاتكشفين له كيف بتراقبينة!! وأوهمية أنك معطيتة مساحة من الثقة عشان مايحس أنك خانقتة!! وأتركي موضوع الإنتقام الحين لأن اللي حصل حصل وصار ماضي وحنا عيال اليوم!!

عطية فرصة الحين!! هو له عندك فرصة أخيرة خلية يعيشها معك!! وفي حال أعتدل الله يسعدكم ، وفي حال لاسمح الله ما اعتدل خلاص سوي اللي تبينة!! بس الاهم من هذا كلة لا اطالبينة بالمبررات لان ماعندة والله ، ولأني مابيك تغثين نفسك زيادة.

وعيشي بحياتك مبسوطة ولاتخلينة اكبر همك!! له عندك فرصة غير كذا مالة شي
وعطية حقوقة كاملة وخليكِ نعم الزوجة ولايجي منك اي قصور تجاهة او اي غلط
خلية يعرف ان معدنك طيب للأخير وأكسري عينة بالطيب والأخلاق الحميدة ...!!

قلبي معك ياعصامية والله ، والله يريح قلبك دنيا واخرة.

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

مافي تبرير يا عصاميه غير أنه بشر والبشر تغلط .. ما ظنيتك قاسية لهالدرجة .

أنتِ مالك أغلاط ؟ .. ما عمرك أهنتيه أو انتقصتي من رجولته؟ .. ما عمرك حطيتي حرتك فيه لما ظروفك صارت صعبة ؟ ما عمرك شكيتي فيه بسبب صاحباتك وظلمتيه
وللا تشوفي أغلاطك بسيطة ولهذا فتقبله لها عادي ونسيانه لها عادي ..

وللا بتجيبي لأغلاطك أعذار والمفروض نقبلها بينما أغلاطه مالها عذر ولا يمكن نسيانها ؟؟؟؟؟؟؟؟

شايفة زوجك مو كفؤ لك؟ ... من هو الرجال اللي كفؤ لك؟ ... أعطيني صفاته خل أشوفه وين موجود ؟

اسفه اذا ردي قاسي .. قرأت ردك من الصبح وفضلت انه أحد الأعضاء الثانيين يرد بدالي لكني ما قدرت أمسك نفسي وانا كل شوي أشوف كلمة أنتقم وأعاقب

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بيتا ..

تكلمي ، أنا بحاجة لكلامك ..

.
.

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

أخوي المتفائل بالله ..

ما أخبي عليك إني يوم أقرأ ردودك على المواضيع اللي كذا ..
أفتكر حالي تماماً ..

قبل لا أتزوج ، كنت بمنتدى محترم و ثقافي .. و كان دمي يفووووووور
و يغلي إذا شفت ميانة زايدة و قلة أدب .. و ما كنت أقدر امسك حالي ..

و افتكر وحدة من صحباتي الله يرحمها ، كانت مرة ضعيفة و كل مرة يحاولوا
يسحبوها بنات من شلة خربانة و يدقوا مرات من جوالها على ارقام شباب،
و كانت تجي تحكي لي ..

كنت أعصصصصصصب و في الأخير أقول لها ، يا أنا أو هما ..
لإني تعبت منك و الحمد لله إنها بعدت عنهم .. و بدأت تلتزم ..

و اشتغلت بمستشفى بعدين بفترة التدريب ، و كان الطبيب يغريها برفع أظن
مرتبتها أو درجتها ،، بس بشرط تروح معاه ... إلخ

خلاص أنا وقتها دمييييييييييييييي فار ،.

و بيوم من الأيام دقت علي ، تبشرني إنها نقلت من القسم و ما ضعفت
و إنها قوية خلاص .. و كانت اخر مكالمة منها ..

كلها كم شهر و اسمع بخبر موتها الله يرحمها بحادث سيارة ..

.
.

فأنا من زمان ، من الناس اللي مثلك ..

بس مع الزواج بديت أهدأ .. و امسك بأعصابي ..

.
.

و اشكرك لنصايحك ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بيتا ..

أكذب عليك مثلا ؟؟؟

إيوة ، زوجي مو كفؤ لي و لا حتى أهله كفؤ لأهلي و لا لي ..
بس أنا راضية بقدر ربنا ، و اصنع السعادة لنفسي ..

.
.

أعطيك مثال ( حالياً ) ..

يعني أخوه مثلا يضحك و ينكت معاي و أنا أتجنبه و حتى زوجة أخوه و اللي هي زوجته شايفتني كيف ما أعطيه وجه،
و زوجي زي الجدار .. ما يحس و لا يغار ..؟؟؟؟

قوليلي أنا عايشة مع إيش بالضبط ؟؟؟

جدار ؟
طفل ؟
مراهق ؟

.
.

اليوم و بعد إجازة الحج .. رجعت للعمل و الحمد لله ..
رجعت بشخصيتي الحقيقية ، رجعت لنشاطي ، رجعت لنفسي ..
( ما عاد زوجي يهمني ، مثل ما كان يهمني قبل شهر أو قبل 3 أسابيع من دحين ) ..

تعرفي قبل الإجازة ، جلست شهر أقل شي و أنا أروح الدوام و ما أعمل و لااااااااااااااااااااااااشي ؟؟؟
كنت بأدخل لمرحلة الكآبة ، لولا الله ثم انتم و موضوعي هذا اللي نفست فيه عن غضبي ..

كنت عاجزة عن فعل أي شي ..
من عيد الفطر ، لحد عيد الحج .. و أنا بس أنام .. أهرب بالنووووووووووووووووم ..
أروح العمل و أنا وحدة ثانية ،،

يعرفوني نشيطة و مليانة حماس ،، صرت اعتذر عن كل شي يكلفوني به ..
كنت أسأل نفسي وقتها ، معقوووووولة أنا كنت بيوم من الأيام الإنسانة هذيك اللي ما كانت تتعب من العمل ؟؟؟

صلاتي يا أبلة بيتا ،، صارت تضيع مني بالفترة اللي من عيد الفطر للحج ..


.
.

أنا جرحته صح و اهنته ، بس متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

لما أمي ماتت و انقلبوا أهلي علي ( و انظلمت ) و الدليل إنه دحين بدأت تتضح لهم الصور كلها و يعرفوا ..
كنت ارجع و أقول له ( معلييييييه تحملني ) ..

يعني ما كنت مثل ما نسمع حكاوي الرجال هنا ، الحرمة تهينه و تنام و ما همها شي ..

كنت أرجع و أكلمه و أقول له سامحني ( ماني قادرة اتحكم بنفسي ، موت أمي كسرني .. أنا تعبانة ..
نار بداخل صدري ) ..

بس بأصعب موقف ، مالقيت زوجي واقف معاي ..
باللحظة الصعبة اللي كنت ضعيفة فيه ، ما وقف زوجي معاي ..

( هذا مو كفو أبدا ) ..

و أخواتي كانوا يقولولي نفس الشي تصيبهم هذه الحالة ،، كانوا مرات يحطوا حرتهم بأزواجهم ( بعد موت أمي ) ..
يعني مو بس زوجي ..

و أزواج أخواتي تحملوا ماشاء الله ..
و هذا و أزواجهم قايمين ماشاء الله بكل شي و متحملييين مسئوليات أخواتي ..
و لا وحدة من أخواتي تقدر تتحمل جزء من اللي تحملته ..

.
.

لو اترك وظيفتي دحين ، أتحدى ..
يستمر بالكلام الحلو و الرومانسي حقه .. و الي ما عاد يهمني و لا أصدقه ..
لإنه هذا سلاحه الوحيد ..

معيشته عيشة ما عمره يحلم بها ..
ليش أكذب ؟ و ليش أجامل ؟

هذا الواقع ..

.
.

و أنا مازلت مصدقة صحباتي - إنه فيه شي ، لإنه مافي دخان من غير نار - ..
و أدري إنه وراه بلاوي بس ربي ستر عليه ..

بسسسس خلاص عاقبته بما فيه الكفاية .. و أحس إني اكتفيت و استشفيت منه لحد هنا ..

.
.

أنا دحين بأكون عاقلة ، و أكبّر دماغي ..
( بس تعاملي معاه ما راح يكون لإنه زوجي .. لإنه انسان فقط .. )

.
.

اليوم اكتشفت ، إني بديت استعيد قوتي و الحمد لله ، و بديت أقوم على رجولي ..

طبعاً زوجي مسخن و مريض ، ما قصرت معاه و الحمد لله .. و سهرت معاه و ما نمت و اهتميت فيه من يومين ..
على بالك أحد اهتم من أهله ؟؟؟ و لا أحد هامه ..

زوجي صار يدق علي من شغله ، و يقول لي ( تعباااااااااااااااااان مرة و مسخن ووو إلخ ) ..
ما بأقصر معاه .. و أبين له اهتمامي و خوفي عليه ..

بس بداخلي ( ماني مسامحته ) ..
ما أقدر أضحك عليكم و لا على نفسي ..

لو أمي عايشة ، ما كنت جلست معاه ثانية وحدة الآن ..

بس أصعب شي عالشخص ، إنه يحارب نفسه ..
( و أنا بأحارب نفسي ) ..

تقدري تشبهيني بالأخ المتفائل بالله ، إذا قلبي قسي و بموضوع الكرامة و عزة النفس..
و طريقة تعامله مع مشكلته الأخيرة ..

أنا كذا ، و الكل عارفني ..

.
.

أخطائي مع زوجي ( كانت من أجل مصلحته ، و كانت بسبب أغلاطه ) ..
و ما توصل أبدا لمقدار أغلاطه هو ..

لإني جربت الطبطبة بالبداية ، و كلكم قلتوا إنت اللي دلعتيه و خربتيه ..
رميت عليه المسئوليات ، برضو ما عجب ؟؟؟

.
.

( سامحيني على كلامي اللي كتبته الآن ، و لا أحد يحاسبني عليه رجاءً ) ..

.
.

ترى مقتنعة بكلامك و متأثرة به ..

بس غصب عني ، كان لازم اكتب اللي بداخلي ..
و بجد ..

أنا حاليا مو مثل ما كنت قبل إجازة الحج ..
كنت مرة ألصق فيه بعد اللي صار ، مثل الأطفال ما أبغاه يفارقني ..
و اعد الساعات متى يرجع ؟؟؟

دحين و لا اهتميت و لا أطالع بالساعة ..
بس لما يجي راح أبين له إني ميييييييييييييييييتة شوق عليه ..

.
.

عشان كذا قلت ، أخاف على نفسي من نفسي ..
بأعالج حالي ، و أحاول أسامحه .. قبل لا أوصل لمرحلة .. أكون بالفعل ( مستغنية عنه من كل النواحي ) ..

لإني جالسة أفك نفسي من أي قيود تربطني به ..
و اللي منعتنني إني أتركه بعد غلطته ، فجالسة أفك نفسي منها حاليا ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

^
بس يبقى بالأخير ..

أبو أولادي
أول رجل بحياتي
أول تجربة جديدة بحياتي ، و تعلمت منه أمور كثيرة ..
أعتبره أقرب صديق لي .. و الصديق الحقيقي يسامح صديقه و يتقبله بكل عيوبه ..

(( شفتي الصراع اللي بداخلي ؟؟؟ ))

ردي اللي قبل شوي كان من عقلي ..
دحين ردي هذا من قلبي ..

.
.

المرة هذه ، قلبي انتصر على عقلي ..

لا سمح الله لو صار أي تقصير منه ..
وقتها راح أفتح المجال ( لعقلي ) عشان يتربع على الكرسي ..

و لو قفلت باب ( قلبي ) ,,
فأنا جدا قاسية وقتها ، و ما أرحم حالي قبل لا أرحمه ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بيتا

انا بأطلع الافكار السلبية من راسي و اللي انا رافضتها ..
عشان استبدلها بكلامكم ..

.


ليش انا مختلفة عن اهلي ؟
لاني ما اسمح للافكار هذه انها تغلبني

امي كذا ربتني .. انه قلبي يكون كبير و اسامح
كنت اعارضها زمان و اشوفه ضعف ..

بس اكتشفت انه قوة ..
لاتك بتحاربي نفسك .. و هذا اصعب شي ..

.
.

هذا اللي خلاني احب زوجي ..

قلبه كبير و ابيض و يسامح بسرعة
و يشجعني اني اعمل الخير ..

حبيت طيبة قلبه ..

في هذه ..
هو يغلب اهلي كلهم ..

هذا اللي حبيته في زوجي ..
مستحيل يشيل بقلبه ..

و باتعلم منه ..

انا اسامح في كل شي ..
الا الكرامة ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

ابلة بيتا بأقول شي .. بأعطيك مثال و قيسي عليه ..

كنت أدعي برمضان على الشخص اللي فرق بيني و بين أخوي ،، و أنا ما أعرف مين هو ؟؟؟
لإنه أخوي فجأة انقلب علي و اتهمني اتهامات و ظلمني و قسي قلبه علي بشكل غريب ..

سبحان الله ، طلعت زوجته عشان تبرر أغلاطها أمام زوجها ،، كذبت عليه و اتهمتني باتهامات أنا بريئة منها ..

كنت أدعي برمضان على اللي فرق بيننا ..
سبحان الله ، صارت مشاكل بينهم و أنا مادري عنها لإني بعدت نفسي عن أخوي بعد اللي صار ..

بسبب كثرة المشاكل اللي حصلت بينهم و لأول مرة ..
هي بنفسها جاتني و بلحظة كانت منهارة فيه ..
و قالت لي ( ترى أنا اللي فرقت بينك و بين أخوك و قلت له كذا و كذا و كذا )

* عاتبتها ، بس ما قلت لأخوي و لا فتحت السيرة له .. عشان لا أخرب حياتهم و عشان أطفالهم ..
مع إني لو تكلمت ، كان أخوي بيصير بطرفي و بتنفضح أكاذيب زوجته .. بس سكتت ..

زوجته ما سكتت ، صارت تعمل حركات بعد موت أمي الله يرحمها .. و تغلط عالكل ..
أخواتي لقيوا فرصة إنهم يزوجوا أخوي ،، و يوقفوا معاه ضدها و يشجعوه على الزواج أو الطلاق ..

و مع إنه زوجة أخوي ( غلطت علي و كذبت على زوجها عني ) .. و كان ممكن استغل الفرصة و اخذ حقي منها ..
بس ( رفضت ) .. و جالسة أحاول ابذل أي محاولة للصلح بينهم ، حتى لو إنها تكلمت عني و أساءت لي ..
بس ما نسيت العشرة و لا أفضالها علي .. و برضو فرضت حسن النية بتصرفاتها ..
و ما سمعت للكلام اللي وصلني عنها قالته من خلفي ..
.
.

يعني بالأخير ..

صح ممكن أقسي و أتجاهل الشخص و اعتبره ولاشي ، لكن مستحيييييييل أكون ( مع الشر ) ..
أو أأذي انسان ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

[QUOTE=عصامية;2870767]بيتا ..

يعني أخوه مثلا يضحك و ينكت معاي و أنا أتجنبه و حتى زوجة أخوه و اللي هي زوجته شايفتني كيف ما أعطيه وجه،
و زوجي زي الجدار .. ما يحس و لا يغار ..؟؟؟؟

قوليلي أنا عايشة مع إيش بالضبط ؟؟؟

جدار ؟
طفل ؟
مراهق ؟
عايشه مع شخص قلبه طيب جدا أبيض مثل الثلج وما يتوقع سوء النية من أقرب الناس له
.
.

[COLOR="Red"]ا
و أزواج أخواتي تحملوا ماشاء الله ..
و هذا و أزواجهم قايمين ماشاء الله بكل شي و متحملييين مسئوليات أخواتي ..
و لا وحدة من أخواتي تقدر تتحمل جزء من اللي تحملته ..
كل شخص وله ميزات وسيئات وانتِ عارفه انه في ضفات بزوجك يفتقدوها أزواج خواتك .. فلا تقارني

و أنا مازلت مصدقة صحباتي - إنه فيه شي ، لإنه مافي دخان من غير نار - ..
و أدري إنه وراه بلاوي بس ربي ستر عليه ..

بسسسس خلاص عاقبته بما فيه الكفاية .. و أحس إني اكتفيت و استشفيت منه لحد هنا ..
على فكره .. على قد ما هو على نياته على قد ما أنتي شكاكه ... الكل أجمع لك بانه الاحداث اللي ذكرتيها وبالتفصيل تبرئ زوجك ومع ذلك لسه تقولي وراه بلاوي وتتصرفي على هالأساس

اليوم اكتشفت ، إني بديت استعيد قوتي و الحمد لله ، و بديت أقوم على رجولي ..
الحمد لله
طبعاً زوجي مسخن و مريض ، ما قصرت معاه و الحمد لله .. و سهرت معاه و ما نمت و اهتميت فيه من يومين ..
على بالك أحد اهتم من أهله ؟؟؟ و لا أحد هامه ..

بس بداخلي ( ماني مسامحته ) ..
ما أقدر أضحك عليكم و لا على نفسي ..

لو أمي عايشة ، ما كنت جلست معاه ثانية وحدة الآن ..


أخطائي مع زوجي ( كانت من أجل مصلحته ، و كانت بسبب أغلاطه ) ..
و ما توصل أبدا لمقدار أغلاطه هو ..
احنا مو بمعرض نقعد نوزن أغلاطك وأغلاطه ونقيس .. المقصود أنه هو يسامح ويغفر وانتي تحقدي وما تسامحي .

ترى مقتنعة بكلامك و متأثرة به ..

بس غصب عني ، كان لازم اكتب اللي بداخلي ..
و بجد ..
اكتبي :)
أنا حاليا مو مثل ما كنت قبل إجازة الحج ..


ممتاز .. ربي يوفقك ويهدي بالك .. داومي على الاستعاذة من إبليس عصامية .. الخلافات الزوجية أكثر مجال يحب يدخل منه

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

أبلة بيتا ..

كلامك يدخل القلب و العقل من أوسع أبوابه ،، عشان كذا ( لجين ) كانت ترتاح لك .. بجد و الله ..

ترى فيا عيب ، إني حساسة جدا و ألوم نفسي كثير .. حتى أخاف أدخل هنا و ألاقي كلام قاسي ..
بأتأثر و اجلس أيام لحد ما أنسى .. و إنت طريقة عتابك ( مرة حلو ، و نفسي اصير مثلك ) ..

لا تتركيني ،. أبغى أتخلص من الأفكار اللي براسي ..

تدري ..؟؟؟

فكرتيني بأمي الله يرحمها و طريقة كلامها ( تحسيه من القلب ) ..
قالت لي قبل لا تموت ،. و افتكرها لحد دحين و هي راقدة و تعبانة و بدون أي مناسبة .. و لا اشتكيت لها عن شي ..
بس شكله قلبها حاسس بي ..

قالت لي .. زوجك طيب و يكفي إنه ما يجبرك على أهله .. و ما تلقي رجال زي كذا ..
عيبه ما عنده فلوس .. و خلاص عيشي حياتك كذا و أهم شي اضمني بيت لك و لأولادك عشان لا تحتاجي لأحد بعدين ..
و قالتلي ( اتمسكي بزوجك ) ، ربنا الحمد لله أعطاك فلوس ..

و معاك حق ،،
زوجي عنده ميزات ماهي موجودة بأزواج أخواتي ..

.
.

على فكرة ،، الفترة هذه اختلطت مع أهلي و أخواني و أخواتي .. و أحس رجعت أقسي مثلهم لا شعوريا ..
عشان كذا ، أمس طلعت الأفكار من راسي .. و بأحاول أتحكم بحالي و ما أتأثر بطبايع أهلي ..
أهلي فيهم عزة نفس ، لدرجة إنه ما يهمهم أحد ، و يبغوا كل الناس مثلهم ..
و لما دخلت بيت أهلي بالعيد .. رجعت حسيت بالأمان اللي افتقدته ..

أمي الله يرحمها كانت ترتاح لي كثير ، عشان كنت الوحيدة اللي أهديها إذا هي تضايقت من أحد أو كانت معصبة من شي..
كانت تقول لي ( إنت تهديني مو مثل أختك تولعني و تحط لي بنزين ) ..

عشان كذا مفتقدة أمي الله يرحمها ،، كانت متسامحة جدا و دايما تقول لي إنت العاقلة و انسي و روحي سلمي على أختك
و هي عارفة إنه أخواتي و أخواني يغلطوا علي من أيام ما كانت أمي موجودة ، بس كانت أمي تسكتهم و توقفهم عن أذيتي
بس هم يحسبوني مثلهم ، إني أحرض أمي عليهم .. لإنه أمي كانت دايم تجلس و تتكلم معاي ..

بس أمي تعرف كل واحد و وحدة فينا
و أمي تعرف إني أحب مساعدة الناس ، و أمي نفس الشي تفكر بغيرها و ما تفكر بنفسها ..

.
.

بس حابة أوضح إني ما قصدت إنه كلام صحباتي صحيح 100% ..
بس قصدت إني كنت معذورة وقتها ،، و ما ظلمته أو خنته و خدعته و استغليت ثقته ..
أقصد ردة فعلي كانت نتايج لأفعاله ، و هو ما أعطاني مبررات و لا شي ..

.
.

- زوجي لو اكشف أمام الناس ما همّه ، أهم شي ما يكونوا أصحابه ..
- يفرح إذا صابه مرض ، أحسه يتمنى إنه يكون مصاب بمرض .. عشان بس ينام و أنا أرعاه ..
زي زوج خالة قرين ..
- يعني إلا بالقوووووووة يبغى يكون مريض بالقلب ، عشان أحزن عليه و أدلعه و عشان أهله يخافوا عليه ..
يعني مو كفاية متحملة مسئولية الشغالة و الأولاد و البيت و نفسي ، كمان يبغاني اشتغل ممرضة له و اخرج و اشتغل ..
- و كل كلامه من يوم خطبني ، أنا أموت و ترتاحي مني .. يبغاني أبكي و أحزن عليه .. كمان يبغاني أترمّل .. ؟؟؟
بدل ما يقول أتعلم و أدرس و أشتغل و أفرحكم و أريحكم ..

- تحسبوا إني أبغى أتحكم بزوجي ، و أنا مو كذا ..
الدليل إنه أهله يبغوني أتحكم فيه ،، بس أنا رافضة الشي هذا ..
أعطيته حريته بالقرار ، أعطيته حريته بكل شي ، أعطيته الثقة ببداية الزواج و القيادة و كل شي ..

بس دحين اللي بديت أخليه يعطيني تفاصيل المصاريف ، و تفاصيل تحركاته ..

.
.

و أنا قصدت بلاوي وراه ، مو يعني لا سمح الله كباير ..
لإني زوجته و أكيد ما راح يغيب عني الشي هذا ..

بس مثلا ، كنت أصحيه يروح للعمل و ما كنت أطلب منه شي طول الأسبوع ..
كان يقوم الصبح ساعة 8 و يرجع يتغدى ساعة 3 و يخرج للعمل و يرجع الساعة 2 الليل ..

و فجأة ، اسمع إنه انفصل من العمل ؟؟؟
يقول لي ( عشان ما عيّدت عالمدير بعد الإجازة ، قام فصلني ) .. <-- حدث العاقل بما يعقل ؟؟؟
و مرات يقول لي ( انفصلت بسببكم ، عشان بأعمل أشغالكم و عشان بأنام و ما أروح الدوام عشانك ؟ )

قلت له ، ما أفتكر مرة طلبت منك شي بوقت دوامك أو خليتك تنام و تغيب عن العمل ؟؟؟

.
.

اكتشفت بعد الحكاية هذه ، إنه ما كان يروح الدوام ، و كان يروح يلعب بلياردوا ..

هذه هي البلاوي اللي وراه و غيرها الله أعلم بها ..
هل معناها ( إني شكاكة ) ؟؟؟

( مو بسببه صرت أشك فيه و ما أصدقه ؟ )

يعني شكوكي بسببه ..

.
.

بس دحين مريحة راسي ،، لإني أقسمت ما أتعب حالي ..
لو شكيت بشي و حسيت إنه رجع مثل قبل بأكاذيبه و اهماله ..

خلاص ( الإنفصال ) ..
عشان كذا بأعمل كل شي أقدر عليه الفترة هذه ، و ما أزعله أبدا و أداري خاطره ..
عشان ما ألوم نفسي أبدا ..

و قدامه دحين 3 أسابيع عشان يخلص الشغلة المؤقتة حقته هذه ،، و بأشيل يدي من المصاريف ..
يا يلاقي شغل و وظيفة لنفسه .. يا المرة هذه ( راح أطلب إنه أخوي الكبير أو عمي ، يتدخلوا بالموضوع ) ..

لإني رجعت له بشرط ( إنه قال لي تغيرت و صحيت و صرت انسان تاني ) ..
و ما راح أجلس مع واحد عاطل ..

لمتى يجلس عاطل ؟؟؟
دوامه الحالي من الظهر لحد الليل ..

بأتقصد الأيام هذه ،، إني أقوم الصبح ، عشان أروح العمل و يوصلني هو و ما يرجع ينام ..
عشان لا ينام لحد الظهر ، و يروح يلف عالدواير الحكومية و الشركات و يدور عن وظيفة لنفسه ..

مع إني أنا ماعندي دوام كل يوم ..

عندي يومين بالأسبوع و الباقي ( أووووف ) ..
بس بأقوم و أروح للعمل ، عشان يصحصح و ما تكون له حجة بعد كذا ..

و نفس الوقت ، أحاول استفيد من وقتي هناك بالعمل ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بأصحح نقطة قلتها .. ( علشان أكون منصفة ) ..

زوجي مو أحسن من أزواج أخواتي .. كفّتهم متساوية الآن ..
كنت زمان أشوف إنه أفضل منهم ، لإنه كان يهمني أسلوب التعامل ما أنظر للناحية المادية ..

( لا أحد يقول جالسة تقارني ، لإني ما أقارن زوجي بأي أحد و ضد المقارنة و أعرف إنه غلط ، لكن عندي مقاييس للرجولة )

- أزواج أخواتي ، ما يسمحوا لأخواتي يناموا عند بيت أهلي .. و يتضايقوا لو يروحوا كل يوم ..
زوجي كان ما همه لو أنام كل يوم ، عشان يرتاح من المصاريف و يرمي مسئوليتي على أهلي و عشان بكيفه يسهر ..
كان يقول هذا جزاتي عشان انبسط إذا شفتك مبسوطة ؟؟؟ بس كذاب ..

- زوج أختي ، لازم يخلي أختي تطبخ كل يوم و ما يحب أكل السوق .. لإنه هو اللي بيجيب المقاضي و يصرف عالبيت ..
زوجي ما همه ، لإني لو ما طبخت .. بأطلب أكل من برة .. و لو طلب إني أطبخ ، راح أطلب منه يجيب مقاضي ..
و لو مافي شي بالبيت ، بأدبر حالي و ما عمري تركته جوعان ..
و عادي عنده ( معليه عالوصف.. لكن مثل أشعب .. عادي يشوف أي واحد ياكل و يروح يشاركه الأكل بالعمل أو أي مكان )

- أزواج أخواتي يهتموا بمجاملة أهاليهم ، زوجي ما همه .. لإنه ما يبغاهم قريبين مني و ياخدوا أخباره ..
لإنهم يتحكموا فيه ، يعني مو علشاني ..

( ميزة زوجي ، إنه يهتم فيا قدامهم و ما همه أحد ، و يدافع عني و ما يخلي أحد يغلط علي )

- أخواتي كلهم عايشين ببيوت ( ملك لأزواجهم ) ماشاء الله ..
أنا عايشة ببيت أنا دافعة ثلاث أرباع إيجاره ، و السنة هذه ..
زوجي راح يدبر الإيجار بإنه يستدين من أصحابه لإني شلت يدي ..

- أخواتي يسافروا على حساب أزواجهم ، و يروحوا استراحات و مسابح و تمشيات و أزواجهم يذبحوا لهم ذبايح ..
و لما نروح عندهم ،، العشا و الحلى على حساب أزواجهم مثل بقية الناس .. و أخواتي يعتبروه شي مفروض على أزواجهم ..

أنا لو بأروح أي مدينة قريبة مننا ، أنا لازم أدفع أقل شي 200 ريال عشان يفحص السيارة ..
و 1000 إيجار السيارة و غيره .. و عقيقة ولدي زوجي ما ذبحه ..

( لا تقولي ما عنده فلوس و مسكين ،، في بريطانيا كان راتبه يزيد و كان يجيه فلوس و ما عمره ذبح ذبيحة و لا لعقيقة ولده )

و لو رحت عند أهله و حبيت أخد شي معاي ، على حسابي ..
و لو ناديت أحد من أهلي عندي أو رحت لهم ، برضو على حسابي ..

( بس إنه زوجي يوصل الأغراض بدل السواق .. و أبين قدام الكل إنه زوجي اللي متكلف بكل شي ) ..

- أخواتي كل ملابسهم و ملابس أولادهم من جيب أزواجهم ، و حتى الشغالة و السواق و مصاريفهم ..
و أخواتي ( مو عاجبهم كمان الشي هذا ، و يتحكموا إنه أزواجهم ما يصرفوا على أهاليهم ) ..
و قلت لهم ، دام زوجك يصرف عليك و مو مقصر معاك .. مالكم دخل يصرف على أهله أو لا .. بس مو عاجبهم ..

أنا ما يحتاج أحكي عن زوجي ..
و فوق هذا كله ، زوجي بيسمع مني كلام حلو .. و أكثر وحدة أنا بأخواتي اهتم بمظهري و لبسي و بأولادي ..
و أعرف و أفهم بالأتيكيت و الأصول و الحمد لله .. و احترم أهله و أقول له ( أمك و أبوك ما تقصر معاهم ) ..
و كانت أمي دايم تخليني أتواصل مع الناس نيابة عنها لإني أبيض وجهها مع الكل .. يعني مبيضة وجه حماتي و أخواته ..

.
.

الميزة اللي يشوفوها أخواتي بزوجي ،،

- إنه يدلعني أمام الكل .. بس هذه الحركات زوجي يتقصد يظهرها أمام الكل ..
عشان يحب يقهرهم ، مثلا يتقصد يدلعني قدام سلفتي .. عشان تروح و تقول لزوجها إنت ما تدلعني مثل أخوك ..

كنت أشوفها ميزة ، بس ما عاد تهمني بعد اللي صار ،، لإني ما أصدق مشاعره ..

- يتكلم معاي كأني صحبته و يهتم برأيي ، بس الفرق في الشي هذا .. بسبب أسلوبي مختلف عن أخواتي ..
وحدة من أخواتي زوجها يتضايق لإنها ما تتكلم أبدا و يسميها الجوال الصامت .. و التانية بس تحش في الناس
و كل كلامها عن فلانة و علانة و هذه اللي سببت لي مشاكل مع أهلي و سببت الفتن .. و زي كذا ..
و وحدة تقول عشان فرق العمر بيني و بين زوجي كبير ، فيعتبر كلامي ماله قيمة و ما يعجبه كلامي ..
و هذه تعليمها أقل شي فينا ، و كل كلامها .. أبغى اشتري و أبغى و أبغى .. إلخ ..

خليني أطفشه بالكلام ،، راح تطلع أخلاقه المستخبية ..
زي ما طلعت بالفترة الي كنت تعبانة فيها بسبب موت أمي ، و كنت محتاجة فيه لوقوفه ..

بس الصاحب اللي يتخلى عني بأشد وقت أكون محتاجة فيه له ، هذا مو صديق ..
أنا مابغى صديق لي ، يبغاني بس وقت ما أوقف على رجولي ،، و يبغاني بس أضحكه و أدلعه و اهتم فيه ..
و إذا طحت ، رماني بسهم الغدر و الخيانة .. و جلس يدور اللي تعطيه كلام حب ( رخيص مثله و من نفس مقداره ) ..

.
.

و فيه شي أخير يميزني عن أخواتي ..

أنا اهتم ( لدين زوجي و آخرته ) .. و أنصحه و أدله لطريق الخير ..
أخواتي ما همهم لو زوجها قام يصلي أو لا .. تقول لي وحدة من أخواتي ، بيدخل القبر لوحده ماهمني ..
و التانية كانت تسمع أغاني 24 ساعة ،، و زوجها اللي علمها كيف تهتم بصلاتها و بالقران ..

يعني زوجي ( يحمد ربه ) ..

مال + نسب + أخلاق + جمال + دين + بكر + ولود + ودود + وظيفة مرموقة + شهادة عالية ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

+ تربية + ما أعرف رجال غيره و أول رجال بحياتي و آخر رجال بإذن الله + عفيفة و صاينة عرضه و فراشه
+ بارة بأمي و أبوي ..

خليه يجي يقول إيش ناقصه ..

لو إنه ( الإخلاص و الوفا .. مو من طبعي .. كان بسهولة تركته دحين مثل أي وحدة تترك زوجها و ما تفكر فيه )
بس لإني هبلة و غبية .. و مصلحة أولادي و استقرارهم أهم شي عندي ..

بس مثل ما قالوا أهله و اللي هما أهله ، و أصحابه .. و الله يعز السامعين ..

ذيل الـ .... أعوج ..

.
.


معليييه أبلة بيتا ..
بس لمتى انتقص من حق نفسي و اجلس طول حياتي أحاول اصلح من نفسي و أنزل من مقدار نفسي عشانه و عشان أهله ؟؟


أسألي الصائمة لله ،، قد إيش حاولت و سعيت عشان أصلح بيتي ..
و مازلت ألوم نفسي ..

أهله يبحثوا عن فرصة ( يذلوني فيه و يتحكموا فيا ) ..

لازم أكون ( معتزة بنفسي ) و أكون كذا ..
عشان أهله يحسبوا لي حساب ،، و هو ككمان ..

لما أصير طيبة بزيادة ، زوجي أول واحد يدعسني و يدوس علي ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

أخوي البليغ ..

رضيت بنصيبي و هذا سبب سكوتي إلى الآن ..

و أنا عشان كذا بأتابع الآن مع بيتا ..
عشان عالأقل أعيش و أنا مرتاحة ..

لإنه أنا اللي لازم أتنازل ، و لازم أغير أفكاري ،،
أو عالأقل ( أضحك على حالي ) ..

شكرا لمشاركتك ..
و راح اقفل حلقي مثل ما طلبت ..

.
.

أتوقع لو إني رجال و جيت كتبت الأمور هذه عن زوجتي ..
كنت قلت لي ( روح تزوج إمرأة أخرى ) ..

لكن لإني إمرأة ..
فالحل ، أرضى بنصيبي ..

شكرا لك ..
و اعتذر عن إزعاجي لك ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

[QUOTE=عصامية;2871068]أبلة بيتا ..

كلامك يدخل القلب و العقل من أوسع أبوابه ،، عشان كذا ( لجين ) كانت ترتاح لك .. بجد و الله ..
أشكرك :)
ترى فيا عيب ، إني حساسة جدا و ألوم نفسي كثير .. حتى أخاف أدخل هنا و ألاقي كلام قاسي ..
بأتأثر و اجلس أيام لحد ما أنسى .. و إنت طريقة عتابك ( مرة حلو ، و نفسي اصير مثلك ) ..

لا تتركيني ،. أبغى أتخلص من الأفكار اللي براسي ..
معك حبيبتي
تدري ..؟؟؟

فكرتيني بأمي الله يرحمها و طريقة كلامها ( تحسيه من القلب ) ..
قالت لي قبل لا تموت ،. و افتكرها لحد دحين و هي راقدة و تعبانة و بدون أي مناسبة .. و لا اشتكيت لها عن شي ..
بس شكله قلبها حاسس بي ..

قالت لي .. زوجك طيب و يكفي إنه ما يجبرك على أهله .. و ما تلقي رجال زي كذا ..
عيبه ما عنده فلوس .. و خلاص عيشي حياتك كذا و أهم شي اضمني بيت لك و لأولادك عشان لا تحتاجي لأحد بعدين ..
و قالتلي ( اتمسكي بزوجك ) ، ربنا الحمد لله أعطاك فلوس ..
رحمة الله عليها ... دام انها أمك اللي تعرفكم وتعرف زوجك عدل تقول هالكلام ما بقى لنا شي نقوله :)
و معاك حق ،،
زوجي عنده ميزات ماهي موجودة بأزواج أخواتي ..


- زوجي لو اكشف أمام الناس ما همّه ، أهم شي ما يكونوا أصحابه ..
واثق فيك بزيادة روح .. مو قلة غيره ..
- يفرح إذا صابه مرض ، أحسه يتمنى إنه يكون مصاب بمرض .. عشان بس ينام و أنا أرعاه ..
زي زوج خالة قرين ..
- يعني إلا بالقوووووووة يبغى يكون مريض بالقلب ، عشان أحزن عليه و أدلعه و عشان أهله يخافوا عليه ..
يعني مو كفاية متحملة مسئولية الشغالة و الأولاد و البيت و نفسي ، كمان يبغاني اشتغل ممرضة له و اخرج و اشتغل ..
- و كل كلامه من يوم خطبني ، أنا أموت و ترتاحي مني .. يبغاني أبكي و أحزن عليه .. كمان يبغاني أترمّل .. ؟؟؟
بدل ما يقول أتعلم و أدرس و أشتغل و أفرحكم و أريحكم ..
عنده نقص حنان واهتمام .. شي افتقده من أهله ووجده عندك وعجبه الطعم حيل قام أكل كل اللي بالصحن والصحن كمان ههههه

هل معناها ( إني شكاكة ) ؟؟؟

( مو بسببه صرت أشك فيه و ما أصدقه ؟ )

يعني شكوكي بسببه ..
نعم .. هو كانت له تصرفات تخليك ما تصدقيه .. ما أنكر ... لكن أحس انه تغير كثير عن أول .. فحاولي تنسي فترة بريطانيا .. الحين اللي عندك شخص ثاني
بس دحين مريحة راسي ،، لإني أقسمت ما أتعب حالي ..
لو شكيت بشي و حسيت إنه رجع مثل قبل بأكاذيبه و اهماله ..

خلاص ( الإنفصال ) ..
عشان كذا بأعمل كل شي أقدر عليه الفترة هذه ، و ما أزعله أبدا و أداري خاطره ..
عشان ما ألوم نفسي أبدا ..
خير ان شاء الله

حمد ربه من زمااااااااااااان ولا زال يا روح :) تتذكري وقت خطبك لما قال لك بأنه ما كان متوقع انك توافقي عليه وانه ........

بتعرفي؟ ... أظن بأنه لو كان موجود لنصحته يخفف تدليل وافتخار فيك .. الظاهر شفتي حالك عليه من دون ما تحسي على نفسك من كثر ما استكثرك على حاله وقت خطبك ويمكن للحين

حاولي تركزي بالحاضر حبيبتي .. ولا تخلي الماضي يأثر على حاضرك ...

لما قلت شكاكه قصدت بأنك دائما تنتظري منه يكذب ويراوغ ..( لأنه اللي ينقرص من الحيه يخاف من جرة الحبل )
حاولي تفتحي ضفحة جديدة ولا تتذكري أغلاطه .. سامحي بمعنى انسي تماما اللي صار

لاحظي أنه كل انتقادك له بأمور ماليه .. يعني مثل ما قالت الوالدة الله يرحمها عيبه انه ما معاه فلوس ومثل ما قلتي أنه زمان كان كمان ما يعرف وين يصرف فلوسه بطريقة صح .. ما بعرف اذا هالصفة لسه موجودة فيه وللا لأ. لكن منبع المشاكل كلها مالي .

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

انت مسكتي خيوط المشاكل كلها و أوجزتيها .. و سامحيني دوشت راسك ..
كنت بأطلب من الإشراف يقفلوا الموضوع خلاص ، عشان لا أتعبكم معاي ..

بس ردك الأخير أعطاني الأمل ..
حسيت كأنك عايشة معانا ..

و أحسك فاهمته مررررررة ..

بجد ، لو كلامي يزعجك .. اطلبي مني أتوقف ..

أحس إني بديت أوصل للهدف خلاص ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اقتباس:

( ما عاد زوجي يهمني ، مثل ما كان يهمني قبل شهر أو قبل 3 أسابيع من دحين ) ..

لماذا لا يهمك ؟
وهل أنت تشعري بمد وجزر بعلاقتك بزوجك هذه الفترة ؟
أم ماذا .. آمل التوضيح .

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

لماذا غضبتِ من ردي بارك الله فيك؟
وهل تريدين مني أن أقول لك تطلقي منه -سامحك الله- كي يكون الأمر مساوياً لو قلت لرجل تزوج بأخرى؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

............

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

حبيبتي بيتا ..
خليني معليه أعلق بس على كم شي ..

1.
أمي ما تعرف أي شي عن زوجي .. و كان لازم أحسسها إني مرتاحة و هي بآخر أيامها ،.
الناس يحكموا عالظاهر ، و يحسبوا إني أتكبر عليه لإنه فقير و عشان وظيفتي ..
بس و الله ما عمري حسسته بالفرق .. و اللي يشوف زوجي
( مظهره بريئ ، و مظهر الناس الصالحين .. و هذا اللي يساعده بتصديق الناس له و انخداعهم به بسهولة )

بس مجرد ما أي واحد ينقرص من زوجي ، يقوم يعرف ( الحقيقة ) ..
و أولهم أهله و أمه و أبوه .. عارفينه مضبوط ..

( لكن ارجع .. و أعترف إنه تغير الآن )

.
.

2.
راح أنسى بريطانيا ، و راح أحكم عن فترة رمضان هذا ؟؟؟ ( مثل ما طلبتي : ) )
استلم راتبه و أنا ما أدري، و انصرف كله و ماعرف فين صرفه .. أكيد دفع فيها قيمة جواله و بلياردوا !!؟
و أنا شهر و نص وقتها و شايلة مصاريف البيت ..
و كل مرة أقول معليه لحد ما يستلم راتبه لا تضغطي عليه ..

لما سألته يوم 20 رمضان : ( مو المفروض الراتب تستلمه يوم 12 رمضان .. ليش ما نزلوه لك ) ؟؟؟
عصصصب و قال استلمته و انصرف عليكم وووو إلخ .. و ما عندي و لا ريال و صرخ علي فجأة ..؟؟؟
و جالس يشككني بنفسي ، إنه هو اللي بيصرف علينا من أول و أنا ما بأعمل و لا شي ,, ؟؟؟

و بنفس اليوم ، عزم بنت الشوارع ( الرخيصة مثله ) بالمطعم و صرف 120 ريال ، بيوم 20 رمضان ..
لو إنه ( آدمي ، أو بداخله ذرة رجولة و إنسانية .. كان قال 120 اشتري فيها لولدي حليب عالأقل ) ..

عندك تبرير لتصرفه ؟؟؟
و لا كمان نرمي كل شي عالشيطان ؟؟؟
كويس برمضان و الشياطين محبوسين .. و هما بريئين منه ..

( بس برضو خلاص .. زوجي قال حاسبيني من دحين ..
لا تحاسبيني عن اللي قبل ،، و أنا وعدتك إني تغيرت ، و اعترف بغلطي ..
فراح أستنى لحد ما يتوظف )

.
.

3.
بالنسبة لمقارنتي به مع أزواج أخوات ..
( لإني كنت انظر للناحية الإنسانية و المعنوية و الحسية ، فكان هو الأفضل )

لكن بما إنه الآن ، زوجي ( هو الأسوأ تربية و سلوكا و قلة الأدب و الحياء و البخل و كل شي )
فقمت اضفت الناحية المادية بالمقارنة .. عشان تعرفي إنه مرتاح من بينهم كلهم ..

و زوجي (دحين) اللي ( بدأ ) ما يخلي أحد يتعدى علي من أهله، و لا زمان كان يدق راسنا ببعض
و يتفرج .. و يكون هو السبب بكل اللي يصير منهم ، لإنه كان يكذب عليهم و يرموا أغلاطه علي ..

و ما وقفوا أهله عند حدهم ، غير بعد ما أخدت موقف منهم و قاطعتهم، علشان لا نغلط على بعض أكثر ..
و رجعت علاقتنا تتحسن ( لإنه زوجي خلاص انكشف أمامنا .. إنه كان يلعب عالحبلين ) ..

( برضو .. نسيت اللي فات .. و بدأ بالفعل الآن بشكل مختلف .. و تحسن كثير ..
بالمقابل .. صرت اطلب منه إنه ما يقصر أبدا في حق أمه و أبوه .. عشان ربي يرضى عليه )

.
.

4.
غالباً .. ما يكلمني كأني صاحبته إلا قدام الناس و يستخف دمه و ينكت ، يعني ( شوفوني يا ناس ) ..
عشان كذا ، كنت أعرف إنه انسان ( من داخله هششش و ضعيف و إمعة ) .. و الناس تغبطني عليه ؟

و ما اكتشفت الشي هذا و فهمته ، غير من تعامله مع ولده ..
يعني كان زوجي بالغربة ، يطنش ولده و يقسي عليه بالبيت و يهمله .. و لما نطلع برة و نركب الباص أو القطار
و الناس تمزح مع ولدي و يقولوا ( واااو كيوت و حلو ) .. تلاقي زوجي يدللللللع ولده و يفتخر به و يهتم فيه
و يبان قدام الناس ( كأنه الأب المثالي و الحنون ) .. أتمنى تكوني فهمتي علي ..

( بس خلاص .. اللي فات مات ..
و دحين فعليا .. صار زوجي يتعامل معاي بصدق و صراحة و ثقة و يشكي لي همومه و يفضفض لي )

.
.

5.
ما عمري شفت حالي عليه .. كل الناس تحسب الشي هذا لإنهم شايفين الشي الظاهر ..
كنت بفترة الخطوبة أقول له ( لا تقول زي كذا ، لإني بأتضايق و بتخلي الشيطان يدخل بيننا )
فتوقف من وقتها ..

بالعكسسس .. اللي ( كان ) مخرب علي و عليه ..
إنه دايماً ( كان ) يحاول يضيع ثقتي بنفسي و يهز شخصيتي ،،
و يا ما شككني بنفسي و خلاني أكذب نفسي و اصدقه ، و كم مرة يخليني احتار و أغلّط نفسي عشانه ..
خلاني أعيش بمد و جزر مثل ما وصف الأخ أبو حكيم طوااااال فترة زواجنا ..

( بس الحمد لله .. استرجعت ثقتي بحالي )

**************************************************

و اخر شي ..

أجي للنقاط اللي اتفق معاك و اللي قلت لك ، إنك مسكتي خيوط المشاكل كلها ..
و راح أكون صريحة ..

1.
صحيح إني كنت أتضايق من ( استكثاره لي على نفسه ) و أكره الشي هذا و مو من أخلاقي و أمنعه ..
بس بالفترة الأخيرة و لما نفسيتي تأزمت من مواقف أهلي و موت أمي، و تعبت من أكاذيبه و مراوغاته ..
الصراحة انفجرت لأول مرة عليه و أهنته بالشي هذا ( و لإنه كان معتبر البيت فندق له )

و هو بدأ و استفزني و تغيرت أخلاقه لما شاف ماعندي أحد ، و قلت لك :
( هو اللي تعامله تغير و صار يعاملني مثل ما أخوه يعامل زوجته ،
خاصة .. لما تطمن إنه أخوي الكبير زعلان مني و مالي ظهر غيره .. و أمي خلاص ماتت )

وقتها .. قلت له :
( إنت تكون إيشششش بالضبط ؟؟؟ إنت كذا و كذا و كذا و كذا .. )
عددت له كل عيوووووووبه و ما تركت شي ما قلته له ..
و قلت له ( أنا أكرهك .. تعرف إيش يعني أكرهك ؟؟؟ و أبوك كان صادق لما قال عنك كذا .. )

و قبلها بفترة ، أخواته قالوله بالواتس ( إنت الحرمة بالبيت ، و زوجتك هي الرجال .. الله يعينها عليك )
طبعا نفس الوقت إذا زوجي مدحني قدامهم ( قالوله إنت تييييس لزوجتك .. عمرك ما تصير آدمي ) ..

بس رجعت و اعتذرت له و بكيت و قلت له ( تعبانة أنا ، تحملني الفترة هذه .. بداخل صدري نار تحرقني )

.
.

عشان كذا ، لما قلت له ( ليش قلت للوقحة هذيك .. إنك تعرف بنات و عندك علاقات مع بنات ووو إلخ .. )
قال لي ( ما أعرف ، يمكن عشان أبين إني واحد و الله البنات يجروا وراه و عندي معجبات ؟؟؟
و أحسس حالي إني مرغوب ؟ يمكن عشان ترجعي تهتمي فيا ؟ يمكن كنت بأقلد ؟ ماني عارف ليش قلت كذا )

طبعاً ..
أنا عارفة إنه زوجي ماله علاقات مع بنات مثل ما قال لها ، لإنه ما عمره حط رقم سري لجواله غير برمضان
و تصرفاته ما كانت مريبة غير من رمضان و ما صار يخاف على جواله غير برمضان ..

(( بس يا بيتا ، هذا مو طبعي أصلاً .. قلت لك كنت تعبانة بالفترة هذيك و قلت له فترة مؤقتة و تحملني ))
و تداركت خطأئي ، و صرت احط حرتي هنا بالموضوع اللي نزلته اخر شي برمضان ..

يعني المختصر ..
صح ، شفت حالي عليه بالفترة الأخيرة .. عشان ما أبغاه يجلس معايا شفقة علي ،،
و هو كمان بدأت أخلاقه تتغير .. و ما كنت أبغى أحسسه إني ضعيفة من غير أمي و لا أخوي و أهلي ..

و هذه وحدة من أسباب رجوعي له .. لإني عارفة أنا غلطت في إيش ..
و هو غلطي الوحيد تجاه ..

.
.

2.
لما قلت شكاكه قصدت بأنك دائما تنتظري منه يكذب ويراوغ ..( لأنه اللي ينقرص من الحيه يخاف من جرة الحبل )

عشان كذا ، حياتي كانت معاه ( مد و جزر ) .. و هنا أساس المشاكل كلها ..
ما كان يعدي يوم ، إلا لاااااااااااااااااااااااازم يكذب .. المهم يكذب .. (كان) مريض بالكذب و المراوغة ..

عيشني معاه ( بمرض )
تويي اللي بديت أحس بإستقرار نفسي معاه و لأول مرة ..

.
.

3.
حاولي تفتحي صفحة جديدة ولا تتذكري أغلاطه .. سامحي بمعنى انسي تماما اللي صار
راح أسمع نصيحتك ، و راح أنسى ..
بشرط ، عندي طلب منك .. تعطيني نصيحة أخيرة من قلبك الكبير عشان انسى ..

.
.

4.
لاحظي أنه كل انتقادك له بأمور ماليه

و لاحظي إنه هو اللي مجرد ما يلاقي وظيفة ، يتنكر لي و يشيل يده ،، و هو اعترف بلسانه
( إنه هو رافض لتحمل المسئولية .. و لسى يحتاج لوقت عشان يحس إنه صار أبّ لأولاده ) ..

و أنا وعدته قبل أسبوعين، إنه مجرد ما يلاقي وظيفة و يدفع ايجار البيت هذا ..
إني راح أوقف معاه و أريحه مادياً .. لإنه بالأخير
( الفلوس لي و له و للأولاد ، و نحن عيلة وحدة و روح وحدة و قلب واحد ) <-- نصيحة فاكهة الشتاء
و إني ما راح أجلس طول عمري اتفرج عليه و هو يشتغل و يصرف علينا و يتبهدل براتب ضعيف ..
بس لازم أحس إنه تغير بالفعل ..

و ما وعدته ، إلا لما شفت جديته .. و شفته بدأ يبحث عن أحد يساعده بالإيجار ..
و عشان يعرف بس .. إنه إيجار البيت من مسئوليته و يحسسس ..و لما شفت تغيره للأفضل ..
فقلت أعطيه أمل و أحسسه إني حاسة به ..

بس لازم أشوف إثبات ، إنه تغير ..
بإنه يدفع إيجار البيت + يشتغل و يصرف عالبيت و أعرف متى راتبه نزل + ما يسهر غير مرة بالأسبوع
+ ما يكذب ..

.
.

5.
برضو ما أنكر إنه وقوف زوجي معاي و اهتمامه بي أمام أهله ( بيحسسني بالأمان معاه وسطهم ) ..
و حرام أنكر فضله علي ..