|
رد : لااود الرجوع لزوجي
مقتدر ماديا كنت ابي فيها شي وايضا الحب
|
رد : لااود الرجوع لزوجي
روح الطير
قبل مايخطبني زوجي كنت اتمنى زوج مقتدر ماديا وبعد ماخطبني زوجي اعجبت بااسلوبه ويمدح نفسه ويقول انا انسان هادي وطيب ووالخ بس بعد ماتزوجته تفاجأت منه الله يشهد علي اني ابي زوج يحتويني ويحبني ومايقصر معي بشي مو يبخل علي حتى حديثه يخوف معي صرت مااحب اجلس معه لان عنده رواسب قديمه ضد المراه |
رد : لااود الرجوع لزوجي
واضح زوجي مايحبني لانه متعود على الزواج المتكرر وبالسر والطلاق
احيانا يجوعني ويقول وين اللي يقولون عنك صبوره |
رد : لااود الرجوع لزوجي
زوجي سألني بعد الملكه وش الي تبينه مني اوفره لك بعد الزواج قلتله ا لامان والثقه
انسان فيه طيش وماعنده الا الطلاق حتى كلامه معي في الملكه المراه ماتحب الزوج لنفسه وانما لغيره والمفروض يطلق الزوج إذا بدر من زوجته اي تقصير يعني قبل الخطبه وفي الملكه واحنا في الطايف يكرر علي هالكلام صرت اتهرب منه حتى في الشقه ووضحت له اكثر من مره يغير اسلوبه في تلحديث ويكون عن الرومانسيه ونتذكرزواجنا او يكلمني عن قصة حياته او حياتي مو هالحديث الممل تخيلو حتى بعد العلاقه مباشره وفيه نوم يحب يفتح سيره عن سيئات المراه |
رد : لااود الرجوع لزوجي
متأكده زوجته ام عياله مابدر منها اي خطأ واحس انها ملتزمه
لانه يقول فاهمه الدين خطأ ومتأكده من التزامها معه ويفضل اليهود واليهوديات على المسلمين كل حديثه ممل |
رد : لااود الرجوع لزوجي
هالمره دست على كرامتي وارسلت له رسايل حب وشوق مو طلبات ومارد علي
إذا الله كتب نجتمع تحت سقف واحد ببري ذمتي وانام معه في نفس الغرفه وعشان كلام الناس مابي اتطلق الحين بس الرسايل كلها طالعه مو من قلبي ابدا ولاجبت سيرة الاثاث عشان مايقول طمعانه لو طيب معي وحنون وكريم كان بحبه من كل قلبي بصبر عليه عشان ابري ذمتي يارب تعين وتفرج همي |
رد : لااود الرجوع لزوجي
الله يفرجها من عنده ياقلب مشغول
اتوقع عنده صدمة من الحريم انتي اعكسي له الصورة وحاولي تثبتي له انك مو طمعانة فيه يمكن راح تتعبين شوي بالتحمل بس لعل اهتمامك فيه لذاتك راح يغير كل شعوره لا تكثري رسايل حب اكثر من اللازم وخاصا انها مو طالعة من قلبك عشان لا تصير مملة وبايخة رسالة في اليوم تعبرين فيها عن شعورك تكفي وخاصا لا صارت صادقة ومن قلب لا تجاملي الظروف بل حاولي تسوي اي شي له من قلبك لانه زوجك ولك الاجر اذا تعبتي معه وتحملتي فكك الحين من الاثاث وغيره ركزي عليه هو فقط ولا تنسي يا قلب مشغول ان الدعاء وركعتين بالليل يمكن تكون فرج لما انتي فيه ادعي الله يألف بين قلوبكم بتصرفاتك انتي وانتي فقط من تستطيع ان تغير نظرته السلبية اتجاه النساء احتويه بس لا تنافقي شعورك اغذقيه حنان واهتمام وحب واحتواء وكلام معسول جربي مانتي خسرانة شيء انتي الوحيدة الي تقدري تخليه يحب ماتحبينه ويعشق ماتعشقينه حاولي بكل اسلوب يخليك تتربعي بقلبه لا تملين لان المشوار لسه قدامك طويل ان كنتي لا تريدين الانفصال لابد من الصبر لين توصلين مرادك برقي .. انا على يقين انك راح تنجحين لانك امراة ذكية |
رد : لااود الرجوع لزوجي
ايه حبيبتي لمسة غروب
مااكثر رسايل حب ان شاء الله ربي يعطيني الاجر على الصبر عليه وراح اجرب معه كل الوسايل اللي تقربه مني ومايضايقني لاني احب الرجل الحكيم والهادي مشكوره حبيبتي الله يسعدك كلامك يريح ويرفع معنوياتي بارك الله فيك |
رد : لااود الرجوع لزوجي
المهر راح كله
كنت اتمنى اني متوظفه واعطيه المهر وارتاح منه إذا تذكرت البيت احس بقهر ناوي يخليني اجلس فيه وبأثاث طليقته حتى يشتري السروال ويقصه من تحت ويقول ابيك تخيطينه بيدك من تحت يارب الصبر غلطتي صرفت المهر كله تورطت مع هذاالزوج تاركني عند اهلي لامصروف ولاشي انسان جبار مايحب الاعمره عايش حياته اخته ترسلي في الواتس ماقدرت ارد عليها خجلانه منها ونفسيتي تعبانه من تصرفات اخوها لاحول ولاقوة الا بالله |
رد : لااود الرجوع لزوجي
والله العظيم عمرى ما شفت كده يا اختى الله يهديك فى عروسة تدخل بدون ان ترى شقة الزوجية وتغير فيها كل ما تريد واللى كان كل اللى يهمك بعد 5000 الهدية المهر ومش مهم اى حاجة تانية يا اختى انا مستغرب كيف يتم العقد والدخلة فى عشرة ايام بدون تحقق من شخصيته والتعرف عليه والاقتراب منه ... لا حول ولا قوة الا بالله يا اختى عدنا مثل شعبى بيقول يا واخد القرد على ماله يروح المال ويبقى القرد على حاله يعنى لو كلفتم نفسكم مكالمة الى طليقته كنتى علمتى كل هذا منها اخشى ان يكون هذا بسبب ظلمك الى ابو اطفالك اكثرى من الاستغفار ولا تنسى استخارة الله عز وجل وان كانت هذه استخاره متآخرة ولكنى فى النهاية اشعر ان الله لن يضيعك لانى اشعر ان بكى بخير كثير وحب لله ولرسوله ولدينة ثبتك الله وصرف عنك كل هم وضيق وكدر |
رد : لااود الرجوع لزوجي
اخي ابومريم
طليقي دعا علي بعد الطلاق بعدم التوفيق لاني تركته وكان يبكي يقول ارجعي لي وعطيني فرصه واتغير ماعطيته فرصه انا السبب وبعد ماجاب ورقتي دعا لي بالتوفيق الله يشفيه ماشاء الله الحين صار يصلي قيام الليل وعند ابوه وقطع رفقاء السوء ماظلمته ابو عيالي كنت اعشقه واخاف عليه كنت مصدومه انه تغير ومو مصدقه انه انتكس لحد الان مو مصدقه زوجي خدعني وخدع اهلي بكلامه المعسول وانا على طول اصدق بعد الملكه استغربت منه يسألني في فترة الملكه تحسين اني صالح قلت ان شاء الله قال وش دراك اني رجل صالح قلتله قلتلي تصلي بالمسجد توقعت بيته حلو لانه يمدح نفسه ماتوقعت بيته كذا لان الكل صار يهتم بديكورات البيت وتجديد الاثاث كنت مصدقته واثقه منه |
رد : لااود الرجوع لزوجي
انسان جبار مايرحم حتى إذا ضايقني مايراضيني ابدا لين ارضى من نفسي
كل يوم يجيب سيرة طليقي ويسأل امي عنه كررت عليه يسكر صفحة الماضي في كل شي يحب يسأل حتى في العلاقه |
رد : لااود الرجوع لزوجي
قلب مشغول
هل انتي نادمة انك ماعطيتي فرصة لابو عيالك؟ ايش شعورك الان ودي اعرفه |
رد : لااود الرجوع لزوجي
لاالحين عادي بس فرحانه لانه تغير وادعيله من كل قلبي يرزقه بالزوجه عاجلا غير اجل
بس معاملة زوجي لي غير يعاملني مثل الي يدردش مع البنات الي يعرفهم شفت اسلوبه معهم يمكن تكون زوجته وانا ماادري ماكأني بنت ناس وزوجته متفاجأه منه مايرد على اتصالاتي قبل ثلاثة ايام اتصلت عليه مرتين ومايرد |
رد : لااود الرجوع لزوجي
وش اتفقنا عليه يا قلب مشغول انك راح تتغيرن وتحاولين تجذبينه لك خلاص لازم توقفي الشكوى الان وتشتغلي على ذكائك
وانتي وينك الحين ومتى ترجعين بيتك ابغى اعرف وضعك الان هل انتي في بيت اهلك ولا عنده اذا كنتي في بيت اهلك خلالاص لازم ترجعي وتحاولي تخلينه يتعود على وجودك |
رد : لااود الرجوع لزوجي
اقتباس:
|
رد : لااود الرجوع لزوجي
خلاص ياقلب مشغول لا تكثري اتصالات ولا رسايل مثل ماتفقنا
رسالة باليوم او اتصال خليه هو يتصل ويدور واذا رجع لكل حادث حديث لا تشغلي بالك فيه كثير انتبهي على نفسك وفكري وش الجديد الي راح تقدمينه |
رد : لااود الرجوع لزوجي
اقتباس:
الله يعين |
رد : لااود الرجوع لزوجي
قلب
الي تسوينه غلط زوجك ماينحب ولا ينبلع انتي تتحملين نتيجه اختيارك محد غصبك خلاص عرفتي شخصيته تحمليها سوي الي عليك وتحملي بنات صغار مثل الورد يتحملون بلاوي اكثر من الي عندك ادري البخل شين وادري تبغين زوجك يكون راكز وهادي بس هذا نصيبك واختيارك ولازم تتحملين نتيجه خياراتك اصبري على الرجال وروحي معاه وحاولي تجيبي عيالك واستقري الحياة مهي لعبه كل يوم زوج وبيت وقرار |
رد : لااود الرجوع لزوجي
حبيبتي مبتعثه متماسكه
ادري اللي اسويه غلط الله المستعان تصالحت مع زوجي وتكلمت معه على الواتس اني غلطت بحقه وطمنته نفسيا اني احبه وشاريته والايام بثبت حبي له ماجبت طاري الاثاث ولا البيت ابدا وماراح اطلبه الى لين يشوف التغيير مني ويارب يسعدني ويكرمني ابي العمر كله مو عشاني جديده عليه بس ولدي الصغير ودي اخذه معاي لانه يقولي ليه تتزوجين وتتركيني ماستغني عنه لانه بحاجه لحناني عمره 8 سنوات |
رد : لااود الرجوع لزوجي
ستقري واخذي ولدك
الحين لا تفكري باثاث ولا غيره فكري كيف تكسبي زوجك وبعدين فكري باطفالك والله يوفقك يارب |
رد : لااود الرجوع لزوجي
خير الأمور الوسط أختي قلب مشغول
هناك خيارين الاول إذا في اتفاق مسبق انك تأخذي عياللك معاك بعد الزواج فالأفضل أن تنفذي الاتفاق حتى يتعود منذ البداية على هذا الوضع و في خيار آخر هو انك تأجلي موضوع سكن عيالك معاكم حتى يستقر وضعك مع زوجك و تشعري معه بالأمان و هو كمان يشعر بالاطمئنان من جهتك الله يوفقك لكل خير و يؤلف بين قلوبكم و يسخر لك قلب زوجك |
رد : لااود الرجوع لزوجي
اقتباس:
|
رد : لااود الرجوع لزوجي
اقتباس:
جزاك الله خير لدعواتك الطيبه |
رد : لااود الرجوع لزوجي
بحاجتكم وكل اللي ابيه منكم تصبرون علي وان شاء الله لكم الاجر والدعاء في ظهر الغيب
زوجي كنا نرسل لبعض رسايل حب وشوق وهو يرسل اكثر مني الحمدلله في الاخير ارسل لي معليش حاولت اتجاهل كل شي يؤلمني متضايقه يعاتبني ابيه يعطيني فرصه ولا يضغط علي |
رد : لااود الرجوع لزوجي
اختى طبعاً انا لا اعلم كيفية الزواج عندكم اقصد متى يوثق عقد الزواج بمعنى ان الملكة يقوم بها المآذون ويتم كتابة العقد متى يوثق لدى الدوله هل يمكن ان يتم الزواج ولا يوثق لدى الدوله وهل لا يطلع ولى العروسة عن كشف عائلة الخاطب للتأكد من عدد زوجاته واذا كان تزوج قبل هذا كيف تعلم الفتاه بهذا وكيف يمكن التأكد من عدد زوجاته الحاليات |
رد : لااود الرجوع لزوجي
ابو مريم صار مايهمني كم تزوج لان كل هذا قبل الزواج بس ماكان ودي انه قالي
وكل زواجاته مسيار ومايطولون معه |
رد : لااود الرجوع لزوجي
زوجي اتصل علي يعاتبني واعتذرت منه اشد الاعتذار
مصدوم عاطفيا مني وقلتله اهم شي لاتدعي علي الحين صار مايهمني الاثاث ولاغيره لو اجلس على البلاط كل اللي يهمني كيف ارضيه ماصلح اكون زوجه ابدا في قلبي هم كبير |
رد : لااود الرجوع لزوجي
بالله عليك افتحي أول صفحة بموضوعك واقري كل المشاركات:eek:
|
رد : لااود الرجوع لزوجي
اختى انا اسأل للعلم جزاك الله خيراً ممكن تجيبى على اسئلتى السابقة وهل زيجات المسيار لا توثق لدى الدوله |
رد : لااود الرجوع لزوجي
اقتباس:
بكره اذا رد زعلك بترجعين وتفتحين موضوع جديد تتشكين منه يا اختي الكريمة حكمي عقلك وكوني زوجة صالحه واكسبي زوجك بالطيب الله يوفقك |
رد : لااود الرجوع لزوجي
اخوي ابو مريم
الزواج يوثق عند الدوله مباشره بعد عقد القران حتى زواج المسيار يوثق بس يكون بالسر اعتقد الزواج عندنا مايتم الابعد عمل تحاليل واذا طلعت نتيجة التحليل ايجابيه يتم التوافق |
رد : لااود الرجوع لزوجي
اقتباس:
اهم شي عندي الاساسيات في الحياة الزوحيه يوفر لي حياة كريمه اما اذا زعلني عادي ارضى من نفسي الحمدلله :29: |
رد : لااود الرجوع لزوجي
احس متضايقه يسوي اللي يبغاه ويخليني عند اهلي بدون اغراض
ولامصروف دقيق جدا ويعاتب كثييير قلتله كم مره عطني فرصه مع الايام والعشره يضغط علي ويعاتبني البارح ساعه او اكثر على الجوال وهو يعاتب تعبت ماحب الاسلوب هذا وقلتله انا غلطت واعتذرت كثير ومع ذلك مستمر على العتاب دقيق في كل شي سبب لي توتر واختناق |
رد : لااود الرجوع لزوجي
معلش يا اختى اصبرى وربينا يألف ما بين قلوبكم الايام هتقربكم ان شاء الله بس انت مع الآسف مش عارفه تكسبيه واعتقد لو عرفتى تكسبيه هتتحكمى فيه زى ما انت عاوزة لانه واضح انه معجب بك وخصوصاً انك فرصة لا تعوض بالنسبة له لان اللى فى سنه صعب يتزوج زوجة صغيرة وانا اشعر ان فيه خير كثير ولكن انت الله يهديك طلعتى عيونه واظهرت له انك قرفانه منه ومش طيقاه وبالعربى كده كنتى بذليه علشان يآخذ حقه منك وخلى بالك الراجل منا مهما كان بيحب زوجته وبيحب الآمر هذا لا يقبل ان تذله زوجته وفى مليون حل حلال يشبع الرجل غير زوجته |
رد : لااود الرجوع لزوجي
اخوي ابو مريم اشكرك من قلبي
صدقني عندي اسلوب السحر الحلال عشان يحبني هو ماعطاني فرصه كل كلامه عتاب ادري غلطت بس مو بيدي والله وهو عارف وش اعاني بس مايقدر يحاول يضغط علي اخوي ابومريم ماذليت زوجي بالعكس اشكره في كل شي حتى لو اشياء تافهه بس في الايام الاولى من زواجي متضايقه منه واعتذرت له وسامحني والحين اعتذرت اكثر |
رد : لااود الرجوع لزوجي
والله يا قلب اني كل مرة أدخل موضوعك وألاحظ عليك أخطاء أنوي أرد وأنبهك بس أكون مشغولة، وأقول لعل أحد الأعضاء يدخل ينبهك و يوعيك لكن الغريب ان التفاعل ضعيف في موضوعك هذا. كنت كل مرة أبغى أصرخ وأقول لك ياحبيبتي أفعاله اللي تتكلمين عنها انما هي ردة فعل على أفعالك!!!!! لما تقولين وتكررين انه نزلك عند أهلك وقلتي له أبغى 10 رفض، هل تعتقدين انه يفعل ذلك بخل؟ أنا متأكدة انه متضايق و زعلان وشايل في قلبه كثييير كيف تبغينه يتصرف وكأنك ما جرحتيه؟ ليييه ما تقهمين انه زعلان عليك؟ وتفكرين في مصالحك و بس! ليه ما تفكرين في جرحك له وتتعاطفين معه وتحسين بغلطك؟ تتكلمين عن أسلوبه معك وعن تدقيقه وعتابه لك وتفكرين في نفسك بسسس أبغى أقول لك يا قلب الرجال مختلفين ومستحيل تلقين أحد زي ما تبين إذا كانت دقته تتعبك وما حبيتي اسلوبه و حرصه و توفيره للمال، فيه غيرك مشاكلهم أكبر بكثييير. اكسبيه و حاولي تحبينه تكفييين، خصوصا ان عيوبه بسيطة جدا ما قصر ما شاءالله عليك موافق تجيبين عيالك وهذي ميزة صعب تلقينها.. تقولين عنه دقيقن وأشوفك انتي دقيقة معاه مرة مسكين يسوي شي كويس ويوعد ولدك بهدية ولما ينسى أو يتاخر شوي تقلبين السالفة عليه وتشرشحينه الله يهديك. يجيبك في بيت بأثاث طليقته وش فيها طيب؟ والله أعرف وحدة بكر وصغيرة جايبها في اثاث طليقته وعايشين من سنين.. يمكن هو يشوف الأثاث ماشي حاله وماله داعي يغيره الحين. لازم تفهمين ان نظرتك وخلفيتك في الحياة تختللللف عن نظرته.. انتي بكل صراحة تفكيرك مادي، حتى لو حاولتي تنكرين. في أحد الردود جايه تقولين بخيل و أبغى يعطيني كل شهر 3 آلاف وتتكلمين كأنه شي من حقك و حرمه منك يا حبيبتي كلنا نتمنى مصروف كذا بس الرجال مختلفين/ فيه اللي يفكر في المستقبل ويوفر لبعدين وفيه اللي يوسع صدره الحين ويتوهق بعدين ماتقدرين تفرضين عليه أسلوب حياتكم، انتي اللي لازم تتكيفين معه.. كلنا تزوجنا وتغيرت علينا أشياء كثييير بس نحترم ازواجنا و نقدر تعبهم. ما يصير يا قلب من أول شهر تسوين معاه كذا وتعاملينه بهالأسلوب المادي، خصوصا انك عرفتي انه اقتصادي لي رجاء انك تنسين هالأمور وما تركزين ع العيوب وتبدين تثبتين نفسك وتعطينه فرصة وتكسبينه.. استغرب لما تقولين يجوّعني وتوهمين الجميع انه بخيل حتى الأكل ما يوفره لك، مع اني فهمت انه سوى كذا بعد ما قلتي له كلام يزعل وتضايق منك وبعدها تجين تقولين جب لي اكل من المطعم! طبيييعي ردة فعله لأان زعلاااان افهمي هالشي لا تفكرين الناس بدون شعور غريب تفكيرك.. والله انا قسيت عليك لأني متعاااطفة معك من مواضيعك الأولى وأبغاك تستوعبين اللي قاعد يصير، لأن أحيانا اللي داخل المشكلة ما يشوفها ويفهمها زي ما يشوفونها الآخرين. |
رد : لااود الرجوع لزوجي
نجاح مشكوره وجزاك الله خير
خلاص بصبر عليه بس مصدومه من الاثاث ماهمني اثاث طليقته لكن احب اشوف كل شي قدامي جديد وجميل حتى لوكان متواضع واللي اعرفه الرجال صارو يهتمون بتغيير الاثاث حتى الفواحات يحبون يشترونها نجاح احيانا الواحد يرد ويتكلم بمثاليه لو هم بمكاني راح ينصدمون خصوصا انه وعدني باحلام ورديه بس ان شاء الله بغير اسلوبي معه لان التقصير الي حصل مني ماانام معه في نفس الغرفه وإذا ماشفت منه اي تغيير باكل هوا واسكت واعيش جزاك الله خير وكثر من امثالك |
رد : لااود الرجوع لزوجي
أنا مع رد الاخت نجاح قلبا و قالبا
لانه واضح ان كل تصرفات زوجك ردة فعل لتصرفاتك و نفورك مشكلتك متوقعة مستوى مادي معين يريحك و يريح عيالك و حصلتي شئ أقل من المتوقع وهذا المستوى طبيعي في بداية أي علاقة زوجية مع الأيام و العشرة و الإنجاب الزوج يصير أكثر عطاء من الناحية المادية بالبداية شفنا تسرعك على الزواج مباشرة بعد طلاقاتك بشكل غريب فتصور للجميع ان حياتك مع أهلك جحيم والحين تصوري لنا ان حياتك مع أهلك هي النعيم و الراحة ،،، هذا يدل على تسرعك في الحكم على واقعك فلما كنت مع أهلك ضاقت بك الدنيا ما رضيتي بواقعك و لما تزوجتي كذلك سرعان ما تذمرتي من زواجك هذا اختيارك فكوني قوية في التعايش معه و اجعلي الرضا أساس للقادم و قوي علاقتك بربك فهو وحده القادر على أن يسخر لك قلب زوجك و تسعدين معاه |
رد : لااود الرجوع لزوجي
اقتباس:
امي قلبها محروق علي عشان كذا واجهت ضغوط الحمدلله بعد الطلاق استقرت الاوضاع عندنا تطمنو اخواتي بصبر على زوجي واعيش بالرغم اني ماحبيته ولا اكون مطلقه للمره الثالثه جزاك الله خير خيتي بديع النعاني |
| الساعة الآن 01:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©