رد : بوح الخواطر .. رجع لي بعد الغيبه ..
 

ما رمت :d

عن شو تنازلتي يا روضة؟

وشو الأشياء اللي تبين سالم يتنازل عنها؟

رد : بوح الخواطر .. رجع لي بعد الغيبه ..
 

يبيكي زوجه ثانيه وتحبون بعض وما انتي خايفه من الطلاق

ولا يعجبك غيره ومقتنعه فيه وحتى لو تطلقتي ما عندك مشكله وتبين تحملين منه

تزوجوا الله يبارك لكم بس اشرطي تسكني بديرتك لانك ما راح تستحملين الغربه واستعجلي بالرد افضل موضوعك محسوم وواضح والتطويل قد يضر اكثر من ما ينفع بحالتك بالذات

رد : بوح الخواطر .. رجع لي بعد الغيبه ..
 

رد : بوح الخواطر .. رجع لي بعد الغيبه ..
 

لي عوده ع ساعه وحده ان شالله السموحه من اختيه مهره وسما واخوي بدوي ع التاخير

رد : بوح الخواطر .. رجع لي بعد الغيبه ..
 

مرحبا اختيه مهره
مهره ماابا اتطرق للتنازلات خوف من الاستهانه فيها لكن انتظر عقب العيد ان شالله وساعتهاا احسم قراري وقت مايتقدم كل التساؤلاتفكرت فيها ولقيت اني بين خيارات عديده عشان اضمن حقي وسعادتي ... شعور حلو ويخوف ومحير هالفتره اشعر فيه.. الله يكون في عوني

رد : بوح الخواطر .. رجع لي بعد الغيبه ..
 

ان شالله بيصير بس بحط خط ع زوجه ثانيه لاني للحين مااقتنعت فيها . وبخصوص شرطي ها شي منتهين منه وراح يتوقع ان شالله وكل الشكر لك اخويه

رد : بوح الخواطر .. رجع لي بعد الغيبه ..
 

اشكرج اختيه سما العداله البارت الاول من كلامج مااختلف فيه معاج قد تكون وجهة نظري حياديه وانانيه نوعن ما بس الاهم انها مامست الجزء المهم من موضوعي واثرت فيه بالنسبه عزيزتي لكلامج عن واقع زواج كلام منطقي وماعليه خلاف ... بس بخصوص انه للحياه المثاليه انا عارفه انه اختياري وقراري ماراح يحققون الحياه المثاليه لي بس انا احاول واسعى لاشباع رغبتي فيه يعني شي في خاطري وامامي بيحققلي سعاده ليش افرط فيه او شو المانع المستحيل امتلاكه... اذا حاب يرجع لداره يرجع بروحه كيفه بس انا مستحيل اتبعه او لايمكن يتحقق هالشي سعادته معاي واهني ... سما حتى لو اختيارنا غلط ييقى المحاوله سبب كافي في الوصول للنتيجه بغض النظر ان كانت سلبيه او ايجابيه اهم شي تعرف سر نجاحك بعد التجربه وان صابنا الفشل وماارتحنا الانفصال حل الاخير...
سما خليها ع الله والله يحقق اللي في بالنا ... اشكرج عزيزتي

رد : بوح الخواطر .. رجع لي بعد الغيبه ..
 

والله يا حبيبتي بدك الصدق وﻻ ابن عمه ههههه
بتوقع والله اعلم انه بيستغلك استغﻻل مادي
وراجع بعد ما مل من زوجته وصارت الظروف صعبه
علشان هيك نصيحة لوجه االله صلي ركعتين استخارة
ووكلي امرك للحي القيوم
زواجك منه مصلحة للطرفين
انت عاطفيه وبتغكري من زاوية ضيقة
وحلو اﻻنسان يستشير ويستخير
وهو جاي بدو يجدد ويدوق نوع جديد من الفواكه
وانت مسكينة الضحية الجديدة
استخيري وااستشيري وااسئلو عنه كويس وحطي شروطك وخلي فترة الخطوبة ست شهور
وتاكدي من موافقة اﻻولى
احنا برمضان بﻻش يا حزينة زوجته اﻻولى تدعي عليك دعوة تشقيك لﻻبد
اعملي كل الخطوات وتوكلي على االله
بس تصحي من هرمون العشق وتتزوجيه وتشوفي حقيقته راح تيجي هون وتشتكي منه
الرجال انانبين وما بيحبو غير مصلحتهم ونفسهم
انا زوجي خاني اربع سنين مع الخبيثة وبعدين تزوجها ﻻنه بيحبها
وبعد سنة تزوج الثالثة مسيار
الله يخلص حقنا منه قولي امين

رد : بوح الخواطر .. رجع لي بعد الغيبه ..
 

الاخت متفاءله المؤمن القوي خير من المؤمن الضعيف يعني اضحك من الخاطر يوم اطلع ع افكار الناس اللي تمثل الزوجه الاولى ضحيه يا اخت متفائله انتي تقولين لاتدعي عليج الاولى وانا اقولج فالج طيب الحل يعني اشترط بطلاقها عشان مايكون لها حق شرعي وسالم ببري ذمته منها وتطلع من ذمته ودعوتها بدور عليها ...
الحين الشرع يحلل للرجل اثنين وثلاث واربع ... طالما يعدل تظنون انه مخلوقه من نطفه وعدم راح تستجاب دعوتها على حساب شرع الله ومنوا تكون الاولى عشان اخذ موافقتها وليش ان شالله ربي فرض ع الثانيه ماتتزوج الا بموافقه الاولى ؟؟؟ تكلموا بالمنطق والشرع واتركو عنكم كلام الهوى والمود
اشكرج عزيزتي على خوفج وحرصج وعلى النصيحه في ميزان حسنتاج..ع العموم كل شي ببين والاستخاره بستمر عليها طول رمضان ان شالله
والتوفيق من الله

رد : بوح الخواطر .. رجع لي بعد الغيبه ..
 

روضه اتركي زوجته على جنب
لكن ليه يصرف على زوجته الاولى وانتي لا
هل انتي ناقصه مثلا
حالك من حالها وين العدل
انا اشوف انك تستحقين افضل من سالم
فيك صفات حلوة وشخصيه رقيقه وادب واخلاق واحسبك كذلك
ليه حاصره نفسك مع هالانسان الي ماحارب الدنيا علشانك
يختي الرجل اذا حب وحده وعشقها حارب الدنيا علشانها واصر واصر الى ان يقتنع اهله او ترك الزواج الى ان يطيح الي بروسهم
ارسال المال له مافهمته هل تشترين محبته
وقبول مالك ينتقص برجولته
لايكون جد مستغل لا يغرك انه يرفض بالبدايه كافي قبوله بالنهايه
ليه يعطيكي رقم حسابه دامه رافض مساعدتك الماليه
حاسه انك بتشرطين طلاق الاولى وحاسه انه بيصر على عدم طلاقها
وبتفترقون
لكن مااباك تحزينين ولا تشيلين هم
وابي تشيلين الافكار السوده من مخك توك صغيره ونصيبك بيجيك واحسن من سالم بعد اذا ربي كتب

رد : بوح الخواطر .. رجع لي بعد الغيبه ..
 

الله يقطع ابليسج يا روضة .. والله ضحكتيني.

الحين إذا اشترطتي انه يطلقها جذي بيبري ذمته وهي ما بتكون مظلومة ودعوتها ما بيكون لها معنى؟! .. لا ودعودتها بتدور عليها بعد؟!!! ;)

أمنيتج انه يطلقها تلف وتدور في عقلج بشكل مب طبيعي .. وتخليج تعلقين تعليقات عجيبة بصراحة.


الله يهدينا ويهديج.

رد : بوح الخواطر .. رجع لي بعد الغيبه ..
 

والله صدق ماعرفت القانون اللي يقول لاتتزوجين متزوج الا بموافقه زوجته والا بتدعي عليج؟؟؟؟ قمه التعجب
خلاص خلها تظهر من ذمته عشان استوي الاولى ومايتزوج الا بشوري ...تبين الصدق مااتمنى بس اقول جاان زين ماعرس

رد : بوح الخواطر .. رجع لي بعد الغيبه ..
 

الغاليه جم بيصرف على روضه اذا روضه تخسر شهريا من ست لسبع الاف درهم على نفسها وسالم راتبه زود بشوي عن صرفي الشهري تتوقعين بغار من شويه فلوس يفرها ع زوجته قولي غير هالكلام .. من ناحيه ... طلاق الاولى انا افكر بالرد للحين ومااقترجت يطلق ماادري شو يطلع معاي اشكرج ع النصيحه وتقبل الله منا ومنكم صيامنا

رد : بوح الخواطر .. رجع لي بعد الغيبه ..
 

اختيه مهره انا اقول لو ملجنا بدق ع الاولى وبقولها شلي قشج وردي بيت اهلج في خاطري والله بس ادري عيب ومنقود وساعتها خل سالم يختار بيني وبينها مجرد فكره طرت عليا الله يلعن ابليس اوف والله قهر في عز مااحتاج خواتي محد فاضيلي

رد : بوح الخواطر .. رجع لي بعد الغيبه ..
 

في ردج على متفائلة بالله قلتي (المؤمن القوي خير من المؤمن الضعيف) .. ورغم اني ما فهمت انتي ليش حطيتي هالعبارة في سياق ردج عليها .. لكني اشوف الحين ان السالفة مب قوة .. هذا اسمه جبروت وتسلط!!!


الله اكبر يا روضة!

انتي اللي بتدقين عليها وتقولين لها شيلي قشج؟!!!!!!!

بأي صفة بالله؟!!

وبأي حق؟!!!!


تقولين: منو تكون الأولى عشان اخذ موافقتها! .. وانا اقول لج: من تكونين انتي عشان تكلمينها وتقولين لها شيلي قشج وردي بيت اهلج؟!!!!!!!!

تراها آدمية وبنت ناس يا روضة .. وحالها من حالج.


يمكن تكون مجرد فكرة طرت على بالج .. لكن مجرد انها تطري على بالج حتى بدون نية تطبيقها انا اشوف انها مشكلة ولها دلالة سلبية.



واضح يا روضة انج شايفة نفسج أكبر وأهم من سالم .. وأنه هو أقل منج بوايد .. عشان جذي متوقعة منه تنازلات كبيرة .. ورغم انج ما رضيتي تجاوبيني .. لكني أتصور ان التنازلات المطلوبة من سالم أكبر بواااايد من التنازلات اللي انتي تعتقدين انج بتسوينها .. وتبين الصراحة أنا مب متوقعة انج بتتنازلين عن شي أصلاً.

وعشان جذي انتي تعطين نفسج الحق تفكرين مثل هالأفكار .. وكأن سالم لعبة تسوين فيها اللي تبينه؟!!!


فإن صدق ظني فالله يرضى عليج لا تتكلمين عن الحب والمشاعر .... السالفة كلها هدف انتي تبين تحققينه .. أو بمعنى أدق تشترينه .. ومب مهم أي شي ثاني!!!!

رد : بوح الخواطر .. رجع لي بعد الغيبه ..
 

موب صحيح اللي تقولينه يامهره وبخصوص العباره المؤمن اطريها لاخت اللي غضت النظر عن الشرع وتوجهت لرضا الاولى ... ...
ع العموم تحليلح بدى ياخذ منحنى بعيد وايد عن موضوعي...

رد : بوح الخواطر .. رجع لي بعد الغيبه ..
 

تتصلين عليها ساعتها سالم هو الي بيقول لج شيلي قشج انتي
حبيبتي لا تعتمدين على معزتج عنده تراها ماتعطيج الصلاحيه تسوين كل شي والدليل انه من البادايه وضح لج زوجته الاولى خط احمر ما تقربينه
ولما تكلمت عن الفلوس ماكان قصدي الحاجه كلنا بخير ونعمه ونصرف اكثر حتى من ست وسبع الاف درهم على انفسنا اذا الشنطه الوحده بعشره الاف الله لا يعاقبنا ويديم علينا نعمه
المساله مساله قوامه واهتمام والرجال يدفع على المره الي يحشمها ويحبها لو نص درهم
انتي متصوره انك لا اخذتيه عن حب بامكانك تملكين عقله وقلبه وتسيرينه مثل ماتبين
غلطانه اختي سالم شكله عاقل وعامل حساب كبير لامه واهله وزوجته الاولى
ومتاكده لو بيختار بينك وبين زوجته بيختار زوجته فوين الحب ووين التضحيه

رد : بوح الخواطر .. رجع لي بعد الغيبه ..
 

لا يجوز للمرأة أن تطلب من زوجها طلاق ضرتها ، لتنفرد هي بالزوج .
فعَنْ أَبِى هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ : (لاَ يَحِلُّ لاِمْرَأَةٍ تَسْأَلُ طَلاَقَ أُخْتِهَا لِتَسْتَفْرِغَ صَحْفَتَهَا ، فَإِنَّمَا لَهَا مَا قُدِّرَ لَهَا) رواه البخاري ( 4857 ) - واللفظ له - ومسلم ( 1413 ) .

رد : بوح الخواطر .. رجع لي بعد الغيبه ..
 

باجر ببين المكتوب وانا هني اتكلم عن روضه وبس وبخصوص انج تصرفين عشر الاف ع شنطه لا والله انا حدي ثلاث الاف وماوصلت عشر وانا هني شهريا ست ل سبع االاف درهم يعني من نادي للمطاعم وكوفيهات شوبينغ سينما وكماليات تخصني وتتكلمين عن الفلوس سالم كانه فلوس صار اهم شي في الزواج موب واضح انه الفلوس اخر همج ...
موب قوامه والسلامه القوامه للمقتدر وسالم الله يحفظه موب مقتدر ماديا لروضه .. واذا سالم بيقولي شلي قشج الله يحفظه الاستخاره مستمره عليها وكل يوم يزيد تفكيري فيه ...

رد : بوح الخواطر .. رجع لي بعد الغيبه ..
 

جمعه مباركه وفي ميزان حسناتج

رد : بوح الخواطر .. رجع لي بعد الغيبه ..
 

لا طبعا الفلوس مهب اهم شي
ولكن اتوقع مهمه في مفهومج والدليل ارسالج فلوس لحساب سالم ليه بديتي عودة علاقتكم بارسال مبلغ مادي
عموما استمري على الاستخاره وربي يكتب الخيره

رد : بوح الخواطر .. رجع لي بعد الغيبه ..
 

الامور طيبه

رد : بوح الخواطر .. رجع لي بعد الغيبه ..
 

وينك شو قررتي تعملي

رد : بوح الخواطر .. رجع لي بعد الغيبه ..
 

اتركوها تخوض التجربه بنفسها

هي تحبه دعوها تعيش الحب ولو لايام

الايام تكشف للجميع وجهة نظره الصح والكمال لله سبحانه وتعالى

رد : بوح الخواطر .. رجع لي بعد الغيبه ..
 

صبري عليا بخبرج ان شالله بس اقرر

رد : بوح الخواطر .. رجع لي بعد الغيبه ..
 

اكيد الكمال لله على كل حال اشكرج على مداخلتج

رد : بوح الخواطر .. رجع لي بعد الغيبه ..
 

الله يوفقك ياروضه
ودامك استخرتي واستشرتي ماعليك خلاف ان شاءالله
وطمنينا عليك

رد : بوح الخواطر .. رجع لي بعد الغيبه ..
 

النفس صارت في غيبوبه وكلت امري لله والله يحقق لنا الاماني...
اشكرج اختي والله دعوتج لي فرحتني وايد

رد : بوح الخواطر .. رجع لي بعد الغيبه ..
 

الله يوفقك ويسعدك يارب ويحقق أمانيك
أما الحيرة كلها يا حبيبتي حسب قناعاتك انتي وربي يرضيك ويرضى عنك ويرزقك راحة البال
أقصد كلها شكلية ماتأثر انتي وقناعتك وكلام مهرة عيدي اقرأيه تاني
أما الباقي بسم الله عليك انتي تفهمي في الحق والحقوق ولاتحتاجي احد يذكرك
ما شاء الله لاحول ولاقوة الابالله الله يبارك لك
الله وياك

رد : بوح الخواطر .. رجع لي بعد الغيبه ..
 

اشكرج غناتي والواحد يرتاح يوم يسمع دعوة تجبر بخاطره والله يالغاليه لو الله رازقني بخوات يسمعوني ( ماالومهن مشغولات في حياتهم وازواجهم الله يوفقهن ان شالله ) او ربيعات يستاهلن المخوه جان مافكرت اشارك الناس بالخافي واسمع شماته البعض واساءه الاخر بس اللي يهمني الناس اللي تنصح بدون تجريح مافي احد يعرض المستور الا لانه يهمه ... وخطفتج هاي ركزت ع الدعوة الطيبه اللي ادل على طييب معدنج ... ربي يحفظج

رد : بوح الخواطر .. رجع لي بعد الغيبه ..
 

قرأت موضوعك وسأرد عليه على شكل نقاط

* من المعلوم أن الزوجة تتبع زوجها وليس العكس وبناءا على ذلك أرى أن والدك أخطأ عندما شرط عليه الإقامة في بلدك وإن كان يريدك تحت عينه فليزوجك بمن يحمل جنسيتك

* لو كان سالم يحبك بصدق لحارب من أجل الضفر بك ولم يتزوج بهذه السرعة فالذي يحب ويعشق إن عجز عن الزواج بحبيبته ﻷي سبب كان لن يعجز عن العيش أعزبا حتى يقضي الله أمرا كان مفعولا

* الرجل تزوج وزوجته ليست معه لظروف دراستها وﻷجل ذلك ربما حن لك في لحظة ضعف وحب أن يرجع العلاقة لظروف الغربة وقد قال لك أنه يقدر زوجته ويحترمها وهي لم تقصر معه وأقول لك من الطبيعي أنه لم يهيم بحبها ﻷنها بعيدة عنه

* لو قدر الله لك وتزوجتيه لا يحق لك أن تطلبي منه طلاق زوجته فأنتي من دخلت على حياتها وليست هي فمن أنتي حتى تطلبي منه طلاقها ؟!

* الزواج عن علاقة محرمة مثله مثل الزواج التقليدي فيه الناجح والفاشل وغالبا يفشل هذا النوع من الزواج في بلاد الخليج وما بني على باطل فهو باطل

* لو كنتي أنتي الزوجة وزوجته هي الحبيبة ماهي ردت فعلك ؟!

* لو كتب الله لكم الزواج وبعد مدة من الزمن برد الحب وأحب غيرك وتزوجها ماهي ردة فعلك ؟!

* هناك مقولة تقول : إذا نكح الحب فسد

* نصيحة أخيرة : اتركي الرجل وشأنه واطلبي من ربك أن يرزقك زوجا يسعدك

رد : بوح الخواطر .. رجع لي بعد الغيبه ..
 

مرحبا اخويه ..


ㅊ لاتقول انه ابوي اخطأ لانه ماغلط ابويه يوم وافق على سالم وشرط عليه حب يجبر بخاطري ويضمن راحتي
ㅎ حب يرضي امه لانه رضا الله من رضا الوالدين لاتشكك في محبه سالم لي ...
ㅍ تحليلك من الجايز يكون غلط وغير صحيح..
ㅈ انا زوجته بعد ... بس ماراح اضيع وقتي عشان طلاقها بالحيله اقدر اخلي سالم دوم معاي .. من له حيله فليحتال مافي شي مستحيل في هالوقت
ㅊ مادام حللناه واتبعنا شرع الله ماراح يكون باطل ان شالله
ㅎ بنفصل عنه وبتركه يعيش حياته بهدوء مع حبيبته
ㅍ بنفصل بدون تردد وبدون ضجه ..
ㅈ لااؤمن بهالمقوله
ㅅ اشكرك ع النصيحه كفيت ووفيت في ميزان حسناتك ماقصرت ... وتقبل الله منا ومنكم طاعتنا ربي يحفظك

رد : بوح الخواطر .. رجع لي بعد الغيبه ..
 

بتحتالين عشان تاكلين حقها في زوجها يا روضة؟!

والا هذي بعد لها تفسير ثاني؟!!


وتقولين ان تحليلي بدا ياخذ منحى بعيد وايد عن موضوعج؟!

احنا ما نحلل من راسنا فديتج .. احنا نقراج ونقرا كلامج اللي انتي تقولينه بنفسج.

رد : بوح الخواطر .. رجع لي بعد الغيبه ..
 

اه قصدج حق الزوجيه ... لكل حادث حديث مجرد افكار ادور براسي انا الحين قمت اغار عليه كيف باجر الله يتمم ع خير .. والسلام

رد : بوح الخواطر .. رجع لي بعد الغيبه ..
 

لازلت مقتنعة بأن السالفة لا هي حب ولا شي (تجاهلي هالنقطة وما عليج من اعتقادي)


لكن في كل الأحوال .. الحب مشاعر حلوة وخيّرة .. وما في إنسان يحب بصدق ويطلع منه شر أبداً.

رد : بوح الخواطر .. رجع لي بعد الغيبه ..
 

اذا السالفه موب حب شو تكون ... لايكون حاطه عيني ع ولد الراجحي وانا ماادري انا حبيت شخص ع قد حاله موب حب يوم وليله شاركته اسراره وتفاصيله قبلها
واي شر اللي تطرينه يامهره ليش تعرفيني عشان تعرفين اللي بقلبي .. لاحوله ولاقوة الا بالله ..

بدل لاتقولين الله يحقق امانيج تحللين بهالشكل .. ابرايج حللي بكيفج

رد : بوح الخواطر .. رجع لي بعد الغيبه ..
 

قلت لج لا تعلقين على رأيي في سالفة الحب .. تجاهليه تماماً .. رايي وانا بكيفي وانتي مب ملزومة فيه.

وعلى كل حال .. مب لازم يكون ولد الراجحي ;) .. والمصلحة مب لازم تكون مادية.



اما عن اللي في قلبج .. فلا والله حشا ما اعرف شو اللي في قلبج.

قلت لج انا اقرا كلامج .. اقرا اللي تقولينه بنفسج.

مرة تقولين (أفكر اشرط انه يطلقها) .. ومرة تقولين (افكر ادق عليها واقول لها شيلي قشج وردي بيت اهلج) .. ومرة تقولين (بالحيلة باخليه دوم معاي)

بالله عليج هذا شو يسمونه؟!!



الله يحقق امانيج يا روضة .. بس بدون ما تأذين حد أو تجورين على حق حد.

رد : بوح الخواطر .. رجع لي بعد الغيبه ..
 

لو بتم ارمس عن اللي في خاطري بتمين تلفين وادافعين عنها من جذي لازم احافظ ع معنوياتي توب لانه اللي تمنينه من فتره طويله قرب يتحقق .. ان شاالله يارب وبحق كل دفعه بلى ياربي ترزقني سالم زوج وحبيب ... ربي مايخيب ظن عبده استقبلت ايميل من سالم بارحه في الليل لاني معاهده نفسي مايسمع صوتي طول الشهر وبيسمع ردي بشرني سالم انه نزل يومين لجده رتب اموره مع خاله وولد خاله اللي بحسبه اخوه وقالي عقب العيد عند ابوج ان شالله وتمنى اكون فكرت زين واستخرت وطلب مني مااخيب ظنه ...
اصيل سالم ومعدنه اصيل وموب خساره وقتي اللي مضى معاه ... كلها ايام وراح انسى كل ليله قعدها بهم وكدر ووحده
يالله اانك قلت ادعوني استجب لكم ودعوتي لك يارب وبحق هالليله المباركه انك ترزقني سالم زوج وستر وحبيب وسند وعون لي

رد : بوح الخواطر .. رجع لي بعد الغيبه ..
 

ادافع عنها؟! ;)

وليش ما تقولين اني احاول انبهج وافتح عيونج عشان ما تظلمين بدون ما تحسين؟!

لا تظلمين سالم (إن صدق في نيته) .. ولا تظلمين زوجته .. ولا حتى تظلمين نفسج.


انتي مب قلتي ما عندج خوات فاضيات يسمعونج وينصحونج؟

شو هي النصيحة اللي تبينها عيل؟! .. والا تبين خوات يسمعونج ويقولون لج انتي صح وخلاص؟!



انا ما اعرفج يا روضة ولا اعرف سالم ولا اعرف زوجته .. ونيتي مب اني ادافع عنها .. انا نيتي اني انصحج رغم اني ادري ان كلامي مب على هواج.

ولاحظي انا في كل ردودي عليج ما قلت لج: لا تتزوجينه.

تبين تتزوجينه؟ .. تزوجيه .. لكن لا تدخلين حياتهم وانتي في نيتج الأذية والشر بأي شكل من الأشكال .. ولا تاخذين من سالفة (ان سالم ما يحبها وانه تزوجها بس عشان رضا امه) حجة تعطين على أساسها نفسج حق مب من حقج.

موافقة على انج تاخذين ريال متزوج؟ .. خذيه وأقلمي نفسج مع حياة التعدد مثل ما رب العالمين قال .. مادامج تقولين ان الشرع حلل له .. مب تاخذين ريال متزوج وتقلبين حياة الكل عشان نفسج ومصلحتج انتي.

الغاية عمرها ما كانت تبرر الوسيلة يا روضة .. فديري بالج.

رد : بوح الخواطر .. رجع لي بعد الغيبه ..
 

مهرة ..

رائعة و راقية جدا بنقاشك ماشاء الله تبارك الله ..

.
.

بنت بو ظبي ،،

أعجبتني طريقة حوارك و ردودك مع مهرة و مع من عارضك ..

ربي يوفقك ..