|
رد: أنا أنتهيت أعمل أيه أبو حكيم وsoqya(ابو م
وعليكم السلام ورحمة الله وبركاته اهلا ابنتى الكريمة انا تحت آمرك دائما ان شاء الله لى عودة بعد قليل ان شاء الله |
رد: أنا أنتهيت أعمل أيه أبو حكيم وsoqya(ابو م
شوفى يا ابنتى مشكلة زوجك ليست فيما يشاهد ولكن فى سكوتك فى الحقيقة استغربت من كلامك وكأنك اول مرة تعلمى بهذا او اول مرة ترى هذا وردة طبيعى جدا وكانه بيستغرب من سؤالك وكانه يقول لك يعنى انتى مش عارفه انى بشوف ولكن طبعا انا معترض على سبك له .. مهما حدث هو زوجك ولا يحقق لك سبه مهما حدث لانه اكيد سيرد عليك وهذا ما حدث بالفعل وممكن ان يصل لما هو اكبر وهو الضرب ولكن ماذا يعنى رده عليك هل يقصد انك تفعلى مثله هل شاهدك ترى شىء دعاه لهذا هل تعتقدى ان انصرافه عن العلاقه لانه يظن انك تشبعى نفسك من دونه كما يفعل هو ولا تريده او تقرفى منه او تشمئزى منه مع الآسف سكوتك يا ابنتى ضيع الكثير من حقوقك واستمرار سكوتك سيضيع عمرك كله كيف يا ابنتى ترضى زوجه بزوج لا يقوم باى حقوق لها وحتى حقها الشرعى ربما نجد رجل مقصر فى الفراش ولكنه يقوم بكل واجباته من انفاق واهتمام وترفيه ربما العكس ولكنه يسعد زوجة ويشبعها ولكن لا هذا ولا هذا آمر خطير خطير ليس امامك الان الا المواجهه وباسلوب جيد حتى يقبل كلامك ونسال الله ان يعمل بما ستمليه عليه نقطة آخرى ابنتى هل تهتمى بنفسك كزوجة .. هل تتبعلى له وتلبسى وتتزينى لكى تثيره هل تتبعى معه مكر الانثى انتظرك ردك ابنتى الفاضلة |
رد: أنا أنتهيت أعمل أيه أبو حكيم وsoqya(ابو م
ربنا يخليك يارب ويكرمك علي كرمك ومساعدتك لينا
بالنسبة لزوجي انا زمان شوفته كتير وهو بيشوف وواجهته بس بقاله فترة المفروض انه كويس ومش بيعمل كده وعمري ما مسكت عليه حاجة برغم شكوكي فيه بس اتصدمت لما شوفت انه لسة كده وهو عارف اني كنت فاكرة انه تاب توبة صادقة عن الاباحيات وانه بس بيشوف كليبات ومصارعة وسبي ليه من حرقة دمي ورده عليا ما اعرفش ليه ولله الحمد انا ماليش في الاباحيات وعمره ماشافني بعمل كده ولا بتفرج علي حاجة عارف اني بحب الانسان يكون صافي ونقي لا تشوهه شائبة من الاباحيات والنفاق والكذب بالنسبة لسكوتي والله في اول زواجي اول سنتين تقريبا كنت مش بسكت وازعق واتخانق واكسر كل حاجة في البيت واروح لاهلي واشتكي لهم بس زهقت بيوعدني هيتغير ومفيش حاجة بتتغير دلوقتي انا بسكت واتعامل معاه برسمية تامة وهو عنده لامبالاة في كل حاجة طيب قولي اعمل ايه عشان ابقي قوية واواجهه واخد حقي واحسسه بقيمتي بالنسبة لزيتني بصراحة مش دايما بس وقت اللقاء باخد شاور واحط ميكب والبس كويس وغير كده في الايام العادية غالبا ببقي مهتمة بنفسي بس مش اوي دايما واما بصحي من النوم مش بقدر اعمل اي حاجة الا اما يعدي كام ساعة بس هو دايما يقولي انا عارف عذرك لاني زيك وحاسس بيكي وعارف الكسل والاكتئاب اللي انا فيه وهو حاول معايا كتير ان وزني يزيد بس غصب عني مش بقدر اكل انا بجد مش عارفة اشكر حضرتك ازاي علي سرعة ردك ومساعدتك ليا دايما بدعي لحضرتك وفي صلاتي ربنا يسعدك دنيا واخرة ويحققلك كل اللي بتتمناه ويرزقك الفردوس الاعلي |
رد: أنا أنتهيت أعمل أيه أبو حكيم وsoqya(ابو م
ربينا يكرمك يا رب مفيش حاجة ده اقل شىء نقدر نقدمه لك يا رب يسعدك ويهدى سرك ويشرح صدرك ويهدى زوجك يا\رب يارب ان شاء الله سوسو ممكن تقول لى متى تامر بيشوف هذه الاشياء وفى اى مكان فى البيت وهل بيتظهر حتى تنامى ام يفعل هذا حتى وانتى مستيقظة اما عن وزنك فهل انتى نحيفة لدرجة كبيرة جدا وهل تزوجك وانتى كذلك ام انخقض وزنك بعد الزواج وما مررتى به من ظروف وهل صرح بطريقه مباشرة او لاحظتى عليه من تصرفاته انك اصبحتى غير مثيره له وقلة رغبة فيك وهل تشعرى ان تامر لديه ضعف يجعله مقصر اما فقط بسبب ما يشاهد ويشبع نفسه به واكيد هو مدمن على مشاهدة هذه الاشياء من قبل الزواج وهل كان قليل العلاقه معك منذوا اول الزوج ام ان المستوى انخفض وبعد كم حدث التغير وهل هناك سبب آخر بخلاف ما يشاهد لانه معروف انه فى اول الزواج يكون لدى الشاب رغبة جامحة تجعله يأتى لزوجة عدة مرات فى اليوم الواحد حتى تشكوا منه وهل هناك ما يشكوا منه من ناحيتك سواء تقصير او عدم تجاول او عدم رغبة تجعله لا يشعر بالسعادة معك وبالتالى ينصرف عنك ويبحث عما يشبعه طبعا بخلاف النحافة والاهمال اقصد من عدم تجاول منك او تمنع او عدم تجاول معه وهل انتى مثقفه من هذه الناحية وتعرفى حقوقك وحقوق زوجك وكيف تزيدى رغبة فيك وهو كذلك واعلمى يا ابنتى ان اكبر مشكله لديك هى الفراغ الذى يعيش فيه زوجك اذا نجحنا فى ملىء هذا الفراغ ثقى ان كل آمورة ستتحسن ان شاء الله انتظر ردك بارك الله فيك |
رد: أنا أنتهيت أعمل أيه أبو حكيم وsoqya(ابو م
يارب ويسعدك دنيا واخرة
هو احنا من يوم زواجنا واحنا بننام في وقت واحد ونصحي في وقت واحد بس انا كتير بصحي قبله بساعات ولو هو صحي قبلي بيصحيني قبل مايقوم من علي السرير الا من كام يوم بقي بيصحيني بعد شوية بحجة انه بياكل قبل الجيم وده اللي خلاني اشك فيه الايام دي لانها غير عادته غالبا كنت بقفشه وهو في غرفة الاطفال فيها كمبيوتر وانا بنظف المطبخ كنت بروح اقوله بتعمل ايه يتلخبط كده وكنا بنقفش علي بعض لحد ماخلي شاشة الكمبيوتر باينة ليا لو عديت في اي وقت بقاله فترة كويس لحد ما جاب التاب من شهرين تقريبا واول مرة بصراحة اشوف حاجة زي دي عنده لاني باخد التاب بتاعه ودايما قاعد جمبي بس هو دايما متعود ياخد قصص بوليسية معاه الحمام يقراها والفترة دي بياخد التاب معاه عشان يتفرج علي المصارعة الحريمي والكليبات وهو مفكرني هبلة وفاكرة انه بيقرأ عليه بس ماتكلمتش وقولت براحته وانا عمري ما هخلي انسان في مكانة عندي او قلبي وهو ميستاهلش انا قلتله الكلام ده كتير بس هو اللي مفهمش فاكر كلام وخلاص. ومفكر انه عنندي زي زمان بالنسبة للمكان اللي. شافه فيها المرة دي غرفة الاطفال كنت انا وهوقاعدةين ي غرفتنا وهو قالي انه رايح غرفة الاطفال يحول فيديو هات علي الكمبيوتر وكل مرة كان بيقولي تعالي نروح هناك احول فيديو المرة دي قال انه رايح انا قلت عادي وكنت قاعدة بقرأ علي النت اتاخر اوي ده اللي شككني فيه وانتهزت فرصة انه خلص وبيكلم البواب فتخت التاب لقيت الفيديو قالي بالنسبة للنحافة انا قبل ما اتخطبله كنت نحيفة شوية واهلي كانو عايزنني اتخن وبعد الخطوبة قالي اني كويسة ومش محتاجة بس كنت بنحف اكتر وفي قبل الجواز كان بيحاول معايا بس بيقولي حاجة بسيطة وحاليا ساعات يقولي اتخن اوي وساعات يقولي حاجة بسيطة لاني شوية يبان عليا اني رايقة وكويسة وشوية اخس اوي وابقي شكلي مكتئب هو فعلا كان قالي انه قبل الزواج كان مدمن علي الحاجات دي وكان ده مبرره في اول الجواز انه بيشوفها بس بعد كده اكد ليا انه تاب وربنا هداه وهو من اول زواجنا والعللاقة معدودة بيننا مفرقتش كتير عن دلوقتي وده طبعا حسسني بعدم ثقة في نفسي بس كان مبرره المخدرات والكسل وكان عايزني ابقي جريئة بس طبعا مقدرتش وكنت في الاول بهتم بنفسي جامد بس طبعا بعد المخدرات بقيت كسلانة لدرجة اني لو عايزة اشرب ما اقدرش اجيب كوباية ميا واجلها لما ابقي اتحرك واروح المطبخ هو بيشكو. مني ساعات اهتمامي بنفسي بس بيقول انا عاذرك وكده وعارف انك تعبانة ومش قادرة بس مش كتير وبيشكو انه عايزني ابقي جريئة انا حاولت ابقي كده معرفتش وحاولت اقرب منه فتره لقيته بارد وحسسني اني مش اهمه اوي وده خلاني ابعد عنه كتيرر واعيش مع نفسي انا مثقفة شوية بس مش بعرف اطبق اي حاجة لان اللي معايا مش بيشجعني معيشني حياة مملة وانا مع حضرتك في اي حاجة تقولها انا هاعملها ربنا يجازيك كل خير ويرزقك الفردوس الاعلي امييين يارب |
رد: أنا أنتهيت أعمل أيه أبو حكيم وsoqya(ابو م
هههههههههه الله يهديك يا آبنتى ايه ده ده الولد مسكين مرعوب منك .. ده انتى معلامه الآدب الله يهديك يا سوسو هههههه حرام عليك ليه كده لعبة القط والفار اللى انتم فيها معلش وبدون زعل هو معزور فراغ و وحدة وزوجة مع نفسها ولا تهتم به ولا تتقرب منه ولا تظهر رغبة فيها طيب يعمل ايه وانتى عارفة هو خارج من ايه بجد شعرت بحبه الشديد لك بيتحملك ويريد رضاك ينام وقت نومك ويستيقظ معك واذا استيقظ قبلك ايقظك يعنى يظهر من كلامك انك محور حياته ولا يقدر على الاستغناء عنك بسم الله ما شاء الله لا قوة الا بالله بصى بقى انتى قلتى مش عاوزا طلاق ان شاء الله وبإذن الله تعالى وانا بصراحة حاسس ان الولد شارى ومحب ويستاهل المحاولة وبإذن الله ستوفقى وستتكونى اسعد زوجة ان شاء الله وستكونوا اجمل اب وام بعون الله سوسو انتم ما شاء الله العلاقة بينكم جيدة ولكن تحتاج بعض الضوابط والخطوط الحمراء يعنى لازم يكون هناك احترام واسلوب فى التعامل ولا يتخطاه احدكم مهما حدث بلاش الصوت العالى ... تعودا على الصوت الهادى .. على الحوار لحل اى مشكلة واذا فقد احدكم اعصابه فايبتعد حتى يهدأ ثم يعود للحوار اما السب واللعن فهذه اشياء لا تحدث بين زوج وزوجة واذا استمر الحال فستجدوا اطفالكم غير اسوياء وسيعانوا وربما يكرهوا الزواج كله لا تعامليه بقسوه وندية واعلمى ان فاقد الشىء لا يعطيه واذا لم تعطى لزوجك الحب والدلع والدلال وفلن تجدى منه هذا ايضا لن اقول لك اجعليه سى السيد ولكن انظرى الى زوجات الماضى كانوا لا يعلموا الا حاضر ونعم وفى الظاهر هى ليس لها كلمة ولكن فى باطن الآمور فالزواج لا يخطوا خطوه الا بعد مشورة الزوجة ورضاها عنها وبعدين انتى زلتى موضوع عن كتاب "لماذا يحب الرجال الجنس الآخر" ولا تعملى باى مما قرأتى مع زوجك وحبيبك ابنتى الزواج شركة وشراكه تخليى لو اثنين شركاء واحد يعمل والآخر ينفق دخل الشركة هل تستمر الشركة؟ .. اكيد الاجابة لا تقربى من زوجك يا ابنتى وكونى الصديقة والمحبه ابحثوا معاً عن ما يقربكم وكيف تَسعدوا معاً ابحثى يا آختى عن مواضيع الدكتوره هبه قضب ففيها كثير من الفائدة لكم بإذن الله لانى اشعر من كلامك ببعض البرود فى العلاقة والنفور منها وهذا اكيد يرجع للخجل لانه واضح انك مازلتى تخجلى منه فى آمور العلاقه الخاصة والنفور والانصراف عن العلاقه اكيد يرجع الى سبيبن الاول برود تامر وعدم الآخذ بيدك لكى يعودك على هذه الآمور وكذلك عدم خبرة فى اسعادك اثناء العلاقه لكى تحبيها وتسعى لها وتبحثى عما يزيد قربكم وسعادتكم اثناءها السبب الثانى وهو ان اول سنوات الزواج ضاعت فى موضوع الادمان ولم تكونوا متفرغين للقرب من بعض وكسر حاجز الجهل من ناحية تامر وكسر حجر الخوف والخجل من ناحيتك توقفى يا سوسو عن دور المخبر واعلمى انه مع الآسف كثير من الرجال الا ما رحم ربى يشاهدوا هذه الاشياء والغالبية من يشاهدها عندما يجد برود وعدم تجاوب وصد من قبل الزوجة فى الماضى كان لا يوجد البديل ولكن اليوم ومع الآسف هناك بدائل وخصوصاً اننا مع الآسف بدلاً من ان نستفيد من التكنولوجيا فيما هو مفيد ويطور حياتنا الدينية والدنوية انفتحنا على مشاهدة مثل هذه الاشياء والتى كانت صعبة المنال فى الماضى مثلما شوفتى فى فلم السينمائى فلم ثقافى ولكن اليوم كمبيوتر مع نت وترى كل ما تريدى ولا حول ولا قوة الا بالله وان لله وان اليه راجعون فى احصائية عن نسبة الدخول الى المواقع الاباحية فى الغرب تظهر ان اعلى معدلات للدخول الى هذه المواقع ايام السبت والاحد فى العطلة الاسبوعية ام فى الدول العربيه فنسبة الدخول مرتفعه جدا فى جميع ايام الاسبوع وده معناه ان الكثير يدخل الى هذه المواقع من العمل وليس من البيوت فقط لذا هذا نجد مستوى النموا الاقتصادى لدينا صفر المهم نرجع الى موضوعنا سوسو بلاش تخسرى زوجك هو مرتبط بك ومتعلق بك بسم الله ما شاء الله لا قوة الا بالله ولكن كثرة النكد والصوت العالى والتطاول وعدم التبعل له وعدم وجود رومانسيات ستجعله ينصرف عنك ويذهب ليبحث عن حريته وسعادة بعيد عنك ليبحث عن الانثى والتى تتعامل معه على انه الرجل وفتى الاحلام وهو معه النقود التى تجعله مطمع لاى انسانه منحله تبحث عم من هم مثله لكى تستنزف مع معه من نقود وهو سيجرى عليها لانه تسعده ولا تنكد عليه ولكى يثبت لك انه تعافى واصبح دنجوان وزير نساء وهن من يجرين خلفه واياك تتخليلى ان هذا الآمر بعيد عنه لا والف لا اكبر شىء يهين الرجل هو تجاهل زوجة وتعمد اهانة ومعاملة وكأنه طفل او تخيل انه لا يستطيع ان يعيش بدونها يا آبنتى اعلمى اذا كان الرجل يخاف الله فسيرمى هذه الزوجة ويذهب ويتزوج بمن هى مثلها او افضل واذا كان لا يخاف الله سيجد بدل الخليلة خمسة نسأل الله السلامة اصحى يا ابنتى وركزى فى بيتك وزوجك وابذلى الغالى والثمين لكى تسعدى بزوجك ويكون نعم الاب والزوج لك بإذن الله تعالى اما التقوقع والاهمال واللامبلاه فلن تجنى منها الا ضياع عمرك سنه وراء سنه وخسارة كل شىء لا قدر الله انا تحت آمرك بإذن الله وموجود معك فى اى وقت تريد اذا اراد الله وكتب لى العمر ان شاء الله تعالى ويمكن ان تفتحى موضوع عن انشغال زوجك عنك وبعده عنك وخصوصاً فى آمور العلاقة والاخوات حفظهن الله سيفيدوكى بإذن الله وستكسبى منهن خبرة كبيرة واكيد يمكن ان يتحدثوا معك بحرية اكثر منى لانكن نساء مثل بعض استفيدى يا ابنتى من المنتدى ولا تفكرى بمفردك واعلمى انه لا خاب من استخار ولا ندم من استشار ولا عَلَى من لم يدخر منتظرك اسمع تعليقك وماذا ستفعلى فى المرحلة القادمة بإذن الله تعالى |
رد: أنا أنتهيت أعمل أيه أبو حكيم وsoqya(ابو م
والله انا غلبانة هو انا لو معلماه الادب كان رد عليا كده لما سالته ايه ده ولحد الان بيتعامل كأن مفيش حاجة حصلت ولا حتي هان عليه يقولي متزعليش برغم انه عارف اني زعلانة وبرد علي قد الكلام ومش بفتح معاه كلام الا لو سالته عن حاجة ضرورية والنهاردة اعصابي سايبة كل ما ادخل المطبخ وامسك حاجة تقع مني فكسرت طبق مخصص ليه بيحب ياكل فيه وفي زيه طبق تاني واحد بس لانه بياكل في طبق كبير من بتوع السلطات والخضار بقوله حاول بقي تاكل في الاطباق العادية مش عندي استعداد اكسر التاني كمان [ طبق تاني. شبهه بس بتاع طقم تاني ] او اجيبلك طبق من عند اهلي قالي وانتي مش عايزاني اكل في الطبق عشان خايفة يتكسر مش كفاية كسرتي الطبق اللي بحبه وماتكلمتش وخدها عند معايا يبقي مين اللي معلم التاني الادب وانا والله في فترة اسبوعين تقريبا حاولت اقرب منه واابقي كويسة وادلعه بس مالقتش التجاوب والتشجيع وعرفته اني مش هقدر ابدأ ده تاني من نفسي وهو ولا هنا مش فارق معاه واكيد ساعات ممكن قليلة بس كنت بحاول اقربله واتكلمت معاه كتير والله قلتله يحاول يفهمني ويقرأ في خلال سنة ونص او اكتر مكملش كتاب عن اللس طلبت منه يقرا فيه وبالمقابل قرأ مئات االكتب علم نفس تنمية بشرية كتب دينية وقصص بوليسية والله كمان ما قرأ ربع كتاب ازاي هحس اني اهمه عشان اقدر اهتم بيه هو اناني همه نفسه وبس
وانا كمان بقالي فترة كبيرة سنتين مش بعلي صوتي عليه حتي لما نقفش في الكلام بسكت ومكملش الحوار وهو مش بيخاف مني ولا حاجة ده سوسة بصراحة مش عارفة هعمل ايه لو هو فضل بارد كده انا هفضل كده لو جاء واتكلم معايا وحاول نتفاهم ساعتها هنفذ كلام حضرتك وانا فعلا مش بنكر اني مش بعمل اي حاجة من اللي بقرأها مستنية حاجة ايه هي بقي مش عارفة والله مش عارفة اقول لحضرتك ايه علي كرم اخلاقك ده والله ربنا يعلم ان الحاجة الحلوة اللي في حياتي حاليا هو مساعددة حضرتك ليا ولله الحمد علي كل حاجة ربنا يكرمك يارب ويحققلك كل اللي بتتمناه ويرزقك الفردوس الاعلي مع من تحب |
رد: أنا أنتهيت أعمل أيه أبو حكيم وsoqya(ابو م
الله يكرمك ويبارك فيك الحمد لله واسأل الله ان يجعلنى سبب لسعادتك واستقرارك اللهم آمين يعنى انتى شايفه انه السوسة هههه .. طيب انتى ادرى بقى يا بنتى انتم بتتعملوا كأنكم اعداء مش ازواج واحباب لازم يكون بينكم حاجة مشتركة تتحدثوا فيها واعلمى ان غالبية الرجال كده فلازم انتى تتقربى من مفاتيحه شخصية وتعرفى تدخلى له من الاشياء التى يحبها واعلمى يا ابنتى ان العلاقة الخاصة من الاشياء التى جعلها الله عز وجل اكسير الحياة الزوجية ومن الاشياء التى تذيب الجليد بين الزوج والزوجة وتكون سبب بعد الله عز وجل فى التقارب والتسامح بين الزوج والزوجة وهى وسيلة ضغط يمكن لكل طرف ان يستغلها عندما يجد اهمال او فتور مع الطرف الآخر وهذه الورقة الهامة جداً والتى تفرق ما بين اى علاقة اجتماعية وعلاقة الزواج منعدمة فى حياتكم سوس ما الفرق بين علاقة الزوجة وابيها والزوجة واخوها او ابنها الفرق ان العلاقة مع الزوج فيها ميثاق غليظ وان كل طرف يفضى الى الآخر ربما يكون الحب ما بين الزوجة وابيها اكبر مما بينها وبين زوجها ولكنها لا تستغنى عن زوجها لانه سكن ويعفها عن الحرام وهى كذلك بالنسبة الى الزوج انتم بعد مرور ثلاثة سنوات ليس بينكم اى تفاهم بخصوص هذا الآمر واعلمى يا ابنتى ان بداية التفاهم والقرب فى هذا الآمر تبدأ فى الفراش عندما تنموا بجوار بعض يبدأ التقارب والهمس واللمس اسألى زوجك عن اشياء ليس لك خبرة فيها .. قول له ماذا يسعدك وكلمة منه وكلمه منك ومع بعض المداعبات المتبادله كما ذكر الله عز وجل فى محكم التنزيل {نِسَآؤُكُمْ حَرْثٌ لَّكُمْ فَأْتُواْ حَرْثَكُمْ أَنَّى شِئْتُمْ وَقَدِّمُواْ لأَنفُسِكُمْ وَاتَّقُواْ اللّهَ وَاعْلَمُواْ أَنَّكُم مُّلاَقُوهُ وَبَشِّرِ الْمُؤْمِنِينَ}البقرة223 وبعدها سبحان الله يآتى اللقاء الزوجى دون سابق ترتيب ولا انذار ومع الوقت يزول الخجل ويبدأ كل طرف بالاستمتاع مع الآخر وطلب ما يحبه ويريده وسبحان الله بعدها تشعرى بالسعادة والقرب من زوجك خلى بالك انتم تفتقدوا الى جزء من اهم اركان الزواج لذا العلاقه بينكم يسودها الندية وكأنها علاقة صديق بصديقه اكثر منها علاقة زوج مع زوجة لذا يجب ان تتقربى منه وهو يبذل نفس الآمر والا لا يمكن ان تستمروا هكذا فترة طويلة لذا كان رأى تدخل احد من حكماء الاسرة ليفصل بينكم ويكون هذا الطرف عاقل ومتزن ويعلم كل مواطن الآمور لكى يعمل على التقارب بينكم ويشرف على تنفيذ كل طرف الواجبات التى عليه وهذا آمر الله عز وجل {وَإِنْ خِفْتُمْ شِقَاقَ بَيْنِهِمَا فَابْعَثُواْ حَكَماً مِّنْ أَهْلِهِ وَحَكَماً مِّنْ أَهْلِهَا إِن يُرِيدَا إِصْلاَحاً يُوَفِّقِ اللّهُ بَيْنَهُمَا إِنَّ اللّهَ كَانَ عَلِيماً خَبِيراً}النساء35 يا ابنتى هناك آمور لا يمكن ان تقدرى على حلها بنفسك .. سبحان الله ورفضك تدخل اهلك خطأ وواضح من كلامك انكى لن تنجحى فى السير بسفينة الحياة فى الاتجاه الصحيح لذا يجب من وقفه حازمه مع زوجك وتكون امام رجال يعمل لهم حساب ويخاف منهم ولا يقدر على رفض طلباتهم المهم الان انا اريد منك تحرك طيب ما رائك انك تستغلى هذا الموقف وتقول له انك زهانه وتريد الذهاب الى بيتك آهلك لترتاحى قليلاً وتكون فترة هدنة بينكم وكل طرف يفكر فى حياته وكيف يمكن ان تتقاربوا لكى يكون للحياه طعم لا تقولى انك لا تطيقى بيت آهلك ... وخلى بالك هو يعلم هذا لذا يضغط عليك وهو يعلم انك لا يمكن تغضبى وتخرجى الى بيت اهلك لذا يفعل فيك كل ما يريد دون خوف من فقدانك وهذا اكبر خطأ تقع فيه الزوجة انظرى الى اختان لنا هنا الاولى لها سنوات متزوجة وتعانى من الجفاف وسوء المعاملة ولم تجرأ على ترك البيت وآخذ موقف يعيد الى حياتها التوازن والاستقرار والسعادة صدقت زوجها عندما قال لها لما طلبت الطلاق فى ستين داهية واظهر انه غير مبالى مع العلم انه لو خرجت ربما اسبوع وسيآتى لها سعياً يطلب رضاها بعدما تآكد الآمر يمكن ان يصل الى فقدنها والعيش بدونها وهذه آخت ثانية اتخذت موقف حازم عندما وجدت خلل فى العلاقة وذهبت الى بيت آهلها واصرت على الطلاق فنجد الزوج جن جنونه واعرب انه سيموت لو فقدها فطلبت هدية لكى ترجع مبلغ من المال واصرت ان ينصلح حاله والا لا رجعة لها وفعلاً عادت ولقد تغير الزوج تغير كامل بسم الله ما شاء الله لا قوة الا بالله واصبح الزوج المحب العطوف ووو ولو لم يقدر الله ان تتخذ الزوجة هذا الموقف لاستمر الآمر سنوات دون تغير فكرى يا ابنتى وشوفى ماذا تريدى وان شاء الله ربى يلهمنا بالطريق السليم ولكن الرضا والسكوت هكذا غير مقبول ابداً ابداً يا آختى لقد آمرنا الله عز وجل بتقويم العلاقة الزوجية عندما تنحرف عن مسارها ولم يرضى سبحانه بظلم طرف لطرف مهما كان السبب |
رد: أنا أنتهيت أعمل أيه أبو حكيم وsoqya(ابو م
كلام حضرتك صح ونفسي اعمله بس مش قادرة خاصة ان مرة في اول زواجنا كلمت اهلي يجيوا ياخدوني ومامتي جت ونزلت من عنده وانا بزعق وبنتخانق مكملش اربع ساعات وجالي وقالي تعالي هفكر كده كويس واارد علي حضرتك وتقولي اعملها ازاي واقوله ايه
|
رد: أنا أنتهيت أعمل أيه أبو حكيم وsoqya(ابو م
مش فاهم حاجة يعنى ايه جاء بعد اربع ساعات وقال لك ارجعى طيب وايه اللى رجعك ليه لم تقولى لن ارجع فهمينى براحة يا سوسو |
رد: أنا أنتهيت أعمل أيه أبو حكيم وsoqya(ابو م
هي شخناقة كانت في اول شهور زواجنا بسبب فرجته علي الكليبات وشربه للمخدرات طول الليل كنا بنتخانق واول ما مامتي صحيت كلمتها وجت تاخدني هو فضحني وقالها اني بغير عليه من. انه بيتفرج علي الكليبات الهم خدت ملابسي ونزلت بس انا قلت لماما وبشرب مخدرات قالتلي هو ماسك عليكي حاجة وكده قلتلها لا المهم روحت بيت. اهلي جمب بيتي خمس دقايق بيننا كلم مامتي وجه وقالي ماتزعليش وتعالي نتفاهم في بيتنا وانا طبعا كنت مذلولة ليه بالمسكن طبيعي رجعت البيت معاه ومبقتش بدخل اهلي في مشاكلنا كنت بس بحكي لمامتي ساعات حاجات
|
رد: أنا أنتهيت أعمل أيه أبو حكيم وsoqya(ابو م
طيب الآمور الان اختلفت الحمد لله وتوقفتى عن التعاطى ولم تصبحى ذليلة له بحمد الله اذن لازم وقفه وده فرصتك الان زوج لا يعمل ولا يحسن عشرتك ولا يقربك بالشهر ولا يسعى للبحث عن سبب لتآخر الحمل وفوق كل هذا يتركك ويذهب للمقاطع طيب ماذا تنتظرى بعد كل هذا .. يا بنتى تحركى لكى تعيشى زوجة طبيعية ان شاء الله على فكرة فى موضوع موجود دلوقتى بالمنتدى ربما يفيدك بخصوص موضوع العلاقه http://www.66n.com/forums/showthread.php?t=260512 اقرا الموضوع ابنتى اكيد ستجدى اشياء تفيدك ان شاء الله سواء عن الخجل الزائد او سبب عدم التجاوب وعدم الرغبة والبرود اثناء العلاقه ومدى كرهه الزوج لهذا الآمر والذى يصل به لمشاهدة المقاطع والاستمتاع وهجر الزوجة وهو ما وصل له تامر بالفعل الان وانا هنا لا اقصد انك السبب .. وربما هو الذى ادمن هذه الاشياء ولا يقدر ان يستعنى عنها ويستبدلها بالمتعه مع الزوجة ولكنه موضوع هام لكل زوجة وخصوصا حديثى الزواج مثلك |
رد: أنا أنتهيت أعمل أيه أبو حكيم وsoqya(ابو م
قرأت الموضوع وهو فعلا مفيد لما فيه من تنبيه لاخطاء ممكن تقع فيها الزوجات من اخطاء مثل تجاهل رغبة الزوج وعدم تنفيذها وسماع كلام ام او اخت دون وعي وتاكد وغيرهم من الاخطاء موجودة بالموضوع شكرا لك وجزاك الله كل خير علي تنبيهي للموضوع ده
بالنسبالي انا مش كده من ناحية ابقي ميتة بل اتفاعل ولكن لي اخطاء كالخجل وعدم المبادرة وعدم التجديد انا عندي ثقافة شوية لاني بقرأ كتير بس مش ثقافة كاملة في الموضوع ده تامر امبارح كلمني وصالحني ووعدني انه بجد المرة دي هيبقي انسان تاني وطبعا قال مبررات مش مقنعة لموضوع الفيديو وهو مسحه اول ما انا عرفت وحلف انه نادرا اما بيعمل كده كلمته عن اني كنت ناوية اروح لاهلي وقالي مين قالك اني هسمحلك وقلتله اني اتغيرت وانه مابقاش عندي زي زمان واني بفكر اسيبه واني مش مسامحاهوقلتله اني خلاص مش قادرة استحمل الحياة دي وانه لرمضان لو مالقتش تغيير لو بسيط انا هروح لاهلي اولي بيا وميفكرش انه هيضحك عليا ويمثل لحد رمضان لالالا والف لا انا هبقي مفتحة اوووووي بس المشكلة اني حسيت من كلامه انه مش مقتنع انه مقصر معايا من ناحية الحب والاهتمام شايف بس تقصيره علاقة وماديا والخروج والفسح راي حضرتك ايه غلطت اني اتكلمت معاه واعمل ايه عشان اصلح غلطي اانا ماليش غير حضرتك بعد ربنا ربنا يكرمك ويسعدك دنيا واخرة |
رد: أنا أنتهيت أعمل أيه أبو حكيم وsoqya(ابو م
طيب الحمد الله يا سوسو بس المهم تكون شفتى الموضوع وقراتى كل المشاركات لانها هتكون مفيدة قوى لك ان شاء الله وهتفتح عيونك على اشياء ربما تكون غائبة عن ذهنك ولكن ازى لم ترى الموضوع انتى لازم تدخلى على الخيار اللى اسمه المشاركات الجديدة اعلى الصفحة وده بيظهر لك كل المواضيع الجديدة او التى بها مشاركات جديدة منذوا آخر دخول لك على المنتدى نرجع الى الاخ تامر كالعادة ضحك عليك بكلمتين وتوته توته فرغت الحدوته شكلك يا سوسو هتضيعى عمرك كله كده لا حول ولا قوة الا بالله طيب اعترف بتقصيره قال ايه انتى ذكرت له تقصريه واحتياجاتك واللى نفسك يكون موجود فى جوزك طيب مفيش مشكلة ان شاء الله انتى قولى له انك فكرت فى كلامه وموافقه عليه بشرط تقعد وتكتب كل شروطى وتكتب هتتغير ازى ان شاء الله ويكون ده التزام عليك علشان لو لم تلتزم يبقى خلاص انتى اللى اخترت الفراق واظهرت انك مش عاوزنى فى حياتك و وقتها كل واحد ربينا يرزقه من فضله انما انا مش هكمل كده مهما تعمل وانت حر وقولى له انتى تقبل ان جوز اختك يعمل معها كده ويتعامل معها زى ما انت بتعمل معايا مفيش اى اهتمام ولا حقوق مادية ولا معنوية ولا حب ولا حقوق شرعية ليه انا ناقصة رجل او ايد .. انا مش بنت زى اى بنت ... ومليون راجل يتمنى اكون زوجة بس خلى بالك لحسن تفكيره السىء يخليه يرجعك الى الاقراص او المخدرات علشان يزلك فانتبهى حتى لو جاب لك شاىء او اكل بلاش الفترة ده لحد ما ربينا يصلح حاله ربينا معاك ويثبتك لا تنقطعى عن قول حسبنا الله ونعم الوكيل والاستغفار والتسبيح والصلاة على الرسول الكريم صلوات الله عليه |
رد: أنا أنتهيت أعمل أيه أبو حكيم وsoqya(ابو م
انا قرأت الموضوع كله بكل المشاركات وهقراه تاني لانه فعلا مفيد
وهعمل اللي حضرتك قلتلي عليه كله بس عايزاك تقولي اتعامل معاه ازاي الفترة دي لحد ما يتغير وانا ممكن اجيب امي تبقي شاهدة علي الورقة دي اعمل كده ولا بلاش ؟ انا حاسة فعلا اني اتضحك عليا ومش,راضية عن اللي حصل عشان كده عايزة احسسه اني اتغيرت بتصرفاتي واسلوبي بس اعمل ده ازاي مش عارفة |
رد: أنا أنتهيت أعمل أيه أبو حكيم وsoqya(ابو م
ممتاز ان شاء الله فكرة ماما هائله ولو ابوه او امه تضمنى انهم يخافوا الله احضرى احدهم مع ماما اطلبى كل اللى انتى عاوزاه ويكتبه سى السيد ويكون والدتك وامه او ابوه شهداء عليه .. والله عز وجل شاهد على الجميع ويتم تحديد مواعيد للتنفيذ ووقتها تطلبى كل اللى انتى عاوزاه ولو لقيتى تفاعل منه يبقى تعاملى معه عادى واحنا مع بعض ان شاء الله نتابع ونحدد طرق التعامل ولا تنسى ابنتى سلاح الدعاء لله عز وجل والتضرع له ولا تنسى الذكر والتسبيح والله عز وجل معك وسيقدر لك الخير اينما كان واعلمى انه لا يضيع حق ورائة مطالب ام السكوت والخنوع والرضا بالذل فلا يقبل به الا الضعيف المخطىء الذليل |
رد: أنا أنتهيت أعمل أيه أبو حكيم وsoqya(ابو م
للاسف. مستحيل اهله لانهم عمرهم ما هيبقو في صفي حضرتك مش متخيل عملو فيا ايه في تجهيز الشقة والشبكة والمؤخر حتي عارفين ان من يوم ما اتزوجت تامر وهو ماجابش ليا حتي حذااء وبيديوله يحيب لنفسه وانا لا ولسة مامتي مش جت عندي عشان الاتفاق وتامر وافق علي كل حاجة بس قالي اما مامتك تيجي هنتفاهم اكتر
بس انا بصراحة مش مرتاحة لتامر نفسيا بقيت حاسة اني بعدت عنه اوي برغم انه حسسني بتقصيري ناحيته اتضايقت من نفسي شوية بس حسيت بعدها انه بيستهبل مش عارفة بقي |
رد: أنا أنتهيت أعمل أيه أبو حكيم وsoqya(ابو م
ردك مقتضب جداً ولكن اللى فهمة ان اهله مفيش منهم رجى خلاص يكفى امك حفظها الله ولكن مش فاهم كلامك عن تامر على العموم لازم المحاولة ولن نخسر شىء بإذن الله سوسو اصبرى والعاقبة للمتقين مش معقول اللى فسد فى سنين يمكن ان ينصلح فى ايام الامر يحتاج وقت ولكن طالما هناك تحسن ولو بطىء يبقى نحن على الطريق الصحيح ان شاء الله ويجب ان نستمر ولكن ان يكون نَفسك قصير ولا يوجد لديك الآمل والطموح لكى تنجى بسفينة اسرتك الى بر الآمان وتعيشى انتى وزوجك حياة اسرية طبيعية .. اذن لا داعى للمحاولة واما تستمرى معه على حاله وترضى ولا تعترضى واما الانفصال ولا حل ثالث هل انتى مستمرة على الذكر وخصوصا الاذكار التى كتبتها لك منذوا حوالى الاسبوع استمرى عليها وخصوصاً كلما تشعرى بضيق وهم واحباط ودائما اجعلى يقينك فى الله عز وجل تام تام |
رد: أنا أنتهيت أعمل أيه أبو حكيم وsoqya(ابو م
بجد مش عارفة اشكر حضرتك ازاي علي كلامك الجميل واهتمام حضرتك بمشكلتي والله بدعي لحضرتك كل صلاة ان ربنا يسعدك دنيا واخرة ويرزقك الفردوس الاعلي
الحمد لله محافظة علي الاذكار اللي حضرتك قلتهالي كلها يوميا وطول ما انا بعمل اي حاجة بقولها في سري وغالب وقتي ربنا يجازيك كل خير |
رد: أنا أنتهيت أعمل أيه أبو حكيم وsoqya(ابو م
الله يحفظك ابنتى الطيبة الاصلية الوفية اكرمك الله واذكرك ان اليوم الجمعه وقرأة سورة الكهف فى نهار الجمعه لها فضل كبير وكذلك كثرة الصلاة على الرسول الكريم اللهم صلى وسلم وبارك عليه وعلى آهله وصحبه وسلم لكن فى الحقيقة لفت نظرى فى ردك قبل السابق ان تامر ذكر تقصيرك معه وهذا جيد جدا ان شاء الله .. انه بفتح قلبه اريدك تذكرى لى ماذا قال تامر عنك وما هى النقاط التى يشعر معها بالتقصير طبعا انا اسمع من جانب واحد ولكن كلى ثقة انك ستنقلى ما قاله لك دون زيادة او نقصان واسأل الله عز وجل ان يجعلنى سبب بسيط لاسعادتك انتى وزوجك و وعودة الآلفة والسعادة بينكم اللهم آمين اللهم صلى على الرسول الكريم وعلى آهله وصحبه وسلم |
رد: أنا أنتهيت أعمل أيه أبو حكيم وsoqya(ابو م
الابنة الكريمة اعتذر منك لانى كنت اذكر النك بتاعك سوسو الان فقط اخدت بالى انه ساسو مش صح نطقه كده ولكن ممكن بقى اعرف معناه طالما لم يطلع سوسو وان كان النصف الآخر منه سوسو |
رد: أنا أنتهيت أعمل أيه أبو حكيم وsoqya(ابو م
حضرتك تقولي اي حاجة حتي لو قلتلي انتي يابت انتي وعموما ساسو او سوسو هما الاثنين دلع لاسمي
وبالنسبة للتقصيري اللي تامر قاله اني مش بعذره في حاجة وبيقولي كفاية انتي عارفة ذلي لاهلي وانا بطلب منهم الماال لانهمم مش حاسييين انه بطل واحنا بناخد منهم كتير عشان بنجيب ادوية ومسكنات اغلي من المخدرات وبيجيبلي انا كمان وهما مش عارفين اني كنت باخد معاه وهما مفكرين انه لسة بيشرب فكل يومين من بعد يوم 10 يروح ياخد منهم وهما مش مصدقين انه بطل ومش قادر يقولهم انه بيجيبلي ادوية للتبطيل المهم بيقولي مش بتحسي بحرقة دمي واانا جايلك وبدال ما تهوني عليا حتي مش بتقدري اللي انا فيه وانه بيقدر وبيعذرني في تقصيري في البيت ونفسي واهتمامي بيه وانا مش بعذره في اي حاجة وانه سايب الدنيا كلها ومعايا وانا مش مقدرة وقالي بكررة هتشوفي انسان تاني عمرك متخيلتيه انه هيبقي احسن من اللي بتمناه عايزني اقدره واعذره واساعده لاني بصراحة سلبية. جدا معاه بس من سلبيته هو مش بيشجعني علي اي حاجة بخليني اقوله في كل حاجة عادي مش فارقة اعمل اللي انت عايزه |
رد: أنا أنتهيت أعمل أيه أبو حكيم وsoqya(ابو م
وعموما تقصيري معاه اللي قاله في يوم من الايام بس مش اليومين دول وانا عارفة اني غلطانة بس هو بيعذرني انا عمري ما عملتله فطار هو بيصحي يقوم ياكل اي حاجة في الثلاجة ويعمل لنفسه قهوة ويعمل ليا شاي معاه وبقيت اليوم هي وجبة واحدة اللي بعملها وجبه الغدا والعشا مفيش يا بياكل بقيت الغدا يا مش بيتعشي لاننا بنتغدا متاخر ولاننا وساعات لما يروح الجيم اول ما يصحي يسخن لنفسه الاكل بس احنا اتعودنا علي كده من اول جوازنا لاننا كنا بناخد ادوية مخدرة مش بتخلينا ناكل ولا فطار ولا عشا ومش لينا معاد معين نصحي فيه وننام فيه وانا بقوم من النوم تعبانة مش بقدر اعمل اي حاجة وطبعا مش بهتم بملابسه ولا بالشقة ولا بنفسي فبصراحة هو معذور يتخنق من تقصيري بس اعمل ايه انا ضعيفة جدا مش بقددر اتحرك ولا حتي لو اتغديت معاه بيزهق من كتر ما بيتحايل عليا عشان اكل كويس بس غصب عني مش بيبقي ليا نفس اكل جربت ادوية وحاجات كتير مش نافعة انا كل اللي بعمله في حياتي اصلي واذكر ربنا وافضل قاعدة في السرير واعمل الغدا وهو بيعمل حاجات فيه معايا بصراحة وضع يخنق بس مش عارفة اتغير
بحس اني نفسي اعمل كل حاجة بس نفسيا قبل جسديا مش قادرة |
رد: أنا أنتهيت أعمل أيه أبو حكيم وsoqya(ابو م
الله يحفظك ابنتى الكريمة ده انت ست البنات ولا يمكن ان اناديك الا بما تحبى من اسماء حفظك الله فى الحقيقة تامر له حق فى كل ما قال لازم تكونى ايجابية نفسى تكونى له الحبيبه والصديقة كلنا نرى الفتاه اذا احبت شاب ممكن تموت نفسها من آجله على الرغم انهم لم يتزوجوا بعد وتظهر حبها وتفانيها لاسعادة ويكون هذا ظاهر وجلى لمن لا يرى ولكن الزوجة قلما تفعل هذا لماذا لا اعلم اما عن احباطك واكتئابك وعدم وجود شهيه اولاً يجب ان تعودى بحياتكم الى سنة الله التى فطر الناس عليها وهى النوم ليلاً والاستيقاظ على صلاة الفجر لا السهر المتواصل والنوم على الصباح وبعد الصلاة الفجر وقرأة وردك من القرآن الكريم واذكار الصباح تصلوا الضحى ثم تتناولوا كوب ماء عليه معلقة عسل ابيض جيد وهذه سنة للرسول الكريم صلى الله عليه وسلم ثم تخرجوا لتمشوا على النيل والوقت هذا يكون فى قمة الجمال وسبحان الله يعطى تفاءل وسعادة سبحان الله وعندما تجدوا شهيه تبدوأ الافطار بسبع تمرات لكل واحد وهى سنة عن الرسول الكريم صلى الله عليه وسلم ويكون معك افطار خفيف تم تجهيزة من المساء تبدوأ فى تناوله بعد التمر بربع ساعة وبعد العودة الى البيت تجلسوا امام التلفاز لتشاهدوا بعض الاخبار والبرامج الدينية او قناة مكة والمدينة وقبل الظهر بنصف ساعة كوب من الحليب مع التلبينة وهى تباع عند العطار ولقد ذكرت امنا السيدة عائشة انها تزيل الحزن بإذن الله وبعد صلاة الظهر تناموا ساعة او ساعتين وقت القيلولة وهو ايضا سنة عن الرسول الكريم صلوات الله عليه ثم تسيقظوا لصلاة العصر واعداد طعام الغذاء وتكثرى من السلطات والفواكهه والاسماك والحمام والارانب ولا تكثروا من اللحوم والدجاج وهذا لا يمنع من تحليل صورة دم ومقدار الحديد لديك لانى متآكد من وجود انيميا لديك وربما انيميا شديدة وخصوصاً اذا كنتى تعانى من نزيف اثناء الدورة الشهرية واعلمى يا ابنتى ان معدل الحديد الطبيبعى للفتاه من 10 الى 12 اما اذا قل عن هذا تكون انيميا واذا قل عن 6 ربما يحتاج المرء الى نقل دم والا يمكن ان تحدث مضاعفات خطيرة لا قدر الله ويفضل قبل الافطار ان تتناولى كوب عصير برتقال فرش كبير فأنه يساعد على امتصاص الحديد من الافطار سواء آكلتى بيض او فول وقبل تناول الغذاء تناولى كوب من عصير الطماطم الفرش مع عصر ليمونة عليه وقليل من الفلفل الاسود فأنه فاتح جيد جداً بإذن الله للشهية اسأل الله ان يهديك ويعينك على ان تفعل ما ذكرت او بعض منه وتآتى وتفرحينى ان اشاء الله على الاقل حافظى على كوب الماء مع معلقة العسل الابيض والسبع تمرات وكوب عصير البرتقال قبل طعام الافطار وطوب عصير الطماطم قبل الغذاء ولا تنسى تحليل الحديد مهم جدا لو سمحتى تنزلى اليوم لعمله واخبارى بالنتيجة اسأل الله لك التوفيق والسداد والسعادة اللهم آمين |
رد: أنا أنتهيت أعمل أيه أبو حكيم وsoqya(ابو م
ربنا يكرمك يارب ويحفظك بجد والله كلام حضرتك ونصايحك بتحسسني بحنية الاب اللي خايف عليا وده اكتر حاجة بتسعدني بعد قربي من الله عز وجل ربنا يباركلك في بناتك واولادك ويحفظهم وتشوفهم احسن ابناء في الدنيا
بالنسبة للتحليل عملته قبل جوازي بسنتين وقبل جوازي علي طول ومن وانا طفلة وفعلا عندي انيميا شديدة ونقص حديد وكاليسوم وزنك وغيرهم ووالدي جابلي ادوية وفيتامينات بس مكنتش بنتظم عليها والواضح ان صحتي ساءت عن زمان لاني وقتها كنت بقدر اشتغل واروح واجي واعمل كل حاجة وكنت علي الاقل بقدر ااكل بس بعد زواجي تامر مش بيوديني لاي حتة كل حاجة ماجلها بس والدي للالان بيجيبلي حاجات قوية تعوض النقص اللي عندي بس والله اخدها يوم واكسل او انسي عشرة ببس خلاص بقالي فترة مش كبيرة بحافظ علي اكل فواكه معينة وباخد الفيتامينات بالنسبة لنزولي اتمشي انا بتمني ووقت الخروج بنط من السرير لانها اكتر حاجة بحبها بس تامر مش بيرضي كل اللي عليه استني اما يبقي عندي نشاط واخرجك والاعبك رياضة ونجري في النادي والله بقالي سنتين مستنية بس اعمل ايه بقيت بقي اما بروح لمامتي باخدها ونتمشي شوية بس طبعا مش دايما عملتها مرتين بس مرة امبارح ومرة من فترة وهو بيبقي في الجيم بيتمرن |
رد: أنا أنتهيت أعمل أيه أبو حكيم وsoqya(ابو م
جزاك الله خيرا وبارك فيك ولكن كلما ذكرت لك شىء قلتى فعلت او انا افعل الان يبقى كلامى لا داعى له يا ابنتى انا انصحك لتفعلى ان شاء الله طالما انتى تعلمى ان لديك انيميا اذن يجب تناول حقن حديد فوراً ان شاء الله سيبك من تامر اطلبى من والدك يمر لياخذك ويقوم باللازم ان شاء الله يا ابنتى تحركى كفاية سلبية واستسلام الى متى بالله عليك هو لا يريد ان يتحرك وانتى مثله ولكن الفرق تتحججى به يا ابنتى نحن على ابواب شهر فضيل شهر رمضان الكريم اجعليه سبب ونقطة تحول فى حياتك توكيلى على الله وانوى التحرك وان شاء الله سيعينك الله عز وجل |
رد: أنا أنتهيت أعمل أيه أبو حكيم وsoqya(ابو م
المشكلة ان تامر مانعني نهائي ان حد من اهلي يعمللي حاجة واما اقوله طب اعمل يقولي يومين كده وتعدي الايام ويفضل يأجل كل حاجة بيقولي متصغرنيش امام اهلك هو انا مش قادر يعني اكفي طلباتك اقوله طيب انا اعمل ايه يقولي اصبري انا من بكرة هبدأ واعمل جدولي ويبدأ فعلا بس اسبوع ويكسل يوم وتاني يوم والكسل يبقي اسبوع ويرجع يبدأ من جديد الل غايظني انه فاضي ودايما قاعد في البيت انا بس مستنية ماما تيجي من السفر. ونقعد نتفق علي كل حاجة وبعدها مش هيبقي في تهاون
انا ما اقدرش انكر سلبيتي واني فعلا مش قادرة اعمل حاجة بس غصب عني انا جوايا احباط شديد بقول لنفسي حتي لو عملت هكسب ايه وخاصة ان اللي بايدي اعمله حاجات محدودة وكلها في البيت زي اهتمامي ببيتي وبنفسي فقط لان تامر والله مقيد حريتي تماما نادرا لو سابني اخرج او هو خرجني والخروج بالنسبالي والشغل هو الحياة لكن لو قمت واتحركت واهتميت بالبيت هفضل برده قاعدة زي ما انا لحد ما هو يتغير وده اللي بيحبطني ومخليني لاقية حجة لنفسي عشان اكسل انا والله تعبانة من وضعي جدا واتخنقت من حياتي فوق الخيال وغالب الحاجات اللي بقول لحضرتك بعملها باخدها من كلام حضرتك ليا ونصايحك ليا لاني فعلا عاجزة عن التفكير ولا عارفة انا عايزة ايه ولا ابدأ منين جزاك الله كل خير وبإذن. الله هستغل فرصة شهر رمضان بإن الحال يبقي افضل. وهعمل بنصايح حضرتك وربنا يقدرني ربنا يكرمك ويسعدك دنيا واخرة |
رد: أنا أنتهيت أعمل أيه أبو حكيم وsoqya(ابو م
ومستحيل كلام حضرتك بالنسبالي يبقي مالوش داعي وربنا يعلم ان الحاجات اللي بقول لحضرتك بعملها بتبقي بناءا علي كلام ونصايح حضرتك ليا ولو حضرتك تعبت مني انا ممكن انسحب ومش هبقي زعلانة وهبقي مققدرة لان كل انسان ليه طاقة تحمل وبرده هفضل ادعي لحضرتك لان حضرتك افادتني كتيييير وخلتني اخد بالي من حاجات غايبة عني جزاك الله كل خير ورزقك الفردوس الاعلي
|
رد: أنا أنتهيت أعمل أيه أبو حكيم وsoqya(ابو م
يا ساسو انا مش بقول كد علشان تنسحبى انا عاوز اشوف نتائج ان شاء الله تعالى يعنى مثلا تنظيم النوم الالتزام بالسنه مثل التمر والماء والعسل شرب العصائر الفرش موضوع الانيميا وخلى بالك الانيميا سبب لعدم الانجاب والاكتئاب والكسل وووو انا مش عاوزك ترمى كل حاجة على تامر انتى كمان عليك دور ولازم تبدأ ان شاء الله منتظر جديدك ابنتى الطيبه واعلمى انا مش هسيبك الا لما اجد سوسو بتاعة زمان واللى كلها حيوية ونشاط ان شاء الله |
رد: أنا أنتهيت أعمل أيه أبو حكيم وsoqya(ابو م
ابنتى اين انتى انتظر عودتك ولكن بآخبار جميلة من انتظام نومك وخلافه بارك الله فيك |
رد: أنا أنتهيت أعمل أيه أبو حكيم وsoqya(ابو م
انا بس كنت بقول لو حضرتك تعبت معايا
وعموما انا نزلت واشتريت التمر والعسل وهنفذ كلام حضرتك بالتفصيل وقولت لوالدي علي حقن الحديد وهيجبهالي وهبدأ من دلوقتي ان شاء الله في كل حاجة وكله بفضل حضرتك بعد الله وكتر خيرك مستحملني وهبقي اكتب لحضرتك كل جديد ربنا يكرمك ويسعدك دنيا واخرة ويرزقك الفردوس الاعلي امييين يارب دي مشاركة كنت المفروض كاتباها بليل قبل النوم بس مش عارفة ليه مالقتهاش موجودة والنهاردة صحيت الظهر واخذت التمر والعسل بس لسة مشوفتش والدي عشان الحقن وتامر طبعا رفض ننزل نتمشي بس قال هيخرجني النهاردة نشتري حاجات بس لسة مامتي مسافرة ومش هتيجي غير بعد علي الاقل اول 3 ايام من رمضان وان شاء الله انا خلاص بدأت في الاهتمام بنفسي وصحتي وحياتي ومش هتراجع تاني ابدا حتي لو كنت بدأت بخطوة قليلة بكرة الخطوات هتكبر وحياتي هتتغير وهتبقي كلها خطوات متقدمة وبرده الفضل يرجعلك بعد الله عز وجل انا كل ما اكسل وايئس احس ان حضرتك بتفوقني وبتحطني امام مرآه لا تعرف كيف تكذب ربنا يجازيك كل خير دنيا وآخرة |
رد: أنا أنتهيت أعمل أيه أبو حكيم وsoqya(ابو م
انتى فين يا بنتى طبعاً نائمة كالعادة نفسى تنظمى نومك ويكون نومك بعد صلاة العشاء بساعه او اثنين والاستيقاظ على آذن الفجر او قبله بنص ساعه لصلاة ركعيتن فى الثلث الآخير من الليل والدعاء والتضرع الى الله عز وجل وهو يتجلى الى السماء الاولى فى الثلث الآخير من الليل ويقول الملك سبحانه وتعالى هل من سأل فأعطيه هل من ذو حاجة اقضيها له طبعاً هذا بخلاف رمضان اما فى رمضان فيجب ان تستيقظى للسحور واعلمى ان وجبة السحور فيها بركة وقد اوصى بها الرسول الكريم صلوات الله عليه ساسو ممكن اعرف برنامج رمضان معاكم منذوا الاستيقاظ الى موعد النوم وبعدين لا تنسى التمور وهذا شهر رمضان يجب الافطار على التمر ولا تنسى طبق الخوشاف التين المجفف والقرصيا والمشمش والزبيب طبعاً بعد وضعهم فى ماء فهذه الاشياء بها فيتامين دال وهو هام جدا لك ولا تنسى عصير الطاطم فاتح جداً للشهية وكذلك عصير البرتقال وآكثرى من تناول البيض والجبن الابيض والالبان انتظر ان تخبرينى عن تناول هذه الاشياء وشعورك ومدى الاستفادة التى شعرتى بها بعد تناولها طبعاً لن اوصيك بتقليل الشاى والقهوة جدا جدا يعنى ممكن كوب شاء خفيف فى اليوم او اثنين على اكثر تقدير ويكون بعد الآكل بثلاث ساعات او قبل الآكل ايضا بثلاث ساعات لانه يوقف امتصاص الجسم للحديد وبالتالى تزداد الانيميا ولا تنسى كثرة آكل الكبده يعنى كل يوم نصف كيلو على الاقل لانها هامة جدا ومليئة بالحديد كل عام وانتم بخير ونسأل الله ان يآتى العيد وانى سعيدة وفى احسن حال |
رد: أنا أنتهيت أعمل أيه أبو حكيم وsoqya(ابو م
وانت بخير يارب جزاك الله كل خير علي الدعاء الجميل ده
انا وتامر بنصحي قبل العصر بساعة نصلي الظهر ونقرأ قرآن للعصر واقوم ارتب البيت واجهز حاجات الفطار واما اخلص اقعد اقول الاذكار واتفرج او اسمع محاضرة دينية للمغرب وطبعا ببقي مجهزة طبق الخشاف تمر وتين ومشمش مجفف وفواكه خوخ وتفاح وموز وعصير مانجو وكلهم مع بعض وافطر بتمرتين واصلي المغرب واجهز الفطار واكل طبق الخشاف بالفواكه واقعد للعشاء واصلي واشرب شاي وممكن انزل زي النهاردة نشتري حاجة وارجع اصلي القيام في الثلث الاخير من الليل. واشرب شاي واتسحر بالجبن والخشاف بالفواكه واقعد اقرأ قرآن واحفظ وانام علي الساعة7 الصبح واصحي قبل العصر وتامر زيي ووانا بعمل الاكل او بنظف بيقرأ وبيروح الجيم 3 ايام في الاسبوع بعد صلاة التراويح وحصل انجاز رهيب مفرحني جدا اخيرا هنعزم اهله واهلي كل حد فيهم يفطر معانا يوم من يوم ما اتجوزنا محدش منهم دخل بيتنا كده هيتعود علي الزيارات ويبقي في قرب من اهلنا وياريت لو حضرتك شايف اي تعديل علي النظام ده ياريت تقولي انا بستفيد من حضرتك كتير. ربنا يجعلك من عتقاء هذا الشهر الكريم ويرزقك الفردوس الاعلي مع من تحب |
رد: أنا أنتهيت أعمل أيه أبو حكيم وsoqya(ابو م
الابنة الكريمة السلام عليكم روحمة الله وبركاته كيف حالك اسأل الله ان تكون الايام العشرون الماضية من رمضان كانت ايام خير وسعادة عليك فى الحقيقة ان زعلان منك لانك لم تبشرينى بجديدك فى الفترة الماضية على العموم انا اذكرك بدخول العشر الآواخر من رمضان وان اليوم الثلاثاء ستكون اول ليلة بعد دخول المغرب ان شاء الله واسأل الله ان يوفقك فيهم ويرزقك قيام ليلة القدر وكذلك الليلة الآخيرة من رمضان وفقك الله وبارك فيك |
رد: أنا أنتهيت أعمل أيه أبو حكيم وsoqya(ابو م
وعليكم السلام ورحمة الله وبركاته
الحمد لله بخير بس ما اقدرش علي زعل حضرتك مني انا والله مكنتش بكتب لان حضرتك ما ردتش علي اخر مشاركة ليا قلت ان حضرتك اكيد مشغول ومش بشوف حضرتك متواجد في المنتدي بالعكس والله انا حصلتلي شوية مشاكل ومحتاجة لرأي حضرتك جدا بس قلت اما حضرتك تبقي فاضي هترد علي مشاركتي وماحبتش اتقل علي حضرتك وانا مازلت ماشية بنفس النظام في الاكل والعبادات وان شاء الله مش هفوت العشرة الاواخر في الشهر الكريم ربنا يجعلنا وحضرتك من عتقاء هذا الشهر ويكرمك ويرزقك الفردوس الاعلي امييين وان شاء الله النهاادردة هكتب لحضرتك كل مستجداتي |
رد: أنا أنتهيت أعمل أيه أبو حكيم وsoqya(ابو م
الابنة الطيبة الحمد لله انك بخير هذا بفضل الله تعالى نعم انا لم ارد لانشغالى ولان نظامك جيد ولا يحتاج تغير ولا تعديل انتظر مستجداتى ان شاء الله تكون خير الاهم الان ابنتى تلحى على الله عز وجل فى سجودك وقيامك وتهجدك ان يثبتك ويثبت زوجك ويهدية وان يرزقك الذرية الصالحة ويصرف عنكم شياطين الانس والجن اللهم آمين |
رد: أنا أنتهيت أعمل أيه أبو حكيم وsoqya(ابو م
ياارب حضرتك تبقي بخير دايما وان شاء الله بنفذ نصايح حضرتك
مستجداتي للاسف تامر كان متضايق من حوار العزومات واهله رجعو في كلامهم وقالو مش هنقدر نيجي لاننا في دور عالي وسلمنا متعب جدااا ومفيش اسانسير وطبعا بعدها تامر فرح واجل عزومة اهلي بس انا فضلت مصرة قلتله مش هينفع بعد ما قلت لاهلي يجيو ما تجوش وهو بيقولي حاولي والعزومة المفروض يوم الجمعة بس كل شوية يحسسني انه مخنوق ومتضايق وانا كلامه ده بيحرق دمي يعني اهلي من يوم اتجوزت ماحدش منهم جه عندي ومش قادر يستحملهم ساعتين . وثانيا مامتي لانها دايما عند اخويا في بلد تانية للي فيها المستشفي اللي بيتعالج فيها قاعدة هناك علي طول ولسة مش قعدو مع بعض عشان الاتفاق ويوم العزومة مش هينفع لان بابا هيبقي موجود وهما مش عايزينه يعرف بس تامر كويس معايا ووعدني بعد العيد هيوديني لدكتورة عشان الحمل بس لسة حياتنا زي ماهيا ماشية انا بنظام تغذية كويس وهو بيروح التمرين 3 ايام في الاسبوع لحد بعد رمضان هيروح كل يوم. وفي حاجة طلبتها منه ورافض سمعت شيخ قال ان يجوز للمرأة تكتب في عقد الزواج شرط انه ما يتزوجش عليها وانا قلتله عايزة اعمل كده رفض وقالي انه عمره ما هيعمل ده من ورايا ولو عمله هيبقي معااه فلوس كتير بالتالي مش هيفرق معاه قيمة الشرط اللي في العقد بس عرفته اني عمري ما هقبل بده وقالي انه من مبدأ انه يحس انه مش مجبر بمنطق الممنوع مرغوب وكمان رافض انه اروح اقابل اختي في تركيا عشان نشوفها لاننا واحشناها رافض. اروح مع مامتي وبابايا واخواتي اقنعه ازاي ربنا يكرمك يارب ويسعدك دنيا واخرة |
رد: أنا أنتهيت أعمل أيه أبو حكيم وsoqya(ابو م
جزاك الله خيرا ابنتى ساسو معلش انا هبدأ بالمهم ان شاء الله والباقى عندما يكون الوقت متاح سنتحدث فيه بإذن الله اولا بالنسبة الى موضوع العزيمة لا تعطى اى اهتمام لاى تصرف منه وتجاهليه فى هذا الآمر تماماً بس خلى هذه العزيمة تتم ان شاء الله لكى يتعود على هذا الآمر واعلمى ان الخطأ خطاك هداك الله برضاك وسكوتك عن هذا الآمر منذوا اول الزولج ولكن لا نقول الا قدر الله وما شاء فعل وتذكرى انك تبنى الان شخصيتك الجديدة مع زوجك واللى المفروض كانت تظهر من اول الزواج ويجب ان يعلم الاخ تاتو انه الان رجل ومتزوج ويجب ان يتحمل مسئولية فتح بيت ويتعلم الواجبات والمسئوليات ومن هذا المنطلق ندخل الى موضوع اختك الكريمة حفظها الله وسدد خطاها وردها سالمة غانمة اقول اما ان يآتى معك والا ان يسمح لك بالذهاب مع آهلك وآخيراً اهمس فى آذنك ابنتى الكريمة تعلمى فن الدلع والغنج لزوجك لتحصلى على ما تريدى بدون زعل اشعر انك شديدة بعض الشىء ولا تحاولى اظهار اثوتك له اعلمى يا ابنتى ان قوة المرآة فى ضعفها و المرآة الذكية التى تعلم كيف تستخدم اسلحتيها من رقة وجاذبية وحنبة وحب وآثارة وووو لكى تصل الى ما تريد ولا تنسى صلاة ركعتين قضاء حاجة قبل الشروع فى طلبك من زوجك حتى يهديه الله عز وجل ثم بالكلمة الطيبة والدلع والحب ان شاء الله لن يتحمل هذه الاسلحة وسيرضخ لا محالة بإذن الله ابنتى اعطى زوجك بعض الحب والاهتمام واشعريه انك سعيدة به ويملىء عينك من كل الجوانب واستمرى فى الطلب والالحاح وان شاء الله خير وانا معك بإذن الله لكى نتصرف مع رد فعله هداه الله |
رد: أنا أنتهيت أعمل أيه أبو حكيم وsoqya(ابو م
جزاك الله كل خير
نفذت نصيحة حضرتك واهلي جايين اليوم وخليته ينزل يشتري الحاجات وكان راضي وبعد ما قلتله المفروض مش كل شوية تحسسني انك متضايق قبل وغير كلامه وقالي انا خلاص مش متضايق وساعدني في حاجات كتير الحمد لله وبالنسبة لموضوع اختي هحاول |
رد: أنا أنتهيت أعمل أيه أبو حكيم وsoqya(ابو م
بسم الله ما شاء الله الحمد لله يا ابنتى الطيبة اسأل الله ان يهديه ويحنن قلبه عليك ويحنن قلبك عليه ويآلف ما بين قلوبكم انتى فقط اعطى له حنية واهتمام وتعلمى كيف تجذبيه لك و اذا وجدتى منه برود او نفور او ابتعاد لا تقابلى هذا النفور بنفور وتجاهل منك لا بل تقربى منه انتى وتوددى له حتى يخجل من نفسه يا ابنتى ما يميز الفتاه العاطفه وهى التى تتحكم فى افعالها وهى عكس الرجل اما من تكون جافه او غير عاطفية فلن تنجح فى كسب قلب زوجها بل بالعكس سيكون هناك تنافر بينهم وجفاء اما موضوع آختك اجعلى الوالدة من تتحدث معه فيه واستخدم هذا الآمر كورقة ضغط لكى يظهر انه تغير وان هذا الآمر هو عربون فتح صفحة جديدة تتميز بالحب والود والسكينة والسكن وان كل طرف يحاول ان يسعد الآخر ويبذل ما فى وسعه لاسعاده ولا تنسى الدعاء والتضرع الى الله عز وجل فى هذه الابام الفضيلة سواء على الافطار وهناك دعوة مستجاب للصائم او فى الثلث الآخر من الليل وخصوصاً فى الايام الوتر ولم يتبقى منها الا ثلاث ليل فقط واسأل الله العلى القدير ان يوفقك الى قيام ليلة القدر ويتقبل منا ومنك صالح الاعمال |
| الساعة الآن 11:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©