|
رد : طلقني زوجي واريد الرجوع
اشوف تروحين تقابليه هذا زوجك ابو عيالك واعتقد الرسئل بالجوال ممكن ترسل من طرف مقرب لزوجك ولكن مخرب بينكم
حاولي تواجهيه واتبعي كل السبل تنازلي عن كبريائك امام زوجك هو شيء من التواضع اعرف صعبه انحني له لخاطر العشره والطفله ..يمكن الله يحنن قلبه الك وترجعون احسن من قبل قال الحبيب صَلَّى اللهُ عَلَيْهِ وَسَلَّمَ : ( لَوْ كُنْتُ آمِرًا أَحَدًا أَنْ يَسْجُدَ لِغَيْرِ اللَّهِ ، لَأَمَرْتُ الْمَرْأَةَ أَنْ تَسْجُدَ لِزَوْجِهَا ) رواه ابن ماجة (1853) ، وصححه الألباني في " صحيح سنن ابن ماجة " . |
رد : طلقني زوجي واريد الرجوع
طيب بستخير اول
شوفو وش حاطه توبيك )لاشوقآ كشوق الأم في إنتظار مولودها الأول ربي قر عيني برؤية جنيني سالماً معافى 🌺) طيب شوفو انا آخر رسالة أرسلتها له كانت في تاريخ2/11 وإلى ذي اللحظة مارسلت له شئ طيب لو اني كنت أرسله ومازلت أرسله كان قلت صح يبغى يوصل لي أنه حياة جديدة لاكن انا خلاص ماعاد قلت له شئ وعمي الي قلت لكم بيكلمه قلت له خلاص لاتكلمه وش فهمتم انتم من توبيكه وصورته |
رد : طلقني زوجي واريد الرجوع
حبيبتي الرجال باين حانن لكم ويحب البنت بس حلفانه رد فعل على تصرفاتك معاه
بس أنت ليني الله يخليك وادعي الله سبحانه وتعالى يجمعكم وابعدي كل الاهل عن المستجدات خلاص لا تخبرين أحد عن اللي ناوية تسوينه ترى أهلك وأهله أفسدوا بينكم مع الأسف ما شفت ولا طرف حكيم من جهة أهلك وأهله ؟ شلتي الحظر ؟ |
رد : طلقني زوجي واريد الرجوع
سألتكم بلله تدعون لي أن تكون ذي الخطوة خير علي وعلى زوجي
شلت البلوك وفيني خوف مادري ليه متضايقة والله خايفة يكون يبغى يوصلي انه خطب ولا شئ والله اني أدعي أن الله يفتح بيني وبينه وأقول يمكن ربي استجاب دعاي طيب وش رأيكم في التوبيك الي حاطته حلو ولا |
رد : طلقني زوجي واريد الرجوع
الله يعينك ويفرج همك و يردك لبيتك ولزوجك ويجمعكم على خير ويطمن قلبك ويريح بالك
|
رد : طلقني زوجي واريد الرجوع
الله يرده اليك ردا جميلا ،ويجمع مابينكم عاجلا غير اجل
|
رد : طلقني زوجي واريد الرجوع
اختي افتراض انه بايع شك مافيه يقين
بصراحة استغرب اذا اعطاك بلوك وشال البلوك لمن شلتي البلوك معناته انو متابعك!! مالهدف من المتابعة ان كان ناوي حياة جديدة ايضا مالهدف انه يحفظ رقمك لديه في جهازه الأخوات ما قصروا لو حصلت لك فرصة خديث معه امسكي نفسك من كل ناحية ارجوا من الله ان يكون ماحدث بينكم خلاف عابر ، ولا تلبثون فيه الا قليل ، وتعدون اأفضل حالا مما سبق |
رد : طلقني زوجي واريد الرجوع
ايه خلي التوبك لا تغيرينه
|
رد : طلقني زوجي واريد الرجوع
يا رب تكون فاتحة خير وما تجيبين العيد من أقصاه على قولة فاكهة !!
المهم المهم المهم لا تردين بعنف وتنبشين بالماضي ولا تشتتين نفسك بكثرة الاستشارات ترا كل واحد بيقفل ع نفسه بابه وأنت إلي تعانين وحدك ادعي وتضرعي لله أن يرد لك زوجك ويصلح حالك أنا متفائلة خير |
رد : طلقني زوجي واريد الرجوع
كلامكم ريحني كثير
واتمنى من كل الي ردو علي انكم تكون متابعين لموضوعي الأيام الجاية عشان اذا صار شئ جديد تقولون لي وش اسوي |
رد : طلقني زوجي واريد الرجوع
لو أرسل لك كلام ضايقك أو بدر منه أي موقف مزعج تصرفي بهدوء وعدم انفعال (اتركيه يفضفض ويفرغ اللي متعبي جواته)
لأنه بعدها بيرتاح وتقدرون تتفاهمون بشكل سليم |
رد : طلقني زوجي واريد الرجوع
اهم شي لاتجيبي سالفة ، اهلك سو واهلك فعلو
واهلك هم الي فرقونا ، وانت ماسويت شي ابعدي كل هالكلام من راسك واذا جاب سيرة ابوك واخوك وقال توبيكات ومادري ايش لاتنفعلي وتقولي انت السبب ،،،الخ حاولي تسترجعي محبته وتليني قلبه وخلك بكلامك حنونه حبوبه رزينه و هاديه واثقه من نفسك ومؤمنه بقدر الله |
رد : طلقني زوجي واريد الرجوع
إن شاء الله ترجعين يارب يا كريم .
لكن سؤال بلا زعل لو تكرمت . إذا رجعت إن شاء الله ، هل ستتصرفين كما كنت سابقا تفعلين ، أو تكونين أفضل من السابق ، بعد أن عرفت قيمة فقدان زوجك ؟ . لا تجيبين سيرة أنت أخطيت والمفروض تصلح كذا وكذا .. ولا تتشرطين لأنه ممكن يكون راجع لضغوط معينة ويدور في باله أنك ممكن تغيرت ، فإذا شاف إن ما فيه تغير عندك ترسخ المفهوم عنك بأن ما فيه فايدة وإن راح هالمرة ما رجع . فاتركي كلام الحريم كرامة وما كرامة ما بين المرأة ورجالها كرامة إلا في حدود جدا ضيقة . |
رد : طلقني زوجي واريد الرجوع
اقتباس:
عادي جداً انا مطلق زوجتي قبل شهر تقريباً والتوبيك حقي قبل اسبوع حطيته غداً اجمل ان شاء الله وصورة عروس جديده وصاكتني بلوك من يوم الطلاق لو تكلمنا وتفاهمنا بتفاهم معاهم ونوصل الى حل يرضي جميع الاطراف اما صاكتني بلوك وتسمع نصايح من ناس يقولون لها صكيه بلوك فهميه انك بايعته علشان يرجع لك هذي أسوء النصايح اذا انتي فعلا عايفته صكيه بلوك واخلصي اما تبين الرجعه انتبهي تسوينها وترا اللي نصحوك هالنصيحه ماراح يجيك من وراها الا وجع الراس واتوقع ماراح تفك الحظر ابداً واتوقع ابوها او اخوها الكبير بيكلمني علشان نتفاهم وان لم يتصل احد بسلامتهم الله يستر عليهم عيالي عندي وبنتهم عندهم والله يعوضني ويعوضها خير لكن لو حسيت منها رغبة بالرجعه على الأقل تشيل الحظر وتلمح بأي شكل من الاشكال هو يحط لك هالتوبيكات يبي يغيظك خلك رزينه وهاديه وزوجك انتي اعرف وحده فيه حاولي تعرفين نقاط ضعفه واظهريها للنقاش وتبرين ذمتك انك لآخر لحظة حاولتي بكل الطرق لم شتات بيتكم ان غلط عليك وسم بدنك بالكلام قولي له انا سويت اللي علي وحاولت اصلح الحال وانت سو اللي يرضي ضميرك ولا تظلمني والله يستر عليك |
رد : طلقني زوجي واريد الرجوع
اقتباس:
الله الشاهد إني صرت اقرأ في النت واتثقف عشان اسعده وأحاول أعرف وش يجب الرجال ووش يكره |
رد : طلقني زوجي واريد الرجوع
اقتباس:
وش رأيك بما انك رجال ومطلق ليه زوجي فكه ويحط كلام زي كذا مع اني ماعاد أرسلت له شئ وهل تتوقع التوبيك حقي وصورة البنوتة الصغيرة بتحنن قلبه |
رد : طلقني زوجي واريد الرجوع
المشكلة إني خلاص مع قرب الولادة صرت متوترة واعصب بسرعة الله يستر وأكون هادية لو ارسل شئ
|
رد : طلقني زوجي واريد الرجوع
اقتباس:
انا تزاعلت مع زوجتي وهي حامل بولدي الثاني ويومها هواش وطولة لسان وانا ماتحملتها ثم غلطت علي بحضور ابوها انت كذاب وانت وانت وانت قلت لبوها هذي بنتك عندك وانا ماعاد ابي حرمة تتكلم علي بهالاسلوب كأني اصغر اخوانها وطلعت قعدت من الشهر الخامس عند اهلها ماطلقت لما جا وقت الولاده كلموني المستشفى وقالوا لي زوجتك تولد كانت الساعه 6 الصباح قلت لهم اهلها عندها قالت مادري بس قالت لنا نتصل عليك وعطتنا رقم جوالك لو سمحت تعال جيتهم ركض ودخلت الغرفة الا هي على وشك تولد وهي تولد اعتذرت مني وقالت انها تعصب بس قلبها ابيض وقلت اسكتي اول مادقوا علي المستشفى وقالوا تولد وانا مسامحك ggl قومي بالسلامه ويصير خير والحمدلله الموقف هذا طول علاقتنا الزوجة كم سنة لكن زوجتي تعود لنفس المشاكل ونفس الشكاوي وتسمع كثير لناس من برا وماتحفظ اسرار بيتها وهالشئ متعب جداً والحمدلله انفصلنا الآن واحلل الوضع لايهمك الرجال مسوي نفسه مايهتم والله اننا نغلي بس كرامتنا وتعودنا ان المراه هي الحريصة على بيتها خصوصاً اذا ماكان فيه مشكله كبيرة مثل خيانة او ادمان مخدرات او مسكرات خلاص الرجال يكون شديد وينتظر من المرأه المبادرة والرجوع ممكن كلامي خطأ بس هذا اللي لاحظته زوجك يهمه الوضع واتوقع والله اعلم انه بيرجعك بآخر لحظة قبل الولادة بالنهاية لايهمك احد ولاتتبعين الا نصيحة عقلك وقلبك تبينه بادري ولا عليك من اللي ينصح اثقلي وهو مايبيك لو يبيك بادر هالكلام مو صحيح نحب الزوجة اللي تبادر لنا وتقول انا ابيك يافلان ومتعلقه فيك ضعفهن وحاجتهن لنا هو اللي نحبه وقت ماشفتي ان العدة انتهت وولدي بالسلامة وهو منعزل خلاص هنا اقول لك ارفعي الراية ووكلي امرك لله ان ارادك يدل البيت وفيه رجال يتفاهم معاهم على فكرة رعاية الاطفال مو سهله انا متبهذل مع عيالي وتعبان وقرفان وامي تعبانه من مسؤوليتهم وحالتنا حاله بغيابها صدقيني لو مارجع لك كم شهر بياخذ البنت ويحس ان الناس متضايقين امه وخواته ماراح يتحملون عيال الناس حتى لو عيال ولدهم امهم موجوده هي تتولاهم وش دخلنا تجيب عيالك زيارة ونبلش بهم حنا حليب وحفايظ ومسؤوليات والله زوجتي كانت شايله شغل كبير وظيفة وعيال علشان كذا انا معفيها من الغسيل والطبخ لاني عارف انها تتعب اول خطأ ان زوجتي ماصبرت وحمدت الله على وضعها انه احسن من كثير غيرها حسيت بثقلها وقيمتها لما غابت بس بديت اتعود هذا ثاني خطأ اني ممكن استغني عنها ثالث خطأ عدم سؤالها ولا بيننا اي تواصل او رغبة بالحلول وانا ماغلطت بحقها بس الاختفاء يعطي تلميح انها ماتبيني وانها كان ودها نفترق والله اعلم بس انتي شدي حيلك بعد وكلام كان خاطري اول ولادة انت معاي تخيلت من اول يوم عرفت اني حامل انك بتكون معاي لحظة بلحظة ماتوقعت تقسى علي هالشكل هالكلام يأثر فيه كثير وان شاء الله يرجع لك احسن من اول |
رد : طلقني زوجي واريد الرجوع
اقتباس:
الله يفرح قلبك برجعة زوجتك والله كلامك فعلا رفع معنوياتي وخصوصاً انه كان متحمس لذي البنت متى تجي ومحمل برنامج في الجوال حق حساب الحمل وبطبعه يحب الصغار لاكن للأسف أحس زوجي يكابر بقووة والله الناس شتتني تقول خلاص بايع طيب يوم بايع ليه فك البلوك كان خلاه وعاش حياته حتى لو أنه صدق بيتزوج كان خلاص مافكه ولاشئ وراح شاف حياته وللأسف الموضوع تعقد زوجي احسه ماعاد له وجه يقابل ابوي لأن ماواجه ابوي وأخوه غلط علي وعلى ابوي وأبوي حط توبيكات هو واخوي زعل منها زوجي عشان كذا الموضوع تعقد صار حرب كرامة بين الرجال |
رد : طلقني زوجي واريد الرجوع
الله يتمللك حملك على خير
ويهدي بالك برجوعك لزوجك وتجتمعي معاه هو وبنوتّك ان شاء الله |
رد : طلقني زوجي واريد الرجوع
ليس على كل حال المبادرة من الزوجة نقطة ايجابيه
هناك نفوسا دنيئه تأخذ هذه المبادرة الى مسارا اخرا ((كل امرء بما كسب رهين )) (( وماظلمهم الله ولكن انفسهم يظلمون )) الكبر ردائي والكبرياء ازاري فمن نازعني فيهما قصمته ولا ابالي ........حديث قدسي الخلاصه .....من ابتدأ الخطأ هو من يبادر .......غير هذا المنطق مرفوض تماما تماااااااااااااما استوعبوا |
رد : طلقني زوجي واريد الرجوع
اتركي سوالف الكرامه وهالخرابيط
والله مافيها شي لو تبادري وتكلميه انا كلمت طليقي وطلبت الرجعه بالعده ورفض لا ضر كرامتي ولا شي شي بنفسي سويته عشان مالوم نفسي بعدين اول خطوه شيلي البلوك ثاني خطوه ان مارسل فتره بتدري ارسلي له انتي رساله من قلبك تحنن قلبه على البنت ان رجع كان بها وان مارجع صدقيني هذا الشي بيخفف عليك موضوع جلد الذات ولوم النفس الي تعاني منه المطلقات كثير تطلب الرجعه من زوجها لاهو عيب ولا حرام هذا يعتبر للحين محرم لك بكره تطلعي من العده ويحرم عليك استغلي هالوقت يمكن قلبه لان ويبي بس دفعه منك اتركي عماتك وخالاتك عماتك لو بناتهم حمل ومطلقات هن بانفسهن بيكلمون طليقهم يرجعهم تحسبين البيوت ما يصير مشاكل وطلاق لازم طرف يتنازل ويا ما رجال وحريم بادرو وتنازلوا المبادره مو من رجل ولا مره من الاعقل والاحلم فيهم الله يوفقك |
رد : طلقني زوجي واريد الرجوع
رسائل صباح الخير اومساء الخير مع قلوب وحركات في البداية اوكيف الحال ماتضرك الله يفرج همك
|
رد : طلقني زوجي واريد الرجوع
الله يفرج همك يارب.. والله واضح انك طيوبه وع نياتك فلا تخافين ربي معك وماراح يتركك ..ارسلي اكتبي له كل اللي في قلبك من شوق وندم ع اللي صار وتغيرك .. وابعدي عن انك تجيبين طاري الاحداث والمشكل اللي صار .. الله يسعدك ياحبيبتي انتي للحين ع ذمته استغلي هالوقت ربي يوفقك وخليكي داايماً هاديه عشان الجنين يتأثر بتوترك وانفعالك ..
موفقه .. يارب تقومي بالسلامه وتصير فرحتك فرحتين .. النونه وابوها واجزم لك انه بيتغير من اول يوم يصير فيه بابا .. الله يسعدك واسأل الله أن لا تغيب شمس هذا اليوم الا وقد بشرك الله بما يسرك .. |
رد : طلقني زوجي واريد الرجوع
فكرت البارح ..
صوري له أشياءها الي جهزتيها اسأليه عن الاسم الي يبيه لها وإذا ممكن تجيبين العيد بلاش < خايفة تحوسين الدنيا |
رد : طلقني زوجي واريد الرجوع
اقتباس:
أخاف يرجع يصكني بلوك اذا أرسلت له |
رد : طلقني زوجي واريد الرجوع
اقتباس:
الله يسعدك فرحتيني ب دعواتك أخاف أرسل ويصير زي المرة الي قبل يسمعني كلام وبعدها يصكني بلوك واتحطم |
رد : طلقني زوجي واريد الرجوع
اقتباس:
باقي ماقد قضيت لها عندي أمل إني أنا وأبوها نقضي لها سوا لو أضمن أنه مايسمعني كلام ولا يقول ابوك وأخوك عادي برسله بس والله خايفة |
رد : طلقني زوجي واريد الرجوع
اقتباس:
شكلي بصبر إلى نص شهر 4 بعدين أبدا أرسله يكون باقي على الولادة كم أسبوع |
رد : طلقني زوجي واريد الرجوع
من كثر ماني مو قادرة مستوعبة أن زوجي فك البلوك عني أقول شكله بلغلط فكه ولافرمت جواله أو أو أو
مو قادرة أصدق انه فكه ليه فكه وش يبغى عمره مافك البلوك عني إلا مرة أرسل كلام عن اخطائي وكذا وناقشني وكان معصب وزعلان واعتذرت منه رجع صكني بلوك اليوم الثاني ارسل مصور الشاشه لتوبيك بابه وقال كلام يضايق وأقسم بلله مايرجعني ويقول انه خطب والبنت حلال عليك ماتهمني وانا مو فاضي لها لأنه خطب بعدين رجع صكني غريبة ذي المرة وش يبغى !! والبايع والي بيبدأ حياة جديدة هل يفك البلوك ولا يبدأ حياته بدون مايفك البلوك ؟؟؟؟ |
رد : طلقني زوجي واريد الرجوع
استهدي بالله واستخيري فالخطوة القادمة ... وكتبي له وش ناوي تسمي بنتنا ؟! و صلى الله وبارك
ان كتب لج اسم او رد عليك بأسلوب لطيف .. كتبي له مسا الورد وصورة قلب |
رد : طلقني زوجي واريد الرجوع
اقتباس:
من رايي لا ترسلين ولا شي ... هو من نفسه اذا بغى الرجعه بيرجعك .. لا رسايلك ولا توددك بيغير من الوضع شئ غير كذا اذا نويتي ترسلين له شئ استخيري ..مع اني ابد مااؤيد انك ترسلين له ..اللي عليك سويتيه وزياده ... اتركي له مساحة للتفكير ..اتركي له مساحة يحس بفقدانك وانت مالك داعي تصكينه بلوك .. اذا دق او ارسل ردي عليه |
رد : طلقني زوجي واريد الرجوع
سألت اخوي قلت باقي صاكك بلوك قال ايوه
ارتحت صراحة لأني قلت يمكن فرمت جواله وانمسحت الأرقام بس طلع لا هو قاصد يفك البلوك بس حسيت بحزن عليه من كثر ماحط صور مواليد قام غير التوبيك لا استطيع التحدث واتساب فقط دعواتكم يكون بدأ حين قلبه ولان |
رد : طلقني زوجي واريد الرجوع
الله يغرج همك واصبري واحتسبي
الله يهون عليك ويرزقك بالطفل المعافى ويرد لك زوجك ردا جميلا اكثري من الاستغفار |
رد : طلقني زوجي واريد الرجوع
الله يفرج همك ... وتذكري الدعوة وقت الولادة مستجابه فاستغلي تلك اللحظة
|
رد : طلقني زوجي واريد الرجوع
الله يجزاكم خير
ادعولي يرجع قبل الولادة عشان نقضي للبنت سوا وربي هذي أمنيتي يارب قل لامنيتي كوني طبعاً صلحت زي ماقلتو فكيت البلوك واحط صور مواليد وكذا بس مارسل شئ ولا أرسلت له شئ يارب زي ماحنن قلبه وفك البلوك يحنن قلبه ويرسل لي |
رد : طلقني زوجي واريد الرجوع
اذا ما ارسل ارسلي انتي
استخيري وانوي بهالخطوه الاصلاح |
رد : طلقني زوجي واريد الرجوع
يارب تفرحينا برجوعك
|
رد : طلقني زوجي واريد الرجوع
كرري دائماً اللهم اكتب لي الخير أينما كان ثم أرضني به،،وفوضي أمرك الى الله علام الغيوب
|
رد : طلقني زوجي واريد الرجوع
دامه فك البلوك هي حاجه من الثنتين ياأما أنه ينتظر تراسليه وتطلبي يرجعك ياأنه قلبه لسه شايل وينتظر اول راسله علشان يطلع الي بقلبه بس أنت أستني شوي ولما تقرب ولادتك أرسلي له مثل ماقالت آفاق بس لاتطلبي الرجعه خليها تجي منه وان شاء الله بكرة بتجي البنت وتنصلح أحوالكم تفائلي خير
صح مافي كرامات بين الزوجين بس لازم الاحترام يكون موجود خاصه انك ماخذه زوج مع أهله مش لحاله بس |
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©