|
رد: طلقني بشهر العسل مستجدات الرد119
أكيد يا خاله كلامك لا غبار عليه
اما سوالي هو خبر اكثر من كونه سوْال |
رد: طلقني بشهر العسل مستجدات الرد119
كلامه منطقي .. لكن في نفس الوقت ما يصير نتوقع منها تقلب قناعتها تماماً وتنسف أمر هي متربية عليه ويعتبر مقبول وعادي في محيطها بين يوم وليلة.
جيد إنه فاهم إن الأمور ما تتغير بين يوم وليلة .. لكن أخليها طول فترة الملجة وأكتفي بالانسحاب من المواقف اللي ما تعجبني وأكتفي بالتلميح لها فقط .. ثم أطلق بسبب موقف واحد بعد فترة قصيرة جداً جداً من الزواج .. هذا أيضاً يسمونه تغيير بين يوم وليلة. مثل ما كان يلمّح إنه يرفض هذا الأسلوب في الحياة كان لازم في نفس الوقت يهيئها إنها هي بعد بتغير هذا الأسلوب .. الموقف العنيف اللي صار بسبب مكالمة زوج أختها كان المفترض يصير بشكل أخفّ وأهدأ مع مواقف مشابهة خلال فترة الملجة. الخلاصة .. البنت عارفة غلطتها ومستعدة تتجاوب معاه .. لكن شوي شوي وبهدوء .. مب كأنها مجرمة ولازم تتأدب! |
رد: طلقني بشهر العسل مستجدات الرد119
اقتباس:
|
رد: طلقني بشهر العسل مستجدات الرد119
الحين امي بترجع البيت دعواتكم لي
|
رد: طلقني بشهر العسل مستجدات الرد119
الله يسهل أمرك ويسخر لك الوالدة ..
|
رد: طلقني بشهر العسل مستجدات الرد119
الله يسهل امرك للخيير ويكتب لك مافيه خيير
|
رد: طلقني بشهر العسل مستجدات الرد119
زوجش مش مباشر يبيش انتي تكونين فطنه وتفهمينها على طول
فهميه شي مو عاجبك تكلم وبين وبأسلوب مرتب .. اما سالفة افهميها واهي طايره فما اظن عندش هالدقه والمعرفه في هالامور |
رد: طلقني بشهر العسل مستجدات الرد119
الله يسخرلك والدتك ويسهل عودتك لزوجك وبإذن الله يلتم شملكم من جديد.
|
رد: طلقني بشهر العسل مستجدات الرد119
يختي بلاش موضوع حلال وحرام(مع انه هو الاهم و الفيصل)
لكن انتي ما غرتي عليه يوم قال شفت شعر اختك؟ ما تغارين يشوف اخواتك ويكونون بنظره احلى منك؟ حتى لو انتي احلى منهم يمكن جسم وحده احلى من جسمك او عيونها احلى من عيونك او صوتها او او او وتلعبوا مع بعض يعني فيها ضحك وميانه!! لا تقولي هذي اشياء تافهه لا مو تافهه والله الحجاب نعمة ولو كل الحريم تحجبوا كان كل زوج راضي (ولو بنسبه قليله )عن زوجته لكن يشوفون احلى من زوجاتهم بالوجه او بالجسم او بالشعر طبيعي بيقارن ويمكن يتحسف بداخله انتي ترضين ان زوجك يعيش معك وبداخله متحسف انه ما خطب اختك اللي بعد ما شافها عرف انها احلى منك في شي معين بباله يمكن انتي منتي شايفته ؟؟ ما امرنا الله بشي الا وهو خير لنا بالدنيا والاخرة |
رد: طلقني بشهر العسل مستجدات الرد119
لكن نسيبج متصل عليج الساعه 12 نص الليل وبشهر العسل وتعاندين وتكابرين
واحمدي ربج انه يبي يرجعج وماشك انه بينكم شي مسكين على نياته انا زوجتي اهلها نفس ها الطبع والله اني ما اعطيتهم مجال وفي البدايه كنت ما اسمح لزوجتي تجلس معاهم ولا حتى تحفظ رقم من ارقامهم بس في البدايه كنت اجلس مع خواتها عادي يعني انا عادي لانه كان عاجبني الوضع جلسه مع بنات وسعة صدر بس والله ان كان يجوني في الاحلام واتخيلهم مكان زوجتي لين مسكتني زوجتي مره وانا في الحلم كنت انادي باسم اختها قلت لها بس اركدي ولايكثر شكلك انتي الحلمانه ومن فتره كنت ناوي اخذ الثانيه من كثر ما اختلط معهم ولو كان يجوز كان خذيت اختها انهبلت وكنت اكلم اختها مو متزوجه واحيانا احاول ارمي كلمه تدعو للجنس حتى اشوف ردة فعلها بس الحمدلله ربي هداني قبل اعمل مصيبه فانتبهي على زوجك وانا ما استبعد انه نسيبج عاجبنه الوضع من هذه الناحيه لاني مريت بنفس التجربه |
رد: طلقني بشهر العسل مستجدات الرد119
اختي الكبيرة اقصر منا نحن البقية
زوجها لما شاف اختي الاخرى (وهي لابسه العباية ومغطية وجهها) قال لاختي ((ما شاء الله اثاريك قصيره و اخواتك طوال ))!!! |
رد: طلقني بشهر العسل مستجدات الرد119
من الآخر
الامور واضحة وضوح الشمس انتي مستعدة تغيرين نمط حياتك وتقطعين علاقتك بزوج اختك وتكون رسمية بدون اتصالات او دلع او سوالف ويكون حدك يشوفك من بعيد وانتي داخله ولا طالعه ويقول كيف حالك يافلانه وانتهى او غير مستعدة لهالتغيير رجعتك له وانتي بنفس الوضع لن تكون الحل لهالمشكلة زوجك يبي منك تتغيرين مستعدة لهالنقلة بحياتك او لا ؟ واهلك 100 % بيحسون وبيعرفون سواء اليوم او بكرة ثم هذا اول زوج اخت لك وماله الا 3 سنوات هذا التغيير سهل جداً ثم وين ابوك من هالموضوع كل كلامك عن امك الا يوجد رجل يتفاهم مع زوجك ؟ والله يا زوجتي عندها ازواج اخواتها من 20 سنة ومن 17 سنة وواحد فيهم كان يحطها بحضنه وهي صغيرة وتعتبره مثل ابوها ولما قلت لها مايعجبني وانا ما احب كذا قالت ابشر وسم وان شاء الله وابوها عرف وقال زوجك غصب طيب تسمعين كلامه لاعاد تجلسين معهم واسمعي كلام زوجك سواء بحضوره او بغيابه وامها عرفت وعصبت وقالت بنتنا واحنا اعرف بمصلحتها يجي هاللي ماله الا شهرين من ملك عليها وبيغير على كيفه قال مالك دخل زوجها وهو مسؤول عنها واخواتها زعلوا عليها وقالت رضاه اهم عندي من زعلكم وشي مايرضيه ما اسويه وصلى الله وبارك والحمدلله الزوجة المطيعه نعمه وان شاء الله ما اقصر عليها حتى زواجنا مفروض عائلي لما شفت اخلاقها قلت والله لا اسوي لك زواج وزفه وافرحك مثل مافرحتيني وبافضل القاعات |
رد: طلقني بشهر العسل مستجدات الرد119
قسمه ونصيب
|
رد: طلقني بشهر العسل مستجدات الرد119
ماهي المستجداات
|
رد: طلقني بشهر العسل مستجدات الرد119
كلمت امي البارحه بعد ما رجعت من الدوام المسا . قلت لها يمه ابيج بموضوع لو سمحتي . وشرحت لها الوضع . وقلت الها انه حنا ما تطلقنا بس انا قلت جذيه عشان ابرر موقفي وان احنا اثنينا غلطانين وكان كله سوء تفاهم وعناد مني وعناد مني وكلمه منه وكلمه مني وصار انه عصب وقال ارجعك بيتكم لين ما تقتنعين فيني او نتفق كيف تب حياتنا تمشي مستقبلا .
المهم .. امي عصبت حيل وسمعتني كلام ماله او من تالي .. وان الطلاق مو لعبه وانتو ما فيكم مخ ويهال وما تعرفون تتصرفون واذا هذي اولها مايندرى شنو تاليتها وياكم وانا اسمع واسمع لين خلاص ماقدرت اتحمل اكثر . قلت الها يمه الحين اللي صار صار شو فايدته ها الكلام .. انا خلصت جملتي وتعطيني محاضره طويله عريضه ... المهم مابي اطول الموضوع لاني مو عارفه ارتب افكاري .. قلت لها انزين يمه هو اتصل واعتذر مني وقال انا تسرعت وتاسف وهو يبيني وشاريني .. ومستعد يقول انفذ كل طلباتج واللي تامرون عليه هذا اللي بيصير .. امي قالت خلاص مادام كل اللي نبيه بيسويه اتصلي عليه وقولي له يتفضل عندنا البيت يوم الخميس بعد العشاء هو و عمه و انا و ابوج .. قلت الها يمه هو ما يبي يدخل احد في الموضوع عشان ما يكبر اكثر مما هو كبير .. قالت لازم حد ناضج يكون وياه لانه ريلج بعده مراهق وياهل ومو شكل واحد يقدر يمسك اسره وبيت وعيال .. قلت لها يمه حرام عليج عطيه فرصه لاني ابيه وهو يبيني .. ويمكن يكون الغلط مني مو منه فلا نعق اللوم كله عليه الله يخليج شيلي عمه من الموضوع .. قالت طيب ما يخالف خليه يمر علينا بروحه او مع اخوه الاكبر وانا وابوج . قلت طيب وانا .. قالت لي انتي ما تدخلين معانا في البدايه .. انا عندي كلام ابي اقوله وعقب بنادي عليج تدخلين .. قلت الها يمه ما يصير جذيه انا لازم اكون موجوده انا لي مطالب بعد ولازم اعرف كل شي بيدور بينكم .. قالت لا تكثري علي كلام وروحي كلميه باللي قلت لج عليه وقلت لج لي خلصت كلامي معاه بنادي عليج وقولي له اللي تبي تقولينه بحضوري وحضور ابوج طبعا .. قلت ما يخالف وامري لله .. انا مو مستوعبه للحين ليش امي ما تبيني ادخل معاهم اجتماعهم هذا . قلبي ناغزني وافكاري متلخبطه .. طول الليل افكر اشتبي تقول له .. الله يستر بس .. انا الفجر ارسلت لزوجي رساله باللي قالته امي .. طبعا بخصوص الاجتماع اما اللي قالته عنه ابد ما بينت له ولا لمحت له .. بس انتظر رده .. وانتظر ردودكم |
رد: طلقني بشهر العسل مستجدات الرد119
اقتباس:
اما لو ابوي كان هو اللي ماسك البيت ما كنت للحين قاعده في بيتنا .. لانه امي هي اللي تامر وتنهي في البيت مو لانه ابوي مو مهتم .. بس مادري .. ابوي طيب جدا جدا جدا بس ماله راي في البيت او له راي بس ما يمشي اذا امي عارضت هذا الراي .. الحمدلله هم مستانسين على الوضع وعايشين بسعاده .. او على الاقل هذا اللي نحن نحسه .. حتى يوم كلمت ابوي بموضوعي قال لي شوفي امج |
رد: طلقني بشهر العسل مستجدات الرد119
تطلقتِ ام لا؟
|
رد: طلقني بشهر العسل مستجدات الرد119
ايوا تطلقت .. ورجعني باللفظ على حسب ما قرات من فتاوي حول هذا الموضوع
بس كله بيني وبينه .. يعني محد يدري غيرنا ماعلمنا احد او يعني من ناحيتي ما احد يدري .. اما من ناحيته فهو اكد لي انه ما علم احد بس مادري |
رد: طلقني بشهر العسل مستجدات الرد119
اقترفت خطئا فادحا بالكذب على أمك في موضوع اسري جسيم مثل هذا
|
رد: طلقني بشهر العسل مستجدات الرد119
ياربي شسوي .. موضوعي كل ماله ويتعقد اكثر واكثر
|
رد: طلقني بشهر العسل مستجدات الرد119
ماراح تتعقد بإذن الله دام الموضوع مشى على الوالده خلاص خليها تمشي ، بس أهم شي تشوفين حل مع إتصالات زوج أختك قبل لاترجعين لا يخرب السالفه من أول وجديد ماأدري شلون أعطى نفسه الحق يتصل ثالث يوم ويتصل رابع يوم خير إن شاء الله أخوي ولد أمي وأبوي يستحي يسويها .
|
رد: طلقني بشهر العسل مستجدات الرد119
البارحه اختي متصله علي تقول لي خل نطلع نغير جو انا وانتي وزوجها واختي اللي مخطوبه .. قلت له لا مالي نفس اطلع خليني قاعده في البيت .. وتمت تلح وتصر علي اني اطلع معاهم بس انا رفضت قلت الها لا مره ثانيه ان شاء الله .. وان شاء الله لي هدت الامور رايحه اكلم اختي بان زوجي ما يرضى بطلعاتنا وقعداتنا بس ابي الموضوع تدريجي شوي .. ابي اخلص من موضوع واحد على الاقل . . موضوع امي و زوجي .. وان شاء الله بعدها اتفرغ لموضوع خواتي ونسايي .. انا عازمه على التغيير و تغيرت فعلا
|
رد: طلقني بشهر العسل مستجدات الرد175
ان شاءالله تنحل امورك وتجي تبشرينا
|
رد: طلقني بشهر العسل مستجدات الرد119
اقتباس:
والدتك بتقول له كلمتين بالعظم عشان ما يكون عنده الطلاق سهل .. واذا حاسه بالذنب لانك قلتي انك ما تطلقتي فتقدري بعد ما ترجعي بيتك وتهدى الامور وتحسي امك ارتاحت تقدري تقولي لها وقتها انتي خايفه من امك لكني اشوف كلامها حكيم وهي تحبك ورغبتها اموركم تزين .. تخافي لو انها تتعنت بزواجك او لها هدف وبدها تكوني مصدر مال لها او لشغل البيت لكنها تحبك وهدفها مصلحتكم فتطمني وخلي الكبار يتفاهموا وبلغي زوجك بانك كذبتي عشان ينصلح حالكم وتحلي مشكلتكم ... عشان يكون بالصورة لو والدتك حاولت تعرف منه بالجلسه . |
رد: طلقني بشهر العسل مستجدات الرد175
متفائل بإن الأمور ستتجه للأفضل
بس نصيحة أمك يجب أن تفهم أن لاشأن لها بحياتك الزوجية يجب ألا تتدخل في حياتكم، وإلا سيطفش زوجك منها |
رد: طلقني بشهر العسل مستجدات الرد119
اقتباس:
رائعة يا عاشقة زوجها :) ربي ما يحرمكم من بعض ويهدي سركم ويوفق ما بينكم |
رد: طلقني بشهر العسل مستجدات الرد175
اللي يقول إنك كذبتي على أمك أعتقد أنه مستعجل في قوله هذا
أنتي هدفك الآن عودة المياة إلى مجاريها مع زوجك واستخدامك أي وسيلة ترجعك له، ما أشوف فيها مانع إذا حبيتي تكتمي سر الطلاق هذا راجع لك أنتي وزوجك إذا حبيتي تقولي لأمك بعديييييييييين عن موضوع أنه حصل طلاق أيضاً هذا رجع لك وراجع للظروف وتقديرك لها. المهم الآن ترجعي لزوجك |
رد: طلقني بشهر العسل مستجدات الرد119
اقتباس:
إجعلي اساس تغييرك هو توبة من ذنب يا أخيتي ... ثم لا داعي لإخبار والدتك عن تفاصيل حياتكما من طلاق و غيره !!! فٱكتمي سرك و لا تخافي لومة لائم !!! فلن تفيد معرفتها في شيء الا كراهية و نفورا لزوجك !!. فٱدرئي مفسدة لجلب مصلحة !! |
رد: طلقني بشهر العسل مستجدات الرد119
اقتباس:
عليها بان تكلمه بلين و تستفهم منه التكلم باسلوب حاد غير جيد خصوصا ان الخطأ الاكبر على ابنتها و ما فعلته شيء ليس بالتافه او الصغير لو تكلمت معه باسلوب حاد قد يراددها و تتفاقم المسألة اكثر من ذلك و قد لا يرجعها و الخاسر الاكبر طبعا البنت لذلك لصاحبة الموضوع قولي لامك تتكلم معه بهدوء |
رد: طلقني بشهر العسل مستجدات الرد175
انت ماشية صح وخطواتك تمام
ومو لازم تعلمين امك حاليا بالطلاق ..بالعكس انا اؤيد انك تكتمين الخبر عنها لانها جدا متعنته ومن قوتها صايره لها الكلمه الاولى والاخيره ببيتكم .. جميل انك امتصيتي غضبها بعدم اخبارها بطلاقك وزي ماقالت بيتا ضروري تخبري زوجك انك كذبتي على امك علشان مايخبرها وقت الاجتماع لنها لو درت امك وقت الاجتماع ان زوجك طلقك وانت كذبتي عليها احتمال تتصرف بحماقه وتغلط عليك وعلى زوجك ..ويالله عاد حليها بس الله يستر من امك لا تشرشح زوجك لاني حاسه انها ناوية عليه شروط صعبه غير البهذله اللي بتعملها له .. لانها من الاساس ماقبلت به الا بعد شروط صعبه .. الله يعينك .. |
رد: طلقني بشهر العسل مستجدات الرد175
زوج أختك ليس محرم لك عشان تكلمينه بكل أريحية
صراحة ما ألوم زوجك خطاك عليه مثل عين الشمس المفروض من بعد المكالمة الأولى أنك سمعتي كلامه واحترمتي رغبته لكن الحقيقة أنك ضربتي بكلامه عرض الحائط وهذا ما أغضبه زوجك معه حق وليس معقد كما تقولين وكلامه صحيح من هو نسيبك عشان تكلمينه ويقول لك وحشة ويقول اسمك بدلع |
رد: طلقني بشهر العسل مستجدات الرد175
عندي احساس ان زوج اختك لاحظ انزعاج زوجك من اختلاطكم ببعض
قام يتقصد يغيض زوجك (الله اعلم مجرد تسليه ولا لهدف المشاكل) يكلمك بثالث يوم لزواجك ويكررها اليوم الرابع لو اخته اتوقع ما سواها!! والحين بيطلع اخواتك وزوجته!! دامكم منفتحين يخلي الحريم يطلعون بروحهم وشوله اللزقه بالحريم!! انتبهي منه ولا تسمحيله يخرب بيتك يمكن يكون مستمتع بالجلسه بينكم والسواليف والمزح بين البنات مدري اختك وين غيرتها!!! |
رد: طلقني بشهر العسل مستجدات الرد175
زوجك معه حق يزعل ويكبر الموضوع ولا يسكت عن حقه وزين إنه ساكت للحين وكاتم سبب الطلاق
الكلام الي قلتيه ووضعكم بالبيت ما يتقبله انسان فيه ذرة غيره أو رجوله زوج أختك ماله علاقه فيك نهائيا لا من قريب ولا من بعيد ولا له حق يكلمك ويسولف معك وياخذ ويعطي وانتي المفزوض توقفينه عند حده والصراحه أستغرب من أهلك تاركينه يعبث براحته مافيه رجل بالبيت يأدبه ! |
رد: طلقني بشهر العسل مستجدات الرد175
لاحول ولاقوة الابالله كرريها دوما
والعمل الذي قمتي به لايجوز ولكن توبي الى الله وحاولي تتوسطين احد حكيم وفعلا حطي حظر على نسيبك من الان اصلح الله حالك |
رد: طلقني بشهر العسل مستجدات الرد175
اعذروني ما رديت عليكم انا تعبانه شوي وانتظر يوم الخميس بفارع الصبر وان شاء الله خير ادعو لي
|
رد: طلقني بشهر العسل مستجدات الرد175
اقتباس:
|
رد: طلقني بشهر العسل مستجدات الرد119
اقتباس:
امي مابي اجرحها عقب يعني لو عدت السالفه ما اعتقد اني بقول لها اني اصلن تطلقت بخلي الموضوع يمشي على البركه اما ليش خايفه من امي فلانها عصبيه جدا وحسيت ان الموضوع مضايقها جدا خصوصا انها انصدمت لما قطعنا السفره ورجعنا سمعتني كلام ماقدرت اتحمله فاخاف تسوي نفس الشي مع زوجي فانا امي عادي اتحملها واتمنى هو يتحملها وانا لمن كلمته قلت له ارجوك اذا امي شدت عليك حاول ترخي انت على الاقل لين تنحل مشكلتنا عقب طلع حرتك فيني ماعندي اي مانع . قلت له انت بس تعال وبالك رايق وان شاء الله ما يصير الا كل خير |
رد: طلقني بشهر العسل مستجدات الرد175
مرحباً أختي
إللي فهمته من مستجداتك الأخيره أنك تراجعتي عند والدتك ونفيتي أنه طلقك. طيب اللحين ماهي نقطة الحوار التي ستتم بين والدتك وزوجك.. يعني بتلومه على أيه.. ؟؟ وهل تتوقعي أن والدتك لو فرضاً إنفعلت ورفعت صوتها على زوجك أو أعطته كلمتين بالعظم أنه سوف يتحمل ذلك على لوم غير متعلق بالموضوع الأساسي أصلاً ( وهو كلام نسيبك معك ) وأن زوجك غير راضي عن هذا الأمر حتى لو مستقبلاً . قيل قديماً .. الصدق منجاة أعانك الله |
رد: طلقني بشهر العسل مستجدات الرد175
ما شاء الله سبحان الله هذا الموقف غيرك 360 درجة اشعر انك كبرت عشرين عام وتغيرت شخصيتك فى ايام ربينا يسعدك وتذكرى وعسى ان تكرهوا شىء وهو خيراً لكم ولكن لماذا لا تقلقى وارمى الهموم خلف ظهرك واتجهى الى الحى القيوم اكثرى من قرآة القرآن الكريم والذكر والصلاة على الرسول واتركى الآمر الى الله كررى ادعيه فك الهم اللهم انى اعوذ بك من الهم والحزن واعوذ بك من العجز والكسل واعوذ من الجبن والبخل واعوذ بك من غلبة الدين وقهر الرجال اللهم انى عبدك ابن عبدك ابن آمتك ناصيتى بيدك .. ماضى فى حكمك .. عدل فى قضاءك اسألك بكل اسم هو لك سميت به نفسك او انزلة فى كتابك اوعلمة احد من خلقك او استآثرت به فى علم الغيب عندك ان تجعل القرآن العظيم ربيع قلبى ونور صدرى وجلاء حزنى وذهاب همى كررى هذه الادعية وسترى العجب بإذن الله اسأل الله ان يسعدكم ويوفقكم ويرزقكم الذرية الصالحه اللهم آمين اللهم صلى وسلم على الحبيب المصطفى وعلى اهله وصحبه وسلم |
رد: طلقني بشهر العسل مستجدات الرد175
امي كانت معصبه لاني قلت لها انه طلقني في ثالث يوم لنا .. بعدها غيرت كلامي وقلت لا الموضوع مجرد سوء تفاهم .. يعني انا تلخبطت وكنت خايفه فهذا اللي طلع معاي .. ادري اني كذبت ولكن انا في داخلي احس ان الكذب افضل حل عشان شوي تقل حدة النقاش .. يعني موضوع زعل ولو انه طول اهون من طلاق انا شفته جذي .. صح غلط الله العالم .. يمكن اصارح امي عقب بس ترجع المياه لمجاريها بالاول .. الحين ماقرد ارجع اقول لها اني كذبت عليج واني فعلا تطلقت ورجعني ها الشي راح يعقد الموضوع اكبر وراح امي تعصب علي اكثر ويمكن ما تخلينا نرجع ..
انا الوم نفسي على كل اللي حصل الغلطعه غلطتي من البدايه فاحاول ارقعها باي طريقه المهم نرجع ونبدا صفحه يديده لاني والله تعبت ومو عارفه شقول وشسوي .. ها اللي طلع معاي وان شاء الله يكون خير انتو ادعو لي بس ان الموضوع يعدي على خير |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©