|
رد: غيرة زوجي تكاد تزهق روحي#9
يعني اقدر اتعامل معه ولا استحاله ؟؟ .. انا دايما اتحاشى النقاش معه لاني عارفه وش النهايه .. اذا ممكن يا أخي تعلمنا كيف اتعامل معه والاحترافيه .. ومثل ماقلت هو يخاف من المواجهة .. بس ودي اعرف وش من تحت لتحت ممكن توضح
|
رد: غيرة زوجي تكاد تزهق روحي#9
اللف والدوران في الحوار
دليل للضعف والخوف من مواجهة الشخص الاخر |
رد: غيرة زوجي تكاد تزهق روحي#9
صحيح ياخي ... هو دايما يلف ويدور في كل مواجهه في كل مشكله .. بس الحين يعني في حل للتعامل معه ولا خلاص ارضى بالواقع ... انا بكلم اهلي وبكلم عمي لاني تعبت من مشاكله
|
رد: غيرة زوجي تكاد تزهق روحي#9
أصبري كم يوم وشوفي تغيره
بس بشرط خلك طبيعية تعاملي باحترام كوني ايجابية بمعنى لو تعدل لاتصيرين مكشرة تغيري احيانا بعض الناس يعاتبوهم ضميرهم لكن يكابرون خصوصاً إذا كان الطرف الثاني ضل منتفخ |
رد: غيرة زوجي تكاد تزهق روحي#9
اخي نيت مان .. بعد كل مشكله .. وبعد كل حوار .. ارجع طبيعيه وأتكلم واسولف معه .. وهو يبادلني هالشي .. ولا كأنو صارت مشكله بالاساس ... بس إذا رجعت المشكله اللي هي ابعادي عن اهلي ... ينعاد السيناريو هذا .. حتى صرت حافظتله من كثر ماتنعاد ... انا مابي حل مؤقت .. لاني قد جربته مية مره ... ابي حل نهااااائي يخلصني من هالمشاكل الاسبوعيه
|
رد: غيرة زوجي تكاد تزهق روحي#9
سبحان الله .. وكأنه ينتظر كلمة ليشتت الموضوع. عموماً تصرفه ليس مفاجئاً. أتفق مع أخي نيت مان إلى حد ما .. اتتظري حتى تري ما سيفعل او حتى تجدي منه ما يدل على أنه سيراجع نفسه. وإلى أن يحدث هذا لا تظلي زعلانة زعل كبير .. ولكن لا تعودي طبيعية تماماً وكأن الموضوع انتهى .. كوني متحفظة بعض الشيء في كلامكِ معه. |
رد: غيرة زوجي تكاد تزهق روحي#9
مهره حبيبتي .. اقدر ارجع طبيعيه .. بس بيقول .. زعلت زعلت وبالاخير رضت .. ويطلع هو معاه الحق وانا الغلطانه .. اعرف شخصيته زين .. بس هالمره حسمع كلامكم وارجع طبيعيه وعلى قولتك مع بعض لتحفظ ... شكراا لكم 🌹🌹🌹🌹
|
رد: غيرة زوجي تكاد تزهق روحي#9
أنا قلت لج ارضي؟ ;) المقصد إنج ما تقاطعينه تماماً .. ولا تتوقفي عن ممارسة واجباتكِ المعتادة ... وإذا كلمج في أي شي ردي باقتضاب وكلمة ورد غطاها. وإذا رجع تكلم في سالفة الطلاق أو بعض الزلات اللي مسكها عليج في نقاشكم الأخير لا تستجيبين ولا تردين أو تبررين أو تدافعين عن نفسج أبداً .. قولي مثلاً: رد عليّ وفهّمني موقفك من علاقتي باخواني وبعدها نتفاهم على أي شي ثاني. وامسكي أعصابج ولسانج عن أي زلة عشان ما تضيع السالفة مرة ثانية ويسوي فيها هو الزعلان. |
رد: غيرة زوجي تكاد تزهق روحي#9
ايه اذا كذا ممكن 😅 .. ان شاء الله يحس .. وانا ان شاء الله امسك لساني واعصابي .. شكرااا حبوبه .. 🌹🌹🌹💓💓
|
رد: غيرة زوجي تكاد تزهق روحي#9
سنورة بعدما ذكرت طريقته بالحوار ،هو عارف نفسه مخطئ والله اعلم انه بعد ما قرا رساىلك وشاف منك حزم واصرار على مناقشة اسبابه بدل الرضوخ شعر بقلة حيلة، وما وجد امامه الا نقطتين يتشبث بيهم ولو انهم وليدات لتصرفاته ، زعلك من فسحته مع اخته و طلبك الطلاق ،يعني شكله معتمد على علاقته معك وخاصة خلال المشاكل انه يغلطك ويجعلك تشعري انك مذتبة ومخطىة وتصيري انت بموفف دفاع عن النفس وليس هجوم ،للاسف تشبيهاتي ربما لا يجب ان تستخدم لوصف العلاقة الزوجية لما لها من قدسية ولانكم لستم اعداء لكن هذا هو اسلوبه ،وتوقعاته انها سمورة المسكينة البنت الصغيرة الي بده اياها تظل بنت امبارح الي بعدها مثل الرضيعة هشة وضعيفة ومعتمدة عليه ،زوجك ترعبه فكرة انك تكوني قوية ولو ما كانت قوتك عليه ، يعني بده اياه ذات شخصية ضعيفة
تعرفي ليه ؟ لانه الظاهر هو حقيقة مو قوي مع غيرك وبستقوي عليك ،طبعا مو خطا الزوحة تكون بالنسبة لزوحها انسانة رقيقة و مسؤوليته يحميها ويشعرها انه سندها ، لكن مش يلغي وحودها ورايها لدرجة ما تقدر تتصرف بحقها وميراثها وحتى تخلص من نكده تهديه مبلغ ، وهي تقنع بنفسها انه باسم الحب والتقدير .والغالب يا سنورة بسبب الرغبة بتقديره لك والرغبة انه يشعرك ويعترفلك انك بتموني عل مالك ،لما اهديتيه اول مبلغ قام قيامتك وعملك مشكلة ،عنده اسلوب رهيب يتعزز ويخليك تجري وراه وتترجيه يقبل فلوسك وحقيفة هدفه يسيطر عليها بهدف ما يشعر انه قوية بمالك ،وما كتبت استنتاحي لاني دخلت بنيته لكن الي سردتيه عن مشاكله معك قبل وخلال وبعد استلامك الميراث اكبر دليل على هدفه ،وحتى لو ماكنت نيته سيىة وحتى او كانت فغلا نيته يخافظلك على فلوسك لكن هدفه الاساسي ما تكبري ولا تقوي . برجع لعندما اهديتيه المبلغ وزعل ، وسبحان الله فرح لمبلغ السيارة لانه اكبر ولانه هيك قسم كبير من فلوسك خرج من سبطرتك ،زوجك ما خلاكي تتهي بميراثك ونبهك وتوعدلك اذا بتصرفي منه فلس لكن للسيارة فرح !!! على الارض نكد وانهم وانغم ،والبيت بده اياه باسمه لحجة المجتمع والعيب والاولى ان يعمل حساب لنظرة المجتمع اذا تصرف تصرف ناقص مثل الي تصرفه مع اخوتك كونهم جزؤ من هذا المجتمع الي لهاف يعيبوا عليه ان سكن ببيت زوجته وان ساق سيارة من فلوس زوجته . سمورة لو اظل اكتب ما بخلص لكن انت بحاجة اخصاىي يوجهك للتعامل مع زوجك لانها مش عقدة وحدة الي بعاني منها ، وانت ضحيتها وبما اني ما بشجعك تتطلقي لانهم اطفالك بستاهلوا تكافحي، ولانه اله تصرفات تظل على حبه ،كافحي بذكاء و بدون الخضوع الظالم ذ،كافحي وانقذي بيتك، وحتى تحصلي على هدفك انت بحاجة ماسة لاخصاىي محترف حتى تعرفي تتعاملي مع زوجك لانه مهما تناقشتي معه ما راح تطلعي الا بتلف اعصابك وبالنهاية تستسلمي وتتسولي تقديره الك او تركه للنكد عن طريق الهدايا والعطايا و لما تصحي بتكوني على الحديدة ،بعيدة عن اخوتك وسجينة لعقده . |
رد: غيرة زوجي تكاد تزهق روحي#9
وكأنك عايشه معنا يافلاحه .. والله كل كلامك صحيح .. هو ضعيف مع الناس .. ويستقوي علي ... واي حوار يهاجم وانا ادافع ... كل اللي قلتيه صحيح .. ودي اكسب يوم واحد بالحوار
|
رد: غيرة زوجي تكاد تزهق روحي#9
جزاكي الله خير اختي فلاحة
ياريت الاخت سمورة تستثمر جزء من فلوسها بمستشار اسري بمركز رسمي وليس عبر النت لان الموضوع متشعب واقوى من ان تواجهه لوحدها بحكم قلة خبرتها بالحياة |
رد: غيرة زوجي تكاد تزهق روحي#9
امس استقبلته عادي .. مابينت اني زعلانه ... قلت له احط لك عشا .. قال ايه لاني ماتغديت وكان بيكمل وسكت .. عرفت انه كان بيقول لانك سديتي نفسي .. حطيت له العشا وجلست .. قال لي .. ليه ماجهزتي نفسك تروحين عند اهلك ... قلت له مابي اروح .. قال طيب .. وبعدين جلس يسولف .. وانا ساكته .. ورجع قال .. اختي ذاك اليوم متهاوشه مع اهل زوجها .. ودخل بالتفاصيل ..وختمها عشان كذا طلعتها ... قلت له انا سألتك؟ انا ماقلت لك تبرر .. هذي اختك ما يحتاج تبرر خروجك او جلوسك معها .. اللي مارضاه لي مارضاه لغيري .. قام تلعثم ويقول لا بس تنا اقولك عشان لا تظلين زعلانه .. قلت له مين قال انا زعلانه من هالموضوع .. انا ابي ترد علي ليه مترصد لي بعلاقتي مع اخواني .. قام يقول هذا جزاي اني جاي افولك .. وانتي تكلميني بالأسلوب هذا .. قلت وش من اسلوب ... قال دامك مو زعلانه ليه ماتسولفين ... قلت له رد علي وانا اسولف معك ... قال لي شاطره بس تسولفين مع أهلك .. قلت له عجيب ... انا كل يوم اسولف معك واحيانا تقول لي خلاص اسكتي صدعتي بي .. قال هذاني قاعد اسولف معك وانتي ساكته ... قلت له قول لي الحين وش فيك ليه مانعني من اخواني ... قال لي ماتتعبين من هالسؤال بس تتعبين من شغل البيت .. قلت له رد علي اذا تبي نسولف ... قال كلي كلي وانتي ساكته يازينك لما كنت ساكته ... شوي وقال ايه تراني مانسيت لما قلتي عني كذاب .. قلت له محشوم بس خاني التعبير 😅 .. قال يعني خلاص ماتبين تطلقين ... قلت له لا ... قال لي لو عدتيها على طول بنطقها ماحنتظر .. قلت له طيب .. " طبعا هذي مو ردودي بس أحاول امسك اعصابي ولا كان لساني انفلت واقوله مو خايفه من طلاقك وووو " المهم اني كنت ماسكه نفسي ... قربت منه قلت بنفسي يمكن باللين يفيد ... قلت له وانا امسح ظهره .. انا بسمع كلامك بكل شي بس قول لي ليه ماتبيني اقعد واسولف مع اخواني .. تراهم اخواني وطلعنا من بطن وحده ويالله زانت علاقننا بعد ماكانت مشحونه ايام وفاة الوالد الله يرحمه ... وتراهم خوال عيالك وعيال عمك واخواني سندي وانت بعد سندي وزيادة الخير خيرين .. قال محد يسند أخته ... الحرمه مالها سند بعد ابوها غير زوجها ... قلت اوكي انت لوحدك سندي بس ليه ماتبيني اتواصل معهم مثل الأخوان والأخوات ... سكت شوي .. بعدين قاال ايه ادري كل هالتميلح عشان تمهدين ليوم الخميس وتبين تروحين لهم .. هنا ماقدرت امسك اعصابي اول مره يطول حوارنا كذا قلت بنفسي اكيد بنطلع بفايده ... انا ما كتبت نقاشنا بالتفصيل .. المهم اني انفجرت قلت له لا انت مو صاحي مو صاحي وقمت ودخلت غرفة بنتي .. وهو جا يقول شلون يعني انا مجنون ؟ قلت له انا مجنونه بس اطلع برا ابي انام ... قال مافي نومه هنا تعالي نامي داخل ...قلت له لك كم يوم تنام بروحك جت على هاليوم يعني ... قال كان بمزاجي .. الحين رجع مزاجي تنامين داخل بغرفتنا .. قلت له طيب بجي انام بس رد علي .. قال لا انا مجنون ما ارد على احد .. قلت له لو انك معك حق بعلاقتي مع أخواني .. كان قلت لي وجاوبتني ... بس لان مامعك حق مو راضي تجاوب ... قال انتي منو مشيشك علي ... انتي ماكنتي كذا زنانه ... اكيد اخوانك مشيشينك ... ولا انتي شلون يطلع منك هالكلام ... قلت ليه وش شايفني .. قام يقول كلام اهبل كالعاده .. قلت له خلاص الكلام معك ضايع ... ونمت وانا مقهورة وابكي من القهر ... ياربي قهرني والله قهرني .. اخاف يوم ارتكب فيه جريمه
|
رد: غيرة زوجي تكاد تزهق روحي#9
هو اصلا باقي فلوس يا لماذا 😔 ... جزء منها بالارضيه وهي الاكبر طبعا .. وجزء بالسياره ... وجزء متسلفها مني ... باقي مبلغ مدري بينفعني ولا لا .. افكر انتظر لما يرد اللي تسلفها وبعدين اشوف وش اسوي
|
رد: غيرة زوجي تكاد تزهق روحي#9
بارك الله فيج يا سمورة .. حوارج معاه عجبني. ولفه ودورانه مب غريب. تبين رايي؟ لا تطللين زيارة أهلج هالفترة .. لكن استخيري وارجعي لقروب اخوانج وسولفي معاهم عادي وبشكل طببعي .. وبدون مبالغة عشان ما يتحجج إنج تستفزينه وتغايظينه. وإذا تكلم .. استخيري وكلمي أبوه. |
رد: غيرة زوجي تكاد تزهق روحي#9
مهره ... مافهمت يعني ازورهم ولا لا ... ان شاء الله بستخير وارجع لقروب ... الله يجزاك خير حبيبتي 🌹
|
رد: غيرة زوجي تكاد تزهق روحي#9
اقتباس:
لا تزورينهم حالياً .. عشان لا يصدق نفسه إنج تتميليحين عشان تزورينهم. إنتي مب قلتي بتصبرين شهرين على الزيارة عشان تشوفين آخرتها؟ .. خلاص التزمي بهالخطة. ما عدا هذا ... تواصلي مع إخوانج عادي .. سواء بالواتس أو الاتصالات. |
رد: غيرة زوجي تكاد تزهق روحي#9
اقتباس:
حوار معه ما ينفع الا بعد ما تتغير أفكاره .. البنت تحاورت معه كثير وكل ما تدخل بنقاش نفس النتيجة وتصير مشاكل .. ومن مشكلة لمشكلة ، ومع احترامي على أشياء لا تذكر. حبيبتي سموره اعتقد ذكر تفاصيل بينك وبين زوجك اكثر من كذا في المنتدى ماراح تكون نافعه ، لان كل واحد راح يقول لك سوي كذا ولا تسوي كذا وهم مو عارفين شخصية زوجك والوضع بينكم .. ليست مجرد سطور تكتب هنا. اذا فعلا منزعجة مع اني ارى ان الموضوع يستطاع حله بالتجاهل وعدم إعطاء الامر تلك الأهمية اذهبي عند متخصصين نفسيين وهم سيحاولون فهم كل تلك الأمور. زوجك اذا بيّنتي ان الموضوع عادي هو راح يطنش وماراح يغار من اخوانك بس كل ما سألتيه ليش اخواني وووو من اعتقادي انه راح يصر حتى لو مافي شيء يستدعي ذلك . جربي حل التطنيش منتي خسرانه .. بس انتبهي ها مو (كبت) وتكتمين في قلبك ، لا.. حاولي تطنشي .. بمعنى اعطي رسائل لعقلك ان هالموضوع مابيهمني بعد اليوم وإني راح اقدر أسيطر على اي مشكلة بتصير بإذن الله. |
رد: غيرة زوجي تكاد تزهق روحي#9
اقتباس:
ما هي تلك الأشياء التي لا تذكر؟ |
رد: غيرة زوجي تكاد تزهق روحي#9
اقتباس:
مع احترامي تعني -من وجهة نظري - الأسباب التي لا تذكر مثل مشكلة (مالك سند غيري) . |
رد: غيرة زوجي تكاد تزهق روحي#9
اقتباس:
اقتبستُ الجزء الذي وددت استيضاحه فقط يا عزيزتي. ;) على كل حال .. إن كنتِ ترين أن (مالج سند غيري) مسألة لا تُذكر .. فلكِ هذا .. ومن حقكِ أن تنظري للأمر من زاويتكِ الخاصة. أما أنا فأرى أنها مسألة حيوية لا يجب أن نتجاهلها. ونعم صفقتُ لسمورة لأنها صمدت أمام لف ودوران زوجها قدر استطاعتها .. وغالبنا يدرك أنه منذ بداية النقاش ما عنده رد ولا سالفة .. فقط ينتظر زلة. |
رد: غيرة زوجي تكاد تزهق روحي#9
اقتباس:
وما فائدة النقاش اذا ما عنده رد ولا سالفة ؟ |
رد: غيرة زوجي تكاد تزهق روحي#9
سمورة ما شاء الله يعجبني فيك تطبيقك للنصائح وتتعلمي من أخطائك بسرعة وتصححيها ..عجبني كمان إنك قدرتي تسيطري على نفسك وقت الحوار ..أما باقي فلوسك لو ماراح تحتاجيها الآن اشوف تحطيها وديعة بالبنك حتى ما تلعبي فيها وحتى ما يطلب منك تسلفيه هيا بس لا تعلميه إلا بعد ما تحطيها وديعة ومو لازم يعرف أفضل عشان ما يسيئ الظن فيك.
|
رد: غيرة زوجي تكاد تزهق روحي#9
اقتباس:
هل انتبهتِ أنه هو الذي بادر في الحوار الأخير؟ على كل حال .. لكِ أن تقترحي حل التطنيش ولنا أن نقترح غيره من الحلول .. ولسمورة اختيار الحل الذي يناسبها وتستبعد الحل الذي لا تعتقد بجدواه أو الذي جربته بالفعل ولم يؤتِ ثماره. |
رد: غيرة زوجي تكاد تزهق روحي#9
مهره .. اي ان شآء الله على وعدي .. ماحزورهم شهرين .. وتو رجعت للقروب وهو مايدري لسى ..وان شاء الله حتواصل معهم .. شكراا لك حبيبتي 🌹
اختي .. جربت التطنيش كثييييير لاهي شهر ولا اربع ولا ست ... بس مافي فايده .. بالعكس بزيييد ويصير اردى من قبل ... وانا لمتى حصبر اكثر .. شيبت بسبته خنقني والله .. انا ابي حل نهااااائي ابيه يقول هذيلا اخوانها لها الحق تسوي اللي تبيه .. اما الحوار دااايما اتجنبه .. لاني عارفه النهايه .. انا انجلط وهو مرتاح ... يطلع بالاخير هو الكسبان ..شكرا لك 🌹 سمو ... تسلمين حبيبتي 🌹 ان شاء الله حسمع نصايحكم شكرا لكم 🌹 |
رد: غيرة زوجي تكاد تزهق روحي#9
سمورة فلوسك على ارض ولا بيت
واذا على ارض هل يمديكي تعمريها ؟؟؟ وكم باقي من فلوسك ليش سلفتيه مبلغ وكمان جبتيله سياره كان استفدتي منها الله يهديك بكرا محد ينفعك والله وكلمه مالك سند غيري و البابا مات تنرررررررفز انا اول مره بالمنتدى اقرأ شيء يقهرني الرجل الشهم ما يقول هذا الكلام قولي اللي بيني وبين اخواني لحم ودم يمشي بعروقي بس اللي بيني وبينك ورقه وثلاث كلمات كان رديتي عليه وقلتي سندي هو الله رب العالمين ثم امي ثم عيالي وانت مو سند لو كنت سند كان ما عايرتني بوفاة بابا وضياع سندي وانكسر مني عامود الفقري الاب عامود ولو انت سند كان وقفت معايا في حيياتي وما تتعبني معاك يا شيخه الله يهديه لك ويصلح الاحوال جد شيء ينرفز |
رد: غيرة زوجي تكاد تزهق روحي#9
اقتباس:
|
رد: غيرة زوجي تكاد تزهق روحي#9
لا على الارض .. النص بالنص انا واختي .. مادري يابيلسان .. بس عمي اقترح ان نشتري ارضيه وبعد سنه او سنتين يزيد سعرها ويبيع .. ماقال نبني .. سلفته لانه طلب مني 😅 اما السياره كنت ناويه من اول اني أهديه اياه ... بس هو زاد المبلغ شوي .. باقي من فلوسي يمكن 500 الف مش اقل ويمكن اكثر ..
اما ليه مارد عليه .. لاني اتجنبه كثير .. بوقت وفاة الوالد لما قالها كنت بنفسبه سيئه ماخطر ببالي ارد اساسا ..الله يهدي ويصلح الكل |
رد: غيرة زوجي تكاد تزهق روحي#9
اقتباس:
لامتلاك ثرزة صغيرة وهذه نقلة كبيرة بحياتها واكبر من انها تقدر تتصرف لوحدها بشكل صحيح و شخصية زوجها وضغوطاته حتى يتحكم بالفلوس سبب كافي حتى تفكر بجدية . الله يباركلك ويىرحم والدك يا سمورة ، النصف مليون ريال الي تبقولك بعد شراء الارض والي راحوا لزوجك ،بيهم بركة ان شاء الله اذا عرفتي توظفيهم بشكل صحيح او انهم بروحوا هدايا او لنقل ثمن لتقدير زوجك الك كم يوم ولتطييب خاطره بين فترة وفترة . اي نعم عمك جزاه الله خير بده مصلحتكم وقراره عاقل بشراء الارض لكن لمتى يا سمورة بتعتمدي على عمك واخوك وزوجك وايا كان ،الافضل تثقفي نفسك وممكن وانت بالبيت عن طريق كورسات تعاقديها من مواقع ثقة ومشهود الها حتى تعرفي ابجديات الاستثمار ،طبعا اضافة لدعم من اخصاىي اسري ونفسي لمساعدتك تخطي المشاكل مع زوجك والوصول لمرحلة يشوفك زوجك بشخصية قوية وحقانية بشكل حقيقي ويصير يحترم شخصيتك ويحبها وينظرلها من منظور سليم ،ساعدي نفسك حبيبتي ، لوحدك ما راح تقدري . |
رد: غيرة زوجي تكاد تزهق روحي#9
عندي اقتراح لك طالما المبلغ مو كبير ليه ماتحطيه بصناديق استثمارية اسلامية باي بنك اسلامي احفظ له ومنها يزكي نفسه بنفسه
|
رد: غيرة زوجي تكاد تزهق روحي#9
بغض النظر عن الموضوع الاساسي
لا تنسين زكاة مالك فهي الركن الثالث من اركان الاسلام و فلوسك حاولي تستثمرينها لانك اذا بتسحبين منها بتطير كلها حتى لو كانت ملايين وكذلك تصدقي منها يربي الله الصدقات . |
رد: غيرة زوجي تكاد تزهق روحي#9
بعد ما اشتريتي سيارة هدية ودفعتي كامل المبلغ وكمان سلفتيه لاعاد تجيبي طاري الطلاق
حاولي بالسياسة تسترجعي مالك وتشتري شقه او فيلا وتأجريها الله اعلم ما تخبأه الايام بصراحه بعد هدية السيارة والسلفة يقولك جهزي حالك تروحي لاهلك ما اقدرت ابلعها المؤمن فطن استرجعي مالك سبق نبهوك جميع الاعضاء احفظي مالك وزن وزن حتى اخذ جزء كبير ولا راح يرتاح حتى يجي يوم ويقولك صرتي طفرانة ومحتاجه لي فأجلسي ببيتك ولاتناقشي اوامري حتى ما اوديك لاخوانك وتمدي ايدك لهم |
رد: غيرة زوجي تكاد تزهق روحي#9
اقتباس:
مع هذا الرد١٠٠% انتبهي والله اعتبرك بنتي وبعدين اذا مايبغاك هو يوديك بيت اهلك بنفسه لاتخلي اخوانك ياخذونك ويقلبها عليك يقول اخذوا زوجتي من بيتي او اللي اخذها يرجعها ربي يسعدك ويصلح زوجك |
رد: غيرة زوجي تكاد تزهق روحي#9
اشكرا للجميع حبايبي 🌹🌹
اذا بستشير اخصائي اسري .. لازم يكون زوجي على درايه بالموضوع .. فمادري بيرضى ولا لا .. انا اعرف كيف استثمر الفلوس .. واللي راحت هذي كانت برضا مني .. لان اظن انه يستاهل .. ماقصر معايا بشي وهو مامعاه .. اي شي اطلبه " بس يكون عاجبه " مايقول لا .. صحيح هو فيه عيوب .. بس انا انظر إيجابياته اكثر .. احبه لحبه لأهله وبار بأمه وابوه ويحترم إخوانه وخواته .. صلواته مايتركها مع صلاة الليل .. اشيا كثيره تخليني اتعلق فيه اكثر ..هو عيوبه انه مايقدر يفرض رايه على الناس .. ومثل ماقال الاخ انه ضعيف الشخصيه .. بس يقويها علي .. ويبيني اكون مطيعه .. وماقوله لا ابدا .. ويلف وبدور .. وماعنده اسلوب في الحوار .. وغيرته المرضيه بس له مواقف كثيره صارت قبل وفاة الواالد الله يرحمه ... المواقف هذي تخليني اعطيه اللي يبي مااستكثر عليه بشي ... عمي اثق فيه كثير .. عشان كذا ألجأ له .. حاولت اثقف نفسي من ناحية الإستثمار .. بصراحه عجزت ومافهم بالأمور هذي واتعب .. يعني عادب أقول لزوجي على الاخصائي الاسري ؟ جرحي .. المبلغ مو معي حاليا .. عشان كذا مادري كم بالضبط .. في البدايه كنت حاطته بالبنك .. بس بعدين سحبتهم .. والحين المبلغ في بيت اهلي مع امي محتفظه فيه .. استنكار ... شكراا لك .. عامله حسابي بكل اللي ذكرتيه 🌹🌹🌹 ملكه .. هو مازن علي .. انا عطيته برضاي .. المبلغ اللي تسلفه بيرجعه .. لان تسلف قبل هذي المره ويرجعها .. حبيبتي تسلمين 🌹🌹 سدومه ... شكراا لك حبيبتي💓 .. بس زوجي والله ماهو سيء 😔 .. بس ان شاء الله اخذ حذري ... شكرااا 🌹 |
رد: غيرة زوجي تكاد تزهق روحي#9
الحين هو درى اني رجعت للقروب ... عصب يقول ليه ماستأذنتي .. قلت له .. انا شفت الجوال ماعلق قلت برجع له وعادي الحمد لله الجوال مايعلق .. حاولت استعبط مثل ماهو يستعبط علي .. سكت شوي .. قال لي لاتكثرين الهرجه وياهم .. مارديت عليه .. وكان يحاول يفتح الموضوع وانا أقفله بموضوع ثاني .. بستخدم الحين نفس اسلوبه .. هذا اللي طلع معاي .. بتعبه مثل ماتعبني .. هالشي حيخلي حياتنا مقلوبه .. بس بالنهاية برتاح
|
رد: غيرة زوجي تكاد تزهق روحي#9
اقتباس:
لا تخلين الهدف إنج تتعبينه .. لأن السالفة مب إنج تنتقمين منه أو تعاقبينه. الهدف إنج مب مضطرة تبررين شي بديهي .. وإنج تتجنبين الدخول في حوار ماله داعي. وأرجع أذكّرج .. تصرفي مع اخوانج بشكل طبيعي وبدون مبالغة .. ومارسي مسؤولياج كلها كالمعتاد. أعجبني تقديرج لحسنات وإيجابيات زوجج. بارك الله فيج .. والله يهديه ويصلحه. |
رد: غيرة زوجي تكاد تزهق روحي#9
انا من بدايه الموضوع مو مقتنعه بان تصرفه غيره
زوجك يعرف اخوانك الرجال يعرفو بعض ومنتبه منهم في موضوعك السابق زوجك عرف قبلك ان اخوانك ماكان ناويين يعطوكن حصتك(انتي واختك) زوجك عرف قبلك كيف احد اخوانك صرف حصته من ميراث وانتي ما صدقتيه واخر شي شفتيه قدام مطعم هو واصحابه fgfg لا تستفزي زوجك وترادديه خلي يسوي اللي براسه فيما بعد كلميه بهدوء ان تصرفك الفلاني لم يعجبني لكذا وكذا مافهمت سبب استغرابك لما قال انا سندك انتي وعيالك ..فعلا هو سندك الله يخليكم لبعض |
رد: غيرة زوجي تكاد تزهق روحي#9
سمورة لا ما تخبريه انك بتستشيري مختص اسري على الاقل باول مرحلة
برحع ارد بشكل اوسع ان شاء الله لاحقا لاني مستعجلة لكن مش قادرة انهي تعليقي بدون ما احكي عن نقطة استهتارك بالفلوس او لنقل عدم اكتراثك الها لدرجة ما بتعرفي كم المبلغ الي معك وختى لو مخبى عند والدتك الله يحفظها طبعا اكيد مش لازم ولا مفروض تحكي هنا بالمنتدى كم معك لكن انت فعلا بحاجة لتوعية كبيرة وهذه احدى التقاط الي قوت وجهة نظر زوجك بيك انك ما راح تعرفي تحافظي على ميراثك . فقط تذكري قديه والدك تغب على فلوسه وكبرها وورثكم والان انت لازم وتقديرا لذكراه ولتعبه رحمه الله تقدري كل فلس تركلك اياه ومش خطأ تتثقفي من هذه الناحية لانه هذا بعود عليك بفواىد مبيرة ومش فقط مادية مثلا زيادة ثقتك بنفسك وزيادة تقدير الاخرين لك . |
رد: غيرة زوجي تكاد تزهق روحي#9
يا عسل عارفين انو زوجك فيه مميزات حلوة وعمل خير معاكي كثير
وكل انسان فيه عيوب و فيه مميزات وكل الازواج بينهم مواقف خير و مواقف شر ومشاكل وشيء كويس فيكي انو تفتكري الايجابي والخير هذا دليل انك طيبه و حنونه بس نحن نحذرك عشان مستقبلك انتي واطفالك انتي طيبه عن اللازم بس خايفه تاخذين صفعه تصحيكي لانو حسيت انو زوجك مررررره مالو امان اذا رجع الفلوس المره اللي فاتت مو يعني حيرجعها هاذي بعدين زوجك راتب قليل و موظف اهلي كيف يمديه يجمع ويرجعها انتي اضمني نفسك وعيالك الاول وبعدين فكري بزوجك الحبيب فيه حاجه اسمها الانانيه الايجابيه يعني نفكر بنفسنا بدون ما نضر الاخرين او نقصر عليهم سموره ياااااارب يرزقك الخير ويسخر لك زوجك ويهديه ليش ما تلجأي لله بالدعاء اخر الليل وعصر يوم الجمعه تدعي كل يوم انو ربي يرزقك وتستثمري فلوسك وتنجحي فيها وانو يسخر زوجك وما يشوف غيرك ويجملك بعيون زوجك اكثرررررري الدعاء ومن قلبك وتكلمي مع الله وفضفضي كحبيب وصديق ورب لك سمعت داعيه تقول اذا حصلت لك مشكله او هم على طول تفزعي للصلاه الايه تقول ( واستعينو بالصبر والصلاة ) شوفي انا كان عندي هم كبيييييييييير اقسم بالله لجأت لله سنتين وربي استجاب واعطاني اكثر مما اتخيل اقسم بالله اعطاني اجمل شيء كنت استغفر كثير واقرأ سورة البقره كل يوم |
رد: غيرة زوجي تكاد تزهق روحي#9
اهلا مهره 💓 .. والله مو انتقام بس قلت اذوقه اللي مذوقني اياه 😔 .. ان شاء الله اخذ بنصايحك 🌹 .. انا الحين اكلمهم عادي .. وزوجي ساكت بس يفتش المحادثات .. بس الحمد لله الوضع هادي بينا ومافي نقاش .. ووداني الدكتوره وحط العيال عند اهله .. وطلعنا غيرنا جو ورجعنا .. شكرا لك حبوبه 💓💓💓
اسعد فتاه ... حبيبتي في فرق لما يققول انا سندك .. ولما يقول مالك سند غيري .، تفرق كثييييير ... شكرا لك ويخلي لك احبابك 🌹 |
| الساعة الآن 05:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©