|
رد: بجاحة الشغاله ورضا زوجي ؟
عفوا شغالتي ماراح اتنازل عنها
بعدين فيه حديث للرسول يقول "لا يحل لرجل أن يعطي عطية فيرجع فيها إلا الوالد فيما يعطي ولده، ومثل الذي يرجع في عطيته كالكلب يعود في قيئه" |
رد: بجاحة الشغاله ورضا زوجي ؟
اقتباس:
المهم قدامي يكونون محترمين عشان مايخربون جوي ومايهضم حقوقي كزوجة وحقوق عيالي شغالتنا لنا.. سفرتنا نروحها.. اذا سلمنا يرد السلام الخ |
رد: بجاحة الشغاله ورضا زوجي ؟
اه يا روان تثبتين لي انك ماتتعلمي مع الايام
ابشرك الشغاله مابتسافر بعد شغاله الناس تبغي تسفرينها على كيفك وانتي بتاكلي بعمرك وتتعبي وحالتك حاله والكل عايشوموسع صدره اسحبي عليها حاطه راسك براسها ليه لو ذكيه كان قلتي يوه عادي اخذ شغالتي لها خالتي تستاهل مابياخذ شغالتك هو بس كذا يهددك بس انتي ماعندك طوله بال ولا تعرفي تردي كل شي حرب عندك |
رد: بجاحة الشغاله ورضا زوجي ؟
اقتباس:
ماطلبت يسفرها مو من حقي اسفرها مو شغالتي ولا هو بيتي كيف أقول سفروها !! هو يقول لو هاوشتها وسافرت وتركت امي الخ ورمضان جاي وامي ببتبهذل الخ هو دراما كوين.. تخيل أمور وهدد بهالموقف يأخذ شغالتي وقال لي امي أولى منك عبيط يحسب انه كذا قلب الطاوله يعني كل الرجال الرسميين مع الخدمات قالوا لهم الخدامات نبي نسافر!! حسسني انه بيقطع عنها شي عظيم وكانها جالسه ببيت اهله بس عشان طلته البهيه مو عشان شغلها ولقمة عيشها |
رد: بجاحة الشغاله ورضا زوجي ؟
اقتباس:
انتي تجيبي لنفسك مشاكل و وجع الراس خلاص كنسل السفره الله يعوضك واسكتي ايش من حقوق الي تتكلمي عنها في هاذي العقوبه؟ |
رد: بجاحة الشغاله ورضا زوجي ؟
اذا كانت شخصيتك وتفكيرك وألفاظك بهذا المستوى..
الله يعين زوجك.. سويتي من الحبة قبة.. ------ انا مع زوجك في تصرفه وقراره، إذا انتي منكدة عليه عشان ابتسامة شغالة ليش يضيع وقته وفلوسه في سفر معك؟؟.. واذا سافرت الشغالة امه تتبهذل عشان غيرتك؟ سلامات!! انا مع زوجك 100% وضدك 100% اقلبي الادوار وفكري بعقلك قبل ما تخسري زوجك.. |
رد: بجاحة الشغاله ورضا زوجي ؟
....
والثانيه تتهمني اني اتبلى عليه ايش هالردود اللي تقهرررر ارجو اغلاق الموضوع شكرا |
رد: بجاحة الشغاله ورضا زوجي ؟
مو مخرب عليك الا حدة الالفاظ ليش كذا
الله يهديك الدنيا فانية |
رد: بجاحة الشغاله ورضا زوجي ؟
النورس الطائر
لو قلبنا الأدوار وكان السواق يبتسم للمدام و يقول لها اي مَس يو وهي ساكتة و الامر يتكرر و تناظره بعدين زوجها هاج عليها و انفجر و تلفظ عليها و هي امتنعت من الخدمة له مثلا نقدر نقول معاها حق؟؟؟ وان زوجها نكدي و ما عنده سالفة و يمكن لو الزوجة صدت السواق يسافر و يتورطوا بيت اهله و هو يكون السبب عشان ابتسامة او تميلح سواق ---- لما قلبنا الأدوار تحس صار منطقي جوابك؟ ارجو الاجابة |
رد: بجاحة الشغاله ورضا زوجي ؟
اقتباس:
لاحظي زوجي ما انكر يقول ادري تغازلني دايما بس امي بحاجتها واخاف تسافر ورمضان قرب وحكي فاضي يعني ماعنده استعداد يتحاشاها وكأن من ضمن حقوقها كعامله انو يطق حنك معها واخرتها بدل مايهدي الامور يقوم يصعد الامور ويغطي سواد وجهه بالتخريب علي انا واطفالي ينرفز حسبي الله ونعم الوكيل فيه واللي يقولوا ماحرمك من حقك الا الاجازة السنويه حق لي زي اي عامل بالكره الارضيه من حقي ارفه عن نفسي كم يوم وهو ملايين على قلبه ويقول عندي الفلوس بس لعانه منتي مسافره والله لو فقير بقدر بس غني ولئيم وفوقها يعاقبني على فعايله اكيد بنقهر |
رد: بجاحة الشغاله ورضا زوجي ؟
كرري عليه
بهدوء انا لا اطلب منك ان تهاوشها اوًتتلفظ عليها لكن ان تصد عنها بوجهك. تحمر عينك اذا قالت اي مَس يو تقول كلمة عيب لو ضحكت بصوت عالي وهكذا |
رد: بجاحة الشغاله ورضا زوجي ؟
اقتباس:
عارف هو ايش ابغى بس متبع طريقه خير وسيله للدفاع الهجوم يحسب التميلح مع شغاله امه جزء من بر الوالدين وبغض النظر عن كل شي هو لو رجل حكيم كان تفهم مشاعري كان قال ابشري لو مجرد كلام كان قال ماتسوى ظفرك اي شي مو يهدد ويتوعد ويعاقب ويخرب وحده من الاعضاء صادته هذي عادته مع كل خلاف يكنسل سفره لي 3 سنين على هالحال واهلي من ديره لديره وقبل اخذ وجهه الف ختم بجوازي وقلت له هالكلام من خطبني وقال ابشري الحين متحمله قرفه على ايش ضغط ونكد وعناد وتقييد حريه خواتي اللي ماتزوجوا متهنين اكثر مني وانا يبي يخليني مجرد كرسي بالبيت اشوف مغازلته مع الحريم واكل تبن واسكت |
رد: بجاحة الشغاله ورضا زوجي ؟
معليش الحقي العيار لباب الدار
عارفة إنّو فاهم الحل بس يكابر. ماراح يقولك حسب شخصيتك اي معاك حق بصدها المرة الجاية و انا فعلا غلطان بس هو في داخله مقتنع و يمكن يطبق الصد عنها انت قولي له هالكلام بطريقة هادئة بدون ما تجيبي سيرة السفر و ان ردة فعله غلط وووو لانه سيكون بوضعية الدفاع و يهجم على كل نصيحة او قول حق تقولينه ثم بعد ان تقولي له حاولي تذهبي معه بيت اهله هاليومين بشكل غير متقصد. وشوفي كيف الوضع |
رد: بجاحة الشغاله ورضا زوجي ؟
قصدي حسب شخصيته
|
رد: بجاحة الشغاله ورضا زوجي ؟
انا ملاحظ هالطبع بمواضيعك
تبدا مواضيعك انك تشتكين منه ثم ترحمينه ثم تسبين فيه ثم تطلبين ان الموضوع يتقفل قد طلعتي بحل او نتيجه من اي موضوع نزلتيه؟ قبل كم يوم تقولين انك تحبينه والحين تسبين وتلعنين فيه انا معك ان تصرفاته خطا في خطا لكن انتي قد جلستي مع نفسك وفكرتي وش ممكن انتي تخطين فيه؟ احس انك دايم تسيئين الضن في زوجك حرام عليك. واضح انك حرمه عاقله بس وين كيد النساء عندك؟ على فكره، كلمة خروف مره قويه. انا لو احد من اخواني قالي كذا مدري وش اسوي فيه اجل شلون لو زوجتي قالت لي كذا؟ ثم تقولين انك اعتذرتي له. خلاص اعتذرتي مره تبينه ينسى ويقبل اعتذارك؟ الفاظك معه مره قويه جزاه الله خير انه ما سوا فيك جريمه بغض النظر عن وش الغلط الي ارتكبه فيك |
رد: بجاحة الشغاله ورضا زوجي ؟
مشكورة روان لأنج رجعتي فتحتي الموضوع... أكاد أجزم إن موضوعج أي أنثى تقرأه أكيد تحس فيج... لأن اللي صار من السماح للشغالة بالتجاوزات شيء مو هين على النفس أخواني وأخواتي عندي كلمة تقرقع بخاطري.. ودي اقولها قربة لله تعالى .. لما أي وحدة منا تفتح موضوع بمشكلة وتكون بقمة إنفعالها و غضبها ، من وجهة نظري الشخصية لازم ما نلومها على غضبها وإنفعالها .. ولكن لازم احنا كـ أخوان وأخوات لها نحاول نهدئها ونخفف من انفعالها وننبهها إن لازم تهدأ عشان تعرف تحل الموضوع بهدوء و رويه.. لعل رب العالمين بعطفه وكرمه سبحانه يلهمنا لحل نساعدها فيه ويكون تفريج كربة مؤمن صرقوني يا جماعة .. الانسان الواقع وسط مشكلة يكون في هم لا يعلم به إلا الله ، وصعبة نفضفض حق اللي حوالينا .. مو حلوة ننشر غسيلنا عند معارفنا.. رب العالمين سبحانه الرؤوف هدانا حق هالمكان عشان نفضفض فيه .. حلو إن نهدي بعض عيوبنا .. ونشارك بعض بعض في إصلاحها وكل هذا قربةً لله تعالى .. الكلمة الهينة الطيبة تسرسح عالقلب .. وحتى لو قسينا على بعض عشان مصلحة بعض هم لا ننسى إن ما تكون القسوة جارحة... أقول قولي هذا واستغفر الله لي ولكم وان شاء الله نقدر ننلاقي الحلول الطيبة مع بعض... |
رد: بجاحة الشغاله ورضا زوجي ؟
اقتباس:
عشان تسلك امورها..احس كانهم رجلين ببيت واحد تصادمات بكل شي ..ولا تسمع لراي اللعضاء كل رد لازم تسده وتخليه مايصلح وتثبت انها مو غلطانه ودايماً معها حق،،لاتزعلين مني ام روان بس اتمنى ترجعين تفكرين زين ب ردودنا عليك وتقرينها اكثر من مره ،،، |
رد: بجاحة الشغاله ورضا زوجي ؟
اقتباس:
|
رد: بجاحة الشغاله ورضا زوجي ؟
اختي روان ، انصحك باستخارة الله في امرك . و ان ييسر الله لك ما فيه الخير كيفما كان ...
ثم اني انصحك بالصبر على البتلاء الذي انت فيه ... و اخيرا اود تنويهك الى نقطة مهمة ، هي ان كان في شريكك طبع سيء فلا تحاولي تعديله بعد فشل ذريع في الامر و حاولات ، انما التعديل واجب ان يكون في من يرى العيب في الاخر ، فاما ان يأقلم نفسه مع سلبيات زوجه ، او ان يتعلم التجاهل و الصبر و التغافل ...قد لا تكون قاعدة لكنني تعلمتها من الحياة ... فرج الله هم الجميع ... |
رد: بجاحة الشغاله ورضا زوجي ؟
اقتباس:
هو يتخيل شي مابيصير الا وهو انها تسافر وانتي رده فعلك على الشي الي مابيصير الا وهو ياخذ شغالتك تدرين انه يتكلم من الهوا تردي عليه ليه قال باخذ شغالتك قولي لاسافرت ذيك الحزه اخذها وانتي ندري انها مابتسافر |
رد: بجاحة الشغاله ورضا زوجي ؟
روان انتي مبادئك صح
لكن تعاطيك للأمور جلف و صلف أبدًا مافي مرونة و حنكة زوجك يعرف انك مستحيل و من ثامن المستحيلات تنازلين عن شغالتك لهذا قال كلامه انه اذا سفّر حقت أمه بياخذ حقتك و الحقيقة ان هالحكي تمويه عشان تقولين لا و ينقلب الموضوع عليك |
رد: بجاحة الشغاله ورضا زوجي ؟
اعتقد اللي ساهم في انفعال روان، هي لما رجعت من بيت أهلها كانت تتوقع هدوءاً أكثر واستعداداً للمعالجة من قبله، لأنها تركها عند أهلها وهو مسالم هادئ طيب، وكانت تتوقع نتائج جيدة بعد عودتها، فرجعت وتفاجأت بتغيره وتقلبه واشعل نارها حوارهم وشغالتها وإلغاء السفرة.
|
رد: بجاحة الشغاله ورضا زوجي ؟
عارفة هو ليش كنسل السفرة ؟ لأنه عارف هذا أكثر شي بيحرق أعصابك وبيطلعك من طورك .. وهو كان في موقف محرج يوم كشفتي اللي بينهم فلازم يقلب الطاولة .. نصيحتي لك دايما أظهري عكس ماهو متوقع وعكس اللي يبيه .. يعني يبيك تزعلين إنتي بالعكس اظهري عدم اهتمامك وعدم تأثرك .. واثبتي على موقفك معاه مع الشغالة.. خليه يعرف إن إلغاء السفرة ماراح يغير رايك في موقف الشغالة ولا راح يكسرك .. عندنا مثل يقول إلحق العيّار (المراوغ) لي باب بيته .. قوليله الشغالة وقفها عند حدها وإذا قالت بتسافر مو مشكلة سفرها واخذوا شغالتي مؤقت .. شوفيه شبيسوي .. لو فعلا صار هالشي وسافرت معليه اصبري فترة لين تجيهم غيرها .. خلي شغالتك شوي عندك وشوي عندهم .. لو أنا منك باستقدم غيرها ولو على حسابي وأول ماتجي الجديدة اقول له يلا ذلف ذيك .. اشتري راحة بالك والفلوس تتعوض .. |
رد: بجاحة الشغاله ورضا زوجي ؟
روان انتي معاكي حق بكل الي قلتيه ..
بس للأسف زوجك مو قادر يفهم هذي النقاط الي بتتكلمي عليها ( من حقك بالاجازه السنويه كأي عامل بوجه الارض ( بس هو ماخذها كعقاب لكي في حال تضايق وعصب منك ) من حقك تدافعي عن غيرتك وقهرك من هذه الخادمه لكن مو راضي يحس بلي بداخلك ) .. ف انتي بتثوري وتعصبي وتتنرفزي .. الان قالك بكنسل السفر خلاص خلييك الان من موضوع السفر وخليه يقول الي يقوله عن السفر وركزي في موضوع الخادمه بعد ماينحل موضوع تدخلي بالموضوع الثاني وهو السفر .. لاتخلطي الموضوعين مع بعض لان هذا الي هو يبغاه .. وكرري عليه بدل المرا مليون انا ما ابغاك تسفرها بس عاملها برسميه وشده .. ماراح تسافر بسبب تعامل رسمي كل الرجال بيعاملو الخدم برسميه وهما محترمين حالهم وشايفين حدودهم والمفروض انك انت تحطلي قدر قدامها وقدام نفسي حس الي بداخلي تراه غيره مو نكد عليك ومافي شخص ما يغير الا الي مايحب .. حاولتي الان معاه بالشده ورفع الصوت وقلب الطاوله ماكي .. جربي اللان الاسلوب المعاكس واتمسكني عليييه بالكلام والافعال ( جربي فقط ). اوقات اتمسكن على زوجي واعمل نفسي مسكينه ومو حاسس فيا ولا بحبي ولا الي بداخلي بس عشان اعمل الي ابغاه ggg hhf لأنو لو شديت بيعندgggh .. و اوقات لا اشد |
رد: بجاحة الشغاله ورضا زوجي ؟
انا فتحت الموضوع تقديرا لاخواني
اللي فعلا تفيدني ردودهم وتهديني مو اللي يقولوا تستاهلي والمفروض يطلقك زوجي يتبع قاعده الحكومات العربية اذا المواطن انتبه لسوء اداءك اشغله بمصيبه جديدة تنسيه الاولى مابيني وبينه كلام طيله امس طبعا وهو يبالغ بالضحك واللعب مع العيال يعني ما هميتيني وبنتي صاحت بالليل (تعملها احيانا) وقال خلاص روحي نامي مع ماما وهو نام بغرفه بنتي (اول مره يعملها) عموما تصعيده هذا مو من صالحه اذا فاق على نفسه بيستحي ويرقع وانا ساكته عن استفزازته لكن ان طاح اللي براسه ماراح اعديها له بالساهل موضوع السفر بسكت عنه اسبوع اسبوعين ثلاثه لو ما استجد شي من طرفه بكلمه بهدوء اني بسافر مع اهلي واخلي العيال عنده لان اهلي يرفضون يتحملون مسؤوليتهم برا واذا رجعت من سفرتي يسافر هو مع اصحابه اللي يموت عليهم وخلاص لي 3 سنين ماسافرت زي الناس ارجع نظام زمان اسافر مع اهلي الله يخليهم لي وهو يجلس كم يوم مع عياله اقلها هو ينتبه ان عندي بديل واني ماقد عملتها زمان احتراما له وانه اذا مقصر بامور اهلي يسدونها مو يذلني بشي خاطري فيه ويحرمني لمجرد اللؤم والاذلال والحمدلله اهلي كل صيفيه باوربا اما الشغاله فخلاص ماراح اجيب سيرتها وبختبره هو بالفتره الجايه لو لاحظت تغير باسلوبه معها بسكت لو قله الادب استمرت بتصرف من هنا لذاك الحين قفلت موضوعها والرساله وصلت واضحة لزوجي اني ما اقبل بالمسخره تماما |
رد: بجاحة الشغاله ورضا زوجي ؟
اقتباس:
وعلى فكره هو مازار اهله من اسبوع اول مره يغيب عنهم 7 ايام |
رد: بجاحة الشغاله ورضا زوجي ؟
اقتباس:
كلامك مثل البلسم الله يسعدك فعلا الكلمه الطيبة تأثر كثييير في اعضاء ينقدوني بلطف والله اتأثر بكلامهم جداااا |
رد: بجاحة الشغاله ورضا زوجي ؟
اقتباس:
وجلست شهور ألمح وانبه والفت الانتباه لكن شفته ما استوعب تصادمت معه وندمت على شده انفعالي واعتذرت له بعد ساعه (وليتني ما اعتذرت) راح هو مسك الكلمة اللي سمعها وكأنها انقالت له فجأه بدون سبب لكن دام ركبه ابليس بتركه لحد مايفرغ طاقته بالشر بعدها نتفاهم |
رد: بجاحة الشغاله ورضا زوجي ؟
اقتباس:
يعني انا ازعل منه واخذ بخاطري وقبل اروح لاهلي كان يتودد لي ارجع القاه زعلان وينكد ويضخم الامور وينام برا الغرفه ويلغي السفره ويقول بركز بعيالي وانتي نسيتك ما باقي الا ياخذني المحكمة يطلقني |
رد: بجاحة الشغاله ورضا زوجي ؟
اقتباس:
بيفهم كذا اني قابله بحكمه واستاهل وانو معه حق لما عاقبني هالعقوبه او اني ما اشوف نفسي استحق اسافر ولا راح اعصب واثور واموت قهر لان هذا اللي يبيه هو للاسف احس انه عدو مو زوج المشكله الان انه هو خلط الامور مدري ازعل من عناده بموضوع الشغاله والا من الغى سفرتنا السنويه |
رد: بجاحة الشغاله ورضا زوجي ؟
ألحين إنتي مقهورة على السفر أكثر من موقف الخدامة .. وهذا اللي يبي يوصل له .. يبي ينسيك ذاك الموضوع .. |
رد: بجاحة الشغاله ورضا زوجي ؟
إنتي مب ذكية يا كنافة .. أبدا مب ذكية ..
هو عنده مفاتيحك .. يلوي ذراعك بشغالتك لأنه عارف ماراح توافقين ياخذونها .. ويلغي سفرتك لأنه عارف هذا أكثر شي بيقهرك .. يسوي كل الأمور وهو عارف مسبقا ردة فعلك فيها.. فإنتي إذا تعاملتي مع الموضوع بهدوء بالعكس ماراح يفكر إنك موافقة وراضية لأنه فاهمك تمام .. بس بتوصلين له رسالة إن ابتزازك ماراح يأثر فيني ولا يثنيني عن شي .. |
رد: بجاحة الشغاله ورضا زوجي ؟
اقتباس:
لكن يلغي السفر وينام برا الغرفه ويقاطعني ويهجرني وينكد عيشتي كل هذا لان قلت تكلم برسميه مع الشغاله نظام خذوهم بالصوت لانه عارف مابيدي اعمل له شي مستغل صلاحياته وانه الطرف المسيطر وذالني لاقصى حد كل اللي اقدر عليه اتجاهله وبس |
رد: بجاحة الشغاله ورضا زوجي ؟
اقتباس:
هذا بالضبط اللي مضايقني كنه داخل معي حرب ودايم كلامه: انا مجهز اسلحتي ودي اترك البيت واخلي لي العيال اللي ميت عليهم دام يقول لي مالك لزمه هاينه علي نفسي انا يقول لي مالي لزمه؟ ويقول بيركز بعياله وامه وبس كأن مشكلتي مع العيال او مع امه هذي بعد تغبن بقوووه غير سالفه السفر اللي الغاه ترى اكلمكم وانا ابكي حسبي الله ونعم الوكيل |
رد: بجاحة الشغاله ورضا زوجي ؟
الله يجبر بخاطرك و يفرج همك يا روان
|
رد: بجاحة الشغاله ورضا زوجي ؟
اقتباس:
إلى متى هذا الوضع بحياتك!!؟ شيء محزن أن تعيشوا بهذا الشكل!!؟ وين الخلل بدقة!؟ إلى متى وهذا الصراع مستمر!؟ هل خلقتوا لتبقوا متصارعين!؟ مافيه حل؟ مافيه تفاهم؟ مافيه تنازل؟ مو معقول تعيشون حياة الأسى لا أنتي مقتنعة بالواقع ومسلمة أمرك كما تفعل كثير من الزوجات مع أزواجهن ولا أنتم تفاهمتوا واستمرت حياتكم بهدوء وسكينة وتركيز على الأهداف الكبيرة في حياتكم الزوجية ولا هو نزل حسب ماترغبين، ولا أنتي صرتي حسب مايرغب هالزعل والمشاكل من يطيقه كل الوقت!!؟ لازم ترحمون انفسكم شوي، وتتصالحون وتستمر حياتكم كما ينبغي إذا مستحيل هالشي فكروا بطريق آخر، يكون فيه الضرر أخف ألزم ماعلى الإنسان صحته وسعادته واستقراره هل فكرتي بالخطوات التي يمكن عملها لتجاوز هذه المشاكل!؟ هل وجدتي الأبواب كلها مغلقة، ثم فكرتي بحلول أخرى!؟ يجب أن تعيشي حياة مستقرة زوجك يبدو لي أن فيه إيجابيات من خلال عرضك لشخصيته إذا ماقارنته في كثير من الحالات اللي أعرفها! لكن مشكلته أنه يراك ند له، ومن هنا ينشأ الصراع.. هل الناس تتزوج علشان تعيش حياة سعيدة أم تعيش حياة نكد!!! <<وهذا اللي يخليني أقدم رجل وأأخر رجل في مشروع الزواج. |
رد: بجاحة الشغاله ورضا زوجي ؟
اقتباس:
يعني عدم توافق بالشخصيات يعني في شخصيات مكمله لبعض وفي شخصيات تكون ضد بعض .. ما اعرف شخصياتهم لكن احس الموضوع يتعلق بإختلاف الشخصيات بينهم ( له تفكيره وقراراته وقناعته ولها تفكيرها وقراراتها وقناعاتها ودا الشي الي يسبب اصطدام بينهم )... وكل شخص منهم يتعامل حسب شخصيته وليس حسب شخصية الطرف الثاني .. |
رد: بجاحة الشغاله ورضا زوجي ؟
انا اعاني من مرض مزمن
جاني بعد زواجي ولي حوالي 6 شهور ما احس باعراضه لكن رجع لي الالم بشدة اليوم الصباح مع البكاء والحزن كتبت لزوجي: صباح الخير حبيبي، كنت حابه اترك الامور لحد ما تهدأ ونتفاهم، لكن تعبت الصبح من العرض الفلاني، وصار معي كيت وكيت.. ما ابغى نتناقش، ابجهز اغراضي تنزلني بيت اهلي، وبترك العيال معك ادري منت مقصر معهم ان شاء الله (وردة) الكلام اقسم بالله صادقه فيه وهو يعرف مرضي وتأثره بالنفسيه انا اخترت صحتي شكرا لكم |
رد: بجاحة الشغاله ورضا زوجي ؟
معليه يا قلبي طولي بالك .. وتعوذي من الشيطان وماعليك شر ..
روحي لأهلك كم يوم غيري نفسيتك .. عيالك إذا ابوهم بيجيبهم عندك لا ترفضين .. فكرة السفر مع أهلك والعيال مع أبوهم مش غلط .. خليهم دام هو مستعد يمسكهم .. |
رد: بجاحة الشغاله ورضا زوجي ؟
اقتباس:
مدري بروح اسبوع والا شهر والا على طول بس تعبت تعب شديد قبل ساعه ورد زوجي عالرساله: صباح النور مشاكلك معي تقدري تعالجيها بهدوء بدون قوة شخصية معي، عموما اذا بتروحي براحتك شكرا للجميع انا بترك البيت مو لاني زعلانه بس لان هالبيت امرضني |
| الساعة الآن 04:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©