سأوووووووود
انا موجوده وينك .. يالله ندردش

هلا حلومه أخبارك والبيبي شمسوي؟

والله صاير كبران هالايام .. اخوي كان مسافر من شهر ورجع .. ولما شافني انصدم قال خلاص شكلك موصله ..

هاها الله يقومك بالسلامه...وأنا حايسه أدور تصميم فستان عندنا زواج قريب وماني عارفه ايش أسوي

والله خلني اضحكك علي ... انا وحده لو خلاص صكرت في وجهي ومالقيت فستان عدل ... اكشخ بعباتي واسوي شعري تسريحه مكلفه ومكياج وبس ... احنا عندنا عادي ما تفصخي عباتك في الزواجات

بس المشكله العروس قريبه مني يعني أحنى جمعتها ماينفع عبايه ...طيب حلومه أبسألك صدق قطر طالبين مدرسات سعوديات؟

اي حبيبتي .. المدارس المستقله ... توظف سعوديات ... والراتب كثير مغري اتوقع 9 الاف وطالع ...

واو صدق مغري أنتم تسمونها مستقله وأحنى نسميها الاهليه بس المشكله زوجي رافض أروح وأنا جالسه أقنع فيه _وصدق يقولون المدارس هاذي متى ماأستغنو عنك فصلوك؟.أسئلتي كثيره

لا .. شوفي اللي سمعته ان يكون لك عقد مبدائي ... اول 3 شهور .. لك الحق فيها انك تطلبي استقالتك .. لو ماعجبك الوضع .. وبعدها توقعين عقد ثاني .. يكون الزامي بالسنوات .. عاد انتي وراحتك... اتوقع اقل سنوات يكونو 2 وطالع ... يعني المسأله كلها في يدك انتي .. لكن الموضوع كله يكون بيد المديره .. لو ماعجبها الوضع وطريقة تدريسك .. يمكن تستغني عنك .. عموما الشغل هناك يكون جماعي .. يعني انتي كمدرسه .. تجتمعين مع زميلاتك المدرسات وتعملون خطه كامله للاسبوع .. ونفس التمارين انتو تتشاركونها ... يعني مافي مجال ان مدرسه تكون مجتهده اكثر من مدرسه لكن الفرق يكون بس في شخصية كل مدرسه .. اما عن طريقة التدريس فأنتو بتمشون على خطه موحده ... بداية بقصه مثيره .. بعدها اختبار قصير .. بعدها ندخل في الموضوع .. نشرح الدرس .. نعمل مسابقات .. وهكذا
يعني الخطه تكون عندك قبلها باسبوع
وفي كمان منسقه .. تكون مسؤوله عن تسهيل اي صعوبه ...

ولو حبيتي اي مساعده تراني حاضره .. عندي معارف كثير كوني مدرسه

لكن مهم تكون عندك لغه انجليزيه لان كل المواد بالانجليزي ماعدا اللغه العربيه والتربيه الاسلاميه