رد : ممكن أكتب شيء
 

رد : ممكن أكتب شيء
 

رد : ممكن أكتب شيء
 

ننتقد لجين إنها تقول ( بنات شوارع ) ،، و السبب دحين ( وضح ) ..

إذا زوجها و أم زوجها صرخوا عليها عشانها كلمت ناس عاديين و تعرفت عليهم ..
و حابسينها بين الخدم و السواقين و البشكارة و في ( قبر ) مو قصر للأسف ..
تبغوها تفهم العالم اللي حولها ؟؟؟

أخوي خالد إنت تمنع زوجتك تتعرف على ناس عاديين ،، و إنت رحت تزوجت حرمتين
من طبقة أقل من عاديين ( على حسب تصنيفك ) ..

لإنه بنت الناس المحترمة ، ما ترضى إنها تتزوج فترة و تتطلق عشان ( فلوس )
حتى لو إنها محتاجة فلوس ، فين كرامتها ؟؟؟

فإنت تمنع لجين من إنها تختلط بالناس ، و إنت تتزوج على كيف كيفك ؟

إذا زواجك ( حلال ) .. فهي إختلاطها بالناس برضو ( حلال ) ..

.
.

و لو تبغى لجين تتخلص من خوفها و تحبها ( من أجلها ، مو علشان نفسك ) ..

لا عاد تصرخ عليها ..
و لا تمنع النت منها ، هي ماهي ( طفلة ) عندك ما لها رأي و لا قرار تاخذه بنفسها ..

.
.

و مو لازم تتكلم عن أمك قدام زوجتك ..
خلاص احترم رغبتها و لا تعاندها و تستفزها ..

هي ما قالت لك ، اقطع أمك ..
قالت لك ( لا تتكلم عنها قدامي ) ..

رد : ممكن أكتب شيء
 

رد : ممكن أكتب شيء
 

لجين ..

أول شي ، إنت لازم تكملي تعليمك ..
إنت لازم تختلطي بالعالم ..

إنت قلتي تقديرك ( ممتاز ) .. يعني ماشاء الله ذكية و شاطرة ..
فلا توقفي و تدفني نفسك بالمقبرة اللي صنعوها لك ..

اخرجي و تكلمي و دافعي عن حقوقك ..

.
.

شيلي من راسك دحين موضوع ( العلاقة الخاصة ) ..

خالد يا يوقف معاك و يساعدك ، يا يشوف طريقه بعيد عنك ..
خالد لو يحبك ، لازم يساعدك إنك تبني شخصيتك و استقلاليتك ..
مو يفرض عليك قيود ( العادات و التقاليد ) .. و يدفنك ( بالحيا ) ..

.
.

يعني هو يسهر و يسافر على كيفه ..
و إنت ممنوع تتكلمي مع أحد غير اللي هم يختاروهم لك و لا مع البشكارة ؟؟؟؟

.
.

و قريت في رد من ردودك إنه أخوك الكبير مرة مد يده عليك ..

معليــــــــــــــــــــــــــــــــــــــه ..

ماحد له الحق إنه يمد يده عليك ، تعلمي تقولي بعد كذا :

( هذه أنا ) ..

.
.

العلاقة الخاصة ، ماحد بيغصبك عليها ..
غطا الوجه ، ماحد بيغصبك عليه ..
حتى خالد لو ما تبغيه ، ماحد بيغصبك عليه ..

.
.

بأقول لك قصة زوجي مع اللحية .. عشان أشرح لك ليش أقول لك ( ماحد بيغصبك على شي ) ؟؟؟

زوجي كانت عنده لحية ( مو مقتنع بها ) و كان يقول لي إنه ( مقتنع بها ) ..
بس كنت عارفته ( يكذب على نفسه ) ،، لإنه ( أبوه غصبه عليها ) ..

و أنا كانت عاجبتني لحيته و كنت أقول له ( إنها حلوة عليه ) ..
اخر شي يوم شفته مو مقتنع بها و يحاول يجيب أي حجة عشان يحلقها ..

قلت له ( إذا إنت مو مقتنع بها ) شيلها ..
إيش الفايدة يربي لحيته ( عشان أبوه و عشان الناس و أهله ) ..

و أصلا شالها بحجة ( السفر للخارج و الإرهاب ووو إلخ )

لكن بالتدرييييييج و الحمد لله ، هو من حاله ( بدأ يقتنع بها ) ..
و بدأ يربيها لوحده ( و عن قناعة ) ..

.
.

إنت ذكية ماشاء الله ، و أكيد بتفهميني ..

رد : ممكن أكتب شيء
 

أخوي خالد ..

أنا تزوجت زوجي و هو تقريبا كان مثل ( لجين ) ..
فما بأتكلم من فراغ ..

و تعال دحين و شوفه كيف صار و الحمد لله ..
و مدة زواجنا تقريبا 6 و داخلين لـ 7 ..

أول سنتين ، كنت كأني متزوجة ( طفل ) ..
ما يعرف يتكلم مع الناس و لا يختلط بالعالم و لا يرد على أهله ..

.
.

يعني ما بأتكلم من فراغ ..
و دحين ماشاء الله يتكلم أحسن مني ، و كمل تعليمه و سافر معاي ..
و الكل لاحظ تغيره ، صح فيه أمور ما زالت .. لكن مو هو نفسه اللي تزوجته بالبداية ..

.
.

لجين ،، الوقت ما أتأخر إنك تبني شخصيتك و ذاتك ..

زوجي كان عمره وقت تزوجته أكبر منك ، و كان يخاف من أخواته البنات تخيلي ؟
أخته اللي أصغر منه بأكثر من عشر سنوات كانت تخاصمه و هو يسكت ما يعرف يرد ..

و قالي مرة إنه قبل لا يخطبني ، كانوا أخواته وقت يخاصموه ..
( كان يبكي و ما يعرف يرد ) و هو عمره فوق العشرين تخيليييييييييييييييييييييي ..

و ما كان يحب يتكلم ( مثلك تماما ) ..
و تشوفيه قدام أبوه ( يرجف و يعرق ) ..

.
.

أول خطوة تعمليها ( تشيلي الخوف من داخلك ) ..

تكلمي ، و ماحد بيمنعك ..
خالد تزوجك ( ما اشتراك ) ..

يعني إنت ( شريكة حياته ) ، مو ( ملك له و لا لأحد ) ..

.
.

و كل شي راح نتناقش فيه معاك نحن و البنات هنا ..

يعني مثلا موضوع الغطا .. أنا ممكن أكلمك عن تجربتي و عن وجهة نظري ..
و إنت تناقشينا و في الأخير تعملي اللي إنت مقتنعة به ..

و خالد لو يحبك ، يخليك تتكلمي براحتك معانا ..
و لا كأنه موجود هنا ..

رد : ممكن أكتب شيء
 

أنا لو أحب ولدي ، راح أتركه يختلط بالعالم .. و يتعلم من أغلاطه ..
و خالد لازم يخليك تدرسي بالجامعة و تتعلمي من أغلاطك و هو يوجهك للطريق الصح .. مو يجبرك ..

طيب إيش التخصصات التانية اللي إنت تحبيها غير الرسم ؟
خلي الرسم ( موهبة و فن ) لك ..

و ترى أنا كنت رسامة مثلك، بس كملت بتخصص علمي تاني ..
و خليت الرسم ( موهبة لي ) ..

.
.

لجين ممكن سؤال ( إذا ما فيها تطفل و إحراج ) ؟؟؟

إيش الرسومات اللي ترسميها ؟

وجيه بشر ؟
طبيعة ؟
عالم خيالي ؟
.
.
إلخ ؟؟؟

.
.

افتكر مرة و أنا بالثانوية ، رسمت وحدة أبلة من المعلمات ..
رسمتها على شكل ( كاريكاتوري مضحك ) ..

و انشهرت الرسمة بالمدرسة ، لحد ما وصلت الرسمة بيد وحدة من المعلمات ( و قامت دستها ) .. :(
و مرات أرسم شخصيات كارتونية ..

و أعرف أرسم ( وجيه بشر ) ..
بس ما أحب أرسم الطبيعة ، مادري ليه ..

.
.

كلمينا عن رسوماتك ..

و لا توقفي .. حابة أعرف كل شي يخص رسوماتك ..

.
.

و بعدين نشوف ( إيش التخصصات اللي تحبيها و كنت تجيبي درجات عالية فيها بالمدرسة ) ..
مو قلتي تقديرك ( ممتاز ) ؟؟؟

رد : ممكن أكتب شيء
 

ماشاء الله تبارك الله ياروح الطير قلتي كل الكلام اللي كان ببالي .....

وبالمناسبة ... خالد حبه حب اناني ( حب تملك )
وماتمنى بيوم من الايام يكون حب زوجي بمثل خالد لانه بصراحه ماعتبره حب .. اعتبره تملك فقط

رد : ممكن أكتب شيء
 

أكيد طبعاً ، و ليش لأ ؟؟؟

.
.

كل ما كتبتي أكثر ، كل ما فهمناك أكثر .. و كل ما ساعدتي نفسك أكثر ..

رد : ممكن أكتب شيء
 

روح الطير لو كنت بالبيت كان عرفت أناقشج ولكني أرد عليج باليفون وماهي الفائده من هذا اللي طرحتيه كله هل هو رغبة باثارة لجين أم ماذا