منتدى عالم الأسرة والمجتمع - بوح الخواطر .. رجع لي بعد الغيبه / مستجدات 258 _308

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

رد : بوح الخواطر .. رجع لي بعد الغيبه / مستجدات 258 _308_389

اقتباس:

المشاركة الأصلية كتبت بواسطة مهره (المشاركة 2961386)

اسبوعين؟!!!

قولي له استريح بس!!

جهزي عمرج مثل اي بنت .. ولا تستعيلين وسوي كل شي على الراحة مثل ما قالت اختج عشان يطلع مثل ما تبين ومثل ما خواتج يبن .. الفرحة مرة وحدة يا روضة .. وبداية السنة أساساً مب بعيدة.

وكلمة أخيرة واقفة على طرف لساني .. فيني دودة وما ايوز :d

ما ادري سالم كيف تكفل بالأمور المادية من مهر وخلافه .. ولا اباج تتكلمين عن هالنقطة اذا مب حابة .. لكن في كل الأحوال خليه يؤدي التزاماته .. ولا تبادرين بالمساعدة الا في الشديد القوي مثل ما يقولون.

حتى لو انتي تشوفين انه ريال على قد حاله وما تبين تضغطين عليه .. خليه يسوي اللي عليه على قد ما يقدر.

وحتى لو انتي شايفة انه ريال زين ويستاهل .. اصبري شوي لين تعيشين معاه وتتأكدين من خيره أو شره .. وإن شاء الله ما يكون فيه شر .. وعقب تصرفي بالطريقة اللي تريحج.

موفقة.

بس يوم انها اطلعت منج ولا تمت في خاطرج لا اسمحليا عاد اختيه مهره بقول وبرمس ولابستحي منج

لانه موب عيب ولاغلط الحرمه تساعد زوجها وبعدين سالم ياب المهر كثر الله خيره سالم قالي وين تبينه العرس قلتله في البيت قالي لاياروضه خلينا في القاعه حالك حال اي عروس انا كنت افكر كيف اقنع خواتي اعرس في البيت بس طبعن مستحيل يرضن وراح يجلبن الدنيا على راسي
قلتله عيل قاعه فيرمونت جان يقول تمام
مهره تعرفين القاعه اللي في السعوديه كبيره ونفس سعر قاعاتنا ..بس نحن صغيره والسعر واحد هو تفجا قالي روضه انتم اسعاركم نار وقاعتنا اكبر واقل من هالسعر قلتله حبيبي هاي اسعارنا تختلف من دوله لدوله وبعدين قلتلك خلها في البيت( انا عادي عندي في البيت لانه مابا اثجل على الريال) قالي ماتبين قاعه زايد تخيلي قاعه زايد ببلاش يعني خواتي بيلعنن خيري اذا قلتلهن قاعه زايد
قالي شورايج بقاعه شاطئ الراحه قلت اخر الدنيا ماباها قالي وثبه قلت وبعد ببلاش يعني انسى القاعات اللي على حساب الدوله شلها من الحسبه
البيت ولاقاعات ببلاش .. لو قلت البيت بتطلع مني موب منك يعني موقفك محفوظ بعين خواتي

وموب معقوله بسير اماره ثانيه بعرس لازم في بوظبي والفنادق للحين يدور فيها وانا ادور معاه
والله المستعان

سالم عليه القاعه والعشى وبسسس
والباقي
قومن تعاونن ماذلوا .. ليله عمري مهاري تبيني اثجل عليه واقصر على عمري في نفس الوقت ؟؟
والا تبيني من هالبنات اللي يقولن ابا وابا وابا وابا
لا فديتج كل وسالم حرام الريال زوجي الحين ومايقدر يشل كل شي
واهليا مابيقصرون ريم مخبرتني الفرقه والنعاشات على حسابها .. والديجي على حساب خليفه فديته

اللهم باقي التفاصيل مني مناك بتترتب يعني مهرة معقوله جي تفكرين .. كانج تقولين لازم كل شي على راس سالم .. حليله سالم جم راس عنده ؟؟ واحد مابتحمل كل ها ..

من الاخر سالم منصدم من الاسعار وماحسب حسابهم وكان متخيل انها اسعار السعوديه يعني في المعقول .. بس تفجا بعد الحسبه وصل وايد لدرجه قالي بتخلص من سيارتي ياروضه ببيعها وبكمل قلتله مايبيعها لانه لو باعها مابتييبله شي ..
قلتله جهز فلوس القاعه وفلوس العشاء وهاتهن لابويه وسلمهم خلال هالاسبوعين والباقي لاتشل همة ..
قالي تمام يعني 230 الف اللي في جيبي في الوقت الحالي .. واللي قدر خالي يساعدني فيه وولد خالي
مهرة ميتين حلوين للعشاء والقاعه والشبكه والباقي مابين الحرمه وزوجها حساب
مهرة خلنا واقعين لو شلاني لبيته الحين محد يلومه حلاله والزفه كماليات لااكثر يعني موب معقوله بوقف حياتي عشان ليله ماقدر يوفيها حقها ..
التعاون مطلوب عزيزتي .. مطلوووب بين الزوجين موب عيب ولامنقووووود

والسموحه

رد : بوح الخواطر .. رجع لي بعد الغيبه / مستجدات 258 _308_389

نسيت اخبرج اختيه مهره

انا قلتله ييب الفلوس ويسلمهن ابوي لانه ابويه لو خذهن معناته مايبا يثجل على الريال وبيسد الناقص منهن
ولو قاله خلص هالامور من صوبك معناته شل عمرك باللي تقدر عليه

جي والا جي الامور كلها ماشيه الحمدلله ومالنا الا اللي يسرنا في النهايه ..

رد : بوح الخواطر .. رجع لي بعد الغيبه / مستجدات 258 _308_389

الف مبروك
عسى الله يوفقك ياعروس (:

رد : بوح الخواطر .. رجع لي بعد الغيبه / مستجدات 258 _308_389

فدييتج والله
انا كنت نفس تفكير مهره صراحة
بس عقب ما قريت كلامج ,, شوفي اللي اتحسينه صح وسويه
الله يحفظج

يوم تذكرين التفاصيل يا قلبي لا تنسين ترقين عمرج يوميا صباحا ومساءا

الله يتمم لكم على خير ...

رد : بوح الخواطر .. رجع لي بعد الغيبه / مستجدات 258 _308_389

ما شاءالله عليك يا روضة ... ربي يهنيك يسعدك
و يرزقك على قد نيتك واكثر ان شاءالله

..... ..... .....

رد : بوح الخواطر .. رجع لي بعد الغيبه / مستجدات 258 _308_389

ؤوضه عداه العيب والرجال ماقصر وانتم يااهل الامارات فديتكم اسعاركم مبالغ فيها حبتين صراحه
فعلا الﻻجال لاصار مقدم الي عنده ومتسلف بعد وش يسوي
مو هذي ليلته ولازم يفرح بعد
شلون يفرح وفوق راسه هموم الدنيا
اهم شي انه شارك وجاب لك مهر وشبكه وشال همك
اول فكرته بياخذك ببلاش
الحين من كلامك بيض الله وجه ماقصر
ورايك سديد لا انتي الي خليتيه يشل ايده ولا كلفتيه بكل شي
الله يوفقك روضه

رد : بوح الخواطر .. رجع لي بعد الغيبه / مستجدات 258 _308_389

اقتباس:

المشاركة الأصلية كتبت بواسطة مبتعثة متفائلة (المشاركة 2962295)

اول فكرته بياخذك ببلاش

قوية هاي شوية ... :21:
هو ما كانت عنده هاالنية حسب كلام روضة
بس بدايتهم كانت غلط
لكن الحمدلله ما كان يلعب ..

الله يهنيج يا روضة ..

رد : بوح الخواطر .. رجع لي بعد الغيبه / مستجدات 258 _308_389

الف مبرووووك روضه

230 الف واو الأسعار عندكم نار

في السعودية عندنا ارخص

الله يوفقك ويتمم عليك

رد : بوح الخواطر .. رجع لي بعد الغيبه / مستجدات 258 _308_389

اقتباس:

المشاركة الأصلية كتبت بواسطة همة نحو القمه (المشاركة 2962324)

الف مبرووووك روضه

230 الف واو الأسعار عندكم نار

في السعودية عندنا ارخص

الله يوفقك ويتمم عليك

من جي الدوله ماقصرت مسويه قاعات على حسابها اللهم تسجل اسمك وتحدد يوم مايكون محجوز لغيرك وباقي التفاصيل ع حسابك
بس محد من اهليا عرس بهالقاعات ..
مابا اكسر القاعده واعرس فيها بسبه لايرمسون عني باجر ..

ويوفقج عزيزتي انا عيني على قاعه فيرمونت غاليه بالنسبه لسالم بس أحسن مكان ..وتقريبا اتفقنا عليها ..
من جي قلتله 230 هاتهن اللي عندك الباقي بسدهن من ابويه ..

من دي جي لانه الفرقه يغنولك غنيتين ويماطلون بهالحركات . والتصوير غير الكوشه والزهبه حتى المقصار بصورة وبعرضه في الزفه ان شالله فكره اختي هاي .. وسالم ماينكر هالشي ويقول سامحيني ياروضه ماقدرت اوفر اكثر من جي.. مايروم والله ..

رد : بوح الخواطر .. رجع لي بعد الغيبه / مستجدات 258 _308_389

اقتباس:

المشاركة الأصلية كتبت بواسطة Bushra~ (المشاركة 2962297)

شو بقول بس يابشرى .. هههه والله

ويهنيج عزيزتي