|
|
رد: كوفي شوب الصبايا (٣)
زهرة الرمان
قللي الاحتكاك و دائما اذن من طين و الاخري من عجين و لا تنقلي لزوجك وش قالت ببتعبي هيك و لا تخلي علاقتك بزوجك تتأثر بكلام امه دائما لما تتكلم الزمي الصمت كل ما رديتي عليها تعاند أكثر موفقة حبيبتي |
رد: كوفي شوب الصبايا (٣)
الله يعينك يا زهرة ويطول بالك..
|
رد: كوفي شوب الصبايا (3)
بونجور يا سكاكر. jyh fdgrg . . . زهرة .. تعرفين طبعاً إني كنت عايشة مع أهل زوجي. عقب ما ربيت مهرة بكم شهر .. كنت يالسة مع أمي نسولف .. وصارت تقول إن مهرة تشبه واحدة من بناتها. وأنا كنت أشوف إن البنت ما يخصها في عمتها .. وهذي شكل وهذي شكل ثاني. أمي عندها روح المنافسة عالية جداً وعشان تقنعني قامت يابت صورة بنتها وهي صغيرة عشان تفحمني وتأكد لي إني ما أشوف زين.;) أنا أبداً ما جادلتها .. بس اتصلت بزوجي وحكيت له الموقف وأنا أغلي .. ومقهورة ليش أمي مصممة إن بنتي تشبه عمتها مع إنها ما تشبهها؟!!!! <------------ شفتي العبط؟ ;) زوجي عصّب جداً وطلع من طوره .. وقال: حرمة كبيرة شو تبيني أسوي لها يعني؟!!!! :19: الحين لما أتذكر الموقف أحس إني كنت عبيطة لأني سمحت لبركان يشب في نفسي من سالفة مثل هذي .... طيب وإذا كانت بنتي تشبه عمتها؟ .. طيب وإذا كانت ماما فعلاً شايفة إنها تشبهها وأنا مب شايفة جذي؟ .. so what? تعرفين شو الرد الأنسب اللي كان لازم تردين به على أم زوجج؟ (أهم شي تدعين لي يمه بالذرية الصالحة اللي تفرح قلبي وقلوبكم) إجمالاً ما في حد يرضى على أهله .. لا زوج ولا زوجة .. عشان جذي لا تكبرين أي موقف .. ولا تدخلين زوجج إلا إذا كانت مشكلة كبيرة أو ظلم بيّن عليج .. لأنج ما بتحصلين زوج يتفهّم زعلج من المواقف البسيطة اللي مثل هذي. ويا زهرة زوجج رايح يحج .. مب حلوة تكونون زعلانين. خليه يدعي لج بقلب صافي. وخليه يدعي لي في عرفة الله يرضى عليج. ;) |
رد: كوفي شوب الصبايا (٣)
صباح الورد 🌸🌸
احساس جمييل يغمرني سعاده وفرح الحمدلله تذكرت مهره لما قلتي كانك تغازلتي 😶 |
رد: كوفي شوب الصبايا (3)
صباح الخير ع الجميع ا
انا ليه فتره قريبه اتابع بصمت وكنت حابه انزل موضوع بس عرفت انو ما راح اقدر احذفه رغم انو موضوع عادي بس انا كذا ما احب اكتب شي ويكون واضح ف حابه اكتب هنا راح تسمعون ليه ووتفهموني ؟؟؟؟؟؟ |
رد: كوفي شوب الصبايا (3)
اقتباس:
ما تفكرينيش. :D المفروض باقة الورد اللي رحت اشتريتها هذاك اليوم هدية من بنتي لمعلمتها. واللي صار إن مهرة مرضت حبيبتي .. وما راحت المدرسة .. والباقة تمت في البيت .. يعني المغازل طلع عالفاضي. :D بس أهم شي بنتي بخير وتفداها مليون باقة. jyh وإنتي يا إحساس الله يديم عليج نعمته ولا يحزّن قلبج أبد. jyh |
رد: كوفي شوب الصبايا (3)
اقتباس:
اكتبي حبيبتي. هنا .. ومع تعاقب الصفحات .. أي شي ينكتب يروح في عالم النسيان. ;) |
رد: كوفي شوب الصبايا (٣)
صباح الدوام من بعد إجازة اسبوع ونص :"(
|
رد: كوفي شوب الصبايا (٣)
آآآخ مهره قهرتيني على سالفة الشبه .. hgh
|
رد: كوفي شوب الصبايا (٣)
انا تزوجت من ولد عمي اللي يحبني من طفولتي طبعا ماكان يخطر ببالي انو ممكن يفكر يعدد ابدا
في البدايه احب اقولكم ان عمي ساكن بمدينه واهلي بمدينه ثانيه انا مع زوجي في نفس مدينه اهله وعندي طفل عمره اربع سنوات في يوم من الايام بدأت أعاتب زوجي ع بعض التغيرات اللي طرأت فجاءه من هنا ومن هنا وجذب وشد قالي ترا انا خطبت واللي خطب لي أبوي انا طبعا ما صدقت لاني كنت متأكده ان عمي شقيق والدي مستحيل يسويها وطبعا بعد زعل دام شهور تم الصلح بشروطي انا ورفض عمي التدخل في الصلح من باب انا متفشل من اخوي ولا لي وجه أقابله وحضرته مافكر ان بخطبته لولده راح ينهدم بيتي طبعا انا لو ما علم لي زوجي ماكان عرفت الان في مناسبات مثل شبكة اخته وزواج اخته وزواج اخوه وانا سحبت ع الشبكه وافكر اسحب عليها كلها لان بعد اللي سواه عمي حلفت ما عاد اطب بيته ولا اروح للمدينه اللي هم فيها ابدا دام ما اعتبرني مثل بنته وفكر فيني انتم ايش رايكم للعلم اني الى الان أعاني نفسيا |
| الساعة الآن 09:10 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©