|
السلام عليكم ياحلووووووين دعواتى لكم ولي بالرشاااقه ان شاءالله
اقتباس:
انا بدات رجيم تبع الاخصائية الا كنت ماشية عليه في النادي لانو جسمي صعب ينزل على اي رجيم مع خمول الغدة الدرقيه لازم شي تمام ولا ماانزل والرياضه بدات سير سريع بي نصف ساعه لانى من شهور ماطلعت طبعا راحازود بكرة انشاءالله 45 دقيقه وبعد كده ساعه ان شاءالله وكمان بكرة ارجع للدراجة وباقي الادووات بي اذن الله:22: عندي استفسار ايش تمارين الاستطالة :11: كان نفسي ابدا دايت دشتي اتشجعت جداااا من دودي بس للاسف ماراح اقدر اطبقو صعب في الجو العائلي والعزايم مررررة وكمان صعب عليا في الدوام الله يسيرهاااااا عفراء مبررروك وصوللك للهدف بس اشوف 47 مرة قليل بس لو عجبك خلااص:14: ندووش ياكسلانة اتحركي مانبا نوم دوبنا نقول ياهاادي انتي في مكة يعني ياويلك :29: نوررا شطوورة الله يووفقك وحلو لمن تحسي انو نحفتي ويلاحظو الناس شعور غير بيكوون:22: |
بنووتة يااهلا و مرحبا فييك عساك دووم نشيطة معانا يارب
شوفي يابطة .. تمارين الاستطالة كا تمارين .. دوريها بيوتيوب اكتبي تمارين الاستطالة او pilates workout وشوفي نماذج منها .. فايدتها .. اولا تساعد على تليين العضلات فاتعطي الجسم مروونة صديقة لي تتابعها مع مدربة مختصة .. تقول من على مابدتها ارتاحت من وجع ظهرها و مفاصلها وصار عندها ليونة اكثر عشان كدا تشجعت عليها وطبعا الفايدة الاخرى انها تنحف .. قبل ماتبدي اي رياضة شوفي اللي يناسبك و سويه في ناس مثلا تحب اليوغا و تنحف عليها ناس تحب الايروبيكس يعطيهم حماس و نشاط و ينحفهم اكيد و يقوي العضلات بس بالنسبة لي متععب جدا يسبب لي الالام بالخاصرة فما اقدر اكمل نص ساعة على بعضها اتعب بقوة ويجيني هبوط فاللي زيي الاستطالة حلوة .. تليين الجسم و تقوي العضلات و تشد الجسم و تنحف ومش متعبة شوفي انواع الرياضات و شوفي اللي يناسبك و سويه ولو عندك نوادي سباحة .. سجلي لانها افضل ريااضة فعلا ممتعة و تنحف بسرعة .. المهم اخباري يااابنااات .. الحمدلله متقيدة و احاسب على اكلي و شرب الماء و ك شي تمام الحمدلله اليوم فطرت 1 خبز ابيض :) مع شوية جبنه و قشطة (قليل مو كثير ) الساعة 10 الساعة 2 اكلت لقمتين كورنفليكس مع ابني بعدين انشغلت .. و مافضيت اكل الا الساعة 4 ونص اكلت شوربة بروكلي مع طبق سلطة و شبعت ماقدرت اكمل المعكرونة لاني كمان بشرب سواءل والساعة 6 و نص جوعت اكلت خبز يمني :) مع عسل و كوب شااي يممي اكلت ماحسيت بالذنب لاني حسبتها من الصبح ماكملت حتى الف سعرة حرارية فقلت خلاص اهني نفسي .. و طبعا خلاص اخر وجبة كانت .. بكرة باذن الله الصبح بوزن و اخذ مقاساتي و اجي ارزعها لكم بس صراحة مبسوطة الحمدلله لاني حاسة حالي نحفانة كمان مع تعليقات زوجي :) نحفتي نحفتي :) ماني مصدقة حالي عقبال ما اوصل ل60 و بعدها ال 55 بصحة و عافية ياارب العالمين وعقباااااالكم ياارشيقات لما كل وحدة توصل لوزنها المناسب بصحة وو عافية ملتقاانا غدا ياحلوات |
ما شاء الله عفراء الف مبروك وصولك و نزولك عن الهدف و عقبال ما ننزل احنا كمان و انتبهي كل ما طلعتي كيلو او اتنين حاولي تنزليهم و لا تكسلي
الله يوفقك بنات اعذروني قل دخولي الفترة الاخيرة بسبب انشغالاتي و الحمد لله وزنت اليوم و الحمد لله وزني وصل ل 100 اول ما شفت هذا الرقم سجدت و بكيت فرح بالنتيجة لاني قطعت شوط طويل و كان متعب جدا جدا و الحمد لله و الله يسهل لنا ما تبقى من الطريق و ينولنا مبتغانا ماسكة حميتي و مواصلة ان شاء الله امس اليوم كله اكلت من فدركرز برجر باللحم معاه لحد مقدد و جبن شدر و فطر و ما كملته و رجعت البيت في الليل اكلت زبدية فصفص مع كوب شاهي و حسيت انه تعبني شوية و ما اكلت الين الليل باقي البرجر و بس اليوم خرجت امشي مع اختي و ان شاء الله اكمل عالمشي ما ايأس يوه يا بنات لو اوصفلكم شعوري ما اقدر مستحيل تتخيلو الاحساس لما نوصل لهدف و ان كان قريب بيعطينا دفعة للامام اقوى من اول حبيباتي اعتذر اذا ما دخلت اليومين الجاية تعرفو اجازة و الواحد ما يفضى الا نادرا |
نورا وندى 1406 وبنت مكه ودودي دبدوبي الله يبارك فيكم جميعا وعقبالكم يااااااااااااااااارب بنات بقولكم على شئ حصل معايا أنا شعري يتساقط من شهرين بسبب الريجيم فعشان اعوض شعري بغذاء غني بالحديد والزنك وفيتامين ب صار لي ثلاثه ايام معتمده على تناول البروتين الصافي في كل وجبه واليوم يابنات وزنت نفسي ولقيته 46.5 كجم يعني ريجيم البروتين خلاني انزل نصف كيلو في ثلاثه أو اربعه ايام من دون رياضه طبعا فقلت بخبركم عشان لو في وحده تبغى تجرب الريجيم هذا يمكن يفيدها طبعا الحلو في البروتين إنه يشبع تمام وكمان يحتاج لفترة هضم طويله فالواحده مابتحس بالجوع الا بعد ساعات اذا بتسونه فالأفضل يكون في رياضه عشان يعطي نتائج افضل تحياتي للجميع |
السلام عليكم
وصباح الفل و الياسمين و الورد و الكادي و كل الورورد :) دووودي بسطيييييني و فرحتييييييني فوق فرحتي :) بسم الله ماشاء الله تبارك الله ... قرات ردك مرتين عشان استوعب ماشاءالله عليك والله قطعتي شووط .. 18 كيلو مو بالساهل نزلو بس اكيد بيكونو داافع قوي لك تكملي وعقبال يارب يارب ماتوصلي لل90 و بعدها لل 80 لا تستصعبيها .. ماشاء الله عليك عندك ارادة و زي ماوصلتي للمية بتوصلي للتسعين وربي يفرح قلبك بنزول زييادة و بحمل سليم و بسعادة و طمأنينة يارب العالمين عفراااءي .. نفسي اجي اخنقك يابنت .. شفتي كيف النحف الزيادة هرهر لك شعرك .. اهتمي بغذاك اكثر و عملتي خير بشرب الحديد و الفيتامينات ارجعي سوي تحليل دم عشان تتاكدي ايش من معادن و فيتامينات ناقصة و تعوضيها ربي يوفقك و يسعدك حبيبتي و مبرووووك خلاص الامتحانات و عقبال النتايج ياارب و عقبال ماترجعي تسمني مع الحمل :) يارب العالمين .. بناااااات مبسووطة اللهم لك الحمد اللهم لك الحمد اليوم وزنت و طلعت 64.4 و لقيت ورقة بالدرج مكتوب فيها مقاساتي من شهر اكتوبر اللي فات فقلت اسوي مقاساتي حاليا و اشوف الفرق (علما انه باكتوبر برضو كنت نحيفة شوي من بعده جاءت الكارثة :) المهم من محيط البطن نقصانة 5 سم من محيط الارداف نقصانة 3 سم من محيط الصدر ولا شي :) من الرجل نقصانة 4 تقريبا فا انبسسسطت الحمدلله ... يارب كلنا كلنا ننحف بصحة و عافية حافظو على حماااساتكم |
شكرا عفراء و نورا
الحمد لله انا فرحانة و مبسوطة صح محرومة من اكلات تجنن في الاجازة و لكني افكر قبل ما اكل منها هل فيها فايدة او لا و طلعا ما منها اي فايدة لجسمي و اتركها لانه زي ما قال الدكتور دشتي اي شي كاربوهيدرات ما منها فايده الا الطاقة اللي تتحول لسكر في الدم و بالتالي شحوم في الجسم عفراء لو لاحظتي انا اللي اكتبه كل يوم بروتين صافي انا متبعة حمية البروتين كنت متبعتها من شهر شوال و مع البروتين كنت اخذ خضار ورقية و البان و اجبان صح نحفت و لكن وصلت لمرحلة ثبوت وزن و جوع رجعت حذفت اي كاربوهيدرات في الاكل حتى اللي في الخضار و باشوف نتيجة حلوة و طبعا بالمشي و بعدها نص ساعه من اي رياضة اتذكر من اللي كنت اعمله في النادي بنات انا استخدم جهاز كريزي فت مين جربته او شافت احد استمر عليه و في فرق في الجسم انا ما اقصد انه ينحف انا بس ابغاه يشد العضلات و الترهل اللي تعرف ترد عليا بليز امس اكلت صدر دجاج تبلته بخردل و مايونيز و بهارات تيكا ماسالا يمي يمي مرة لزيزة و العشاء كان سمك مقلي في استراحة سمك و حمبري مقلي قشرت طبقة البقسماط و اكلته و في الليل اكلت زبدية صغيرة فصفص لب مصري سوبر ههههه ما قدرت اقاومه لكن ان شاء الله ما ياثر تحياتي |
حبيابي صباح الخير
أنا وزنت الأربعاء و نفقصت بس 300 جرام للأسف لأني الأسبوع الفات لخبطت شوية بس ان شاء الله الأسبوع ده حبتدي الريجيم تاني أنا هدفي أنزل 8 كيلو ان شاء الله وزني لسه ثابت على 70 من آخرة مرة يعني كل الي نزلتو في شهر 3كيلو ونص أدعولي |
اتمنى ان اكون
مبروووك ال 300 جرام .. حتى لو قليل بسص تفرق صدقيني و الحمدلله انه مافي زيادة خذيها بايجابية وبعدين نزول الوزن البطيئ صحي .... النزول السريع . يعقبه رجووع سمنة سريع على مهلنا حبيبتي و يش ورانا ... و3 كيلو و نص بشهر معدل حلو يعني اكثر من نص كيلو بالاسبوع استمري و بعد التخبيص و ياارب تنحفي بصحة و عافية حبيبتي نجي لدودي العسل... الجهاز مو عندي بس استخدمته فترو بسيطة جدا في النادي وعلى كلام المدربة فقط نص ساعة باليوم ممنوع تزودي و في طبعا حركات ممكن تسويها عليه ممكن توقفي و ممكن تجلسي و ممكن تحطي اكواعك عليه (عشان الاذرع ) الهدف منه انه يبعد السيليوليت و يشد الجسم هذا على كلامها بس صراحة ماشفت حد استخدمه كنت اشوف دعاياته على كل نادي و على صالونات التجميل كمان و بعضهم يقولو اذا مانفع بنرجع لكم فلوسكم !! معناه انه يفرق وسالت صاحبة الصالون قالت انها نقصت عليه مقاسين و شد جسمها وشال السيليوليت بس مادري صدق ولا عشان تخليني اشترك المهم جت على ايديها و رجليها :) استمري عليه باليوم نص ساعة و قولي لي فعلا في منه فايدة و لا لا |
دودي قاعدة اقرا اراء الناس الي استخدموها و كلهم اجمعوا انها رااائعة
تنحف و تشيل السيليوليت و تحسن الدورة الدموية بس ماحد ذكرشي عن الترهلات جربيها و حمسيني اشتريها :) |
اقتباس:
تسلمي حبيبتي ولايهمك ان شاء الله بس عضه خفيفه :25: |
| الساعة الآن 12:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©