رد: معاناتي مع زوجتي واهلي تحديدا الوالده
 

قسم بالله تأثرت كثير اخوي مدري حسيت بمعاناتك كلامها جارح بس اظنها مو قاصدته مافهمت لها يعني ليش ماتقولك اسفه وانتهينا ..

ودي ترسلها بس اخاف تخرب اللي سويته تقولها انتي مو غلطانه مو حاسه بغلطك ... ؟؟ واخاف ربي من ايش انا ماغلطت معاك انتي من البدايه مخربتها ...

تجاهلك يحرقها ببطيء بس نفروض ترضخ عاد هي غلطاانه مدري ايش اقول غير الله يكتب لك اللي فيه خير وصلاح ويرزقك الراحه والسعاده الأبديه يارب

رد: معاناتي مع زوجتي واهلي تحديدا الوالده
 

اعتقد التطنيش ماجاب نتيجه ..كل مالها تركب راسها وتعاند

هي مشكلتها بانها غير مقتنعه انها على غلط ..
التطنيش ماراح يفيد طالما ان اساسها غلط

هي حاطة براسها انها مظلومه ومصدقة نفسها انها مظلومة وعايشه دور الضحيه ..


خلاص يكفي تطنيش
ماستفدت منه انت واياها شئ ..
ومقولة البعيد عن العين بعيد عن القلب
كلما زاد الهجر كل مازاد الجفاء ..

خلاص حطوا النقاط على الحروف
فهمها بلغة حازمه جدا وشديده ان خروجك من بيتي خطا واكبر خطا

ترا هي مو مقتنعه ان خروجها من بيتك غلط كبير ولا تشوفه غلط

اللحين جاء دورك تحاور وبحزم وبلغة
اسالها انت ايش تبغين ؟
اذا قالت ابغى الطلاق
قل لها تبغين الطلاق انتظري بس لحد ماتولدين وارسل لك ورقتك (الكلام كتهديد فقط(

رد: معاناتي مع زوجتي واهلي تحديدا الوالده
 

يا اخي لا تعصب ولا على بالك كل اي بتشوفو منها منقهرها لانها ما توقعت الي قاعد بصير وكثر فكرها ان العد التنازلي ان نهاية مشكلتكم اما بطلاق او انها تتنازل عن طلباتها والي اكدلها اكثر انك بعثت المصروف جننتها على الاخر
اصبر اخي وما صبرك الا بالله
وايا تتنازل عن شرطك الا الاهل قلة احترامها الهم سوادة وجه الك
لازم تفهم انها هي مش احسن منهم عشان تتكبر عليهم
لا تنفعل وخليك مع اخونا البليغ والرسمي

رد: معاناتي مع زوجتي واهلي تحديدا الوالده
 

أخوي xmxm

زوجتك غضبت من تصرفك، لأن الحل الذي أتبعته لا يتماشى مع شخصيتها. زوجتك تجي مع الكلمة الحلوة، خصوصا يبدو لي أن عندها شك بأنك لا تحبها وأنك تفضل أهلك عليها…
لا استغرب ردها المنفعل وغير المنضبط والسبب هو ان التواصل بينكم شبة مقطوع وكل واحد فيكم يلعب فيه الشيطان


ياخوي أتمنى أنك تنتبة لنقطتين مهمة، أنت جالس تعرض جانب واحد من زوجتك وأغلب الردود ضدها وبكذا أنت تظلمها وتظلم نفسك… تظلمها لأنك أنت منت كامل ولاعندها فرصة تجي وتكتب هنا عن سلبياتك عشان تكون عندنا نظرة شاملة للوضع… وتظلم نفسك لأنك راح تتلقى ردود سلبية عن زوجتك (اتركها تتربى، منقهرة،…) وبناء عليها تتخذ قرارات تكبر المشكلة
النقطة الثانية يأخي لاحظت أنك في بداية الموضوع كنت ميال للإصلاح وضبط النفس، لكن مع بعد الردود لاحظت مالت ردودك للحدية (آما تحل المشكلة الان او خلاص نقف عند هذا الحد) يأخي حتى لو شفت ردود حكيمة وعقلانية ثق أن الواقع مختلف تماما، ستنقلب تلك الحكمة وتكون كاتبة الرد كزوجتك أو أشد.

الأمر الأخرى أنتم متزوجين لكم سنة ونصف، يعني في بداية الطريقة، ومعروف كثرة المشاكل في السنوات الأولى، كثير من الرجال واجهه أشد من مشكلتك كأن تكرر عليه زوجته وبصريح العبارة رغبتها في الطلاق ومن دون سبب!، لكنه لم يستعجل واختار الطريقة الأنسب لحل المشكلة وحاول كثرا وصبر، وبعدها عاشوا معا أحلى عيشة…
نقطة مهمة تعقيبا على أحدى الأخوات حين قالت أن زوجتك كبيرة غريبة أن يصدر منها مثل هذه التصرفات… عمر الزوجة لا علاقة له بقلة أو كثرة المشاكل لأن هذا الشيء مردة الحقيقي هو نقص الخبرة (عدد سنوات الزواج) والأخ xmxm متزوج حديثا ..

الحمل له تأثير كبير على المرأة (حملته أمه وهنا على وهن)… يبدو لي أنها مرهقة من الحمل لديها اعتقاد أن أهلك تجاوزوا حدود الأدب معها… مجروحة بعمق منك فتكرار كلمة أكرهك دليل على أنها تنتقم من حبها لك… الحل بيدك، راع مشاعرها وكن قريب منها، قلها كلام حلو… ونصيحتي لك: احجز تذاكر سفر، وفاجأها بالسفرة وحلو مشكلتكم وأنتم مسافرين، ألذ شيء في الحياة هو تلاقي المحبين بعد مشكلة :)

انار الله بصيرتك وارشدك لما فيه خير لك ولها


كلمة على السريع ل نوني :
يأختي خافي ربك قولي خير أو أتركي الموضوع
كلامك قد يترتب عليه ضياع أسرة وتشتت طفل

رد: معاناتي مع زوجتي واهلي تحديدا الوالده
 

انا مع مبتعثه علاجك للمشكله طول من غير فايده

طبختها طبخ .. والعد التنازلي الي حاطه وسيله استفزت شعورها وخلاها تفكر مليون فكره وفكره


العد التنازلي تترجمه اما بقرب طلاقها او قرب زواجك

الحل مو تحرق اعصابها ,, بل تواجهها بلي تريده وللمره الاخيره

اهلي خط احمر ولا تثني عليها

رد: معاناتي مع زوجتي واهلي تحديدا الوالده
 

وانا ارى ان تنتظر رأي البليغ وفي كل الاخوة والاخوات خير
ولكن المشكلة لابد تحل من جذورها
تطول المشكلة وتحل في النهاية بحل جذري ولا تطول وتحل في النهاية بحل مؤقت وماتلبث تعود المشكلة من جديد

رد: معاناتي مع زوجتي واهلي تحديدا الوالده
 

الأخت مبتعثه .. كلامك عام ولا ينفع لحل المشكله أبدا .. ماينفع احجز وتسافر ونحل مشكله الا السفره .. راح تصير نكد .. زوجتي تبي تفرض انها هي الصح وانا الغلط .. وان الخرجه من البيت سلاح .. سوى غلط على او لم يغلط .. وكيف إفهمها الف مره أعيد كلامي لها .. عناد ودلال مو في مكانه ..

كنت معاك في كل كلمه من فتره ليست بعيده .. الواحد مايبى يخرب بيته ولا يبى تجي بنته عالدنيا ع ام وأب منفصلين ..

الله يستر من المرات الجايه .. أتوقع في اي خلاف بيني وبينها راح تطلع هي والبنت لبيت اَهلها ويالله روح جيبها عشان ماتقرب بيتك .. هي اذا من نفسها تبي تمسك تبيتها وتدور حل تعيش سعيده. .

اختي مبتعثه .. اقولها كلام حلو !! على اي أساس .. على خربتها من البيت .. ولا على عدم تقديري بالعزاء .. ولا على كلامها السم !!!

بالكلام الحلو .. راح يرضي غرورها ويبين أني على خطاء وأنها هي الصح في موقفها ونقعد بعدين ع هاذا السيستم من الخلافات .. بعدها اسلم لها القوامة وأعطيها الحق في رفض او قبول اي احد من اهلي .. ولا اطلع لك من البيت وأخليك تجيني وتراضيني ..

رد: معاناتي مع زوجتي واهلي تحديدا الوالده
 

الاخوان البليغ والرسمي ..

أين أنتم ي جماعه الخير !!

رد: معاناتي مع زوجتي واهلي تحديدا الوالده
 

شكل نهايه هالسيناريو كذا

رد: معاناتي مع زوجتي واهلي تحديدا الوالده
 

س - هل كنت تسولف مع زوجتك وتسمع لها مثل ما انت جالس تسولف هنا؟